الشاي الصيني


         وصفة : لارا مينا                 2011/02/04                 16 تعليقات
الشاي الصيني

                                                                                                     . يغلى الماء ثم يوضع عليه الشاي ليغلي معه غلوه واحدة فقط وتطفأ النار ويترك قليلا ثم يشرب , أو يوضع الشاي في الكوب ويصب عليه الماء المغلي ويترك لدقائق ثم يقدم , وهذه الطريقة الأشهر .    

1كوب ماء 1 ملعقة صغيرة ورق شاي أخضر صيني
. يغلى الماء ثم يوضع عليه الشاي ليغلي معه غلوه واحدة فقط وتطفأ النار ويترك قليلا ثم يشرب , أو يوضع الشاي في الكوب ويصب عليه الماء المغلي ويترك لدقائق ثم يقدم , وهذه الطريقة الأشهر .
  • وصفات تانية ممكن تعجبك


التعليقات

  1. غيث 5 February 2011

    السلام عليكم كيفك لارا بعد زمان القمر ما بان اكيد امتحانات وووو الله يوفقك يا رب وشكرا لك على هالفائدة الحلوة بدي اسالك لو سمحت هل يوجد ماركة معينة لشاي اخضر ويكون ممتاز هنا بالسعودية معلش مش دعاية ولكن للفائدة اذا عندك اسم معين بس يكون متوفر بالسوق ارجو افادتنا وجزاك الله عنا كل خير :)

  2. منى 5 February 2011

    يا سلام عليك لاروش على هل الوصفة :)
    انا صار الي حوالي الشهريين مدخلة الشاي الصيني على نظامي الغذائي و كتير كتير مبسوطة منه
    هلا صح الطعم مو كتير لذيذ بس اتعودت عليه

    ملاحظة صغيرة , ان لازم نتعود نشربه من دون سكر لحتى تكون الفوائج مية بالمية

    لاروش يا ترى عندك معلومات عن الشاي الابيض ؟

  3. أم المنذر 5 February 2011

    الله يعطيكي العافية اختنا لارا هو صحيح مفيد بس بدنا فترة اكيد لنتعود عليه لانو طعمو مش هالئد وانا بضم صوتي لصوت اختنا غيث اذا في اسم ماركة هون بالسعودية الحئينا فيا ولك كل الشكر سلامي لاختنا منى اشتئنالك ان شاالله تكوني بالف خير :roll

  4. larooo 5 February 2011

    الله يعطيكي العافية لارا ..بس بدي اسأل
    هلأ الشاي الاخضر الصيني غير الشاي الاخضر العادي يعني ؟

  5. منال 6 February 2011

    السلام عليكم كيفك يامدام منى كيفك اشتقنالك واشتقناللموقع اختي الشاي الابيض هونفسه الشاي الاخضر بس بياخدوا بس البرعم منه وبيكون عليه اوبار ناعمة بيضاء فسموه الشاي الابيض مفيد للكسترول ونضارة البشرة

  6. منى 7 February 2011

    يسلموا منال على المعلومة , صار سمعت عنه اكتر من مرة و كنت مستغربة بالاول , اسه سبحان الله الي ما في اول لخلقه و لا اخر :zzz

  7. لارا مينا 7 February 2011

    بداية أحب أسلم على الأخت منى ولجميع الأعضاء الكرام والحمد لله خلصت امتحانات من كم يوم وصار على القليل فيه شوية وقت ليعمل الواحد كم شغلة بيحبها ….

    الأخت غيث بالنسبة للشاي الأخضر أتوقع النوع ألي ذكره الأستاذ جابر متوفر بالرياض , والصراحة اغلبها يحذر منها خصوصا إلي بتنباع بالسوبر ماركت , والشاي إلي اشتريته من العطار ينباع بالوزن حسب الطلب مش في علب والكيلو بـ 120 ريال وحسيته كويس وباقي الأنواع تركتها , لأن صار قليل من الناس إلي يكون صادق في مبيعاته :zzz

    الأخت منى كيفك وكيف الأولاد؟ , ومنتظرين كتابك بأقرب وقت بإذن الله

    الشاي الأبيض حسب معلوماتي إنه من نفس نبتة الشاي الأخضر والأسود ومثل ماقالت الأخت منال هو البرعم أو الزهرة الصغيرة مثل البابونج وهو أفضل من الشاي الأخضر بكثير , وتقريبا مستحيل ينوجد عندنا لأنه غالي ونادر والله أعلم
    تحياتي الكبيرة لكي.

