براونيز بكريما الخمس دقايق السرية
· ينقع الحمص و الفول لمدة 24 ساعة كاملة مع البيكربونات , تغسل البقول عدة مرات بالماء البارد ثم تصفى من الماء جيداً , يجب أن يتم التخلص من أكبر كمية من الماء كي لا تفرط الفلافل أثناء قليها .
· يفرم الحمص و الفول مع البقدونس و الكزبرة و البصل و الثوم بماكينة فرم اللحم ثلاث مرات أو في فرامة محضرة الطعام حتى تصبح ناعمة , و لمعرفة ان العجينة أصبحت جاهزة يؤخذ القليل منها و يضغط عليه بين أطراف الأصابع يجب أن تبقى القطعة متماسكة , و إلا فيضاف ملعقة صغيرة أو ملعقتان من طحين الفرخة .
· تعجن عجينة الفلافل مع البهارات و البيكنغ بودر و الملح و بيكربونات الصوديم ثم تترك العجينة في البراد لمدة ساعة و نصف حتى يتشرب نكهة البهارات .
· يحمى زيت نباتي بعمق 5 سنتيمتر , تبلل اليدان بالماء البارد و تدعك العجينة مجدداً مع اضافة السمسم ثم تشكل عجينة الفلافل بهيئة أقراص مسطحة نوعاً ما أو تستخدم مغرفة الفلافل و يوضع كل قرص بعد تشكيله فوراً بالزيت الحار حتى تصبح الأقراص هشة و ذهبية ثم ترفع على ورق ماص .
· تقدم أقراص الفلافل ساخنة مع البندورة و المخلل و الطرطور و الخبز العربي .
طريقة لف سندويش الفلافل :
· يقطع المخلل و البندورة و الخس لأصابع قصير و رقيقة جداً .
· يفرد رغيف الخبز العربي بحيث يستعمل الوجهين معاً و يوضع قرصان أو ثلاثة على الرغيف .
· تهرس أقراص الفلافل و تفرد في منتصف الرغيف ثم تغطى بالمخلل و الخضار و الطرطور و تلف بشكل محكم و تقدم .
فكرة مفيدة :
يمكن تحضير عجينة الفلافل و حفظها في أكياس بالفريزر بدون الملح و البهارات و البكنج باودر , تخرج العجينة من الفريزر و تترك حتى يذوب عنها الثلج ثم تتبل و يتابع اعداد الوصفة كالسابق .
سر الطبخة :
من المهم لنجاح الوصفة عدم اضافة و لا نقطة ماء كي تتماسك الأقراص عند قليها .
نصف كوب حمص
كوب و نصف فول مقشور
ملعقة صغيرة بيكربونات الصوديم لنقع الحمص و الفول
نصف كوب كزبرة خضراء
نصف كوب بقدونس
حبة بصل
2 فص كبير ثوم
2 ملعقة صغيرة ملح
2 ملعقة كبيرة سمسم
بهارات الفلافل :
ملعقة كبيرة كمون
نصف ملعقة صغيرة فليلفة حمراء
ملعقة صغيرة بهار
نصف ملعقة صغيرة قرفة
نصف ملعقة صغيرة كزبرة
بشر جوزة الطيب طازج
رشة سماق
ملعقة صغيرة بيكنغ بودر
ربع ملعقة صغيرة بيكربونات الصوديم
لتحضير السندويش :
مخلل اللفت أو الخيار أو المقتي
بندورة شرائح
صلصة الرطور
نعناع طازج
خس
خبز عربي
• ينقع الحمص و الفول لمدة 24 ساعة كاملة مع البيكربونات , تغسل البقول عدة مرات بالماء البارد ثم تصفى من الماء جيداً , يجب أن يتم التخلص من أكبر كمية من الماء كي لا تفرط الفلافل أثناء قليها .
