الضيف الشيف : على سفرة dado


         وصفة : منى                 2010/04/01                 39 تعليقات
الضيف الشيف : على سفرة dado
نبداها بشرايح الخبز بالبندورة و التوم

سلطة الخس و الجوز




تارت الرز , بيشهي






من المغرب وصفة مميزة جداً : الكسكسي المغربي






بعدها وصفة جديدة و طيبة : دجاج بالفطر





و الي حابب وصفة سهلة و طيبة في الريزيتو



و بالاخير عندنا البغرير , مممم





سلم هل الديات دلوش و ان شاء الله دوما بيتك عامر و الله يخليلك ابو الشباب و يديمكم لبعض
  • وصفات تانية ممكن تعجبك


التعليقات

  1. wedadswed 1 April 2010

    الله الله عالاكل المغربي أنا بحب الحريرة من اكلهن والله يسلم ديلت اللي طبخ وصحة للي اكل المهم عندي بنتي نور الله يحفظها بالصف التامن بتموت على كل شي اسمو المغرب واحيانا بنمزح معها انا وابوها ومنقلها رح نجوزك عالمغرب بس ما حدا بيعرف وين النصيب بس يا منى ما رديتي علي بالنسبة للقبيوات وشكري الجزيل للجميع

  2. لارا مينا 2 April 2010

    ألف ألف ألف شكر للوصفات ولو كنا في مسابقة كان أخذتي المركز الأول من دون مايكون فيه تصويت .
    فعلا إنتي كريمة جدا وخليكي على طول هيك ولا تحرمينا من وصفات مميزة بهالشكل.
    والصور رائعة جدا وحمستيني للكتابة مع إني من
    فترة ماكتبت بس عيب علي وعار لو ماكتبت :grin
    أكيد تعبك ومجهودك تشكري عليه ومنه سهل ابدا .

    صباح الخير أخت منى جمعة مباركة كيفك وكيف الأولاد … لاتفكري إني نسيت الطقة بنسى دروسي بس مابنساها.. ويلي مأخرني كاميرتي فارقت الحياة من فترة ووصيت على كاميرا جديدة رح توصل خلال هاليومين بإذن الله مابقى إلا القليل وبيكون كل شيء جاهز .
    سلامي وتحياتي إلك .

  3. منى 2 April 2010

    هلا اخت وداد :)

    تكرم عيونك على الوصفة , جاهزة عندي بس من دون خطوات تفصيلية :roll

  4. منى 2 April 2010

    هلا لارا :) صباحك مبارك ومعطر بالصلاةعلى النبي
    بعرف انك مو نسيانة , انا معك مطمنة و يا ريت تتعلمي من دااالو , هيك الطقات او بلا :grin

    عم امزح معك ;)
    خليلي عينك لارا و الله يحفظ الود دوما و الخير

  5. بشرى 2 April 2010

    ما شاء الله لا قوة إلا بالله ..

    فعلاً بتستحقي 11 من 10 , شو هالمينو الحلو والمنوع والغريب .. أول مرة بسمع بكل هالكلات ما عدا الكسكسي ..

    يسلم ايديكي وفعلاً شي ظريف كتير والكرم واضح , بالتوفيق إلك والله يعطيكي العافية إنتي وأم زوجك .. :)

    رح جرب على غدا بكرا الدجاج بالفطر لانو مكوناتو متوفرة عندي , وقريباً رح جرب تارت الرز والكسكسي .. يسلمو مرة تانية , والشكر لمنونة كمان من غيرها ما كنا تعرفنا على هالناس الطيبة .. :)

  6. لارا مينا 2 April 2010

    مادامك نطقتيها شكلي رح أعمل طقة بس سعودية بحتة وأتوقع إنها مارح تكون مفهومة أبدا ورح تقولوا يامحلى المغربي :grin
    ومنك مابزعل أبدا ولو شو ماكتبتي وقلتي تحياتي .

