حلى الكاسترد بالبسكويت


         وصفة : منى                 2007/10/07                 55 تعليقات
حلى الكاسترد بالبسكويت

·          يوضع الحليب و البيض و الفانيليا و السكر و الطحين في خفاقة العصير و يمزج الكل حتى الحصول على مزيج متجانس .

·          يوضع مزيج الكاسترد على نار متوسطة و يقلب الكل بمضرب سلك حتى يغلي و يبدأ بالسمك .

·          يبعد الكاسترد عن النار و تضاف الزبدة و يقلب حتى تذوب الزبدة و تمتزج مع الكاسترد  ثم يؤخذ مقدار نصف كوب تقريباً من الكاسترد و يمزج بالشوكولا و يقلب بسرعة حتى تذوب الشوكولا بحرارة الكاسترد .

·          في طبق بايركس تمد طبقة من البسكويت ثم طبقة من الكاسترد بالحليب و تكرر العملية حتى انتهاء كمية الكاسترد بالحليب و البسكويت على أن تكون أخر طبقة بسكويت .

·          تمد طبقة كاسترد الشوكولا فوق أخر طبقة من البسكويت و يوضع الكاسترد في البراد حتى وقت التقديم .

·          عند التقديم يزين وجه الكاسترد بالشوكولا المبشورة و يقدم بارداً جداً .

 

 




4 كوب حليب
2 بيضة
2 – 3 فنجان سكر
فانيليا
4 ملعقة كبيرة طحين
ملعقة كبيرة زبدة
2 – 3 علبة بسكويت سادة ( بوزن 100 غرام للعلبة )
نصف كوب شوكولا مفرومة لقطع صغيرة ( أو أكثر حسب الرغبة )

للتزيين :

شوكولا بيضاء مبشورة





• يوضع الحليب و البيض و الفانيليا و السكر و الطحين في خفاقة العصير و يمزج الكل حتى الحصول على مزيج متجانس .

• يوضع مزيج الكاسترد على نار متوسطة و يقلب الكل بمضرب سلك حتى يغلي و يبدأ بالسمك .

• يبعد الكاسترد عن النار و تضاف الزبدة و يقلب حتى تذوب الزبدة و تمتزج مع الكاسترد ثم يؤخذ مقدار نصف كوب تقريباً من الكاسترد و يمزج بالشوكولا و يقلب بسرعة حتى تذوب الشوكولا بحرارة الكاسترد .

• في طبق بايركس تمد طبقة من البسكويت ثم طبقة من الكاسترد بالحليب و تكرر العملية حتى انتهاء كمية الكاسترد بالحليب و البسكويت على أن تكون أخر طبقة بسكويت .

• تمد طبقة كاسترد الشوكولا فوق أخر طبقة من البسكويت و يوضع الكاسترد في البراد حتى وقت التقديم .

• عند التقديم يزين وجه الكاسترد بالشوكولا المبشورة و يقدم بارداً جداً .



  • وصفات تانية ممكن تعجبك


التعليقات

  1. بتول 7 October 2007

    السلام عليكم كم ملعقة كاسترد وهل أخلطه مع الحليب أم مع الماء الرجاء كتابة مقدار الكاسترد البودرة بصراحة دائما لا ينجح معي :sigh وهل يمكنك تقدير المدة التي سيبقى فيها الكاسترد على النار حتى يسمك وهذه الكمية لكم شخص و شكرا جزيلا

  2. منى 7 October 2007

    هلا فيك بتول :)

    نجي على الأسئلة واحد واحد

    [U]كم ملعقة كاسترد؟ وهل أخلطه مع الحليب أم مع الماء؟[/U]

    أختي بطريقتي ما في و لا معلقة كاسترد لأن رح تحضري الكاسترد بس شغل ايدك و هو أطيب بمية مرة من الكاسترد البودرة و عن تجربة :)

    [U]الرجاء كتابة مقدار الكاسترد البودرة [/U]

    بالنسبة للكاسترد الجاهز كل كوب من الحليب السائل بده ملعقة كبيرة من بودرة الكاسترد , بدوبي الكاسترد بالحليب البارد و بعدها بتحطي الكل على النار و بتحركي لحتى يغلي و بعد ما بيغلي بتخليه دقيقة تقريباً .