• يفرم الحمص و الفول مع البقدونس و الكزبرة و البصل و الثوم بماكينة فرم اللحم ثلاث مرات أو في فرامة محضرة الطعام حتى تصبح ناعمة , و لمعرفة ان العجينة أصبحت جاهزة يؤخذ القليل منها و يضغط عليه بين أطراف الأصابع يجب أن تبقى القطعة متماسكة , و إلا فيضاف ملعقة صغيرة أو ملعقتان من طحين الفرخة .
• تعجن عجينة الفلافل مع البهارات و البيكنغ بودر و الملح و بيكربونات الصوديم ثم تترك العجينة في البراد لمدة ساعة و نصف حتى يتشرب نكهة البهارات .
• يحمى زيت نباتي بعمق 5 سنتيمتر , تبلل اليدان بالماء البارد و تدعك العجينة مجدداً مع اضافة السمسم ثم تشكل عجينة الفلافل بهيئة أقراص مسطحة نوعاً ما أو تستخدم مغرفة الفلافل و يوضع كل قرص بعد تشكيله فوراً بالزيت الحار حتى تصبح الأقراص هشة و ذهبية ثم ترفع على ورق ماص .
• تقدم أقراص الفلافل ساخنة مع البندورة و المخلل و الطرطور و الخبز العربي .
طريقة لف سندويش الفلافل :
• يقطع المخلل و البندورة و الخس لأصابع قصير و رقيقة جداً .
• يفرد رغيف الخبز العربي بحيث يستعمل الوجهين معاً و يوضع قرصان أو ثلاثة على الرغيف .
• تهرس أقراص الفلافل و تفرد في منتصف الرغيف ثم تغطى بالمخلل و الخضار و الطرطور و تلف بشكل محكم و تقدم .
فكرة مفيدة :
يمكن تحضير عجينة الفلافل و حفظها في أكياس بالفريزر بدون الملح و البهارات و البكنج باودر , تخرج العجينة من الفريزر و تترك حتى يذوب عنها الثلج ثم تتبل و يتابع اعداد الوصفة كالسابق .
سر الطبخة :
من المهم لنجاح الوصفة عدم اضافة و لا نقطة ماء كي تتماسك الأقراص عند قليها .
السلام عليكم ورحمة الله وبركاته
سلمت يداك اختي منى , لقد كنت دائما ابحث عن وصفة للفلافل سهلة ولذيذه والحمد لله يبدو هذه الوصفة مثلما اتمنى وان شاء الله اجربها في اقرب فرصة.فجزاك الله كل خير :zzz
هلا أمولة
و انت كمان أختي على الرد و التشجيع الدائم 
إن شاء الله تجربيها و تعجبك
يا سلام شو هالفلافل من الصورة والوصفه شي شهي ورائع بس بدي أسألك بحلب بيحطو كزبره خضراء وفول ولا بس بالحمص ؟؟
أنا جربته بالحمص بس وعم تصير معي مشكله بالقرص يا بيكون مقرمش أو لما بسمكو شوي بحس القلب ني وعير ناضج مع أني بستعمل قالب الفلافل وخطوات التحضير كتير قريبه من طريقتك فشو المشكله برأيك احدي الاخوات قالتلي حطي شوي خبز يابس بس مع هيك ما عم يصير مثل السوق فأفيدينا جزاك الله ألف خير بعرف عم طول عليك بس بقول لحالي بالك طويل وبتتحمليني
وانا بانتظار ايميلك بخصوص الصور :grin
هلا أم عبادة
بالعكس ام عبادة أنا تحت أمرك حبيبتي , المشكلة الي عم تصير معك كانت نفسها تصير معي , حس ان الفلافل ني من جوى و الحل بشغلتين , أول شي تستعملي الحمص مع الفول و الشغلة التانية انك تنقعيهم 24 ساعة عوض عن 12 ساعة ..