  7. ام نور 2 April 2010

    سلم هالديات اخت دادو سفرة بتشهي ومميزة الله يبارك فيكي
    انا من عشاق المطبخ المغربي والتراث المغربي

  8. marim 2 April 2010

    يالله حلوة هالاطباق تسلم دياتكن بس زعلت لاني وصلت اخر وحدة
    :x

  9. منى 2 April 2010

    مريمة ما وصلتي اخر واحدة , بالعكس لسا الموضوع تااازة”

    لارا يلا رح استنى الطيب منك يا طيب يا حلو انت يا قمر :zzz

  10. ميساء 2 April 2010

    :cry يا الله وصلت متأخرة بس والله ما صار لي وقت أفتح النت خصوصي يوم الجمعة بكون هيك :upset من العجقة وعلى طلبات و تفقيس وهلق خلينا بهالسفرة الملوكية فعلا شي بيشهي والأخت دالو دائما أطباقها مميزة بالنسبة الي وكتير ذوقها بالطبخ بيتناسب معي لأني من الناس اللي بتفضل الأكل النباتي والصحي يسلمو دياتك مو عرفانة من وين بدي ابدأ بالتطبيق كلو بيجنن :zzz
    شكرا ميمو الحلوة الله يديمك النا أخت حنونة و غالية

  11. mayada 2 April 2010

    كيفك ياعزيزتي الكريمة يعطيكي العافية اذا تكرمتي علي بدي طريقة الراحة الحلبية يعني بلعربي الفصيح الراحة الحجيجيةبلفسنق الحلبي طبعا مابدها اثنين يحكو فيها يعطيكي مليون عافية سسسسلام ميادة باي

  12. بشرى 2 April 2010

    يا ريت يا لارا لو تعمليلنا طقة سعودية , حابة كتير اتعلم كم طبخة بس مافي حدا قريب إسألو , بانتظارك ;)

  13. منى 3 April 2010

    ميوسة لسا القعدة باولها , يا دوب راح عليك اول فنجان قهوة , هي رح اغليليك واحد تاني و منتني على الصبايا كمان :zzz

    ميادة صعبة هي , من وين لوين انا بدي اعرف تحضيرها :roll

    بشورة اضم سوتي لسوتك , ان شاء الله تسمعنا لارا :grin

  14. Mays 4 April 2010

    صباح الخير على هالجمعة الحلوة و إن شاء الله دايما ع الخير.

    يسلم إيديكي يا داللو ع هاسفرة ، مبين إنو نفسك كتير طيب بالأكل و الوصفات فعلا كتير مميزة.
    أنا راح إعمل متل منى و أهجم ع السلطة لإنو باينتها غير شكل. :roll

  15. سمسمة 4 April 2010

    ياعيني عالأكل المغربي بياخد العقل جربت كتير أطباق مغربية وكلهاطيبة ;)
    يسلموا ايديكي كل طبق أحلى من التاني

  16. لولا 4 April 2010

    واو شو هالاكلات الروعة
    نحن عنا هون بجدة مافي مول إلا وفيو المطبخ المغربي
    بس الأشهر عنا هوووون الشاي المغربي ياسلام على نكهتو بيعملو ذواقة غير شكل إذا فيكي أختي تشرحيلنا طريقة إعداده انا سمعت بنقعو وبحطو نعناع والله مابعرف إذا فيكي تفيدينا
    وسلام للجميع :p

  17. لولا 4 April 2010

    صحيح نسيت خبركن انو انا ولادنة بالسعودية وامي كمان ولادنة هووون وبعرف شوية اكلات سعودية بقا تعي نتشارك لارا ونعمل الطقة السعودية
    انا بعرف اعمل اكلة السليق وبينعمل بالعازيم
    المنتو والفرموزة وهدول متل مقبلات والملوخية الخضرا بتنعمل بأول السنة الهجرية على أساس تكون الايام السنة كلها خضرا وخير على الكل
    وفيه الحلو اكلة اسمها اللدو و اللبنيةهدول بيتاكلو جنب القهوة والشاي وعنا هون المعمول والغريبة بس موعدهم بعيد الاضحى مو متلنا بسورية بعيد الفطر بنعملهن
    وطبعا الخبز المشهور هووون التميس وبينباع مع الفول المهروس بالسمنة وريحتو بتشق الراس وبياكلوه بالفطور او العشا وبرمضان بكون اساسي على السفرة مع السمبوسك المحشي باللحمة والشبت والبصل والبهارات الطيبة وماراح ننسى الكبدة هوون بياكلوها على الفطور بتنعمل على الصاج وفي اكلة المعصوب وهي اقراص من الحنطة ويضاف على الاقراص الموز او العسل القشطة او السمنة
    والعصيدة اكلة كمان على الفطور مصنوعة من التمر ودقيق البر والسمن
    شراب السحلب متل اللي عنا بس هوون بيضيفوله زنجبيل بيعطيه حدادية طيبة
    ماعدا انواع الكبسات الكابلي والبرياني والمندي
    وكل وحدة إلها طريقة
    انا طولت عليكن بس حبيت اعطي الكل عن العادات هوون وخاصة بمكة وجدة

