الكابتشينو


         وصفة : منى                 2007/12/06                 47 تعليقات
الكابتشينو

نضع النسكافيه والسكر والماء البارد في الخلاط ونشغل الخلاط لمدة دقيقتين حتى يسمك المزيج ويتكثف ويصبح كالكريما ..نضع المزيج في عبوة شفافة ونضعها في الفريزر لوقت الاستعمال (نصف ساعة في الفريزر على الاقل )وسيصبح المزيج مثل الايس كريم

لتحضير كوب كابتشينو:

نسخن كوب من لحليب في المايكروويف جيدا حتى الغليان (انا اضعه في المكروويف دقيقة كاملة )ثم نضع ملعقة كبيرة واحدة من مزيج الكابتشينو وبدون اضافة السكر ويحرك جيدا ..وستلاحظين الرغوة اللذيذة التي ستعلو كوب الكابتشينو …واخيرا يرش وجه الكوب بالقرفة او الكاكاو او الفانيليا  وصحتين وعافية  ;)

ملاحظة:

يمكن اضافة سكر بعد التذوق لمحبي الحلاوة الزائدة  




كأس نسكافيه من النوع الفاتح Gold
كأس ماء بارد
كأس سكر







نضع النسكافيه والسكر والماء البارد في الخلاط ونشغل الخلاط لمدة دقيقتين حتى يسمك المزيج ويتكثف ويصبح كالكريما ..نضع المزيج في عبوة شفافة ونضعها في الفريزر لوقت الاستعمال (نصف ساعة في الفريزر على الاقل )وسيصبح المزيج مثل الايس كريم

لتحضير كوب كابتشينو:

نسخن كوب من لحليب في المايكروويف جيدا حتى الغليان (انا اضعه في المكروويف دقيقة كاملة )ثم نضع ملعقة كبيرة واحدة من مزيج الكابتشينو وبدون اضافة السكر ويحرك جيدا ..وستلاحظين الرغوة اللذيذة التي ستعلو كوب الكابتشينو ...واخيرا يرش وجه الكوب بالقرفة او الكاكاو او الفانيليا وصحتين وعافية ;)

ملاحظة:

يمكن اضافة سكر بعد التذوق لمحبي الحلاوة الزائدة
  • وصفات تانية ممكن تعجبك


التعليقات

  1. منى 16 June 2010

    سلم ايدك رنونة :)

    انا هل الطريقة شفتها بالنت من زمان و جربتا بنسكافيه رد مج , كانت طيبة بس مو الي ببالي , هلا رح ارجع جربها بالغولد , و ان شاء الله تزبط معي لان انا كتلك , الكابتشينو هو مشروبي المفضل :zzz

    الفيس بوك عم يموت عندي لهيك ما قدرت حمل الصور , بس ما صار رح ارجع عدل الوصفة ;)

  2. ream 16 June 2010

    يسلمو ايديكي عل وصفة انا مدمنة على كلشي فيه كافيين_انشالله رح جربهابس ضروري النسكافيه غولد؟؟؟الا بصير اي نوع؟؟؟وشكرا الك

  3. farah 16 June 2010

    هالطريقة جديدة أول مرة بسمع فيها معقولة تتجرب بس يا ترى ان نفرز الكمية كلها وانا حابة اعمل كوب واحد فكيف ؟؟
    سؤال ممكن بعد ما اخلط الكمية اسكبها بقالب تجميد الثلج ويصير عندي مكعبات تستعمل كل مكعب لكوب ؟؟ بهالحالة بحتفظ بالمكعبات بعد ما يجمدوا مزبوط بكيس نايلون محكم الاغلاق ;) شو رأيك ست رنا بتصير هالفكرة ولا لأ :zzz

  4. نور الأسلام 16 June 2010

    السلام عليكم :) يسلمو اديك رنا شهيتيني كاني انا كمان شايفتها مرة عالنت بس ما جربتها لكن بما انك جربتيها واعتمديها رح جربها انا كمان :)