أما كيف بيعملوا الفلافل بحلب فوالله ما بعرف , لان هل الطريقة اتعلمتها من شيف لبناني و الكزبرة رح تعطيها طعمة و لا أطيب
الله يعطيكي العافية على هالفكرة الحلوة مزيح الحمص والفول كتير طيب .. أختى حابة ضيف شغلة لها الوصفة الشهية أخذتها من الشيف وديع : يضاف ملعقه كورن فلور للحصول على قرمشة لذيذة .. وصحتين على فلبكن
مممممم فكرة حلوة كتير , الله يعطيكي العافية نوارة
ان شاء الله بجربها المرة التانية و أكيدة رح ادعيلك ..
بتعرفي , ما عرفت الشيف وديع :roll مع اني من متابعي برامج الطبخ
مبروك رجوع الموقع . كتير اشتقنالك ولموقعك الحلو .. الشيف وديع بيجي على قناة إنفينيتي على الساعة 11 ونص صباحا بتوقيت السعودية ..
كلك زووء نور و انا اشتقت الك كمان كتير
رح شوف برنامجه إذا الله راد , شكرا الك
السلام عليكم و رحمة الله و بركاته
جازاك الله خيرا اختي منى كتير حلوة فكرة جمع الفول مع الحمص
بدي اسألك ازا في عندي فول بالفريزر هل بينفع ساويه فيه او لا
بالتوفيق
سلام
لا اختي لازم فول ناشف
ناوية أعملها لكن بالحمص لعدم توافر الفول عندي .. لكن سؤال عزيزتي منى ،هل بالإمكان تفريز الفلافل بعد عملها ؟؟ سمعت من صديقتي أنها تفرزها وتحفظها ولا يؤثر فيها شيء،فكيف برأيك يمكنني حفظها بالفريزر ؟
هلا ايمان
اختي لو رح تجربيها بالحمص ما رح تعطيكي الطعمة المظبوطة , رح تطلع طيبة بس مو متل الفلافل الي متعوديين عليها
ممكن تفرزيها بعد ما تفرمي الول و البقدونس و البصل بتحطيها في الفريزر و لما حابة تستعمليها تطالعيها و تحليها و بعدا تضيفي البهارات و الكربونات
يعطيك العافيةانشاءالله اجربهاالصورةبتشهى كثير
هنا و الف عافية و ان شاء الله تجربيها و تحبيها
مية اهلا و سهلا فيك أختي , نورتي الموقع
اناعندى مشكلةفى الفلافل تفرط عندالقلى لايمكن ان تحافض على شكلهاالطعم طيب بس الشكل يمكن السبب انى ماابردها
لا اختي مو من الضروري انك تبرديها , المهم ان البقدونس و الكزبرة و هل الاشياء تكون ناشفة كتير قبل ما تفرميهم مع الفول , أكيد ما لازم نضيف و لا نقطة مي للعجينة , و يمكن كمان أن العجينة تفرط معك لأن حرارة الزيت مو حامية :roll
مرحبا منى يسعد لي مساك يارب كيف صحتك بدي اسألك الفول لازم يكون مقشور ما فينا نحط الفول العادي اللي بقشره لأنه هو المتوفر عندي ما عندي الفول المقشور :sigh
هلا هيا
لا ما بيصير , انا ما لقيت الا الكامل فبعد ما نقعته قشرته و بيتقشر كتير بسهوولة :zzz
مرحبا منى شكرا كثير كثييييير على وصفة الفلافل عن جد شئ رائع انا اليوم الصبح عملتها وطلعت كثير طيبة طبعا من مبارح نقعت الحمص والفول والحمدلله انها زبطت معي ونالت الاعجاب تسلم ايديك يارب والله يجازيك كل الخير على الوصفات الرائعة اللي بتعطينا اياها بجد كل وصفة من وصفاتك عم جربها بتطلع رائعة ومقاديرها ممتازة
الف الف صحة و هنا و عافية على قلبك و قلب كل العيلة واحد واحد
هادا بس من زووءك و لطفك و زوءك و ربي يديم المحبة و المعروف
ازيك يامنى..
