براونيز بكريما الخمس دقايق السرية
· يقطع الكبد لمكعبات صغيرة ثم يغسل و يترك جانباً ليصفى بشكل كامل . في حال استععمال الكلي تقشر و تقطع لنصفين و يزال الجزء الصغير الابيض ثم تقطع .
· تخلط بقية المقادير في طبق و يضاف الكبد و يترك ليتبل لمدة 4 ساعات و يمكن نقعه قبل يوم .
· يحمى القليل من زيت الزيتون في مقلاة غير لاصقة على نار متوسطة ثم يرفع الكبد من النقعة و يقلب بالزيت حتى ينضج لمدة 10 – 15 دقيقة .
· يقدم فوراً مع الخبز العربي و الفلفل الحر و اللبن العيران أو صلصة الطحينة و البطاطا المقلية .
نصف كيلو كبد ( ممكن استعمال الكبد و الكلى )
فنجان خل تفاح
فنجان زيت زيتون
نصف ملعقة صغيرة بهار
نصف ملعقة صغيرة ملح
ربع ملعقة صغيرة قرفة
• يقطع الكبد لمكعبات صغيرة ثم يغسل و يترك جانباً ليصفى بشكل كامل . في حال استععمال الكلي تقشر و تقطع لنصفين و يزال الجزء الصغير الابيض ثم تقطع .
• تخلط بقية المقادير في طبق و يضاف الكبد و يترك ليتبل لمدة 4 ساعات و يمكن نقعه قبل يوم .
• يحمى القليل من زيت الزيتون في مقلاة غير لاصقة على نار متوسطة ثم يرفع الكبد من النقعة و يقلب بالزيت حتى ينضج لمدة 10 – 15 دقيقة .
• يقدم فوراً مع الخبز العربي و الفلفل الحر و اللبن العيران أو صلصة الطحينة و البطاطا المقلية .
يا عيني يا عيني
أول شي كل عام و انتِ بخير و لكل الصبايا بلقمة طيبة
و تاني شي
زكرتيني بالعيد لما كنت عند أهلي قبل ما اتزوج و سافر … كان لازم كل صباح عيد نعمل كبدة … و يا عيني عالكبدة بالبصل و البقدونس و الفلفل الأسود … طبعاً هاي طريقة ماما … ما كان يكمل العيد بدونا …
الله يخليلي إمي و يطولـّي بعمرا يا رب … شو اشتقتلا … و يخليلكن إمهاتكن كمان…
:cry
شكراَ كتير إلك منى على هالوصفة الي رجعتلي كتير زكريات حلوة
7ayah Dayyen
هلا حياة
تعيشي و تتذكري حبابك ان شاء الله , و متل ما قلتي اطيب من طبخ الام ما في , لان مو بس نفس فيه حب و دفا :zzz
طريقة امك كمان طيبة كتير , ممكن بقدونس و ممكن كزبرة و بتعطي نكهة حلوة مع الوصفة , يمممم
والله يامنووشة انا بدعي الله يبعد عني الناس المعاليق واكلة المعلاق …يعني انا المعلقة كلها مابحبها
هو كتيييير مفيد بس حاولت اكتر من مرة اني دوق وجرب بركي نفستي بتتغير …النتيجة نفسها داااائما بتعكر مزاجي وبقوم من السفرة …مابعرف في شي بطعمته مابحبها
بس هو اكيد لذيذ لان كل العالم بتحبه انا الجدبة الوحيدة
يلا كل سنة وانتي سالمة والله يخليلك امك وكل عيلتك سالمين يارب
بس غريبة انه امك مابتستعمل البصل والتوم …خصوصي مع اللحوم …ياترى ليش؟؟
تسلم ايديكي
والله امبارح زوجي قلي مشتهي عالكبدة رح اجربها قريبا
واقولك النتائج
سلامة ميمو بعد زمان القمور الحلو ما بان عيدك مبارك انشاء الله انت وعيلتك وامك وكل اهلك ونحن انا والاخوات بالموقع منهم طبعا بالف خير يا رب والله يا رناانا متلك ما بطيق المعلاق ولا بتخيله وزوجي بيموت بشي اسمه كبدة سبحان الله رح اعمل له هالطريقة تغيير شكل شكرا منى على الوصفة وكمان رح اخبرك رنون اني صرت معلمة بالكابتشينو(كابتشينو رناههه)الله يعطيك العافية رح تقوليلي بكير مو ههههه الحمد لله بالنهاية مشي الحال والشكر لمنى والك رنون وللجميع :grin