  18. رنا 4 April 2010

    الله يسلم دياتك يا dadoشي بياخد العقل والله ….حسيت الدجاج بالفطر سهلة وتغيير عن صينية الفروج الي متعودين نعملها
    ;)

    انشالله من تقدم لتقدم يارب ولا تنسينا من الوصفات الحلوة

  19. semo 4 April 2010

    بسم الله ماشاء الله

    منيو بيجنن الله يعطيكي ألف عافية

    في حدا من عيلتي اخد مغربية زيادة عالاخلاق العالية نفس طيب
    وخصوصا الكسكسي بيشهي

  20. farah 4 April 2010

    والله شي ظريف وبيشهي وانا من أنصار الأكل المغربي مجربة كتير وصفات منه لذيذ جدا وتغيير نمط عن أكلنا الشرقي في عندهم أكلة اسمها بصطيلة كتير لذيذة انشاء الله ببقى بشارك فيها
    والله يعطيكي ألف عافية دالو

  21. دندونة 4 April 2010

    الى الاخت منى الصراحة انا نتزوجة من سبع سنسن ولا مرة فتت مطبخ بتمنى اتعلم منك الطبخ وصير طالبة عندك لحنى اتعلميني وابكنلك من الشاكرين

  22. منى 5 April 2010

    يا سلااام لولا :) من الحكي جعت , بقى كيف لدوق ..

    بس وين , نحنا ا بتروح دقونا مرش , طقة انت طقة لارا :grin

    عن جد اتمنى تشاركي معنا بوصفات سعودية و تكون اصلية و الف الف شكر الك للمعلومات و للتواجد الطيب و شرفتينا اختي

    هلا دندونة :)
    ان شاء الله جازة الدهر يا رب , ايا خدمة او سؤال من عيوني و انا معك لحتى تصيري متل ما بدك و احسن و اذا حابة شي سؤال خاص ممكن تبعتيلي عن طريق اتصل بنا ;)

    شرفتونا صبايا , مية اهلا و سهلا فيكن , هل السفرة عم ينحكى فيها و الله , صار كنت باكتر من جمعة و كلهن عم يقولولي شو هل الوصفات الغير شكل .

    شكرا دالو :zzz

  23. dado 5 April 2010

    مرحبا منوش
    خجلتيني كتير، وفرحتيني كتير بهالمفاجئة.أنا كنت عم قول لحالي الله أعلم منى شو عم تعمل بالوصفات 8)
    شكرا لألك.
    صبايا شكرا كتير الكن وحدة وحدة, ما توقعت إنو الوصفات يلاقوا هيك صدى، انا بعتبر حالي بجرب تجريب.. وأكيد كلكن بتوافقوني إنو ما منطلع شي قدام شطارة منوش ;)
    يمكن نحنا بعاد عن المطبخ المغربي لأنو مطبخنا كتير غني ولذيذ، بس مختلف عن الأكل المغربي المليان بالنكهات والبهارات والألوان.
    بالنسبة للشاي المغربي كتير لذيذ وكتير سهل .. بس لحتى يطلع على أصوله لازم تقوي قلبك بالسكر، يعني إذا كنتي بتحطي للكاسة معلقة زغيرة,, بالمغربي بتصير تلاتة :eek
    يالله بسم الله:
    المقادير:
    نصف لتر من الماء المغلي
    حفنتان من النعنع الأخضر الطازج (تقريبا كاسة كبيرة)
    4-5 ملاعق كبيرة سكر
    ملعقة زغيرة حبيبات شاي أخضر.

    الطريقة:
    يغسل النعنع جيدا ويوضع على مصفاة حتى يجف.
    في إبريق نضع الماء والسكر ونتركه حتى يغلي ويذوب السكر تماما، نضيف النعنع ونتركه يغلي لمدة دقيقتين. نضيف حبيبات الشاي ونتركها تغلي غلوة واحدة (يعني مو أكتر من دقيقة). نبعد الإبريق عن النار ونتركه لمدة خمس دقائق حتى يختمر، ثم يقدم.

