المايونيز


         وصفة : منى                 2007/04/23                 15 تعليقات
المايونيز

·          تمزج البيضة مع الخردل بالمضرب الكهربائي لمدة دقيقتان تقريباً .

·          مع الإستمرار في الخفق يضاف الزيت على شكل نقطة نقطة , سيبدأ قوام المايونيز بالتماسك .

·          مع الاستمرار بالخفق و اضافة الزيت سيسمك المايونيز و يصبح مثل الكريما عندها أصبح المايونيز جاهزاً .

·          يتبل المايونيز حسب الرغبة , أنا أتبله بعصير ليمونة و خل و  ملح و سكر و رشة فلفل أبيض , يمكن اضافة القليل من الثوم المهروس أو بعض أنواع الأعشاب كالبقدونس أو الريحان أو حسب الرغبة . 

فكرة مفيدة :

إذا أضيف الزيت بسرعة فإن المايونيز سيتفتت , و لحل المشكلة تخفق بيضة ثانية ثم يضاف المايونيز المفتت نقطة نقطة عوضاً عن الزيت .

بيضه طازجة
نصف ملعقه صغيرة خردل
ملح
رشة فلفل أبيض
نصف ملعقة صغيرة سكر
ثلثي إلى ثلاث أرباع كوب زيت ذره أو زيت زيتون
نصف ملعقة صغيرة خل
عصير حبة ليمونة كاملة أو أقل





• تمزج البيضة مع الخردل بالمضرب الكهربائي لمدة دقيقتان تقريباً .

• مع الإستمرار في الخفق يضاف الزيت على شكل نقطة نقطة , سيبدأ قوام المايونيز بالتماسك .

• مع الاستمرار بالخفق و اضافة الزيت سيسمك المايونيز و يصبح مثل الكريما عندها أصبح المايونيز جاهزاً .

• يتبل المايونيز حسب الرغبة , أنا أتبله بعصير ليمونة و خل و ملح و سكر و رشة فلفل أبيض , يمكن اضافة القليل من الثوم المهروس أو بعض أنواع الأعشاب كالبقدونس أو الريحان أو حسب الرغبة .


فكرة مفيدة :

إذا أضيف الزيت بسرعة فإن المايونيز سيتفتت , و لحل المشكلة تخفق بيضة ثانية ثم يضاف المايونيز المفتت نقطة نقطة عوضاً عن الزيت .
  • وصفات تانية ممكن تعجبك


التعليقات

  1. سارونات 15 August 2008

    السلام عليكم و رحمة الله و بركاته
    اختي منى قليلي ما في وصفة لمايونيز خفيف
    بدي ساوي بس كمية زغيرة من المايونيز لاني ما كتير بحبا لانها تقيلة بس ما في مانع الواحدة تساويها مرة على مرة مشان الشاورما و السندويشات و السلطة وبدي اسأل ازا في بديل للخردل لان راح اشتريه بس منشانها
    بالتوفيق
    سلام

  2. نور 18 September 2008

    ختي العزيزة منى .. هل المقصود بالخردل هو البذور السوداء أم كريم الخردل الأصفر .. وجزاك الله خيرا

  3. منى 18 September 2008

    هلا سارونات :) مايونيز خفيف ما في أو على الاقل أنا ما عندي فكرة و الخردل ضروري للنكهة ;)

  4. منى 18 September 2008

    هلا نور :) الخردل هو الخردل الأصفر متل الكريم , ان شاء الله تجربيه ويظبط معك

  5. آرام 19 September 2009

    مرحبا أخت منى
    المايونيز من أوائل الوصفات الي جربتها من الموقع ومن يومها ما عدت اشتريت مايونيز جاهز أبداً .. الوصفة متل ما قلتي بسيطة وسهلة بس المشكلة بدها طولة بال .. خصوصاً أني أمسك المضرب الكهربائي بيد وأضيف الزيت باليد الأخرى .. وأضطر للتوقف كل شوي لأن المضرب الكهربائي ترتفع حرارته بسرعة .. ما جربت أستخدم خلاط الكوكتيل بناءً على نصيحتك مع أن الكتالوك المرفق مع الخلاط مذكور فيه أنه يستخدم لتحضير المايونيز .. يمكن أجربه شي مرة :roll

  6. منى 24 September 2009

    برافو عليك ارام , هل الوصفة بسيطة بس مو سهلة , بدها معلمية و انا كتير مبسوطة انها زبطت معك .

    ممكن تجرب و تشوف شو بيصير معك , ممكن تزبط معك و تصير حتى اسهل و اسهل .