  5. دمدوم 17 June 2010

    يسلمو ايديكي رنا
    هي اول مرة الي بضيف تعليق مع اني بعرف هالموقع من زمان بس ولا مرة كنت اتجرا واكتب تعليق بس اليوم واخيرا انحلت القعدة وانطلقت مع الكابوتشينو صديقي العزيز جربتهالطريقتك وهلق عم اكتب وانا عم اشرب أطيب كابوتشينو بالبيت وانا استعملت قهوة Davidoff Rich Aroma وطلعت بتعقد وكلما شربت منها رح ادعيلك الك وللغالية منى وتسلمولي

  6. ام نور 17 June 2010

    السلام عليكم اخواتي الاعزاء
    مبارح شفت الوصفة بالليل فما حبيت علق قلت بوقرة بساوي الوصفة وبخبركون شو بدي خبركون رهيب هالكابوتشينو بنصحكون دغري تجربوا ما بدها انتظار الشغلة انا استعملت ماركة شبيهة لا النسكافية غير شركة ونوع جولد عوض الماي تلج طحنتوا بالخلاط وحطيت نص كوب سكر لان ما بحب السكر كتير لما خفقتون مع بعض صاروا جامدين متل الكريما فعلا وحطيطون بالتلاجة صاروا متل البوظة ولما عملت فنجان طلعت الرغوة رهيبة مع شوية كريم شانتيه عالوج شغلة فالف شكر لا رنا الله يبارك فيكي ويخليلك عيلتك :) وسلم دياتك

  7. منى 17 June 2010

    عوافي يا جماعة :)
    و انا كمان رجعت جربته امبارحة , و المزيج بالخلاط صار متل كريما , استخدمت هل المرة ماتينال من نسكافيه , و كان طيب كتير كتير و طعمته بتجنن , بس سكره شوي زيادة على زووءي , مرة تانية رح خفف شوي ان شاء الله

    الف شكر الك رنونة و بكرة ان شاء الله رح صور كاستي النسكافيه و حط الصورة :zzz

  8. منال 18 June 2010

    السلام عليكم شو بدي قلك يا رنا على هل الكابتشينو شي روعة ولا فيه مواد نا فشة ولا غيرو صحي مية مية جزاك الله خيرا على هل الوصفة وصار بدنا غيرها مرحبا اختي منى كيفك وكيف الشوبات عندكم بحلب الله يعينا ومبروك عليكم جميعا شهر رجب ويبارك لنا قي شعبان ويبلغنا رمضان امين

  9. منى 20 June 2010

    هلا منولة :)
    مين قال شوب , ستي الجو عنا ربيع و اخر حلاوة و ما في شوب و درجة الحرارة مة 36 ابدا , هي كلها اشاعات :grin

    امين يا رب , كلنا و نكون من عتقاء الشهر

  10. semo 20 June 2010

    شو هالكابوتشينو اللي بياخد العقل ماشاء الله لازم جربه أنا من عشاق الكابتشينو
    من زمان مادخلت الموقع عندي ظروف شوي صعبة ادعولي الله يفرجها
    بس بصراحة لما دخلت عالموقع صارت ابتسامتي مرسومة عوجهي ورح جرب وادعيلك بكل نقطة بس لجيب النسكافيه

    :)

  11. semo 20 June 2010

    منوش حبيبتي أسفة عالانقطاع اليوم رح نزل السعرات الحرارية ان شاء الله بكل كوب

  12. منى 20 June 2010

    سمسوم بقيتي بالي :roll

    ان شاء الله خير و ربي يفرجها عليك و على كل امة محمد , ان شاء الله معداية حبيبتي

    طمنينا عنك ايه و الف الف شكر لعذابك و وقتك :)