اذا كان أصل الوصفة مصري يبقي لازم المصريين يقولوا رأيهم :zzz
احنا عندناأصل الطعمية الكرات وهو نوع من الخضرة ولكن اوراقة طويلة يشبه العصي قليلا بلا سيقان ولو جربتيه يامنى ح تحسي بفرق كبير..
كمان بتقولى انه ما ينفع نحط نقطة مية على العجينة.. معلش يامنى انا كتير باحط شوي مي صغيرين علشان العجينة تبقي ناعمة وجميلة ومش ممكن تنفك في القلي ابدا..
عندى سؤال اخير.. ايه هو السماق؟؟
هلا نهى
و منك نستفيد يا قمر , لازم اجربها مرة التانية اذا ربنا عطاني عمر
المي ما تشجع اجربها , اخااف تفرط , بس ما دام انتي قلتي يبقى خلاص :zzz كلامك مزبوط
السماق نبات فيه مزة حموضة و نحنا كتير نستعمله و هي صورة [URL=http://www.l2ma.com/content/view/565/2/]على هل الرابط[/URL]
السلام عليكم و رحمة الله و بركاته
جربتها و شو طلعت طييييييييييييييبة عن جد طعمتها ما بتتصدق متل ما توقعتها و احسن يخليلي ياكي اختي منى و ربنا يجازيك كل خير
المشكلة الوحيدة اللي صادفتني هي ان في قطع من الفول ما انطحنت تماما بس هالشي اللي زاعجني بقى بدي اعرف اذا في شي طريقة تحتى ينطحنو كتير منيح و ما تظل اي قطع صغيرة يمكن الخلاط تبعي اسنانه مو كتير حاذة او هيك شي ما بعرف بس اكيد هالوصفة صارت معتمدة
بالتوفيق
سلام
الله يعطيك العافية
أنا جربتها وطلعت كتير طيبة
لكن لمارجعت ساويتها مرة تانية بالأول صارت تذوب بمجرد دخولها للزيت تتقلص وبعدين ما بيبقالها أثر بعدين تماسكت لما وضعت قليل من الطحين بس للأسف ما يستوي داخل القرص
بدي آخذ من وقتك شوي وأعرف إذا ممكن تعطيني حل للكمية الباقية الله يجزيك ألف خير :sigh
هلا رامة
بالاول كتير انا هلا زعلانة لان ما رجعت ظبطت معك , و اتوقع المشكلة انك حطيتي مي زيادة , إذا كان هيك الحل الوحيد انك تعملي فلالفل بس نيو لوك , يعني حطي كل العجينة بصينية فرن مدهونة بالزيت و خبزيهالحتى تستوي و بس ما طالعتي الصينية قطعيها لمكعبات و احشيها بالسندويش و بتطلع طيبة كتير و انا مجربتها
بنكمل حديثنا اللي ابتديناه بصلصة الباشاميل :grin بالنسبة للفلافل الطعم كتييييييييير طيب بس عندي كم سؤال وحابة تساعديني فيهن
انا عملت الوصفة وطبقتها بحذافيرا وحطيت متل ماقالت الاخت نور ملعقة كون فلاور وعطاه قرشة كتير طيبة بس متل اغلب الاخوات طلع من جوى مو كتير مستوي متل الجاهز مع اني قليتو بزيت حار وما حطيت ولانقطة مي والبقدونس كان ناشف جدا وحطيت ملعقتين طحين فرخة
بس ما بعرف ليش طلع شوي من جوى معجن انا عم يخطر ببالي سببين وحابة اخد رأيك فيهن
1-كان زيت القلي كتير كتير حار والنار قوية يعني مايلحق القرص ياخد دقيقتين عالنار يعني معقول كان لازم تكون النار اخف عالزيت؟؟
2-او انو ضغطت كتير على قرص الفلافل بالمغرفة ولا مالو علاقة؟؟
