براونيز بكريما الخمس دقايق السرية
3 - 4 ملعقة كبيرة دبس فليلفة
2 ملعقة صغيرة فليفلة حمراء ناعمة
كوب ماء
كوب كعك مطحون
ملعقة صغيرة كمون
3 ملعقة كبيرة دبس رمان
ربع كوب زيت زيتون
كوب جوز صحيح
عصير ليمون حسب الحاجة
رشة سكر ( بعد التذوق )
• ينقع دبس الفليلفة و الفليفلة الحمراء بالماء لمدة نصف ساعة ثم يضاف الكعك المطحون و الكمون و دبس الرمان و الزيت و يقلب الكل .
• تترك المحمرة جانباً و يفرم الجوز ناعماً ثم يضاف للمحمرة و تترك بضع حبات من الجوز للتزيين .
• تذاق المحمرة حتى يتم التأكد من حمضها و يضاف القليل من عصير الليمون و القليل من السكر إذا دعت الحاجة .
• تسكب المحمرة في طبق التقديم و تزين بحبات الجوز حسب الرغبة و المزيد من زيت الزيتون و تقدم مع الكبب و المشاوي بأنواعها .
(3 votes, average: 3.67 out of 5)
يا عيني على اكلات حلب يلي بتشهي
انا بحب الاكل الحر كتير
مع اني مو جوعانة بس اشتهيت الاكلة :zzz
و هي اول مرة بشوف هل الوصفة
بس انزل بدي اعملها لامي
يعطيكي العافية
الله يعافي قلبك ليندا
قصدك أول مرة بتشوفيها على النت ؟ و إلا أول مرة بتسمعي فيها :roll
جربيها ليندا و جنب الكبة مممممممم
يتاخد العقل
رح تنبسط امك فيك كتير ..
ان شاء الله توصلي بالسلامة
الله يخيليكي و يجبر بخاطرك
امي قالتلي رح تساويلي كبة نية بس انزل و ان شالله انا بساوي معها المحمرة
اصدي اني هي اول مرة بسمع بهل الوصفة و كمان ولا مرة صدفت اني شفتها عل النت
بس باين عليها بتجنن وخاصة مع المشاوي
تصبحي على خير
ان شاء الله ليندا
الله يخليكم لبعض و ما يحرمكم من بعض يا رب
كتير طيبة مع كل شي 8) و هي انا هلأ عم أتعشى منها لان كل ما بساويها ببقى بروح و بجي على البراد لحتى خلصها :zzz
و انت من أهل الخير
تسلم ايدكي الحلوين على الوصفة الشهية
الصراحة بدخل موقعك بشغف كبير
تصدقي على كتر ماجربت من اكل الشوام ولاجربت المحمرة
الصراحة بدخل موقعك بحس بجوع يامنمون حتى لو واكلة من طيب الوصفات وتفانيك الرائع في تقديم الوصفة وتفاصيلها
الله يعطكي الصحة والعافية ويزيدك من فضله حبيبة قلبي وتظلي رائعة ومبدعة دوما
هلا ام ياسمين
هادا بس من زووءك يا قمر انت , و الوصفة هي كتيررر كتيرر طيبة و مين ما داقها بيحبها حتى الفرنساويين جنوا عليها لما داقوها عندي
منورة دايما بقلبي يا طيبة يا بنت الأصول
يسلم ايدك انا اليوم رح جربها ان شاءالله تنجح :zzz
ان شاء الله و يا ريت تخبريني شو بيصير معك
عزيزتي منى بدي جرب هالوصفة بس بدي اعرف شغلة بعد ما انقع الدبس بالماء اكب الماء قبل اضافة الكعك ولا اضيف المقادير فوق الماء والفليفلة
هلا ام نور
لا اكيد المي ما بتكبيها لان لازمة لحتى ينبل الكعك و يصير متل معجون
الله يسلم دياتك يارب عن جد اشتهيت عليها كتير
بس عندي سؤال صغنون الجوز بفرمو بالمفرمه ولا عادي بايدي يعني قطع صغيرة
الله يخليلنا اياكي يا منى ويباركلك بولادك
الله يخليلي ياكي ام احمد على هل الدعوة شو بحبها , ان شاء الله انت كمان انت و كل الغوالي على قلبك
اختي الجوز نفرمه على ايدنا مو بالمفرمة و الا بيروح كله و ما بيبن
يسلمو ايديكي يا احلى منى بلعالم
ياليت لاقي موقع يشرحلي برامجه متل موقعك ما بيشرح الاكلات الطيبه :zzz
كل شوي بغطس بهالمواقع تبعت الكمبيوتر وبتطلع روحي وبرجع لموقعك بقرى شي اكله بتنسني البرمجه :grin
الله يخليلنا اياكي يا منى وما يحرمنا هالاكلات الزيزة وهالروح الطيبه
:grin تبقى اذا لاقيتي خبريني , بس اذا ناوية بجد ما الك غير المواقع الاجنبية , هونيك الشرح بيكون بقلب و رب على الاغلب ..