    [U] وهل يمكنك تقدير المدة التي سيبقى فيها الكاسترد على النار حتى يسمك [/U]

    من بعد ما بيغلي يا دوب كم دقيقة و بيسمك , يعني أقل من 5 دقائق و بيكون جاهز

    [U]وهذه الكمية لكم شخص[/U]

    تقريباً لخمس أشخاص

    [U] و شكرا جزيلا[/U]

    مية أهلا و سهلا فيك بتول و أي سؤال تاني أنا بالخدمة :)

  3. بتول 7 October 2007

    :roll شكرا جزيلا لك هلق فهمت
    :) لكني أحاول حفظ الصفحة على كمبيوتري و داءما يطلع خطأ في صفحة ويب مع العلم أن كل المنتديات الأخرى أستطيع الحفظ منها بسهولة و أنا أفضل حفظ الصفحة حتى ما أغلط بالمقادير يا ترى فيك تساعديني و تفيديني و لا تواخذيني عبتقل عليك شكرا

  4. منى 8 October 2007

    مية أهلا و سهلا بتول :)

    أختي هي المشكلة عم تصير معي كمان و حاول كتير المهندس الي صمم الموقع حلها بس من دون نتيجة :sigh
    فيك تعملي نسخ للطريقة و لصق على أي ملف وورد

    هلا فيك أختي :)

  5. linda 8 October 2007

    يمييييييييييييييييييييييييييييييييييي
    يعني شو اعمل شق حالي نصين
    و الله انتي يا منى تحفة
    كان بدي اسالك عن الكسترد يلي بينعمل بالبيت و هي الطريقة جاهزة
    الله يسلم هل الادين يارب

  6. منى 8 October 2007

    :grin
    موتيني من الضحك ليندا

    ان شاء الله عوافي يا رب مقدماً
    رح يعجبك أكيد ان شاء الله

    الله يسلمك يا عسل ;)
    و ايقي خبريني شو بيصير معك

  7. بدور 11 October 2007

    والله يا منى فعلا إنك تحفة 8)

    محتارة شو جرب :?

    من وئت ما تعرفت عالموقع صارت هواتي جرب بهالأكلات و وزني في صعود :roll

    بالنسبة لحفظ الصفحة أنا كان يصير عندي كمان خطأ وماتنحفظ لحتى جربت أحفظا بتردد
    (file name.mht) مو
    (file name.html)
    و مشي الحال نشالله تظبط معكون ;)

  8. منى 11 October 2007

    كيف بدور ؟؟

    كيف ممكن تحفظي الصفحة بهل الطريقة ؟

  9. بدور 22 October 2007

    عفوا عالتأخير بالرد بس ظروفي صعبة شوي ما عبئدر أدخل متل أبل 8)

    بالنسبة لحفظ الصفحة بدخل على:
    ملف\حفظ الصفحة باسم\بختار:web archive single file(.mht)

    نشالله تكوني فهمتي علي :zzz
    خبريني شو بصير معك ;)

  10. منى 22 October 2007

    هلا بدور :)

    و الله بعرف ظروفك و الله يكون بالعون ..

    هلأ جربت , بس ما مشي الحال , طلعلي مستطيل كأن عم يحفظ , بس صار النت بطيء كتير و بعدها انعل قلبي و لغيت الفكرة :roll

    يلا مو مشكلة المهم ان فهمت القصة :)

  11. بدور 26 October 2007

    يا ربي والله أنا بتنحفظ معي الصفحة بثواني :sigh

    خلص نشالله بجبلك الطريئة بالتفصيل ونشالله بيمشي الحال ;)

  12. منى 27 October 2007

    ان شاء الله بدور :)
    على كل الصفحات كلها عندي بالوورد , بس انا كان عندي فضول اعرف الطريقة بس ;)

  13. بتول 4 November 2007

    ياي يا بدور شكرا كتتتتتتتتتتتتتتر على طريقة الحفظ لانها زبطت معي وبسرعة مدهشة :grin

