القهوة التركية بالحليب


         وصفة : منى                 2009/02/22                 30 تعليقات
القهوة التركية بالحليب

·          يوضع الحليب و السكر و البن في دلة القهوة و توضع الدلة على نار متوسطة مع التحريك حتى يمتزج البن مع الحليب و يدوب السكر في حال استعماله .

·          عندما تبدأ الرغوة بالظهور ترفع بالملعقة و توضع في الفنجان .

·          بعد أن تغلي القهوة و تفور تصب في الفنجان و تقدم مع الشوكولا أو مع مكعبات السكر أو لوحدها .
 





فنجان صغير حليب
ملعقة بن صغيرة
سكر حسب الرغبة ( اختياري )





• يوضع الحليب و السكر و البن في دلة القهوة و توضع الدلة على نار متوسطة مع التحريك حتى يمتزج البن مع الحليب و يدوب السكر في حال استعماله .

• عندما تبدأ الرغوة بالظهور ترفع بالملعقة و توضع في الفنجان .

• بعد أن تغلي القهوة و تفور تصب في الفنجان و تقدم مع الشوكولا أو مع مكعبات السكر أو لوحدها .
  • وصفات تانية ممكن تعجبك


التعليقات

  1. سلاف 22 February 2009

    أول شيئ يعيشو هالايدين يارب كل مره بتكشف فيكي صفات جديده من خلال المقدمه اللي بتكتبيها قبل الوصفه ماشاء الله لا قوة الا بالله عنجد فنانه بكل شيئ ياميمو الله يحميكي يارب ويخليكي لبيتك وجوزك واولادك وكل اللي بحبوكي
    تاني شيئ منيح نزلتيلنا شيئ بينشرب وين العصيرات عم استنى لساتي :roll
    وتالت شيئ هالوصفه عنجد طيبه والقهوه بكل اشكالها طيبه انا بحبها متلك ساده وجنبها شوكلا واذا مانوجدت الشوكلا غالبا مابحب اشربهالحالها
    الصوره كتير حلوه اللي تحت الفنجان عنجد وخصوصا ابو شوارب زابطه معك ميه بالميه00 8)
    يسلم هالايدين يارب00

  2. عبير 23 February 2009

    مرحبا منى يسسسسسسسسسسسسسسسسسلمو ايديك على فنجان هالقهوة اللي بيجنن وبهالمناسبة اقترح عليك بتنزلي لنا كل انواع القهوة والكابتشينو وغيرها وبتكون قسم خاص فيها لانه يامنى ما عاد اعرف ساوي شي بدون ما برجع للموقع 8) يعطيك العافية :) :)

  3. عبير 23 February 2009

    وعلى فكرة انا كتير عجبني الفنجان كنت راح اخده من الصورة :roll :grin

  4. نور الأسلام 23 February 2009

    يا عيني عليك يا احلى منى هلا بس يجي زوجي رح اعملها ان شاء الله اليوم عملت محاشي وربك الحميد طلعوا طيبين وعجبنو كتير :grin ومع هالقهوة رح تكون نجمه تانيه لليوم :zzz

  5. ام محمد 23 February 2009

    اختي العزيزةمنى
    فتحت عيوني الصبح وشفت هالفنجان الحلو :eek
    ومع اني مالي صحبة مع القهوة قمت جربتها وطلعت لذيذةوطيبة الله يسلم دياتك :)

  6. منى 23 February 2009

    هلا سلوفة :)
    الله يخليكي يا قمر على الدعوات الحلوة , الك متلها و احلى ان شاء الله

    شايفة ابو شوارب كيف فارض هيبته تمام , منيح الي طلع , عن جد طلعت نهفة !

    شو طولك بالك علي شوي , قلت الك العصيرات لبعد المنيو التركي :zzz ان شاء الله
    ديري بالك على حالك و البيبي

  7. منى 23 February 2009

    هلا ام محمد :)
    هنا و عافية , و مع اللمة الحلوة رح تصير اطيب و اطيب
    كنتي عزمتيني نشربها سوى ;)

    الف الف شكر الك للوصفة شكلها بتجنن , سلمن يا حق و على النشر القريب باذن الله

  8. منى 23 February 2009

    هلا عبورة :)
    تكرم هل العيون , قهوة و شاي و كابتشينو ليش لا , خليلي قلبك عبورة هادا بس من زووءك و لطفك