الله يخليلي ياكي اخت كريمة و غالية و نورتي يا عسل
هلأ مو بحطو بصلة ناعمة للمحمرة ولا أنا غلطانة
ايه في ناس بتحط و في ناس لا , انا لأ :zzz
تسلم ايديكم كتير
الله يسلمك اخي مية هلا فيك بالموقع
السلام عليكم
شكرا كتير على هالوصفة زوجي بحب المحمرة كتير وكل مرة بساويها مابتزبط معي
باذن الله رح جربها اليوم وتكون اول صنف على سفرتي برمضان
السلام عليكم وكل رمضان والكل بخير وصحة وايمان وعبادة شكرا كتير اخت منى جربت المحمرة وزوجي انبسط عليها كتير شكرا جزيلا نزلتها عالفيس بوك بصفحتي من بعد اذنك بس ذكرت انو ماخوذة من موقع لقمة طيبة
شكرا كتير
الف صحة و هنا و عافية يا رب , انبسطت كتير انها عجبت الباشا و نزلي على كيفك حبيتي
شرفتي يا قمر
بما إني رجعت من عند أهلي من يومين
جبت معي فليفلة و عملت محمرة بنفس طريقتك تقريباً
بس ما بعرف حسيت انو فيا شي ناقص
ما عرفت شو هو
اتخيلت بعدين انو ممكن كان بدها ملح :roll
على كل رح جرب ساويا مرة تانية بمقاديرك و شوف
و سمعت انو ممكن يضيفولا ملعقة طحينة
سمعتي بهالشي
و في عندي سؤالين كمان إذا ما فيها سئلة :roll
بعتلك من فترة على اتصل بنا سؤال عن طريقة مستحلب اللوز….عندك فكرة
و كمان كنت عم دور على طريقة طبخ الكبة السفرجلية و ما لقيتا بالموقع
فهل هيي مو موجودة ولا أنا ما عرفت دوّر منيح :upset
لأني جبت معي سفرجل و حابة اطبخو للباشا
طولت عليكي لا تآخزيني
و مشكورة مقدماً
7ayah Dayyen
هلا حياة
يمكن ملح , ان شاء الله تعمليها بنفس الطريقة و اتوقع رح تعجبك كتير انت شاء الله
صح في ناس بتضيف الها طحينة , طيبة كمان
ما عندي فكرة عن مستحلب اللوز :roll
اما السفرجلية , ان شاء الله بنزلها اسمه هلا وقتها :zzz
شكرا الك لثقتك في حياة , و اسفة للتاخر بالرد حبيبتي
شــــــــــــكــــــــراً كتير
لـَكـَن أنا رح استنى السفرجلية
و مو مشكلة على التأخير
شو ورانا :grin
بعرف انك بتكوني مشغولة لما بتطولي
الله يعطيكي العافية
سلامي الحار
7ayah Dayyen
ادعولي قايمة جربها وبخبركن
كيفك ست الكل
نيمت ولادي وضبيت البيت واتجهت فورا على الكمبيوتر مع اني ميتة من النعس حتى قلك يسلم ايدك ويرضي عليكي دنيا واخرة
يعني كأني محترفة بالمحمرة وطول عمري بعملها بشاهدة الكل بما فيهن الباشا اللي حسها مابتفرق عن تبع حماتي
بس الي عندك سؤال ليش نقعنا دبس الفليفلة بالبداية يعني مابيمشي بلا نقع
نصيحتي لكل الصبايا يجربوها لانها كتير طيبة ومقاديرك كتير راكزة
تصبحي على خير
تسلم الايادي يارب
يعطيكي الف عافية ربي يامدام منى حبيتك وحبيت وصفاتك ودائما بقرا تعليقاتكون بحس حالي عم شاركون الحكي وبضحك ,بدي اسالك انا بستعمل التوست اليابس بدل الكعك بيصيرللمحمرة ولالأ وهي نفسا يللي بناكلها بالشام فطاير اومعجنات المحمرة بس مع سمسم وحبة بركة زيادة ويمكن بندورة مفرومة يعني بتصير مناقيش
الله يعافيك نور , القلب ع القلب و الله
بيصير التوست المحمص عواض الكعك لهل الوصفة اذا مو متوفر عندك
فطاير الفليفلة على هل الرابط
http://l2ma.com/?p=715
غير المحمرة , بس نفس الاسم
ان شا الله تجربيها و تون على زوءك , منورتينا
مهما تجددت الوصفات بالمطبخ لكن تبقى الأكلات الشعبية لها مذاق ونكهة لا تقاوم
سلمت يداك
نالت إعجاب الكثيرين بعد ما ذاقوها عندي
دمت بخير
الف شكر الك ام عمارة , منورة الموقع بتواجدك الطيب و تعليقاتك الحلوة و فعلا اطيب من اكلاتنا التراثية ما في