  13. farah 20 June 2010

    :roll شو رأيكم بفكرتي ما حدا جاوبني جربها ولا كيف انتوا بتفرزو كل الكمية؟؟ :?
    حبابة منوش شو نسيني جوزاتي ما بدك تطمني عالنتيجة :sigh مستنيتك

  14. رنا 21 June 2010

    مرحبا ااحلى ستات بالعالم …كيفك منى انشالله منيحة …حضري حالك رح نعملك كبسة على بيتك هالكم يوم انا وعصابة من البنات :grin :grin …بتستقبلينا …نحنا عزمنا حالنا بلا ماناخد موعد …..ياستي مالك بطول السيرة ههههههه شكرا كتير الك على تنزيل الوصفة واسفة على انقطاعي عن هالموقع الغالي بس والله لظروف قاهرة جدا جدا وسببها الرئيسي الدراسة العويصة الله يخلصني على خير عندي عشر مواد ادعولي :sigh
    هلأ بقا مشان الكابتشينو …عن جد صارت وصفتي المفضلة والسهلة والسريعة واحلى شي الرغوة اللذيذة يلي بيشوفها بفكرني كتير بروفيشينال :grin تذكرت اول مرة عملته وضيفته لزوجي قعد ساعتين يشكرني ويقلي يسلمو ايديكي اكيد تعبتي كتير وانا عم بضحك وقله شفت شلون انا شطوووووورة ولما عرف الطريقة تفاجأ كتير لانه انا اول ماجربت …جربتها بمقدار قليل وتوقعت انه رح ارميها بس الحمد لله مشي حالها ;)

    عزيزتي ريم …الوصفة الاساسية نسكافيه غولد …انا جربتها بالنسكافيه الغامقة ماعطتني الطعم اللي بدي ياه …انا احيانا برش على وجه الكوب نسكافيه غامقة مشان تعطي طعم مرار لذيذ..فيكي تجربي باي نوع بس ماتنسي تخبريني النتيجة ;)

    اهلا مدام فرح …مابعرف شو بدي قلك بالنسبة لقوالب التجميد مارح تزبط …لانه المزيج رح يكون كريمي ومارح يوصل للحالة الصلبة ابدا …رح يضل كثيف بكثافة العسل تقريبا حتى لو ضل بالفريزر …انا بحطه بمطربان زجاجي بالفريزر وبستعمل كل مابدي بسهولة ;) وشكرا الك لاهتمامك

  15. رنا 21 June 2010

    نور الاسلام …انشالله تجربي الوصفة وتعجبك ومية هلا فيكي ;)

    دمدوم
    شكرا للتجريب السريع للوصفة وبتمنى تضلي على تواصل معنا حتى تكبر عيلتنا اكتر واكتر وصحتين وهنا على قلبك بالكابتشينو :)

    ام نور
    دائما بكل وصفة الا ماتضيفي لمسة خاصة ,ماشاء الله ست بيت ممتازة ….شكرا لالك على تجريبك للوصفة …وبصراحة انا تلميذة صغيرة جدا امام خبرتك انتي ومنى …الله يخليكم يارب…فكرة التلج كتير حلوة ومعقولة ان شاء الله رح جربها بالمرة القادمة

    منى, عن جد شكرا لانه فتحتيلي ابواب الشهرة هههههه بكرا العالم بنادولي رنا كابتشينو …حلو هالاسم ها :grin …ياستي صحتين ع قلبك الكابتشينو اكيد سكره زيادة عليكي لانه ماشاء الله عنك حلاوتك بتكفي ;)

    منال,
    شكرا لتجريب الوصفة والله يبارك للجميع بالشهر الفضيل

    semo
    تسلمي يااحلى اخصائية تغذية …بس بتعرفي انصدمت بعدد سعرات الحرارية للكوب …لانه هالاشياء انا مابحسبها …عالبيعة يعني :zzz صحتين وهنا على قلبك اذا جربتيه وشكرا الك لاغناء الوصفة

