براونيز بكريما الخمس دقايق السرية
تحضير الحشوة :
· يسلق اللوز بالماء حتى يسهل تقشيره ثم يقشر و تقسم كل حبة إلى نصفين .
· تحمص المكسرات بالسمنة كل نوع على حدة حتى تشقر , مع مراعاة رفع المكسرات من السمنة قبل الوصول للون المطلوب لأن المكسرات سيغمق لونها قليلاً بعد رفعها عن النار .
· تقلى اللحمة المفرومة بباقي السمنة و تتبل بالبهارات و الملح ثم تترك حتى تبرد .
تضاف المكسرات المحمصة للحشوة , أصبحت الحشوة جاهزة .
تحضير عجينة الكبة :
· يطحن البرغل المنقوع مع البصلة و البهارات على ماكينة فرم اللحمة ثلاثة مرات .
· يوضع البرغل المطحون و الهبرة في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن ثم تدعك الكبة و الهبرة لمدة 10 دقائق أو أكثر و يضاف القليل من الماء إذا دعت الحاجة حتى الحصول على عجينة رطبة و طرية و متماسكة, أصبحت عجينة الكبة جاهزة .
طريقة تشكيل الكبة :
· يدهن قاع و حواف صينية فرن دائرية كبيرة بالسمنة .
· تقسم الكبة إلى قسمين و يجب أن يكون أحد القسمين أكبر بقليل من القسم الأخر .
· تؤخذ قطعة من القسم الأكبر و ترق بين راحتي اليد بسمك 3 مم تقريباً ثم توضع في الصينية المدهونة , و تكرر العملية حتى يتغطى كل قاع الصينية , و يمكن رق الكبة بطريقة أسهل , يوضع القسم الأكبر من العجينة على ورقة نايلون مبلولة بالماء ثم يغطى بورقة ثانية و ترق الكبة باستخدام الشوبك حتى الحصول على السمك المطلوب ثم تمد في الصينية .
· تمد الحشوة فوق الكبة ثم تبلل اليدان بالماء و تضغط الحشوة على الكبة بلطف .
· تؤخذ قطعة من القسم الباقي من عجينة الكبة و ترق بين راحتي اليد ثم توضع فوق الحشوة , و تكرر العملية حتى يكتمل الوجه .
· تبلل اليدان بالماء البارد ثم يطرق وجه الكبة براحة اليد حتى تلتصق الطبفات مع بعضها البعض بشكل جيد .
· تبلل اليدان بالماء البارد ثم يصقل وجه الكبة بالصينية حتى يصبح أملس و ناعم .
· تبلل سكينة بالماء ثم يمرر طرفها الغير حاد على حواف الصينية حتى لا تلتصق الكبة بالصينية بعد الخبز .
· باستخدام الطرف الغير حاد من السكينة يرسم على وجه الكبة أشكال هندسية مربعات أو مستطيلات أو معينات حسب الذوق و تبلل السكينة بين فترة و أخرى , و يمكن أن يزين الوجه ببضع حبات من اللوز أو الصنوبر .
· تذوب السمنة ثم يغطى بها وجه الكبة بالصينية حتى يتغطى بشكل كامل ثم تخبز الكبة الصينية في فرن على درجة حرارة 180 درجة حتى تنفصل حواف الكبة عن الصينية و هذا دليل على نضج الكبة ثم يحمر الوجه قليلاً .
· تقدم الكبة ساخنة مع السلطات و اللبن العيران و المخللات .
5 كوب برغل أسمر ناعم
كيلو هبرة مدقوقة (عجل)
بصلة متوسطة مقشرة و مقطعة أرباع
ملعقة صغيرة بهار مشكل
ملح
الحشوة :
كيلو لحمة مفرومة خشن (كباب)
ملعقة صغيرة بهار مشكل
رشة قرفة
ملعقة صغيرة ملح أو حسب الرغبة
صنوبر و لوز و جوز و لب فستق حلبي
سمنة
للوجه :
3 – 4 ملعقة كبيرة سمنة
بضع حبات من اللوز أو الصنوبر
تحضير الحشوة :
• يسلق اللوز بالماء حتى يسهل تقشيره ثم يقشر و تقسم كل حبة إلى نصفين .
• تحمص المكسرات بالسمنة كل نوع على حدة حتى تشقر , مع مراعاة رفع المكسرات من السمنة قبل الوصول للون المطلوب لأن المكسرات سيغمق لونها قليلاً بعد رفعها عن النار .
• تقلى اللحمة المفرومة بباقي السمنة و تتبل بالبهارات و الملح ثم تترك حتى تبرد .