  14. أم الهدى 2 May 2008

    حبيبتي منى تسلم إيدك على هل وصفة وباين عليه خفيف مش دسم
    بس عندي سؤالين الأول بنفع أحط بدل الشوكولا كاكاو
    والتاني شو مقدار الفنجان يلي بتقصديه فجان قهوة ولا شاي
    وشكرا كتير إلك
    وياترى حبيبتي بتعرفي طريقة عمل لقمة القاضي يعني العوامات
    وألف شكر إلك

  15. منى 5 May 2008

    هلا ام الهدى :)

    أكيد بينفع أختي , بس رح يصير شوي صعب لان ممكن الكاكاو يتكتل :roll

    لقمة القاضي ما عندي ليها وصفة ممتازة , الوصفات الي مجربتها لحد هلا هنن وصفات عادية , ان شاء الله أول ما تطلع معي الوصفة الي بتستاهل نزلها , رح يكون أول صحن ليك ;)

  16. ام عمر44 23 May 2008

    رووووعة ما شاء الله.. سويتها امس حبيبتي منى وطلعت بتجنننننن.. بتعئد غير شكل.. ولادي ماتوا عليها صحتين وهنا يا عمري عليهم :grin الله يسعدك يا منى.. مشتاءة اجرب شغلات كتير من هالموقع الروعة!!!

  17. منى 24 May 2008

    هنااااااا ام عمر على قلوبهم الحلوة الصغونة , الله يخليك يا رب ام عمر و ما انحرم من هل الطلة الحلوة و الكلمات الحلوة ;) و ان شاء الله بيبيض وجهي ادامك بغير تجارب

  18. أم الهدى 25 May 2008

    حبيبتي منى أول الشي ألف شكر والله يعطيك العافية على ردودك واجاباتك انا دايما معذبتك معي بأسئلتي الله يعطيك ألف عافية
    حبيبتي المرة الماضية جربت الكاسترد كطعم طلع كتير طيب بس صار معي شغلة انو لما جيت أسكبه طلع مريق وبالتالي ما مسك صار سائل (فصفيت الكاسترد من الطبق ،طبعا البسكوت تشرب نص الكمية تقريبا فأضفت عليه جيلي ومشي الحال ولما داق جوزي الطبق قال طعمة الجيلي كتير طيبة شو عاملة له قلتلو هي طعمة الكاسترد يلي ما ظبط فقال أصبح كل مرة اعملي كاسترد وما تظبطيه وحطي جيلي مشان يطله طيب هيك ههههههههههههه لانو هو كتير بحب الجيلي) فيا ترى السبب انو كان لازم أتركه على النار أكتر مع انو بتذكر تركته 10 دقايق ، أو لازم أزود شوي الطحين ، ودرجة السماكة كيف لازم تكون يعني مثلا متل القشطة ولا أقل أو أكتر، يي شقدني سقيلة وجعتلك راسك
    مشكورة كمان مرة تانية

  19. منى 25 May 2008

    هلا ام الهدى :) الله يسامحك على هل الحكي , حبيبتي انا تحت أمرك و انت و اسئلتك على راسي ;)

    الكاسترد طلع مريق لسبب واحد على ما أظن , و هو ان معالق الطحين ما كانت معرمة على الاخر , لهيك طلعت معك مريقة ..

    بتعرفي فكرتك كتير حلوة , المهم انك ما رميتي الكاسترد و سويتي فيه شغلة عجبت عيلتك ;)

    سمماكة الكاسترد رح تطلع كانها بيشاميل أو أخف شوي و بعد ما يبرد رح يسمك أكتر

  20. أم الهدى 26 May 2008

    حبيبتي الله يجزيك الخير اليوم رجعت جربت الوصفة وزودت الطحين متل ما قلتيلي وفعلا طلع رووووووووووووعة :) طعم كتير لذيذ أطيب من الكاسترد البودرة بمليون مرة تسلم ايديك صار جربت كذا وصفة من وصفاتك وطلعو طيبين كتير
    الله يعطيك العافية

  21. منى 27 May 2008

    هناااااا و عافية ام الهدى :) , كتير انبسطت انك جربتيها مرة تانية و ظبطت معاك , كلك زووء و هنا على كل شي جربتيه و عجبك ;)