    بس نسيت قول شغلة …بدي اشكر منى لانه ضافت صورة من عندها …لانه بصراحة صوري ماكانوا زابطين …ووقت شفت صورة تطبيق منى تمنيت هلأ ارجع اعمله ودوقه على طريقتها …بكاسة شفافة حصرا ;)

  16. منى 21 June 2010

    رنون انا حطيته بكاسة شفافة قصدا لحتى تبان الرغوة المغرية و الي بتقلك تعى لحوسني :grin

    شكرا الك لان نزلتي الوصفة , انا متل ما قلت جربتها قبل هلا و لما ما زبطت معي غضيت نظر عنها , هلا اتكرت اني لما جربتها جربتها بحليب عواض المي , قصدي باول خطوة , و كمان بنسكافيه رد ماج , كانت فاشلة .

    هلا مع طريقتك رجعت نجحت معي , هلى راسي احلى رنون كابتشينو .

    انا بستناكي , و بتشرفي انتي و الصبايا كلهن , بس لازم تعطوني خبر لحتى اعملي قالب كاتو و اعزم صبايا الموقع الحلبيات , لحتى نتعرف على بعض :)
    مو حلوة ضيفكن بس نسكافيه :grin

  17. semo 21 June 2010

    شكرا رنوش على كلامك المزوء لازم الواحد يعرف شو عم بيحط بجسمو سعرات بس بطمنك 170 أو حتى 200 مو كتير نحنا بنحتاج من 1500 ل2000 سعرة حرارية باليوم هي اللي مو حابة لا تسمن ولا تنحف
    أنا جربت الكابوتشينو وحطيت معلقتين كبار للكاسة ونص كاسة سكر بالخلطة وتاني يوم زدت للحليب معلقة كاكاو صغيرة وسخنتوا وبعدين كملت الوصفة كالعادة وهيك صار عندي موكا
    والله دعيتلك كتير وأنا عم اشربها

    منى حبيبتي لا يبقى بالك بس هي شوية شنططات وتنقلات بشغل جوزي وأنا بهالغربة كتيييير تعبت

  18. منى 21 June 2010

    سمسوم الله يرجعك سالمة و غانمة و يريح بالك عاجلا غير اجل يا رب

  19. ream 21 June 2010

    انا اليوم لحتى جربتا لانه كان عندي فحص وماكنت عم افضى _عملت نص الكمية ماتجرأت أكتر لاني خفت ماتزبط معي_ يسلمو ايديكي كتيييييييييير طيب ورح جرب حط ملعقة كاكاو متل ماقالت semo وشكرا للكل

  20. larooo 22 June 2010

    مساء الخير ..انا امبارح جربتها والطعمة كتير طيبة ..بس ماطلعت كمية الرغوة متل الصورة :sigh
    ياترى التحريك لازم يكون فترة معينة او بسرعة
    بدي رغوووة انا كمان :cry
    يعطيكم العافية منى ورنا :)

  21. منى 22 June 2010

    لا لاروش حركته عادي :roll و هي الرغوة كلها بالمزيج المتلج , بدوب و بتطفى على الوج ;)

    ما بعرف شو الي صار , بركي رنون بتساعدك :zzz

  22. farah 22 June 2010

    يا سلام عليكي يا رنا على هالوصفة عن جد روعة وخصوصاً اني من زمان محرومة الكابتشينو لأن ما عدت حبيت الالأنواع الجاهزة لوجود المواد المختلفة فيها
    اليوم عملت نفس مقاديرك ونقصت نص مقدار السكر وطلعت حلاوته مزبوطة تمام الله يجزيكي الخير يا رب بالفعل وصفة ممتازة انا من قبل ما تخيلته هيك افتكرت هيكون متل الثلج المجمد بس كان مثل الآيس كريم
    ونصيحة للأخت اللي عم تطالب برغوة زيادة انها تستعمل حليب البودرة بدل الحليب الفريش انا بالصدفة اليوم ما عندي حليب طازة فعملت بالحليب البودرة وسخنته دقيقة ونص بالمكروويف لأن حليب البودرة لمجرد تسخينه بيطلعله رغوة خفيفة وفوقه ملعقة الكابتشينو هاتصير الرغوة دبل وصحة وهنا على الب الكل

