باتيه دجاج


         وصفة : منى                 2009/11/25                 18 تعليقات
باتيه دجاج

·         نفرد نص كميه الباكيت بصينيه مدهونه سمنه .

·         نفرد فوقه حشوة الدجاج المحضرة سلفا بالطريقه التاليه يقطع فيليه دجاج ناعما و يقلى بالسمنه مع القليل من البصل و التوم حتى يستوي. نضيف البهارات المعتاده مع القليل من الكركم و الزنجبيل .

·         نضيف الكميه الباقيه من الرقائق فوق الحشوة و نقطعها مربعات .

·         نحمي سمنه ونصبها فوق حدود التقطيع .

·         نخفق الحليب مع البيضه وملح وبهار ونصبها فوقها وننتظر نص ساعه ثم ندخلها للفرن حتى تتحمر وصحه وهنا .


رقائق البقلاوه
فيليه دجاج
بصل
ثوم
القليل من الكركم و الزنجبيل
سمنة
كاسه حليب
بيضه
ملح وبهار





• نفرد نص كميه الباكيت بصينيه مدهونه سمنه .

• نفرد فوقه حشوة الدجاج المحضرة سلفا بالطريقه التاليه يقطع فيليه دجاج ناعما و يقلى بالسمنه مع القليل من البصل و التوم حتى يستوي. نضيف البهارات المعتاده مع القليل من الكركم و الزنجبيل .

• نضيف الكميه الباقيه من الرقائق فوق الحشوة و نقطعها مربعات .

• نحمي سمنه ونصبها فوق حدود التقطيع .

• نخفق الحليب مع البيضه وملح وبهار ونصبها فوقها وننتظر نص ساعه ثم ندخلها للفرن حتى تتحمر وصحه وهنا .
  • وصفات تانية ممكن تعجبك


التعليقات

  1. منى 25 November 2009

    سلم ايدك اختي على هيك اكلة سهلة و طيبة , شكلها بيشهي

    الله يعطيكي العافية انت و رفيقتك و لا تنسينا من وصفات تانية متل هل الوصفة و لو كانت خاصة بأهل الفرات بيكون احسن و احسن ;)

  2. laraye 1 December 2009

    فعلا اكلة سهلة واكيد طيبة
    و الحمدلله ع سلامة الموقع كأني كان معطل….
    و كل عام والجميع بالف خير

    :)

  3. منى 1 December 2009

    ان شاء الله و انت بالف الف خير و ربي ينعاد علينا و نحنا على جبل عرفات :)

    سالت عليك العافية دومالارا ;)

  4. غيث 1 December 2009

    الله يعطيك العافية اختي على الوصفة اللي باين عليها انها سهلة جدا وبحب اعيد عليك وعلى منى الغالية وكل عام والجميع بخير والله النت ما بيسوى بدون موقعنا الغالي كأنو ناقصنا شي لما بدخل النت وما بيعمل الموقع عموما الحمد لله على سلامة الموقع وانت كمان منى صار لك فترة مشغولة على خيران شاء الله و الله توقعت انك بالحج لما غطيت فترة طويلة بس لما رجعت نفيت حجك ان شاء الله السنة القادمة بتقضي العيد بعرفات انت وكل الاخوات الناويات للحج ان شاء الله

  5. لارا مينا 1 December 2009

    مساء الخير أخت منى وكل الأعضاء … وعيدكم مبارك بإذن الله , اشتقنا كثير كثير للموقع وافتقدناه بالعيد , واضطريت أعمل كم وصفة مما فرأت وسمعت وشاهدت بالموقع حسب ذاكرتي طبعا وكان بمثابة الإختبار لي إذا كنت حافظة الوصفات ولا لأ ؟ والحمد لله زبطت معي مع إن فيه بعض الوصفات زودت مقدار أو نقصت مقدار….
    تحياتي وتقديري للجميع وللأخت ام رومل على الوصفة الشهية :) .

  6. آرام 1 December 2009

    الحمد لله على سلامة الموقع .. انشغل بالنا عليه ..
    كل عام وأنت والموقع وكل الأخوات بألف خير.