  22. muna.g.7 26 August 2008

    تسلم يدك على هذه الوصفة المنعشة
    انا عندي وصفات من تحضيري
    كيف استطيع وضعها في الموقع
    ياريت تجاوبيني بأسرع وقت

  23. منى 26 August 2008

    هلاا منونة :) فيك تبعتيها باي رد و انا رح اضيفها باسم اذا الله راد ;) و يا ريت لو من الوصفات السعودية الحلوة أكون ليك شاركرة :)

  24. سارونات 30 August 2008

    السلام عليكم و رحمة الله و بركاته
    سمعانه كتير بالكاسترد البودرة بس ما بعمري دايقتو و بما انك ساويتيه بالبيت فصار لازم جربو و مبين طعمتو حلوة و راح جربو باقرب فرصةبس قليل ما منغطيه بالبراد يعني منخليه متل ما هو و كمان قديش بيضاين بالبراد
    الله يوفقك يا اختي منى و ينولك كل اللي ببالك عن جد كل يوم عم اتعلم منك شي جديد و ما بيتقدر بتمن مهما دعيتلك ما بقدر وفيكي حقك
    و ان شاء الله يتلاقي الاجر بالاخرة
    سلام

  25. منى 30 August 2008

    هلا إذا عيلتك صغيرة فلازم تغطيه بنايلون و هو بيبقى بالبراد يوميين أو تلاتة تقريباً

    مية هلا اختي نورتي :)

  26. سارونات 1 September 2008

    السلام عليكم و رحمة الله و بركاته ان شاء الله راح جربو قريبا جدا بدي اسالك البسكويت بينحط متل ما هو يعطي ما منطحنو
    بالتوفيق
    سلام

  27. منى 1 September 2008

    لا أختي ما بده طحن , متل ما هو ;)

  28. سارونات 1 September 2008

    السلام عليكم و رحمة الله و بركاته
    تسلميلي اختي منى و ستتم التجربة قريبا ان شاء الله و راح خبرك بالنتيجة
    بالتوفيق
    سلام

  29. منى 1 September 2008

    عم استناك ;)

  30. سارونات 11 September 2008

    السلام عليكم و رحمة الله و بركاته
    اشتريت بسكويت بس ما لقيت البسكويت العادي اللي هو رفيع اشتريت واحد شوي سميك فهل بينفع حتى لو كان سميك او بنطر تاشتري بسكويت رقيق
    بالتوفيق
    سلام

  31. منى 11 September 2008

    ما بتفرق شو ما كان البسكويت يكون , المهم يكون سادة و انت بتبقي بتتحكمي بالكمية الي رح تستعمليها في الطبق ;)

  32. سارونات 11 September 2008

    السلام عليكم و رحمة الله و بركاته
    كتير حلو لكان راح جربا و ببقى خبرك بالنتيجة و ناطرة وصفة مهلبية الشوكولا بفارغ الصبر
    بالتوفيق
    سلام

  33. سارونات 25 September 2008

    السلام عليكم و رحمة الله و بركاته
    بعد النجاح الساحق لمهلبية الشوكولا امبارحه جربت الكاسترد و النتيجة :eek روعة و اللون ما ساويت ابيض مع شوكولا و انما لان ما خليتها تطول على النار بالاول فما جمدت و بالتالي خلطت الابيض مع شوية من كاسترد الشوكولا فصار لون بني فاتح كتير حلو فساويت في كؤوس منخفضة و عريضة طبقة بسكويت و طبقة كاسترد و هيك و اخر طبقة خليتها كاسترد و بعدين حطيتلها بالنص كاسترد الشوكولا و شوية فول سوداني مقطع خشن و طلعت الالوان بتجنن و الطعمة كتير طيبة و ان شاء الله بالمرة الجاية بساويه متل ما قلتي و بعتقد الطعمة راح تختلف و تطلع كتير طيبة كمان
    ما بعرف شو قول تحتى اشكرك على مساعدتك مافيني غير ادعيلك دعوة الخير اللي ان شاء الله تسهل دربك و الله يجازيك الجنة ان شاء الله