شكرآمنى أنا جديدة وبحب ترحبي فيني عبحب اعلق بس حاسة انومافي حدا عم يدخل كلو قديم ومافي شي جديد اول مرة بشوف هالتعليقات الجديدة واكلة الكبدة انا بعملها متل ماقلتي بس ما بتركا لاربع ساعات او اكتر بفرما وبتبلا بملح وبهار وكزبرة وفليفلة حمرا ناعمة وبقليها راسآ بس فكرة التتبيلة اللي قلتي عليها وشكرا الك مناي
صحيح نسيت اقولك كل عام وانتو جميع بألف خير بمناسبة عيد الاضحى المبارك والله يعيدو علينا وعليكم بالصحة والعافية
مساء الخير للأعضاء الكرام وكل عام والجميع بألف خير وعيدكم مبارك جميعا والأخت منى إن شاء الله تكونين بألف خير وعيلتك , اشتقت لك كثيييييييييييييييير
وياليت الوصفة نزلت قبل العيد بيوم مثلا كنت جربتها فورا لأن كان الكبد متوفر يوم العيد وبكميات , الله يديم علينا نعمه دنيا وآخره, بس عالتجريب أكيد , لأن مجربة وصفات كثيرة جدا وجديدة من الموقع بس ماألقى الوقت لأكتب تعليقي على كل وصفة وأخرها تورتة الأخت رنا بتجنن الله يعطيها العافية , وكل الوصفات تمام التمام :zzz
والعيد الحالي عملت وصفة للكبدة على الطريقة المغربية من قناة فتافيت وبالتحديد برنامج طاجين أول مرة بعملها سهلة كثير .
والمغاربة لازم يعملوها يوم العيد وطلعت يمييي يمييي والكل حبها وهي كبدة بالشحمة ,
الكبدة تتقطع طولي و بتنلف بالشحمة الرقيقةإلي مثل القماش الشفاف وملح وكمون وتقطع وتشك في أسياخ وتنشوى على الفحم 10 دقايق . وسبحان الله الشحمة بتذوب ولا بيكون لها أثر ، فمافيه داعي للخوف أو الهلع :eek وإلي بيجرب غير إلي بيقرأ .
تحياتي .
هلا غيووثة بعد زمان والله …لازم نعمل انا وياكي رابطة عالفايس بوك لكارهي المعلاق ….والله بيجينا كومة زباين الله يديم نعم ربنا علينا …انا بحب كل الاكل بس هاد المعلاق مابعرف شو قصته معي
بالنسبة للكابتشينو صحة وهنا على قلبك هو سهل ومابده شغل ابدا …كل ماعملتيه تذكريني بالخير
بصراحة انا ما بحب الكبدة وزوجي دائما بيطلبها وانا بقلو لأ لاني ما بحبها بس بعد ما قرات هالوصفة غيرت رايي ورح جربلو ياها
هلا رنوش
ااامين يا رب , الله يبعدهم عننا و يبعدنا عنهم :grin
متل ما قلتي , الواحد يا اما بيحبها كتير يا اما ما بيطيقها . ابو الشباب من نفس الجروب , بس الحمد لله الاولاد كلهم معي و صرنا 5 على واحد , اوووت :zzz
ماما ما بتحب الثوم و البصل ابدا و لما بتضيفم على الاكل بتضيفهم بتقنين شديد و باقل كمية يسمح بها القانون , و انا بستعملهم بشكل عادي , لهيك لما علمتني الوصفة قالتلي مو يخطر ببالك تحطيلي توم او بصل , هيك انا بعملها و انا كمان هيك صرت اعملها
هداك المعلاق المطجن بده توم و كزبرة , بس على اعتبارك مو من انصاره فما رح نزل الوصفة :zzz
هلا ام نبيل
ان شاء الله تجربيها و تحبيها و تعجب الباشا
رح استنى رايك
هلا غيوثة
ان شاء الله انت بخير انت و كل اهليتك و عيلتك واحد واحد
انتو عكسنا , انا بحبه كتير و ابو الشباب ما بيطيقوه , بس انا و لا على بالي , حاكله يعني حاكله :grin
صحتين و الف هنا على الكابتشينو , قال سمعت ان رنوش ناوية تغير اسمها و تصير رنا كابوتشبناجي , شو رنو صحيحة هل الاشاعة :roll
هلا ام المنذر
نورتينا و شرفتينا و كل سنة و انت بخير و صحة انت و كل الي بتحبيهم .