  23. hajar 22 June 2010

    انا بعرف انو هي طريقة الكافي لاتيه بس الاختلاف هون انو بتنحط بالفريزر اممممممممم :? يسلمو عالوصفة

  24. منى 23 June 2010

    لارا عصرت مخي و اتذكرت اني سخنت الحليب على النار لان ما بحب طعمته بالمايكروويف , ممكن يكون هادا هوالفرق , لان بس ما غلى لحاله عمل رغوة و لما ضفت عليه المزبج المجلد زادت كتير :zzz

  25. tota2010 23 June 2010

    مرحبااااااا صبايا كلكم
    انا بصراحة بمووووت بلقمة طيبة ومن زمان بحاول سجل بس ما زبط
    اليوم اخييييييرا والحمدلله سجلت وانشالله بكون مع احلى عيلة بالدنيا
    (اذا قبلتوني طبعأ)
    وسلامي خصوصا لصاحبة احلى موقع منى الأمووووورة)
    هلأ نيجي للكابتشينو
    صراحة انا كمان قرأت الوصفة من فترة وكانت مع صور تفصيلية
    شكلها كان روعة بس ما تشجعت اجربها لأنه ما كان عندي الجولدوصاحبة الوصفة كانت كاتبة انو ما بتطلع طيبة بالغامقة :sigh
    انا كمان يومين نازلة اجازة و رح جربها عند أهلي :)
    ومرة ثانية سلاااااااااااااامي للجميييييييع :zzz

  26. AYAH 23 June 2010

    الحمدلله بطمنك مدام منى أخيرا مشي حال التسجيل
    كتير انبسطت بحكياتك بالايميل بس للأسف الصبايا الي ذكرتيون ما بعرفون كون علاقاتي الاسرية متواضعة نوعا ما لأني عشت نصف حياتي بالامارات وقضيت البكالوريا والجامعة بحلب ولما تجوزت بوشي على بريطانياههه
    بس متل ما قلتي صحيح بقولو عيلة وحدة بس مشتته هههههه
    تعيشي وتترحمي الله يرحملك الوالد ويخليلك الوالدة يا رب
    بصراحة الصبايا هون بطيرو العقل والاخت رنا أسرتلي قلبي بهالوصفة كون انو القهوة بانواعا هي صديقة أحزان الغربة والدراسة :cry
    بس سؤال بسيط بصراحة أنا ما بحط سكر ولو حطيت بكون سكرين فشو رأيك بيمشي الحال؟
    أنا جربتا فعلا رائعة بس وقفني موضوع السكر
    شكرا على اهتمامك وان شاء الله بنضل على اتصال عبر هالموقع الحلو

  27. tota2010 23 June 2010

    هلأ ما بعرف قديش رح استنى حتى يبين تعليقي عالوصفة بس كنت بدي اشكر رنا وخبرها انه وصفاتها كتييييير طيبة :)

  28. larooo 23 June 2010

    هههههه كتير مفيد عصر المخ ..بس انا حاسةانو المشكلة من الفريزر الفخم اللي عندي
    عم يجمد زيادة عن اللزوم يمكن ..طلع اقسى من قوام البوظة ..او بالاحرى البوظة كمان بتطلع عندي قاسية مع انه اخف عيار ..رح جرب الحليب عالنار .مع اني
    مابحب اجلي الركوة بعد غلي الحليب :grin
    ورح جرب الحليب البودرة .. لأنو كتير نال اعجاب
    ابو الشباب ..لازم يزبط :grin
    ان شاء الله

