براونيز بكريما الخمس دقايق السريةمستطيل الزبدة :
باكيت و نصف زبدة ( بوزن 200 غ للباكيت )
2 ملعقة كبيرة طحين
العجينة :
كوب و ربع حليب دافئ
2 ملعقة كبيرة سكر
ملعقة صغيرة ملح
نصف ملعقة كبيرة زبدة طرية
ملعقة كبيرة و نصف خميرة فورية
3 كوب طحين
للوجه :
2 صفار بيض
2 ملعقة كبيرة حليب
حشوات مختلفة للكروسان :
شوكولا مقطعة لمستطيل أقصر بقليل من قاعدة الكروسان ( لا تستعملي شوكولا مبشورة أو مقطعة )
جبنة كيري
جبنة مشكلة
زعتر مخلوط مع زيت زيتون
دبس فليلفة ممزوج مع رشة كمون و أوريغانو و زيت زيتون
تحضير العجينة :
• يسخن الحليب حتى تصل درجة حرارته لأعلى درجة يتحملها طرف الإصبع ثم يمزج مع الخميرة و السكر و تترك لمدة 5 دقائق حتى تبدأ الخميرة بالتفاعل , إذا كانت درجة حرارة الحليب مرتفعة جداًَ فأن ذلك سيؤثر على الخميرة .
• يمزج الطحين و الملح ثم يضاف لمزيج الخميرة و يعجن الكل مع الزبدة حتى تتشكل لدينا عجينة طرية , توضع في وعاء و تغطى بشكل محكم و تترك في مكان دافئ حتى تنتفخ العجينة و يتضاعف حجمها .
تحضير مستطيل الزبدة :
• تترك الزبدة خارج البراد حتى تصبح طرية ثم تخفق بمضرب سلك مع الطحين لمدة دقيقة تقريباً .
• تقص ورقة زبدة ( ورقة بارشمان ) لمستطيل أبعاده 25 *17 سنتيمتر ثم توزع عليه الزبدة و يسوى سطحها و توضع في الفريزر .
فرد و طوي العجينة :
• توضع العجينة في البراد لمدة ساعة حتى تبرد ثم ترش طاولة العمل بالقليل من الطحين و توضع عليه العجينة الباردة و ترق لتشكيل مستطيل بأبعاد 25*35 سنتيمتر .
• يخرج مستطيل الزبدة من البراد و توضع على نصف العجينة ثم يقلب النصف الآخر عليها بحيث يغطيه ثم يضغط على الأطراف حتى تقفل تماماً .
• تفرد العجينة بالطول حتى تصبح مستطيل بطول 35 سنتيمتر و له نفس العرض .
• تطوى العجينة كما تطوى الرسالة بحيث يصبح لدينا ثلاث طبقات , تغطى بورق ألمنيوم أو توضع بكيس نايلون كبير و ترجع للفريزر لمدة ساعة , أنهينا أول مرة من عملية الفرد و الطوي .
• تخرج العجينة من الفريزر و توضع على طاولة العمل بعد رشها بالقليل من الطحين و تكرر نفس عملية الفرد و الطوي مرة ثانية و ثالثة و رابعة مع إعادة العجينة للفريزر بعد كل مرة , بعدها أصبحت عجينة الكروسان جاهزة .
• للتخلص من قصة قياس العجينة كل مرة , أستعمل لوح فرم خشبي خصصته للكروسان بأبعاد 25*35 سم و أقوم بفرد عجينتي حتى تصل لأطرافه .
تقطيع العجينة :
• باستخدام سكين حاد تقسم العجينة إلى قسمان , يرجع أول قسم للفريزر و يفرد القسم الثاني لمستطيل.
• يقسم المستطيل إلى مثلثات بالحجم الذي تفضليه ثم تلف .
• توضع قطع الكروسان على صينية فرن مغطاة بورق الزبدة و تطوى أطرافها قليلاٍ للحصول على شكل يشبه الهلال .