    وعندي سؤال خاص رح أرسله على إيميلك الليلة بإذن الله :zzz :zzz

    أهلين بالأخت أم المنذر مزبوط هو طعمه مر, بس شوي شوي بيمشي الحال …أنا أخواتي تقبلوه ومن زمان متعودين عليه الصغار والكبار , أما أنا حقيقة ماأشربه لأن ممنوعة أساسا من شرب الشاي بأنواعه لظروف صحيةوسلامتك . :zzz

    أهلين أخت لارا .. أتوقع فيه اختلاف بين الشاي الأخضر الصيني والشاي الأخضرالمغربي,لأن بس هاالنوعين المعروفين. تحياتي :zzz

    مرحبابالأخت منال , ألف شكر للمعلومات والإضافة ألف تحية :zzz

  8. نهله 7 February 2011

    السلام عليكم ورحمة الله وبركاته .. لى شهرين شفت الموقع .. والصراحة جننى من جماله .. والغريبه كل ما ادخل الموقع اكون صايمه ههههه.. حبيت احي الاخت منى الله يسلم يداتك ويحفظ لك اسرتك .. وكل الاخوات القائمات بالموقع .. بحب سوريا واهل سوريا واكل سوريا .. والشام عموما ..

    طلب حبيبتى مدام منى .. ممكن اعرف وصفة ( جوانح دجاج بيتزا هت ؟؟؟) [B]null[/B] :grin

  9. منى 7 February 2011

    هلا لاروش :)
    الحمد لله عقبال التخرج و الشهدة الكبيرة و الفرحة الكبيرة

    الحمد لله الكل منيحين , بس انا صار الي كم يوم عمموت و عيش من الكريب و الحرارة و البرودة :cry , يلا كم يوم و بيمروا ان شاء الله

    لا خلينا معناها على الشاي الاخضر ما دامه مفيد و متوفر بصورة طبيعية

    ان شاء الله ربي يسر الامور و اخلص قريب :zzz

    رح استنى سؤالك و رسالتك

    هلا نهلة :)
    شرفتي مية هلا فيك , ربي يديم عليك خيراته و نعمه و يقربك منه كمان و كمان

    صراحة ما بحب الجوانح كتير لهيك ما جربت حضرهم و لا مرة :roll
    معلش خيرها بغيرها و ان شاء الله المرة التانية بساعدك

  10. farah 7 February 2011

    سلامة ألبك يا منمون انشاء الله أجر وعافية
    ونصيحة عليك بالزنجبيل والعسل يعني كل يوم دفي شوية حليب وضيفيله ملعقة عسل ورشة زنجيل أو ربع ملعقة صغيرة مجفف وحركيه واشربيه مرتين او ثلاثة باليوم بأذن الله فيهم الشفا
    وتحياتي للأخت لارامينا على وصفة الشاي أكيد فوائده كبيرة بيكفي انه مضاد أكسدة وبينقي الجسم من السموم

  11. منى 8 February 2011

    الله يعافي البك فروحة , هلا الزنجبيل عم اشربه بس و الله من دون عسل رح اشربه اليوم ان شاء الله :roll

  12. حلا البسآط 8 February 2011

    شكرا

  13. bobo84 9 February 2011

    السلام عليكم عللى قلبك العافية ست منى انشالله صرت أحسن :roll أنا متلكن ماكتير حبيت طعمة الشاي الأخضر بس مشان فوئده حاولت أتعود عليه وصرت إنقع قطعة زنجبيل فريش صغيرة شي نص ساعة بكاسة مي وبعدين سخنها وضفلا ظرف الشاي الأخضر وهيك بغلب نكهة الزنجبيل اللي كتيييير بحبها على طعم الشاي وبكون استفدت من الاتنين سوا جربوها وانشالله حتدعولي سلام 8)

  14. لارا مينا 11 February 2011

    أهلين اخت نهلة :)
    مدام لك شهرين بس بالموقع رح تصيري مؤبد مثلنا بإذن الله تحياتنا لك.

    مرحبا أخت فرح
    وصفتك ممتازة جدا للبرد ومع العسل والزنجبيل مية مية 8)
    تحياتي .

    أهلا وسهلا بالأخت حلا ألف شكر لمرورك وإن شاء الله بتجربيها وتكون مثل ماتحبي :zzz

    مرحبا اخت بوبو
    فكرتك حلوة للي مايحب طعم المرارة وأكيد رح ندعيلك حتى من دون مانجرب الوصفة
    ألف شكر :)

  15. شيرين عبدالله 13 March 2012

    مرحبا لارا أنا أول مرة بفوت على هالمنتدى وبيسعدني انه اول شغلة قريتها بهالمنتدى هي معلومة طبية مفيدة وعلى فكرة , انا من المداومين على شرب الشاي الأخصر بعد الوجبات :grin وعودت ماما كمان على هالشغلة وانا هلأ تجوزت 8)
    وهي ماعم تلاقي مين يونسها بقعدة شرب الشاي المميزة

  16. شيرين عبدالله 14 March 2012

    الله يسلم ايديكي انا انبسطت انه اول شغلة قريتها بالمنتدى بعد مانتسبت لإله هو هالموضوع المفيد
    :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)