تضاف المكسرات المحمصة للحشوة , أصبحت الحشوة جاهزة .
تحضير عجينة الكبة :
• يطحن البرغل المنقوع مع البصلة و البهارات على ماكينة فرم اللحمة ثلاثة مرات .
• يوضع البرغل المطحون و الهبرة في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن ثم تدعك الكبة و الهبرة لمدة 10 دقائق أو أكثر و يضاف القليل من الماء إذا دعت الحاجة حتى الحصول على عجينة رطبة و طرية و متماسكة, أصبحت عجينة الكبة جاهزة .
طريقة تشكيل الكبة :
• يدهن قاع و حواف صينية فرن دائرية كبيرة بالسمنة .
• تقسم الكبة إلى قسمين و يجب أن يكون أحد القسمين أكبر بقليل من القسم الأخر .
• تؤخذ قطعة من القسم الأكبر و ترق بين راحتي اليد بسمك 3 مم تقريباً ثم توضع في الصينية المدهونة , و تكرر العملية حتى يتغطى كل قاع الصينية , و يمكن رق الكبة بطريقة أسهل , يوضع القسم الأكبر من العجينة على ورقة نايلون مبلولة بالماء ثم يغطى بورقة ثانية و ترق الكبة باستخدام الشوبك حتى الحصول على السمك المطلوب ثم تمد في الصينية .
• تمد الحشوة فوق الكبة ثم تبلل اليدان بالماء و تضغط الحشوة على الكبة بلطف .
• تؤخذ قطعة من القسم الباقي من عجينة الكبة و ترق بين راحتي اليد ثم توضع فوق الحشوة , و تكرر العملية حتى يكتمل الوجه .
• تبلل اليدان بالماء البارد ثم يطرق وجه الكبة براحة اليد حتى تلتصق الطبفات مع بعضها البعض بشكل جيد .
• تبلل اليدان بالماء البارد ثم يصقل وجه الكبة بالصينية حتى يصبح أملس و ناعم .
• تبلل سكينة بالماء ثم يمرر طرفها الغير حاد على حواف الصينية حتى لا تلتصق الكبة بالصينية بعد الخبز .
• باستخدام الطرف الغير حاد من السكينة يرسم على وجه الكبة أشكال هندسية مربعات أو مستطيلات أو معينات حسب الذوق و تبلل السكينة بين فترة و أخرى , و يمكن أن يزين الوجه ببضع حبات من اللوز أو الصنوبر .
• تذوب السمنة ثم يغطى بها وجه الكبة بالصينية حتى يتغطى بشكل كامل ثم تخبز الكبة الصينية في فرن على درجة حرارة 180 درجة حتى تنفصل حواف الكبة عن الصينية و هذا دليل على نضج الكبة ثم يحمر الوجه قليلاً .
• تقدم الكبة ساخنة مع السلطات و اللبن العيران و المخللات .
بارك الله فيكي شي بيشهي كلك زوق يار يت لو ممكن تعلمينا طريقة تحضير اليالانجي والف شكر الك
تكرم عيونك أختي ام نور
طريقة الييالنجي بتلاقيها[URL=http://www.l2ma.com/index.php?option=com_content&task=view&id=150&Itemid=1] على هل الرابط[/URL]
و الشكر ليك أختي على وجودك الطيب
فعلا روعة
الله يباركلك بصحتك و وئتك وعملك و يسلمو هالايدين يا رب
و الله يسلمك يا قمر و لا يحرمني هل الدعوات الحلوة
تسلم ايدك يارب رائعة الوصفة انا طالبة منك شغلة ياقمر وارجو مااكون تقلت عليك دقت كبة برا كانت هشة وعلى شكل اصبع وداخلها خلطة لحم مفروم من برا غامقة وزي اصبع الكفتة ومافيها فراغات بين الحشوة وبرا مش عارفة هيا كانت كبة بطاطا والا برغل بس ومنجوا اللحم المفروم بس اطيب شي انها كانت مقرمشة وهشة ياريت لو عندك فكرة ياقمر توضحيها لنا والف شكر لك وتورينا ايه اسرار الكبة الخفيفة والمقرمشة .