• تكرر العملية حتى تنتهي لدينا كل الكمية ثم تغطى الصينية بمنشفة مطبخ نظيفة و تترك لتتخمر مرة ثانية و يتضاعف حجمها لمدة ساعتين تقريباً , مع ضرورة الانتباه أن تكون درجة حرارة الغرفة ما يعادل 35 درجة مئوية كي لا تسيح الزبدة أثناء تخمر الكروسانات .
• يمكن تحضير الكروسان بدون حشوة و تقديمه مع الشوكولا الطرية كشوكولا نوتيلا أو يمكن حشوة بالحشوات المختلفة التي ذكرتها مسبقاً .
خبز الكروسان :
• يحمى الفرن على درجة حرارة 200 مئوية , يمزج صفار البيض مع الحليب .
• يدهن وجه الكروسان بمزيج البيض و يرش الوجه بحبة البركة إذا كان محشي بالجبنة أو يرش ببذور الكمون إذا كان محشي بالفليلفة أو بالسمسم إذا كان محشي بالزعتر ثم يخبز في الفرن الحار لمدة 5 دقائق ثم تخفف النار لدرجة حرارة 180 و يترك لمدة 10 دقائق أخرى أو حتى ينضج و يشقر .
• يرفع الكروسان لمشبك سلك و يترك ليبرد لمدة عشر دقائق ثم يقدم .
فكرة جديدة :
مؤخرا قرأت وصفة يتم استبدال الحليب بمزيج من القشطة و الحليب , أعجبتني الفكرة و سأطبقها إن شاء الله في المرة الثانية التي سأعد فيها كروسان و سأخبركم النتائج .
ما شاء الله عنك شو هالكروسان روعة روعة كانو جاهز مش شغل بيت يعطيكي الف عافية :zzz انشالله ناوي جربها بعد رمضان
عرواء
ينعاد علينا وعليكم وعلى امة الاسلامية بالخير والبركة
بدي اسالك اخت منى هالكروسان الشهي الي بالصورة من اول مرة نجح معك
ولا ممكن نواجه مشاكل نتعلم منا
ان شاء الله أخت أم نور اذا جربتيه رح يعجبك
و أنا كتير اسفة للتأخر بالوصفة ..
هلأ سؤالك الكروسان طلع ناجح معي من أول مرة ؟
أكيد لأ و الوصفة إلي حاططتها فوق مع الملاحظات الصغيرة هي الاشياء الي اتعلمتها بعد عدة تجارب فاشلة أو تجارب عادية لوصفة الكروسان :sigh
لهيك بنصحك قبل ما تبدي بتطبيق الوصفة انك تقريها منيح أكتر من مرة و بعدها تطبقيها و ان شاء الله رح تطلع معك متل ما بتحبي و أكتر
ما شاء الله عليكي يا منى عنجد رائع و بدو طولة بال و ذوق وشطارة.
طريئة تئطيع العجينة و مدها لوصلت بهالشكل كتير ملفت للنظر و مغري للأكل :p
الله يسلم هالايدين يا رب و عذريني على غيابي الطويل عن الموقع والله شتئتلك كتير بس والله ظروفي أئوى مني خصوصي إنو شهر رمضان كمان.
منزلة أكلات و شغلات حلوة كتير كتير والله ما عرفت الموقع كلو جديد الله يباركلك و يئويكي يا رب و مشان سرئة الأسم والله معك كل الحئ كتير شي بزعل إنو الواحد يتعب بشغلة لتطلع متميزة وبعدا حدا تاني ياخدا عالمرتاح و بدون اذن !!!
حبيت أعايدك على عيد الفطر و نشالله بينعاد رمضان علينا و عليكي بكل الخير والصحة والعافية و بتحئئي كل أحلامك و كل عام وإنت بألف خير.