  29. فرفوشة 23 June 2010

    فعلا شي مغري…
    يعني اللي ما بيشرب قهوة بيشتهي يجرب هالوصفة على قد ماهي سهلة
    الله يسلم إيديك يارب ويعطيك العافية
    والله يجزيك الف خير منى
    يعني صحي بنطول الغيبات بس ما إلنا إلا لقمة طيبة :zzz
    الله يسعدك ويبارك فيك ولا يضيع لك تعب :)

  30. منى 24 June 2010

    هلا توتا :)
    البيت بيتك و انت بس ما فتي بتصيري من العيلة فورا ;) مية اهلا و سهلا فيك اختي

    ان شاء الله توصلي بالسلامة و بخير و صحة و اذا جربتي الوصفة خبرينا :zzz

  31. tota2010 24 June 2010

    والله عنجد انا من زمااااان متابعة الموقع وبحس انكم عيلتي حتى لو ما شفتكم بعيوني بشوفكم بقلبي :roll
    انا جربت كتيير وصفات واولهم السمبوسك ما بتذكر ع شوكنت بدور وقتها بالنت قام طلع الموقع بوجهي وضليتني اقرأ فبه وما قمت لحتى اجى ابوالشباب وتاني يوم قمت لجرب السمبوسك بنص الكمية وانا صراحة مترددة (مابتعرفي شو وصفات النت عملت فيي مقالب) تشجعت اجربها للانك كاتبة كل شي بالتفصيل عدا عن التعليقات والردود اللي بتزيد التوضيح وبتظهر النتائج وبس قليتها اول وحدة طلعت من المقلاة على تمي دغري ويمممممييي شو مقرمشةومن وقتها وانا بجرب كل شي عالغميض وطبعاهلأ ابو الشباب كل ما اعمل شي جديد بقوللي لقمة طيبة صح؟؟ ومرات بيتفرج معي عالموقع وطبعا كل صحباتي وجيراني وقرايبي عرفوا بالموقع اللي بضلني احكي عنه وين ما رحت واخيرا وليس اخراحبيت اشكرك ع اكلاتك اللي بتشبه اكلاتناممممممم كتييييير طيبة :zzz
    واسفه عالرد الطوييييل بس هادا اللي كنت بدي احكيه وفيه اكتر من وقت ما صرت تابع الموقع :)

  32. farah 25 June 2010

    أهلا وسهلا فيكي يا توتا أكيد صاحبة البيت رحبت فيكي ونحنا كمان واجبنا نرحب بكل الأخوات الجدد اللي بينضموا لعيلتنا انا بالنسبة الي معتبرة ان لقمة طيبة عيلتي التانية اللي بتكبر يوم بعد يوم بجمعة الصبايا الظراف بهالموقع المميز والله يديم محبتنا في الله وتحياتي للغالية منى وكل الأخوات

  33. منى 26 June 2010

    هلا توتا :)
    الف الف صحة و هنا و عافية على السمبوسك لان حبيتيه و زبط معك و كمان على غير وصفات :)
    مرة تانية نورتي بيتك ;)

  34. رنا 26 June 2010

    اول شي عزيزتي لاروو اسفة كتير للتأخير بالرد بس والله عندي فحص وعشر مواد :upset يعني صارت اعصابي مو بس بدها كابتشينو …بدها قهوة سادة وبكل الانواع
    بالنسبة لسؤالك …ماطلعت رغوة لان الحليب بارد وهاد السبب كل ماغليتي الحليب وسخن منيح بتتطلع الرغوة اكتر انا لما بسخن الحليب بالمكرويف بطالع المزيج من الفريزر مباشرة (من الفريزر للكوب فوووورا)بتطلع على وجهه الرغوة حتى بدون تحريك انشالله تجربيه ويعجبك مرة تانية وعوافي على قلبك عزيزتي :grin

    حبيبة قلبي فرح شكرا الك عالرد …ساهمتوااا برفع المعنويات بشكل ملحوووظ بعد ماصارت المعنويات بالارض من ورا الفحص :sigh