    يلا اتفضلي , اطيب فنجان قهوة لأحلى عبورة , بس اشربي القهوة و رجعي الفنجان متل الحبابات :grin

  9. منى 23 February 2009

    هلا نور :)
    ريتو عوافي مقدما و ان شاء الله تعجب زوجك و تكون على زووءكم

    هنا و الف عافية و صحة على المحاشي بكل لقمة , الف شمر الك لتجريبك الوصفة , نورتي

  10. لارا مينا 24 February 2009

    صباح الخير …يسلمو إيديكي على كل شئ بتعمليه ولولا الإحراج كان ودي أكتب تعليق شكر تحت كل وصفة لوحدها يعني تقريبا600 تعليق فتحياتي لكي , وعندي استفسار بسيط :
    1)في فقرة اقتراح الأخت سمسمة كان عندي سؤال والظاهر إنك مانتبهتي له لأني كنت أنتظر الإجابة وهو شو الفرق بين المربى والمرملاد ؟
    2) لاحظت في قسم المقبلات إنه فيه وصفتين ناقصة وقسم اللحوم والخضار مكتوب في النتائج 50 من 69يعني فيه 19 وصفة ناقصة وأنا مسجلتهاعندي ياليت إنها ترجع؟
    3) وصفة الكارنيارك مش موجودة في قسم اللحوم ولما أفتح عليها من قسم أسئلة وأجوبة بيطلعلي وصفة صينية كرات اللحمة بالبطاطا فهل هي نفسها بس الإسم مختلف ؟
    وتسلمين يارب وألف شكر.

  11. ام محمد 24 February 2009

    والله يامنى بتشرفني انا بتمنى نلتقى شى يوم
    وسبحان الله من كم يوم شفتك بنومي صرتي جارتي
    كتيرفرحت وبتمنى يكون عندي جارة متلك طيبة وصادقةوشاطرةالله يحفظك ويديمك ويخليلك زوجك واولادك :)

  12. منى 24 February 2009

    هلا ام محمد :)
    حبيبتي ربي يحفظك عل هل الدعوات الي ما في احلى منها , ان شاء الله الك متلها و احلى و اغلى

  13. نادين 24 February 2009

    كيفك ميمو
    شو اخبارك
    هي رجعت من جديد للطبخ والنفخ..ههه شو ننعمل بس والله صارتلي هوس بس انا بديت ريجيم قاسي من مبارح لانو متل ماقلتلك ماما قالتلي مابتنزلي عالصيف وانتي هيك
    اممم وهلق بديت صباحي بتجربه هالقهوة الظريفه بس تذكرت لمن كنت بكالوريا
    كنت اغلي الحليب وبعد ماصبو بالفنجان حط ملعقه بن اممم الطعمه نفسها بس هو في تجانس اكتر وصار اسمها تركيه ههه
    تاني شي بدي اسالك اذا بعتلك وصفه الفليفله التركيه ولا لاء لانو بنزلتي على سوريا نسييت
    وتالت شي انا بانتظار منيو الدايت 8)
    سلامات

  14. منى 24 February 2009

    هلا ندوشة صاحبة احلى صوت ;)

    يلا بيعين الله على الريجيم , الله يسهله عليك ما ابشعه

    هنا على القهوة و مشروب الهنا و العافية دايما يا رب

    ما بعتي الوصفة , يلا عم استناها و تكرم عينك , وصفات دايت كتيررة على الطريق :zzz

  15. أم علي 24 February 2009

    ممممممممممممممممممممم شو هالسفرة الفاخرة ياريتني كنت معزومة انا كمان :cry بالفعل انت بتستاهلي لقب الشيف منى بجدارة تسلم ايدك على القهوة بصراحة ولا مرة اشربت منها متعودة على الكابتشينو والنسكافيه والقهوة الالمانية :grin بس ان شاء الله رح جربا :zzz

  16. منى 24 February 2009

    هلااا ام علي :)
    و الله يا ريت يا قمر كنت حطيتك بعيوني قبل البي :zzz

    و لا مرة دقتها للقهوة الالمانية , يلا ان شاء الله شي يوم تعزميني عليها , ان شاء الله تجربيها و تعجبك :)