طولت كتير بالحكي بس حبيت أطالع فرئ الأيام الماضية :grin
وهلأ رح أتصفح أكلاتك العظيمة والله يسلم إيديكي يا رب
و أنا كمان اشتئتلك بدور و ان شاء الله كل سنة و انت سالمة و العيد التاني ( الصغير ) بتكوني باحسن حال و متل ما بتحبي و أكتر
و عل السرقة و الله حرق أعصاب كل يوم بشعل الراديو و بسمع الشارة :roll
مية أهلا و سهلا فيك بدور نورتي
وصفة رائعة كما عودتينا اخت منى الله يسعدك ويرزقك ويديم عليكي فضله وكرمه رائعة انت وفق المميزة بكتير دجائما
مية أهلا و سهلا فيك أختي
كلك زووء اختي و الله خجلتيني 8)
الف شكر ليك على الدعوات الحلوة و ان شاء الله انت بالمثل و كل سنة و انت بالف خير اختي
السلام عليكم و رحمة الله و بركاته
كتير حلو كانو جاهز بيجنن
و انت شارحتيه بالتفاصيل و
الصور شي بيشجع انو الواحده
تجربو
عنجد بدي جربو بس كالعادة
عندي شوية اسئلة ما تواخزيني
بعد ما فردتو مع الزبدة اول
مرة و حطيتو بالثلاجة اديش بدي
انطر تحتى طالعو و افرده مرة
تانية و نفس الشي بالنسبة
للمرة التالتة و الرابعة
مرة و دخلته البراد
و لما افرده هل بيكون هالشي
بهدوء او بضغط على النشابة
و الفرن قبل الخبز بقديش
بسخنو
شي كمان هل ممكن تنحط جزء من
العجينةبعد ما جهزت بالفريزر
و منشتغل فيها مرة تانية و قديش منقدر نخليها بالفريزر
اخر سؤال هو كيف منحافظ
عالكرواسون تحتى ما يبين قديم
يعني لنفرض هالكمية منعملها
لاسبوع راح يبين انو قديم و ما
راح يظل مثل اول شو فينا
نساويله تحتى يضاين جديد و
مقرمش لاظول فترة ممكنة
و الله يوفقك و يسهل دربك اختي
منى و يعطيك الصحة و راحة
البال و سامحيني لاني ناطتلك
بكل مكان
سلام
نسيت شي بمعنى اصح شيين
انت هلئ اكيد صرتي هيك
بالنسبة للمثلثات بعرف انو
الحجم متل ما بدنا ما في
مشكلة بس السمك اديش بيكون
بخاف اعملهن رفيعين كتير او
سميكين
و ازا نقصت مقدار الزبدة و
حطيت بس 200 كيف راح يؤثر
هالشي على الوصفة
و الزبدة منحطها بقسم التبريد
مو التجميد صح — بعرف انو
المنطقي انهبقسم التبريد متل
العجينة بالتبريد بس بدي اتأكد
:grin
السلام عليكم و رحمة الله و بركاته اختي منى انت قلتي ان بعد اضافة الزبدة للعجينة منرق العجينة لتصير 35 سم بالطول و لها نفس العرض قصدك نفس العرض يعني 35 او نفس العرض اللي كان من قبل يعني 25 بالتوفيق
سلام
هلا سارونات
بالأول أأأأسفة على التأخر بالرد , أكيد قرأت على الصفحة الرئيسية اني كنت مسافرة , هلا رح جاوب على أسئلتك كلها واحد واحد ان شاء الله
الفترة اللازمة هي ساعة تقريباًفي الفريزر ويمكن تزيد المدة في الصيف , تفردي العجينة بشكل عادي , و الزبدة رح تبقى داخل العجينة ما دامها جامدة منيح , إذا طلعت من الأطراف معناها لازم ترجعيها للفريزر كمان شوي
الفرن يحمى لمدة ربع ساعة تقريباً , و العجينة ممكن تحطيها بالفريز لمدة اسبوع تقريباً , بس انا ما بحب حط العجائن بالفريزر , بحسها إلا ما تنتزع و تبقى العجينة الي معمولة طازة غير :zzz
الكروسان بتحفظيه بتبروير , بس لمدة يوميين تلاتة على الاكتر , و اكيد ما رح يبقى تازة بعد يوميين ..