    اهلا وسهلا فيكي توتا بعيلتنا المطبخية الالكترونية ;)

    اهلا وسهلا فيكي اية (اسرت قلبك الوصفة)تعبير رائع جدا اخدني لجو رومانسي جميييييل :grin
    انشاللهتجربي الكابتشينو وتحبيه والله يرد ك لبلادك سالمة غانمة يارب

    بس برجع بذكر قوام المزيج رح يكون سميك ومتل الكريم شانتيه..وقت بكون بالخلاط ووقت بتحطيه بالفريزر مارح يتجمد رح يضل على وضعه بس طبعا رح يبرد…بس انتبهوا انه ماتزيدوا فترة الخلط بالخلاط او تنقصوها …بس بتكاثف كله بوقف الخلاط

  35. منى 27 June 2010

    هلا اية :)
    الحمد لله زبط التسجيل و انا اسفة للمشكلة الي صارت :roll
    الله يوفقك بدراستك و يبعتلك مين ينسيك احزانك

    و انا كمان انبسطت كتير بايميلك و مية هلا فيك هون ;)

  36. غيث 2 July 2010

    الله يسلم ايديك رنون حبيت اقف بجانبك مع خسارة البرازيل اليوم الغير متوقعة ابدا واقول لك شعوري متلك الان بالاحباط واني غير مصدقة ما حدث يالله حظ اوفر بوقت اخر هلق بفرحك شوية اني عملت وصفتك وطلعت طيبة كتير وبنكهة الكابتشينو الطبيعي تماما بس عندي ملاحظة بان الجزء العلوي للعبوة الزجاجية اللي وضعت فيها المزيج بعد خلطه على الخلاط انو كان الجزء العلوي له متل الكريما متل ما قلتي بس تحته الجزء السفلي للعبوة كان متجمد وليس كالكريما عجب ليش متل البوظ كان قوامه واخد حوالي نصف العبوة وفوقه مزيج افتح شوي باللون ومتل الكريما فشو السبب برأيك علما اني طبقت طريقتك حرفيا واستعملت نوع الغولد وعلما انو طعمتو رائعة اشكرك على الطريقة بس ممكن اعرف شو السبب بكونه على طبقتين صار مع الشكر ليك واكيد ساعتمد طريقتك دوما بس لازم اصحح خطأي لو سمحت

  37. رنا 16 July 2010

    هلا غيوثة …اسفة للتأخر بالرد …بس للاسف بنتي مرضت شوي واضطريت دخلها للمشفى بس الحمد لله صارت منيحة
    ممممم نفس الشي صار معي بـأول مرتين عملته ..السبب هو اما زيادة بالسوائل او نقصان فترة الخلط ..يعني بشوفيه تكاثف بس بكون لسه ماصار منيح …انا هيك طلع معي من تجربتي ..وان شاء الله يمشي الحال معك ..لانه بزمناته لما صار معي هيك وقت خلص الكابتشينو اضطريت ارمي كل النسكافيه يلي رست باخر المرطبان وهيك حرام مشان النعمة وحتى النسكافيه والغولد حصرا …سعرها مو رخيص لذلك يارب يزبط معك وتفيدك نصايحي

  38. غيث 18 July 2010

    الله يعطيك العافية رنونة ويشافيلك ويعافي بنتك يا رب سلامتها ان شاء الله والله انا رجعت عملته بس بالمرة التانية حطيت كاسة وربع نسكافيه جولد والله واغلى نوع وحياتك مع كاسة ماء فقط اي قللت السوائل لوحدي وطلع هالمرة افضل من المرة الاولى بس كمان رسى شوية تلج بعقب العبوة بس بكمية اقل من السابق بقى يمكن لازم الخلط يكون اكتر متل ما قلتي لاني انا قللت المي ولما تماسك بالخلاط المزيج فورا وقفت خلطه معناها المرة القادمة رح اخلطه اكتر ان شاء الله لاننا من معتمدي الكابتشينو بالبيت يعني رح اضل اعيده وان شاء الله مرة عن مرة بيكون افضل والله يجزيك الخير رنون فعلا ممتاز وانا عم اقلل سكر كتير يعني حريراته كتير قليلة مو متل اللي بالسوق لذلك اعتمدته وكمان كان ناجح برغوته وطعمته الله يسلم ايديك ويشفيلك بنتك والحمد لله على سلامتها