هي اختي اسمها الكبة الدراويش و هي نفس طريقة عمل [URL=http://www.l2ma.com/content/view/200/2/]الكبة المقلية[/URL]
بس بيكون الها غير شكل و الشكل منعمله بالقالب الخاص الي بيجي مع ماكينة فرم اللحمة
يا ريت لو تفوتي [URL=http://www.l2ma.com/content/view/200/2/]على هل الرابط [/URL]و تشوفي الوصفة
و مية طلب متل هل الطلب و اي سؤال تاني انا بالخدمة غاليتي
روحي الله يبيض وجهك متل مابيضتي وجهي
كللللللله كان تمام وشوطبخ بطير العقل اكلوا وشبعوا الحمدلله
ومافي شي تعسرمعي كله من اطيبه اللبنيه والسفرجليه والحرق باصبعوا كله بجنن
ان شاء الله عوافي و هنا يا رب
كتير انبسطت ان العزيمة اتيسرت و لو ما انت شاطرة ما كان ظبطت معك هل الأكلات الي نقيتيها
مية أهلا و سهلا فيك اختي
حبيبتي منى،بدي أعمل هالكبة ،بس عندي كم سؤال قبل ما أقدم على هالعملية. :grin
1-هل من الضروري يكون البرغل أسمر،وما النتائج المتوقعة إذا استخدمت برغل فاتح؟
2-السمنة مو متوفرة عندي ،بتصير بزبدة نباتية؟
3-كم صينية بدها هالوصفة ،وكأنو صينيتك كبيرة شوي؟ :upset ،والحشوة مو قليلة على كمية الكبة؟
هلا امولة
من عيوني الاسئلة و على راسي الي عم تسأل , هلا البرغل بيمشي حاله بالبرغل الفاتح , و بيطلع منيح بس اصوله بالغامق ..
السمنة فيك تستبدليها بازبدة بس يا ريت تكون من نوعية معتبرة لان كل ما كانت السمنة طيبة بتصير الكبة أطيب
أخر الشي هل المقدار بيعمل صينيتين واحدة كبيرة و التانية صغيرة فيك تقسمي المقدار بالنص و تعملي صينية وسط , و الحشوة مناسبة تمام مع العجينة بس كمان فيك تزيديها على حسب رغبتك
اي سؤال تاني انا بخدمة الناس الطيبة
هايلة لكن ايش هو البرغل بالجزائري
هلا فيك ام المهدي
نور الموقع باخت غالية و عزيزة ..
نزلت الك موضوع خاص عن البرغل, فيك تشوفيه على [URL=http://www.l2ma.com/content/view/399/25/]هل الرابط[/URL]
روعة ماشاء الله هي طريقتك هي الطريقة المتبعه في حلب عند غالبية الحلبية وانا منون طبعاً 8) بس يلي لفت نظري هو طريقة التقطيع انا بتطلع معي خرائط الوطن العربي بالصينيه وما كتير بتطلع حلوه ياريت تعلميني كيف بتقطعيها والف شكر الك حبيبتي على هالوصفات عن جد الطبخ فن وانتي فنانه مبدعة
ام جودي
هلا ام جودي
كلك زووء , نورتي حبيبتي و نور المطبخ باحلى ام جودي
بتعرفي يمكن لما كان عمري ااقل من عشر سنين كنت مستلمة مهمة تقطيع الكبة لما ماما بتعمل الكبة بصينية , قصدي الكبب بصينية , ااقل من ست سبع صواني ما بيصير :eek
كنت ارسم و أغلط و هي تقلي رح تضلي لحتى تظبط معك و كل ما يصير شكل الصينية كاابوس , تلت ايدها بالمي و ترجع تمسد الوجه و تقلي ابدي مرة تانية , هيك لحتى صرت بسويها و انا ناايمة
المهم , بتجيبي سكينة و فنجان مي , و بتلتي السكينة بالمي و من الطرف الي مو حاد بتقسميها لأربع أرباع هلأ كل ربع من هل الأرباع منرجع منقسمه لنصفين , صار في عندنا 8 أرباع و كل ربع اله ضلعيين متوازيين ( هيئتنا صرنا بالرياضيات:zzz )
هلا كل الشغلة انك تعملي مجموعة من الخطوط المتوازية مع أول ضلع ومجموعة تانية من الخطوط المتوازية مع تاني ضلع و بترجعي بتعيدي نفس القصة مع الربع التاني و هيك لحتى تخلصي , ان شاء الله كون وضحت الفكرة , و لا تنسي انك تلتي الصينية بالمي كل كم خط و ما تغمقي فيها في الكبة .