  34. منى 25 September 2008

    مممم , فكرة حلوة الي قلتي عليها , هنا يا ستي و مية عافية عليكم , ألف شكر ليك على الدعوات الغالية , أغلى هدية و الله أختي , و ان شاء الله الك متل هل الدعوات و أحلى ;)

  35. sahreeg 9 February 2010

    اهلين بالجميع اناكنت بعمل هالوصفة من قبل بتغيير بسيط لو تجربوه بحط نشا بدل الطحين وظرف كريم كرامل بدل البيض وبيطلع طيب وبيصير مثل القالب بس جربت وصفتك ولقيت فكرة البيض حلوة بس الطحين لا رجعت عملتها نفس وصفتك بس بالنشا وطلعت تمام يسلمو ايديك عبنعذبك معنا

  36. منى 9 February 2010

    فيكي تعمليها كمان بالنشا , و المهم انك تعدلي الوصفة لحتى تكون على زووءك ;)

    هنا و الف عافية اختي على كل لقمة

  37. 7ayah 27 November 2010

    كتير حبيتو هالحلو :zzz
    بس بدي اسأل سؤال
    أنا بدي استخدم بسكوت دايجستف
    و هو يمكن أسمك و أتقل من البسكوت السادة
    فـــفي داعي إني غمسو بشوية حليب قبل ما مدّو :?
    ولا بيمشي حالو و بيفنّش بدون تغميس بالحليب :?

    7ayah Dayyen

  38. منى 27 November 2010

    هلا اتوقع لازمه تغميس لحتى ما يطلع ناشف كتير :zzz

  39. 7ayah 6 December 2010

    عملت هالحلو و غمست البسكوتات بالحليب
    عملت منو صحنين
    واحد لرفقاتي و واحد لزوجي
    و كلن انبسطوا عليه و حبوه
    و خاصة إنو خفيف عالمعدة و مو كتير تقيل
    لأنو ما فيه لا كريمة و لا جبنة متل بعض أنواع التيراميسو
    شكراً كتير :)

    7ayah Dayyen

  40. منى 6 December 2010

    صحتين و الف الف هنا , انا هادا النوع الوحيد الي باكله من الكسترد , بحسه بينعنش
    الحمد لله انه زبط معك , صحتين و هنا يا حلو

  41. 7ayah 9 December 2010

    :zzz

  42. حمودي 19 January 2011

    ياااااااااااااسلام والله احسن من الكاسترد العلب بالف درجه
    وكمان الزبده والكاكاو عطاه طعم غير شكل
    ………………
    بس بدي اسئلك ليش عم يصير فيه كتل صغيره ؟
    هيا ما ارثرت ع الطعم بنوب
    ……………..
    مع خاااااااااالص تحياتي
    AHMED

  43. محبةالمصطفى ملك 22 February 2011

    تسلم إيديكي على هالكاسترد الرائع..
    فعلا منظره بشهي..مع أني بعمري ما دقته و أنا بعرف إن الجاهز ما طيب لذلك ما تورطت و لا مرة فيه..
    على كل حال أنا رح أجربه بكرا بس نصف الكمية ..
    بس ممكن أعرف شو يعني خفاقة العصير؟يعني الخلاط؟؟
    و سؤال تاني هلأ أنا ما عندي صحن بايركس ..برأيك بشو أسكبه؟
    مثلا اذا رح أسكبه على صحون صغار فكيف بدي أحط البسكويت؟
    بانتظار ردك يا حلو :)

  44. منى 23 February 2011

    هلا اخي احمد
    صحة و الف عافية يا رب , و الكتل الصغيرة ممكن تطلع اذا ما قلبت منيح و بسرعة و حلها انك تضرب المزيج بالخلاط العامودي بيصير سلس و ناعم

  45. منى 23 February 2011

    هلا ملك :)
    ان شاء الله تجربيه و يعجبك و الخلاط هو نفسه خفاقة العصير او مضرب العصير و بتطبيق البسكويت متل الوصفة تمام بس بتزوعيها على صحون صغيرة ;)