  39. na3oom 6 September 2010

    يسلمو رنوش على هالاكتشاف
    هلأمشكلة الطبقتين عرفناها من غيوث بقى عنى استفسار تاني ممكن ينعمل من دون سكر أو على الأقل بأقل كمية سكر ممكنة لأني بحبه من غير سكر
    وإذا زبط معي رح كون كتييير ممكنونة إلك لأني أنا قهوتي الصباحية وفطوري الصباحي هو فنجان حليب بالنسكافيه ومعك راح يكون أطيب وأطيب

    هل الموقع كل مالي وعم بحبوأكتر وأكتر صرت أفتحو أكتر إيميلي وحسابي بالفيس بووك

  40. منى 7 September 2010

    الله يديم المحبة و الود دوما نعووم :)

    ان شاء الله تجاوبك رنوش ;)

  41. رغد غسان علاء الدين 27 January 2011

    ممممممممم شكلها مغري الصراحة..رح جرب وخبركن بالنتائج :)

  42. MAIS911 15 April 2011

    شكرا اخت رنا علا الوصفه بصراحه انا كتيير بحب الكابتشينو وصرلي زمان ما شربتو علا اصولو لان هون بكندامادقت كبتشينو طيب المهم هلا انا جربت الوصفه بس بنسكافيه بني اسمها ريتشي ريتشي بالرغم من انو طعمتها كتييرقويه بس طلعت بالكابتشينو كتيير خفيفه يعني كاني عم اشرب كاسة حليب عادي شو سبب برأيك معقوله من نوع القهوه ولا شو ؟وشكرا مرا تاني عم نعزبكون معنا :zzz

  43. lalosh 10 November 2011

    يعطيكم العافية جميعا .. هلا انا جربتها مرتين لهالوصفة وبالمرتين لما كنت حضرها واحطها بالفريزر الطبقة اللي فوق متل البوظة بس اللي تحت ما كانت تجمد .. بتضل سائلة لونها بني غامق .. شو السر يا ترى؟؟

  44. رنا 14 March 2012

    الاخت ميس بتصور السبب من النسكافيه الي عندك لازم تستعملي نوع يكون نكهته قوية وظاهرة لانه هالكمية المذكورة بتعطيكي تقريبا 30 كوب نسكافيه اذا رح تحطي ملعقة وحدة لكل كوب حليب..بكل الاحوال فيكي تزودي عيار الملعقة للملعقتين لكل كوب …يعني كل كوب حليب ملعقتين من خلطة الكابتشينو

  45. رنا 14 March 2012

    lalosh
    عذرا للتأخير بس هل شفت ردك,,عزيزتي مشكلتك بالطبقة التحتانية مرات بتصير معي ومرات لأأ,,,بتصور انه مدة الخلط هي السبب يعني لازم بس يتكاثف توقفي خلط ,,,وممكن بالمرة التانية تستبدلي المي بالتلج احتمال تكون النتيجة الفضل ,,بس عالعموم انتي حتى اذا ضلت عندك طبقة سودا تحت وسايلة وقت ببدك تسكبي اخلطي من تحت لفوق مقدار ملعقة وبس

  46. رنا 14 March 2012

    ولحل مشكلة الطبقة السائلة ممكن استخدام خفاقة الكيك مع سكر ناعم الحبيبات

  47. ام هادي 7 May 2012

    حبيتااااا يسسسسسسسسسسلموو

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)