التتبيلة الي قلتي عليها هي التتبيلة الحلبية المعروفة و اكيد ما في تنين بيحكوا فيها , اذا بتحبي جربي التتبيلة الي فوق و كمان رح تعجبك
هلا فيك
هلا لاروش
و انا كمان اشتقتلك كتير و كل يوم ببالي و خصوصا اني عم اشرب من تحت دياتك كل يوم شراب الزنجبيل و صرت ناصحة فيه كتيريين :zzz
يلا ان شاء الله خيرها بغيرها , حطيها ببالك و ان شاء الله تعجبك . الوصفة الي ذكرتيها اول مرة اسمع فيها و خرطت مشطي كتيررر , ان شاء الله اول مرة رح نشوي فيها رح جربها , و خصوصا اني من عشاق الكبدة , مو متل بعض ناس :grin
هلا فيك زين
ان شاء الله تجربيها و تكون طيبة متل ما بتحبي و اكتر , قصدي متل ما بيحب و اكتر
نورتي الموقع , مية هلا فيك
صحتين و الف الف هنا رنوش على البك .
الاحلى شعور ان واحدة في مكان ما على الكرة الارضية وثقت فيني من دون ما تعرفني و لا تدوق من عندي شي , هادا اكتر شي بحبه و بحسه فضل من رب العالمين
رنوش ممكن تصغري الصورة شوي :roll
سووووووري منوش راح عن بالي التصغير
[img]http://www.m5zn.com/uploads/2010/12/3/photo/1203100512410mjtefye20p9sl6ln.jpg[/img]
كأنه كتبت رد طويل عريض وطار
اذا رجع هداك الرد امسحي هاد حاجتن المشاهدين كركرة
ايه ياستي ….بالنسبة لامك الله يخليلك ياها انا لهذه اللحظة متفاجئة باقلالها من البصل والتوم سبحان اللله الناس اذواق انا بعرف الناس الكبار روح قلبن يكتروا من هالنوعين انه شي بذكي الاكل وبيعطيه نكهة بقا سبحاان الله
بالنسبة للكابتشينو ياستي رضيانة بتغيير الاسم بس سبحان الله الاكل والشرب لاحقني بجميع القابي كنا بالدرويش صرنا باكابتشينوجي يلا الله يديمها نعمة يارب بس بتعرفي هالكنية اكابر وهاي كلاس :grin
كتير عم افرح يامنى لما حدا عم يجرب شي من وصفاتي الفصعونة والملطوشة في بعض الاحيان وبتنجح معه …اكيد انتي شعووورك دائما حلو لانه وصفاتك كمتيرة ماشاء الله واغلبها ناجحة …على فكرة جربت اليوم تمر منيون وطلع بياخد الئعل …الله يجعل هالدعوات الحلوة اللي عم تاكليها مني من نصيبك يارب وهي صورة تطبيقي واكييييد اكلت عنك كم طابة
[img]http://www.m5zn.com/uploads/2010/12/3/photo/1203100512410mjtefye20p9sl6ln.jpg[/img]
يسلمن
هلا بانوا منيح و اطيب الشي انك اكلتي عني :zzz
السلام عليكم منى كيفك وشو اخبارك والله كتيير إشتقتلك وإشتقت لطبخاتك الطيبة وحلوياتك اللذيذة يا ستي هي الوصفة كتيير مميزة هلق انا بصراحة بنضم لحزب غيث ورنا يعني ما بحبه للمعلاق نهائيا وإذا حدا بحب يعاقبني بقلي كلي معلاق بس بصراحة يللي لفت نظري طريقة تحضيرك للمعلاق بتعرفي على حكياتك اكلات ماماتك كتيير بنزبط مع الباشا عندي لأنو هو ما بطيق شي إسمه بصل بالأكل بس بيآكل توم بس اتوقع هيك طريقة بالطبخ بتزبط معه :grin :grin إلا ما اجربها شي مرة إن شاء الله ويسلموا إيديك يا رب على طل شي عم تقدميلنا ياه لأنو كله مميز وطيب والله يخليلك ماماتك ويديمها فوق راسكم آمين طول عليك يمكن كتتيير بس والله عن جد إشتقتلك :roll
تسلم ايدك منى عهالأطباق الشهية
وبهنيك على ذوقك الرفيع ومهارتك وسلامي لكل الصبايا بالموقع
كيفك منونة ان شاء الله تكوني بخير بتسلم عليكي رفيئتك نوار عك وهي بتكون بنت بنت احماي تزوجت على ابوظبي من تلات سنين وصار عندا صبي عبحكيلا علموقع وذكرتلا اسمك فورا قالتلي هي رفيئتي وسلميلي عليها والسلام أمانة وهي وصلت الامانة تحياتي الك
السلام عليكم الله يعطيك الصحة والعافية علي الطبخة الرائعة وتقبلي مروري