براونيز بكريما الخمس دقايق السرية
يا حلالي ويا مالي ,عالديره طلوا الغيابي….. مين اللي طل بأولهم؟ حبايبنا في نكهه عربية أولهم. و يا اهلا و سهلا فيكم, فلسطين نورت باستضافتكم, واجبكم علينا نكرمكم و بأحلى اكله نضيفكم… بزيت الزيتون البلدي,مع خبز الطابون اللي بحكي قصص و حكايات ستي, و السماق البلدي مع البصل .. , فوقهم الدجاج المطبوخ بفرن الحطب العتيق..و كلو مزين باللوز و الصنوبر من شجر بلادي. بنقدم اكلة اصيله ,أكله “المسخن” لاحلى ضيوف زارونا.
اكله المسخن من الاكلات الفلسطينيه اللي بتتقدم بالمناسبات و الافراح و والجمعات الحلوة,, اكله معروفه كتير و مكوناتها كلها كانت تحضر من الالف الى الياء من زيت الزيتون المعصور من شجر الزيتون, لخبز الطابون من قمح الارض, للبصل و السماق و اللوز اللي يزرع في الارض و يستخدم في الطبخ,,, و الدجاج بربوا الاهالي في القرى ليستفيدوا منه في اكلهم و نحن رح نحاول نعملها بالمكونات المتوفره عنا لنحصل على اقرب طعمه للمسخن على اصوله 
ان شاء الله تعجبكم هل الاكله و تلاقي استحسان بعد تطبيقكم، و تدعوا لفلسطين و اهلها بالخير و النصر و الحريه
4 ارغفه متوسطه الحجم من خبز الطابون (و من الممكن استخدام الخبز الايراني او الافغاني اذا لم يتوفر خبز الطابون)
لخلطه الدجاج :
كيلو دجاج مقطع اربع قطع
ربع كوب زيت زيتون اصلي
بصله مقطه ارباع ر سنين توم مقطع
ورق غار
سبع حبات هيل صحيح
2 عود قرفه
خمس حبات كبش قرنقل
ملعقه صغيره بهارات مشكله مطحونه
ملعقتين كبار سماق بلدي ( لونه احمر فاقع و طعمته حامضه و حده)
ملعقه صغيره ملح.
تلات ارباع كوب ماء.
للتزين لوز و صنوبر مقلي
1 - بعد تنظيف الدجاج جيدا يوضع في صنيه فرن مع اضافه كل المكونات السابقه عليه و نغطي الصنيه بورق القصدير و ندخلها الفرن على درجه حراره عاليه اول ربع ساعه, ثم نوطي الحراره الى 160 و نتركه ليكمل استواء.
2 - نرفع ورق القصدير عن الدجاج و نحمره لياخد لون جميل , و من ثم نطفي الفرن و نضع قطع الدجاج في طبق على جنب. نصفي مرق الدجاج و نتركه جانبا.
3 - لخليط البصل : نحتاج 9 حبات بصل مقشر ومفروم خشن+ 3-4 ملاعق سماق بلدي+ نصف كوب زيت زيتون+ ملعقه صغيره ملح+ رشه كمون(اضافه مني على الوصفه من اجل النفخه ) .
4 - في طنجره متوسطه الحجم نضع جزء من مقدار زيت الزيتون و نضيف البصل و على نار هادئه نقلب البصل حتى يذبل و يصبح لونه شفاف تماما, نطفي النار تحته و نضيف باقي زيت الزيتون و السماق و الكمون و نحركه جيدا , نضيف 4-5 ملاعق كبار من مرق الدجاج فوق خليط البصل و نتركه جانبا.
5 - الان لتطبيق المسخن : نحضر اول رغيف خبز , نوزع عليه كميه مناسبه من خليط البصل, و نرجع نرش رشه من السماق , نزين باللوز و الصنوبر و نضع رغيف الخبز الثاني فوقه , نوزع كميه من خليط البصل , ثم رشه سماق, ثم لوز و صنوبر و هكذا نكرر الخطوات مع باقي الارغفه. (بعدها من الممكن ادخال الخبز 5 دقائق للفرن حتى نحضل على خبز مقرمش قليلا, لكن انا ما بدخله الفرن لانو بنفضله يبقى طري) . في الاخير على اخر رغيف خبز نضع قطع الدجاج فوق البصل و نرش السماق و اللوز و الصنوبر و يقدم بجانبه سلطه خيار بلبن او شوربه فريكه.
ما في الذ و لا اشهى و لا اروع من هيك نيسو الصورة رح تنطق من الكمبيوتر يمممممم
هلا اذا ما عندي طابون و لا افغاني و لا ايراني بيصير استعمل خبز صاج أو خبز عادي ، أو بقدر أعمل الطابون على ايدي ؟
اكيد فيكي تعملي بالبيت بس بدك تجيبي حجار ملساء لتخبزي رغيف العجين عليهم بالفرن
أنا بحب المسخن كتير. الطريقة الي بعرفها كتير متواضعة مقارنة بهالوصفة الفخمة. بقايا دجاج و مفتتة مع سماق و بصل مقلي بزيت الزيتون و فلفل و فليفلة حدة، ملفوفة بالخبز الحلبي و محمصة بالفرن. هي الوصفة أكيد قنبلة! شكرا جزيلا لنسرين على الوصفة الحلوة و النبذة التاريخية
فعلا قنبلة نوشين .. انا كمان بعملها بس بخبز الصاج و غير طريقة .. احلا الشي الواحد يتعلم الوصفة ع اصولها
^_^
العفو Nosheen Zaza بتمنى اتجربوه و تحكيلي رايك