    هنا و الف صحة و عافية اخي

  7. semo 13 April 2010

    منوش حبيبتي عندي سؤال المايونيز معي ماطلع أبيض متل اللي بالصورة ولا طلع بهالسماكة يعني أمرق شوي قولتك بدو زيت كمان مع اني اتبعت طريقتك بحذافيرها بس شو سبب الشي اللي صار معي

  8. منى 14 April 2010

    سمسومة لو استعملتي زيت زيتون رح يطلع اللون اغمق من الي في الصورة و كمان ما دامه طلع امرق معناها زيدي شوي زيت و بيطلع تمام ان شاء الله ;)

  9. semo 15 April 2010

    والله انا استخدمت زيت درة بسس الظاهر متل ماقلتي بدو زيت كمان المرة الجاية رح حط كاسة زيت كاملة للبيضة

    منى في عندي سؤال تاني عالمحشي معليش اتحمليني شوي بس بدي اعمل المحشي وفي بعض أمور مستغربتا الرز مابتنقعيه ولا بتغسليه بس بتحطي شوية مي ؟؟
    بعدين أنت عم تقولي نخلي مقدار نصف عقدة الاصبع بتعرفي الاصابع بتختلف :grin يعني اديش تقريبا بالسنتيمتر؟؟

  10. farah 19 May 2010

    حبيبتي منى فاجأتيني بهالوصفة انا عندي طريقة اسهل بكتييير وبيطلع روعة
    بحط بمطربان زجاجي القياس الصغير سعة 400 غ تقريبا بحط بيضة كبيرة او بيضتين وسط وبحط معه فورا كوب ونصف زيت تقريبا يعني ما بعيره بضيف الزيت لأكتر من النصف بشوي وبخلطه بالهاند مكسر من غير ما طلعه ونزله يعني بداخل المطربان للأسفل ثم بشغله بيلف عالسريع وبيصير جامد فورا وبحركه ببطء ليسحب كل الزيت بعدها بضيف كل الاضافات المرغوبة الثون الناعم والحمض خل وليمون وبهارات يعني بيطلع ولا أروع وب3 دقائق فقط
    شو رأيك على فكرة لازم تكون سرعة الهاند مكسر عندك 400 واط وما فوق من زمان كان عندي جهاز سرعته حوالي 250 فما كان ينجح معي بس بهاد الجهاز تبع ال400 كتير مضمون جربيه وادعيلي :zzz

  11. farah 25 May 2010

    على فكرة من يومين عملته واكتشفت ان بيضة كاملة + بياض بيضة تانية بيعطي أفضل نتيجة وما بتشعري بوجود البيض بالوصفة وبيجمد بشكل أكبر فيكي تضيفي زيت للسماكة المطلوبةوحتى ضفت بشر ليمونة يا سلااام شو طلع لذيذ يلي بيجربه يخبرني

  12. منى 26 May 2010

    يا عيني عليك يا فروحة وصفاتك دوما سهلة كتير و مضمونة :)

    بتعرفي امنيت يكون المكسر عندي قوي لجربه من دون تفكير , دبريها , انا الي عندي استطاعته 300 واط :roll

    تاني شي ممكن نزل ردك كوصفة مستقلة ؟

  13. farah 28 May 2010

    والله يا حبيبتي بدك تقوي ألبك وتجربي أول مرة بيجوز يمشي حاله انا الجهاز السابق كانت استطاعته 250 لذلك كان يفشل ويصير عندي مايونيز شوربة :grin
    يعني بدك تجازفي اول مرة ببيضة وحدة ونصف كوب زيت المهم الزيت يغمر قاعدة الجهاز داخل المطربان وانشاء الله يزبط معك وتدعيلي :zzz واذااا لم يزبط بتحولي الزيتات والبيضة الى وصفة جديدة انا بذكر كنت اخترع عجة وزيد بيض وحط اشكال والوان واخبزها كرمال ما ارمي نتيجة المايونيز الفاشل ;)

  14. منى 29 May 2010

    :grin
    خلص رح جرب لان مستاااهلة كتير الفكرة

    و الله لا يقدر اذا ما زبطت ببقى بلاقيلها حلة ;)

    شكرا كتير فرح للوصفة السهلة

  15. لينا 5 November 2013

    مرحبا منى منى كيفك شو اخبارك انشالله تكوني منيحه بدي اسألك متل ماقلتلك قبل انا بالصين ومابعرف اذا في هون خردل ولا لأ حتى مابعرف شو اسمو بالصيني سؤالي هل فيني استغني عن الخردل ولا مابتظبط ارجو الرد وشكرا كتير لذوئك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)