ما أنصحك تغيري شي بالمقادير و خصوصا الزبدة , فيك تعملي نصف مقدار العجينة , بس لا تنقصي الزبدة لانها برايي أساس الكروسان اليمممي
, و الزبدة و العجينة بقسم التجميد , بالفريزر يعني مو بالبراد , لااا تخافي مجربة و الله حبيبتي :grin , الكروسان لازم ترقييه ليكون رقيق , لان رح تلفيه فوق بعضه , يعني تقريبا بسماكة 2 أو 3 ملم
و اخر شي بقصد لنفس العرض السابق يعني 25 سم , يلا عم استنى رايك بعد التجربة و اي سؤال تاني انا بالخدمة
والله يامنى جربته مبارح …بس ايمتا عجنت العجينة ؟؟الساعة تسعة بالليل وضليت للاربعة الصبح لبين ماكلناه :cry بس شو بده وقت كتير بس الحمد لله ماكان عالفاضي لانه بالفعل طلع تحفة من التحف والعجينة مرقرقة كتير حتى استغربت انه انا ساويت هالكرواسان بس الشكر الكبير من قلبي الك لانه لولا التفاصيل الصغيرة يلي ذكرتيها ماكان بينجح لانه انا كتير اخدت وصفات من النت عالكرواسان وولا وحدة منهن نجحت للاسف اما مع طريقتك طلع شي ظريف وعالاصول ..بس انا دهنت وجهن مع البيض نسكافيه وطلع لونهن حلو وقضينا على ريحة البيض …بس المشكلة انه كان المقدار قليل وخلص الكرواسان بسرعة :cry
بس بدي اسألك اذا بدي حضر مقدارين من الكرواسان فيني حضرها بنفس الطريقة يعني مااعجن كل مقدار لحاله ؟؟؟طوولت عليكي بس مرة تانية الف شكر الك يااحلى منى
ولي على البي رنونة :roll منيح الي طلع طيب بالاخير , متل ما قلتلك هي مو وصفة صعبة بس بتاخد وقت طويل ..
إذا المقدار صغير عليك فيك تضاعفي الكمية عادي و اكيد ما تعجني كل مقدار لحاله
هنا و عوافي يا حق رنوونة , انت أول واحدة بتجرب الكروسان , كتير مبسوطة بتجربتك و بردك و أسعد انهم عجبوك
الله يخليك يامنووشة والله هلأ المعروك عم يتخمر ورح ارجع جرب الكروسان وصرت وقت بدي اعمل شي اكلة يقلي جوزي اذا من لقمة طبة جربي عالعمياني
شكرااااااااا كتييير لالك بس شو بدي قلك
وشكرا لمتابعتك 
انا بالكروسان تعذبت وقت كانت الزبدة جمدانة يعني صارت قاسية مع العجينة وصارت الزبدة تتكسر فيني ابرد الزبدة تبريد بدون ماتتجمد
ان شاء الله بيظبط و بيعجبك و بيعجب كل العيلة و الله يجبر بخاطرك على الكلام الحلو الي قلتييه , ان شاء الله وجهك أبيض و منور على طول
الزبدة بتكون باردة كتير بس مو جامدة و هادا الي لازم تعملييه , المهم ان فكرة الكروسان و سره عرفتييه , هلا صار فيك تغيري اشياء بسيطة لحتى تصير الوصفة تناسبك أكتر :zzz
هناا رنونة مقدما على البريوش و الكروسانات , و لا تنسي تبعتيلي قطعة
ان شاء الله بيظبط و بيعجبك و بيعجب كل العيلة و الله يجبر بخاطرك على الكلام الحلو الي قلتييه , ان شاء الله وجهك أبيض و منور على طول
الزبدة بتكون باردة كتير بس مو جامدة و هادا الي لازم تعملييه , المهم ان فكرة الكروسان و سره عرفتييه , هلا صار فيك تغيري اشياء بسيطة لحتى تصير الوصفة تناسبك أكتر :zzz
هناا رنونة مقدما على البريوش و الكروسانات , و لا تنسي تبعتيلي قطعة
اختي منى فعلاً الكروسان بجنن
جربته امبارح وفعلاً رغم انه من غير حشو (جزء بسيط من العجينة للتجربة) بس كان طعمته بتجنن ومثل السوق
حتى انها اختي فاقت على ريحة الكروسان في الفرن
جزاك الله كل خير
هنا و عوافي على قلبك و قلب اختك و كل العيلة , نور الموقع فيك اخت جديدة و غالية ..