    * سر تقديم الشاي المغربي هو رفع الإبريق عند الصب حتى تتكون رغوة على سطح الكأس, وصحة وهنا.
    هي الصورة من النت ، وبس حضره انا ببعت الصورة لمنوش

    [img]http://farm3.static.flickr.com/2308/2495527132_e6085e8ac1.jpg[/img]

  24. souha 5 April 2010

    هلا دادو تسلم دياتك على هالأكلات الظريفة بصراحة أنا مو سمعانة غير بالكسكسي و تارت الرز من حورية المطبخ و هلأ صرنا مثقفين بالمطبخ المغربي الله يعطيك العافية أنت و حماتك الله يمدها بالصحة و العافية و تضلو تعلمونا من كنوز المطبخ المغربي ;)

  25. mayada 5 April 2010

    يسلمو كتير كتير انا بحب الشاي وهذه الطريقة جربتها وفعلا طيب كتير يسلمو ياحلوة الله يعطيكي العافية باي

  26. منى 6 April 2010

    سلم ايديك دلوش على وصفة الشاي , ممكن ضيفها كوصفة لحالها و لحقها بالسفرة ؟

  27. ام عمر 6 April 2010

    لك يشلم دياتك منى انت ودالو ما شاء الله شي بيشهي :)

  28. ام عمر 6 April 2010

    لك يشلم دياتك منى انت ودالو ما شاء الله شي بيشهي :)

  29. لارا مينا 6 April 2010

    رجعت مرة ثانية :)

    الأخت منى والأخت بشرى والأخت لولا إن شاء الله يارب أعملكم طقة سعودية وبصراحة الوقت هو مشكلتي وماعداه بيهون بس إن شاء الله أشد عزيمتي وأنظم وقتي .. وأخواتي وعدوني إنهم يساعدوني.

    بالنسبة للأخت لولا الأكلات إلي ذكرتيها فيها كم أكلة من السعودية أما الباقي قصته قصة .

    وهي كأصول ماتعتبر أكلات سعودية لأنهاوصلت لمكة وجدة والمدينة عن طريق الحجاج والمعتمرين من مختلف دول العالم إلي استقروا بالمنطقة من مئات السنين وماعاد رجعوا لبلادهم ونشروا عاداتهم وتقاليدهم وثقافتهم سواء الغذائية أو غيره .

    عشان هيك إلي بيروح جدة أو مكة أو المدينةبيشوف أكل متنوع وأسماء غريبة لاتمت للغة العربية أو الشعبية بصلة وممكن تقابلي أشخاص هيئته وكلامه سعودي ولما يتكلم مع احد من اقربائه يتكلم بلغته الأم .

    وغالبا بعض الأكلات مابتلاقيه إلا بهالمنطقتين بس والبعض الثاني انتشر وصار ينعمل بباقي المناطق السعودية.

    مثلا خبز التميس خبز افغاني بحت وأفضل من يعمله يااما الأفغان الموجودين عندنا أو سعوديون تكون أصولهم الحقيقية أفغانية أما غيرهم يعملوه بس مش ميه ميه.

    اللدو هو حلو هندي وإن شاء الله بجيب طريقته لكم من صديقتي هندية كثير شاطرة بالطبخ بس ظروف شغلي وشغلها ماتخلينا نتقابل كثير.

    البرياني اصله هندي والمندي أصله يمني والكابلي مش متأكدة منه مزبوط .

    أما المنتو فهو من تركمانستان وأظن
    (الفرموزة واليغمش )من نفس البلد,, ولما تاكليه من التركمان أشهى وألذ ,, مع إني بعمله على اصوله والوصفة سبحان الله مسويتها ومصورتها من فترة طويلة ورح انزلها.

    , ونفس الوصفة تمام بالشكل والمضمون وبكل تفاصيلهاالدقيقة تسمى في كوريا (ماندو) وفي الصين( مومو) وفيه مطاعم كبيرة جدا ومشهورة عندهم وزوارها بالملايين سنويا , بس عشان هاذي الأكلة واليوم إلي نسوي فيه منتو يعتبر عندنا عيد من كثر ماهو لذيذ.