أي سؤال انا بالخدمة حبيبتي
البارحة عملت كبة صينية وكبة مبرومة وسوار الست ،وعملت الحشوة للكل متل حشوة المبرومة ، يعني اللحمة نصها نية ونصها مستوية ،برأيك ممكن تستوي اللحمة من جوا؟؟ وهل أزيد وقت الطهي؟
هلا امولة , أكيد رح تستوي من دون ما تزيدي وقت الطبخ
اذا ظبطت معك يا ريت تخبريني
عندي سؤال محيرني انا ما عندي ماكينة فرم اللحمة عنبس محضرة الطعام و انا ع طول بنعم اللحمة عليهاقولك ما بيمشي حالها لطحن العجينة بدل ماكينة الفرم العادية اليدوية انا من زمان نفسي اعمل كبة بس لما اقرا انها بدها هي الماكينة برد بغير رايي يار يت تفيدني
السلام
ممم , و الله ما بعرف هنونة :roll انا الماكينة الي عندي على الكهرباء مو يدوية , أتوقع بيمشي حالها من دون ماكينة و خصوصا ان اخوتنا اللبنانية ما بيفرموا البرغل ابدا , بس بينعموه بالدعك , ممكن تجربي كمية صغيرة و اذا صارت خبريني لحتى الكل يستفيد
بس لا تنسي تنقعيها منيح
انشا الله بس اعملها و انعم العجنة بمحضرة الطعام بخبركن انشاالله
يعطيك الف عافية
ع فكرة امبارح عملت فطاير السبانخ متل ما موجودة وطلعت كتير طيبة وهي اول مرة بساويها انا كتير مبسوطة بهالموقع الرائع
يسلموا ايديك وانشاالله يتحققلك كل اللي بدك اياه
السلام
الله يخليك و يحفظك هنونة
ان شاء الله انت كمان الك متل هل الدعوات الحلوة , مية الف صحة و هنا على الفطاير و عم استنى شو صار معك بالكبة :zzz
الله يعطيكي الف عافية اخت منى
والله استفدت كتير من موقعك الله لا يحرمك الاجر
وبعد اذنك بدي طريقة السماقية اللي بتتعمل مع الكبة على اصولا الحلبية
وشاكرة لك حبيبتي
مية هلا و الف صحة و هنا و عافية أختي
تكرم هل العينتين اختي رح نزل السماقية قريب ان شاء الله , صرت واعدة فيها أكتر من أخت , ربي يسرلي و نزلها هل الفترة
اي شو هالموقع الشهي تسلم ايديكي يا أحلى منى انتي وكل اللي بيساهم فيه صار الموقع الرسمي لإلي لتعلم الطبخ جربت الكبة من هون وكام أكلة وزوجي حبن كتير وصار يشيد فيني قدام حماتي..هههه
مابدي طول عليكي منى بس دورت على أكلة المسيلوقات بالموقع ما لقيتا تسلملي عينك يا منى ما بدي جربا كيف ما كان خاصة انك بتعملي الأكل عأصولو
هلا ريومة
ريتو عافية و صحة و لو ما انتي شطورة ما كانوا نجحوا معك الوصفات :zzz
تكرم عيونك حبيبتي رح نزل الك الوصفة , بس على التيسير اذا الله راد
الأخت العزيزة منى
أشكرك على هذا الموقع الجميل و الأكثر من رائع أعرفك بنفسى أما عزة من القاهرة وأرجو أن تقبلينى صديقة لكم
جربت اليوم الكبيبة الصينية وطبعاًاحنا فى مصر نطلق على الكبة الكبيبة وفعلا طلعت أكثر من رائعة وخفيفة لأنها غير مقلية فى الزيت و كمان طرية علشان خاطر ماما و أسنانهابس طبعا أنا قللت شوية فى المقادير للنصف بس عجبت أولادى و زوجى وأمى أشكرك و إلى اللقاء
مية هلا و مية سهلا بكل الاخوات من مصر
يا ستي شرفتي و نورتي و انستي
ريتو هنا و صحة على قلبك و قلب ماماتك و كل واحد من عيلتك , كتيرانبسطت انك جربتي الكبة و عجبتك و عقبال ما تجربي انواع تانية و تظبط معاك :zzz
تسلم ايدك يابنت العم انا كثير بحب كبه الصينية
لك اهلين و سهلين بهل القامة و هل العين
مو مصدقة عيوني و الله :eek
ابوس روحك و الله يسلمك يا عسل بشهده
أنا عندي سؤال
انتي كاتبة إنو منطحن البرغل المنقوع
فيا ترى أديش بدنا ننقعو؟؟؟
و المي للنقع لازم تكون باردة؟؟
على فكرة أنا أول مرة بدي ساويا لهالكبة
فبدي اتأكد من كل خطوة قبل ما اتورط 8)
7ayah Dayyen