هلا سمسوم
انا ما بضيف شي اضافي و بيطلع يممي , اكيد سبب الي صار معك ان الزيت كان حامي اكتر من اللزوم ,الزيت لازم يكون وسط , لان اذا كان مو حامي ممكن يفرط الفلافل و اذا حامي كتير رح يتقمر من برة و من جوى لسا طري :roll
هنا و الف عافية سمسوم و ان شاء الله المرة الجاية تطلع تمام من جوى و من برى 8)
السلام عليكم حبيباتى اشتقتلكم واشتقت لمنى القموره وانا عملت الفلافل بس من غير فول يعنى الفلافل الحلبي وطلع بجنن وتسلم ايديكى منى وبلتوفيق
هلا ام يوسف
تشتاق الك العافية , ان شاء الله الغيبة على خير
الف الف صحة و هنا و عافية يا رب , ممم ما في اطيب من الفلافل :zzz
تسلمى حبيبتى منى والحمدلله بخير وبتمنالك الخير لانو عن جد مبدعه ويارب من احسن لااحسن وانا كمان عجبتنى طريقتك انو نحط الفول مع الحمص واكيد راح جربهاوالسلام عليكم حبيبتى
: :zzz
الحمد لله
ان شاء الله تجربيها و تطلع كمان طيبة , هنااا و الف صحة :zzz
لقد طبقت الوصفه بحذافيرها عدة مرات ما عدا أنني استخدمت الحمص فقط لعدم توفر الفول المقشور وقد كانت ناجحه جدا والطعم لذيذ ولون الفلافل جميل من الداخل.
وقد قمت بترجمة الوصفه إلى اللغه الإنكليزية وأعطيتها لصديقتي الباكستانية منذ عدة أشهر وقد طبقتها وكانت سعيده بالنتيجه.
عزيزتي منى لماذا لا تتم ترجمة الوصفات وخاصة الوصفات العربيه للغه الإنكليزية؟ فكثير ما يتم سؤالي عن الطعام السوري وأحتار كثيرا لأنني لا أجد موقعا على الانترنيت بالانكليزية يقدم وصفات موثوقه باللغة الانكليزية.
و الله قمر كان الي محاولة اني اعمل الوصفات بالانكليزي لان متل ما حكيتي شغلة ضرورية و فكرة حلوة كتير , بس كتير بدها وقت و اخدت مني كتير لهيك وقفتها , يمكن حتى اشعار اخر او لحتى ربنا يسر
الف الف صحة و هنا و عافية على البك و الب رفيقتك , مبسوطة كتير فيك قمر
شكرا منى على اضافة بعض الشغلات اللي كانت تنقصني وأن عم أحضر الفلافل لانو كان يفرط معي أو مايستوي بدي جرب طريقتك وشوف شو بصير معي
ان شاء الله يزبط معك متل ما بتحبي و اطيب , رح استنى رايك اختي
مية هلا فيك
عزيزتي منى اللي اسمك على اسم بنتي منى الغالية اللي هلئ عمرا 17 سنة الله يخليلي ياها وأشوفا ناجحة بهالحياة متل أختنامنى يسلمو ايديكي ذكرتيني فيا كنت من زمان اعملا وهي طيبة كتير ولذيذة :p عندي حليب وان شاالله بدي اعملا بس أول مرة بعرف انو منستفيد من المي اللي بتطلع منو مشكورة خيتو
السلام عليكم ورحمة الله وبركاته اختي منى الله يعطيكي العافية على هالأكلات الطيبة … هي اول مشاركة إلي جربت اكلة الفلافل متل ماانتي عاملتيها تماماً وكتير طيبين ونسيت حط بكيبمبودر بس للأسف طلعوا الاقراص معي غامقين ممكن تفيديني بالسبب !! وشكراً سلفاً :roll