    وشراب السحلب من مصر..والعصيدة فيه نوعين عصيدة سودانية وفيه يمنية حتى الكبسة طلعت من أدغال أدغال أفريقيا بس الإسم مختلف
    ونوعية الرز فقط .

    والعادات إلي ذكرتيها مش موجودة في اغلب المناطق لأنها جات مع أصحاب الأكلات الحقيقين.
    طولت عليكم بس حبيت أوضح لكم … تحياتي.

  30. mayada 6 April 2010

    مرحبا يا ست الستات يضرب حظي ما في وصفة بدي ياها منك عم تظبط يارب بركي هل مرة بلاقي طلبي هو بدي وصفة النمورة الهريسة البسبوسة سميهم يلي بدك ياه بل تحديد وصفة سلورة يعني بلعربي الفصيح اذا ما من عند سلورة مابدي الوصفة لانو جربت كتير كتير ماطلعت مثل سلورة يعطيكي العافية سلف حكيت كتير لاتواخذينا سلام

  31. رنا 7 April 2010

    والله ياميادة وصفاتك كلهااااا صعبة …مابتطلبي غير الوصفااات الي بدها معلمية كتير
    انشالله تلاقي طلبك عند منى

  32. منى 7 April 2010

    هلا ميادة :)
    وصفتي طيبة , بس ما بعرف اذا متل سلورة و الا لا :roll

    متل ما قالت رنونة عم تصعبيها علي و ا :roll نا الطبخ عندي هواية , يعني مو اخدته من معلمين ;)

  33. منى 8 April 2010

    هلا لارا :)

    ممم , شكرا للتوضيح , بتعرفي سبحان الله بالاخير الطبخ كله بحسه تمازج حضارات و ناس بتعلم بعضها ..

    ردك فيه معلومات كتيرة اول مرة اسمع فيها , بس اكتر شي لفت نظري ان الكبسة طلعت مو سعودية :eek

    ممنوتك لارا و رح استنى الطقة و الف الف شر الك مسبقا ;)

  34. Eman 9 April 2010

    يسلمو دادو على الوصفات الحلوة ،وشي بحير بمين بدنا نبلش أول! :roll

    على سيرة أصول الأكلات :الأرز الكابلي أصله من مدينة كابل بأفغانستان ،أول مرة بعرف هالمعلومة لما طلبته من مطعم أفغاني ،وأنا كنت أفكره سعودي :upset
    منى الكبسة أعتقد سعودي ،بس البرياني هندي ،وباين من اسمها بكبسوهابطنجرة الضغط :grin

  35. منى 9 April 2010

    ممم , فكرة ان يكون اسمها من الكبس بطنجرة الضغط , بس هادا معناها ان هل الطبق مو قديم , مو هيك :roll

  36. DOUHA 12 April 2010

    شو هاد شي بيشهي كتير جد يسلموا ايديك ورح مر على كل وصفة ان شاء الله

    :p

  37. رنا 12 April 2010

    كبسة بطنجرة الضغط …؟؟؟!!!شو صاير بالدنيييييييييييييااااااااااااااااا

    انا بقول الكبسة اختراع شي زوجة محتارة طبوا عليها ضيوف بساعة متأخرة بالليل وماعندها غير لحمة ورز …ف عملت كبسة …بماأنه الضيوف كبسوا عليها بفرد كبسة وبدون مقدمااات :grin

  38. منى 13 April 2010

    :grin :grin

    معقول كتير و الله لان الفكرة منطقية على انعبار ان اخوتنا السعوديين مشهوريين بالكرم

    على كل انا سمعامة كتير بالكبسة بطنجرة الضغط و في كم وصفة عاجبيني اوي و مشتهية جربهن ;)

  39. أم نوران 2 June 2010

    الله يعطيكي العافية دادو حبيبتي شي كتير حلو يا خيتو و الله , انا هلا تعلمت طريقة الشاي المغربي مع اني مغربية ولي على البهدلة ههههه بس انا ولدانة بالماينا و جوزي حلبي يخليلي عينو و كتيير بحب الشاي المغربي *الاتاي* وانا ما بعرف اعملو للاسف و هلا تعلمتو من و حدة سورية هههههه .. بس على كل حال الله يعطيكي العافية و خصوصا الكسكس لانيه صعب و انا ما بعملو غير بالعزايم لانو بدو جماعة..طزلت عليكي بس حبيت ارجع الك الله يعطيكي العافية.

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)