  17. sanawat 1 March 2009

    تسلم ايديكي اختي منى على هالوصفات الطيبة وكل وصفة اطيب من التانية,انا صرت خيفانة انصح بعد ما شفت كل هالوصفات وفتحتيلي نفسي للصراحة عالاكل,يظهر فعلا صار بدنا وصفات ريجيم مع هيك صور حلوة حتى نتشجع عالريجيم وناكل بفس الوقت :grin والله انا بموت بالقهوة وجربت طريقة قهوتك وطلعت بتجنن ريتو الله يخليكي يا رب,ربي يحميكي.مشكورة اخت منى عاكل شي قدمتيه ولسة حاتقدميه :zzz

  18. ام نور 1 March 2009

    السلام عليكم ورحمة الله وبركاته
    كيفك حبيبة قلبي منى شو هالحلو هيدا ما شالله كل وصفة احلى من التانية ما عم اعرف باي وصفة ببلش سلم هالديات والله يبارك فيكي

  19. منى 1 March 2009

    هلا منال :)
    الله يسلمك و يحفظك و يخليك اختي نورتينا و نورتي الموقع و الله .

    الف عافية و هنا على القهوة كنتي حسبتي حسابي :roll

    الف شكر الك للرد الحلو و الكلمات الغالية و كمان الدعوات الحلوة , الك متلها واغلى ان شاء الله

  20. منى 1 March 2009

    هلا حبيبتي ام نور :)
    الحمد لله على السلامة , ان شاء الله كانت السفرة موفقة و منيحة و الاهل كلهن بخير و عافية :) و القطط الحلوة كمان و ابو الشباب

    اشتقتلك كتير , الله يسلمك يا قمر

  21. ام نور 1 March 2009

    الله يسلمك يا رب الحمدالله السفرة كانت ميسرة والاهل بخير والاولاد انبسطوا كتير وكتير اشتقت لا الموقع ولا الاخوات وحكيت كتير عن الموقع :)

  22. منى 3 March 2009

    الحمد لله على السلامة , اشتقت لهل الطلة الحلوة يا عسل :zzz

  23. نوارة 21 March 2009

    الله يعطيكيي العافية يا ميمو هلق بدي قوم اجربها
    ووقت شفت الصورة اللي تحت الفنجان تذكرتناميياوووو
    تذكرت وقت الدراسةوووو
    جد متلك رفيقة مافي

  24. منى 22 March 2009

    نوارة يا عسل , انت الك متل ما في , اصلا انا كل مابفتح الموسوعة لازم اتذكرت و اتذكر الهمبرغر الساعة 2 نص الليل :grin

    احلى ايام و الله :zzz

  25. منى 20 April 2010

    هلا لارا حبيبتي :)
    بالعكس , ردودك دايما مميزة و بقرأها و انا حاسة بالمودة بين حروفها :zzz

    سبحان الله انا انتبهت للسؤال بس ما بعرف كيف راح عن بالي ان جاوبك عنه , سماح
    المربى هو طريقة نحفظ فيها الفواكهة بغليها و لازم تكون فيها قطع من الفواكهة ظاهرة

    أما المرملاد بشكل اساسي معروف ان بيتحضر من الحمضيات متل الليمون او البرتقال او الغريفون و خصوصا البرتقال و بيكون فيه من بشر الحمضيات

    أما هلا صار ممكن تقولي على اي مربى ناعم , يعني محضر من فواكهة مبشورة أو مهروسة و ما بيكون فيه أي قطع ظاهرة مارملاد ;)

    اختي الوصفات كلها موجودة , لو تنزلي لاخر الصفحة رح تشوفي ان الوصفات الناقصة هي بالصفحة التانية ;)

    اما على وصفة الكارنيارك شكا رللتنبيه , هلا عدلت الرابط

    نورتي لارا و الف الف شكر الك للمتابعة يا قمر

  26. lalosh 10 November 2011

    مممم .. هو يمكن السؤال مو كتير زكي !! بس انا بحب طبق المقادير بالزبط ..لهيك السؤال هو أديه يعني مقدار فنجان الحليب؟؟ :roll

  27. منى 11 November 2011

    60 مل ;)

  28. lalosh 11 November 2011

    يسلمو دياتك مدام منى :)

  29. منى 12 November 2011

    مية هلا حبيبتي

  30. لينا 15 August 2013

    مرحبا حابه استفسر استفسار اذا بتسمحيلي ممكن استبدل الحليب الطازج السائل بحليب بودره يعني متل نيدو ولا بتختلف الطعمه واذا بصير كم معلقه لكل فنجان وياريت تكتبيلي الرد وشكرا كتير لذوئك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)