  46. محبةالمصطفى ملك 5 March 2011

    طيب رح أجربه بكرا :x

  47. منى 6 March 2011

    ان شاء الله

  48. محبةالمصطفى ملك 8 March 2011

    منووشة..أول شي بدي أسألك الزبدة أساسية بالوصفة؟؟
    لأني نسيت أحطها آخر شي :roll
    و تاني شي يسلمو كتير عالوصفة لأنها سهلة كتير و طيبة و تغيير شكل :zzz
    بس لسه ما عرفت رأي أبو الشباب لأنه بالشغل..
    و آخر شغلة..آه تذكرت قبل الأخيرة بالصورة الكاسترد أبيض أما أنا طلع مائل للصفار يا ترى ليش؟
    و آخر شي شو الشوكولاتة اللي بتستعمليها؟؟؟؟؟
    و يسلموووووووو كتيييير و آسفة على كتر الأسئلة

  49. محبةالمصطفى ملك 9 March 2011

    وينك منوشة؟
    عأساس اذا ضيعناك منشوفك هون :?

  50. Lost spoon 15 April 2011

    Mona khanum, another great recipe. My mom used to make it when we were young, and it would go in less than half hour :) the only difference was that she would put sliced bananas above the cookies and under the chocolate part….ya lateef shu kant tayebe.

  51. mimona 13 June 2011

    يسلمو ايديك عالوصفات الحلوة والله شي بشهي بس حلبه اسالك هبق الكب الي بقيس فيه الحليب نفسه اقيس فيه السكر ملا كيف؟؟؟؟؟ ومعلش ما احط فانيليا لانو هلق ما عندي؟؟؟ وشكرا

  52. amoula 23 February 2012

    هالوصفة عن جد بتجنن :eek , لسا هلأ خلصتها وحطيتها بالبراد ومجربتها من قبل طبعاً والنتائج كانت روعة , بس بزعل عليها :sigh حاسستها مو آخدة حقها بالموقع :roll :roll لازم نضل نعمل الها تحديث عالفايس لينتبهو عليها الصبايا لانو بتعجببب الصغير والكبير والمقندق بالسريررر :grin وسهلة ومميزة كتيييييييير , هلا عم عد الدقايق لتبرد وبلش فيها :grin :grin الله يسلم ايديكي ياارب ;)

  53. نعوم 11 May 2014

    آخر مشاركة كانت من شي سنتين…
    بنوتي اليوم مشتهية على شي حلو تعملو معي وطلعنا بهالوصفة الحلوة والسهلة …
    الصراحة كنت راح أعملها بالكاسترد الجاهز لأنو أجاني مرة وماعرفت أعملو ولاحبيتو … طلعت عاطيتو لحدا تاني وأجتني هالوصفة من السما … سهلة كتير والكاسترد طلع بجنن .. الصراحة اعتمدتو … وأحلى شي بنتي اتعرفت عليك ست منى .. واتعرفت عالموقع .. وصارت تسأل عنك وعن ولادك الله يحميهم ويحفظهم … وقالتلي نيالهم ولادها امهم صبح وضهر ومسا بتطبخلهم أكلات طيبة ماشاء الله لا قوة إلا بالله … قلتلها خليها على الله وادعيلهم الله يفرجها عليهم عن قريب …

    منمون خانم يسلمو كتير على كل وصفة حاطيتيها .. مهما كانت صغيرة … ومهما كانت قديمة … بس ممكن تحدثي الصورة لحتى انشرها على بنترست.

    • منى 12 May 2014

      اهليييين و الله بعد

    • منى 12 May 2014

      اهليييين و الله بعد زمان :)
      كتير انبسطت برجعت , و معك القطة بنتك كمان , مية هلا فيها و فيك

      عوافي و الف هنا ع قلبك و قلبها , ابوس روحها , الله يفرج ع الجميع

      و الله عماشتغل بالموقع كل يوم ما عبوقف , بس شغل ما عبيخلص , الصور و المقدمات , و شي رايح و شي ضاايع , المهم الوصفات بقيوا ع حالهن , و الباقي بيرجع ع مهلو ان شا الله

      منورة , مبسوطة فيك كتير

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)