  7. ام رومل 2 December 2009

    الحمد لله على سلامه الموقع ما عرفنا اش صاربس الحمدلله مشي الحال اليوم انبسطت لما بنتي قالتلي فتح
    سويت يوم عرفه كنا صايمين سويت تشيكن مكسيكانو و عزمت عليه كمان طلع يجنن و الحمد لله كنت كاتبته على ورقه لانو كان الموقع خربان بس الحلو راسس العبد ما كنت ناقلته اضطريت اخده من موقع تاني يللا عيدكم مبارك انشالله ولو متاخر و انشالله نلتقي السنه الجايه بالحج

  8. منى 3 December 2009

    هلا غيوثة :)
    ان شاء الله و انت سالمة يا حق و ينعاد عليك و على كل عيلتك و امة لا اله الا الله بالخير و البركة يا حق.

    وين بالحج , الله كريم ان شاء الله السنة الجاية بكون من المعزومين :roll

    الله يخليكي اختي و ربي يديم المحبة و المعروف دوما :zzz

  9. Iman 3 December 2009

    الحمدلله على سلامه الموقع. والله كانو شي ناقص كان لانو اول شي بعملو الصبح هو افتح النت على لقمه طيبه و بعدين بييجي اي شي تاني. ههه. يسلموا ايديكي ام رومال على الوصفه باين لذيذه. لما سمعت باتيه فكرتا غير شكل لانو الباتيه بيندهن بالسكينه على الخبزه و قوامه متل الشيزكيك المطبوخه بالفرن و بينعمل دائما بكبده الدجاج او البط. ولكن انا راح طبق وصفتك بطريقتين. نفس طريقتك و الثانيه اني اطحن الدجاج بمحضره الطعام مثل المرهم و اخلطه مع البيضه و الحليب و البهارات و اضعه في قالب الكيك الطويل المغلف بورق الرقائق و اخبزه بالفرن. تسلم ايديكي مره تانيه و ننتظر باقي وصفاتك. :zzz

  10. snow whit 4 December 2009

    مشكورة أختي ع الوصفه شكلها طيبه

    والحمدلله فتح الموقع لان كل يوم اول ماافتح النت ادخل ع الموقع …

    عملت منه وصفات كثيره وعجبت زوجي ..

    مشكورة أختي منى ع الوصفات الرائعة ..

  11. منى 4 December 2009

    هلا لارا :)
    مسا الخيرات و الورد و الف و الياسمين و كمان مسا اللمات الحلوة و العيديات المرتبة :grin

    عن جد ردك كتير لذيذ , بس كان بدي شوف النتائج بعيوني :roll

    بوسات كتيرة الك بالعيد و كل سنة و انت سالمة يا رب

  12. منى 5 December 2009

    هلا أرام :)
    و انت بالف خير و سلامة بالك ان شاء الله الف شكر الك للسؤال

  13. منى 5 December 2009

    هلا بست الكل امونة :)
    كل سنة و انت بالف خير انت و زينة و عبودة و كل العيلة
    بانتظار نتائج تجاربك يا قمر و يا رب تطلع طيبة و متل ما بتحبي

  14. منى 5 December 2009

    هلا ام رومل :)
    يلا معلش خيرها بغيرها , الف هنا على الوصفات الي جربتيها .

    امين اختي , الله يطعمنا و لا يحرمنا , شرفتي و الف شكر الك للوصفة مرة تانية ;)

  15. منى 5 December 2009

    هلا اختي سنو وايت :)
    شرفتي و صحة و هنا على البك و الب ابو الشباب :)

    الشكر اك لردك الطيب و شرفتينا اختي

  16. ام جنى عبيدات 5 December 2009

    مسالخير عزيزتي منى.. انا من زمان عم اجرب وصفاتك وبصراحه صارو ضيوفي يعرفو انو اكتر طبخات العزايم فيها طبق او تنين من وصفاتك… انا بحب الطبخ كتيييييير ومبين علي كمان من وزني :grin
    ربي يحفظك ويسلم ايديكي…

  17. منى 5 December 2009

    هلا ام جنى :)
    بتعرفي حاسستك سكرة انت , ان شاء الله الف صحة و هنا يا رب على البك و قلب ضيوفك واحد واحد و هل الرد الحلو بس من زووءك أختي

    نورتي :zzz

  18. lolli 9 February 2011

    ممممممممممممممم تسلم ايدكي يا ام رومل عالوصفة اللذيذة
    كتير كتير طيبة و حبوها ضيوفي :zzz
    و انا ضفت ع الحشوة شوية خضرة : بصل و فليفلة و ذرة و الحمدلله اتوفقت بتجربتها
    الله لايحرمني هيك اخوات مبدعات
    بالتوفيق

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)