اسمك حلو كتير , ان شاء الله تبقى معانا على طول
حبيبتي منى
ربي يخليكي ويسعدك
كلامك روعة خجلتيني :zzz
حبيبتي فعلاً ربي يبارك لك في هذا الموقع كله روعة ما شاء الله 8)
الله يخليك اختي
ااامين اللله يسمع منك و يبارك في عمرك و بدنك يا حق
قلتلك سابقا اني جربت الكرواسان وعجبني بس تاني مرة زبط بس طلع تقيل كتير ورجحت الموضوع لسببين اول شي انه دهنت الصواني كتير …وتاني شي انه استخدمت غير نوع زبدة …النوع اللي بيجي للطبخ
المهم طار الكروسان بالمرتين
بس بصراحة كل مابدي ساويه باكل هم لانه بياخد وقت
اجت حماتي من سوريا وقالتلي جبتلك عجينة كروسان رهيبة ومابدها كل هالشغل …قال بس تخمير اربع ساعات ومافيها جنس الزبدة …ولا رق ولا طوي قلت لحالي شو هالعجينة السحرية وقررت جربها بصراحة جربتها بس طلعت مابتقرب الكروسان لامن قريب ولا من بعيد بس الشي المشترك هو الشكل فقط يعني النتيجة عجينة فطاااير عادية
المهم هلأ انا عندي زبدة لذيذة وبدي ساويها كروسان …بس بدي اسالك على طوية الرسالة يلي ذكرتيها بطوي العجينة
هلأ فردنا العجينة وحطينا على اول نص الزبدة ..بطوي الطرف التاني عليها ….بعدين اطوي الطبقتين ع بعض ولا كيف ؟؟
هلا رنونة
على الاغلب الي صار معك سببه الزبدة , لان اساس الكروسان الطيب هو الزبدة
و لا يهمك عندي طريقة جحديدة للكروسان و أسهل بكتير , ان شاء الله بنزلها قريب خصوصي لعيونك :zzz
بعد ما بتطوي الطرفين على بعض فوق الزبدة بترجعي تفرديها لحتى تصير بنفس طولها الاول و تطوي العجينة على بعضها بحيث يصير عندك 3 طبقات , يعني كان عم تقسميها نظريا لثلاث اقسام و عم تردي هل الاقسام على بعض :zzz
الله يخليلي ياكي يارب لان انا كتير بحب الكروسان يعني كتير كتير ههههه
شكرا كتير يااحلى فنانة
معناها بانتظار طريقتك اللذيذة اكيد وبالنسبة للطلبات انا بانتظار تارت الفواكه بس معلش على اقل من مهلك لانه الجمعة مسافرة ع حلب وبرجع بنوتة حلوة قاعدة عم تدرس ومالها بالمطبخ والطبخ :grin وبرجع بشهر 2 للطبخ والنفخ
ان شاء الله تروحي و ترجعي بالسلامة , و موووفقة بفحصك فحص فحص ..
شدي الهمة , بدنا معدلات
معدلات ………. :upset ايه ليش لأ شكرا كتير عالدعوات الحلوة
عم استنى النتائج , و ان شاء الله خير :zzz
تسلم ايدك يامنى.. جربته وطلع حلو بس فيه ملاحظتين
اولا الزبدة حسيتها زيادة اوى وطعمها ظاهر بزيادة فقلت ممكن المرة الجاية اقلل الزبدة
وكمان حسيتها بالحشوات المالحة اطعم واليق لها من الشوكولا
سؤال كمان معلش مش انتى كل مرة بتطلعيها من الفريزر بتفرديها طويلة وبعدين تطبقيها 3طبقات
لو كده ليه طلع هش بس طبقاته مش كتير زى الجاهز؟؟
هو فعلا جميل وناوية اجربه تانى لانى حسيت انه مش صعب بس محتاج وقت
جزاكى الله خيرا..دايما الطلبة النص نص بيزهقوا المعلين بتوعهم :grin
له يا نهى
شو يزهقوا و ما يزهقوا ايا شي انا تحت الامر و بالخدمة دوما 
هلا نهى
الحشوات بتبقى على زووءك و حسب الجو العام عندك بالعيلة , نكهة الزبدة ما رح تظهر , رح تعطي بس طعم طيب .
انا كل مرة بطالعه من الفريزر ارجع افرده متل مو مشروح
أما ما طلع متل الجاهز , ما بعرف ممكن لان اول تجربه و المرة التانية بيطلع على زوءك
جزاكى الله خيرا يامنى :zzz
بصراحه تسلم دياتك ابداع والله ياقمر
بس انتي تستعملي الكوب العياري ولاكةب عادي واذا كان عادي كم سعتهوشششششششششششششكرا
السلام عليكم ست منى انا اسمي سلمى واشتركت معك من جديد حبيت الموقع كتير وصار مرجع اساسي لاكلاتي وبما اني بعشق المعجنات وبحب اتحدى حالي فيها جربت الكرواسان ….
الحمد لله طلعت طيبة بس بعد ما هلكتني مع اني اتبعت الوصفة خطوة خطوة …هيه بصراحة مراحل الفرد والطوي اللي عذبتني كتير ..هلأ اللي حشيتهن جبنة موتزاريلا ما بعرف ليش عجنو شوي بس اللي بالفليفلة واللي بزعتر طلعو طيبين كتيير ..الله يسلم ايديكي مع انو جوزي قللي لا بقى تعيديها :cry بس رجع قللي المالحين طيبين والله والبركة ما زاد منهن المخبر :grin
هلا اختي حزينة
انا استعمل الكوب المعياري الي هو 250 مل سوائل و 125 غ للطحين
هلا اختي سلوى
نورتي و شرفتي الموقع و الحمد لله ان الوصفات عم تعجبك
بتعرفي انا متلك بحب جرب اشيا كتير و احيانا بتحدى حالي و بجرب وصفة بتكون مو منطقية نهائيا بالنسبة لمفاهيمي او للشي المتعودة عليه و مرات بتخيب بس الحمد لله اكتر المرات عم تصيب
انا قلت باول الوصفة انو هي وصفة مو سهلة , فيكي تعتبريها وصفة احترافية و صعبة نوعا ما على ستات البيوت
يا ستي الحسوة ما الها علاقة , اتوقع انو فترة الخبز هي الي اختلفت بين الوجبتين لهيط طلع شي يممي و شي معجن
صحتين و الف هنا و اتمنى انو ما تبوسي التوبة هل المرة , حضريها بس في المناسبات
هلا اختي سلوى
نورتي و شرفتي الموقع و الحمد لله ان الوصفات عم تعجبك
بتعرفي انا متلك بحب جرب اشيا كتير و احيانا بتحدى حالي و بجرب وصفة بتكون مو منطقية نهائيا بالنسبة لمفاهيمي او للشي المتعودة عليه و مرات بتخيب بس الحمد لله اكتر المرات عم تصيب
انا قلت باول الوصفة انو هي وصفة مو سهلة , فيكي تعتبريها وصفة احترافية و صعبة نوعا ما على ستات البيوت
يا ستي الحسوة ما الها علاقة , اتوقع انو فترة الخبز هي الي اختلفت بين الوجبتين لهيط طلع شي يممي و شي معجن
صحتين و الف هنا و اتمنى انو ما تبوسي التوبة هل المرة , حضريها بس في المناسبات
السلام عليكم اخت منى اناجديده على هذا الموقع وعن جد اكلاتك كتير طيبين ويلي في منهم جديد ومنهم قديم وكلو احلى من بعضو بس عندي استفسار
جربت الكروسان وطلع معي معجنّ يعني مو مورق متل يلي بالسوق عجب شوالسبب مع انو اتبعت الخطوات يلي انتي كاتبتيها بحزافيرها وهيك صار
لو سمحتي عندي طحين بان كيك اش بقدر استفيد منو مع انو ما بدي استعمله لل بان كيك هل يصلح لاي غرض تاني ولك جزيل الشكر