براونيز بكريما الخمس دقايق السرية
· تثقب حبات الباذنجان بالشوكة أو السكينة ثم تشوى على الفحم أو في الفرن حتى يحترق جزء من القشر و تطرى الحبات و تنضج .
· تقسم كل حبة الباذنجان لنصفين و يفرغ اللب بالسكين أو بملعقة و يرمى القشر ثم يفرم لب الباذنجان ناعماً أو يدق بالهاون .
· يخلط لب الباذنجان مع اللبن و الطحينة و الثوم و الملح ثم يسكب في طبق مسطح كبير و يمسد بحيث يغطي كل الطبق .
· تقلب اللحمة مع السمنة و البهار حتى تنضج و يجف ثم توزع فوق الباذنجان المحضر .
· تحمى السمنة على نار متوسطة و يحمص اللوز أو الصنوبر فيها حتى يشقر ثم يصب السمن و اللوز فوق الباطرش و تقدم فوراً .
نصف كيلو باذنجان أسود من النوع المدعبل
3 – 4 ملعقة كبيرة لبن زبادي
4 ملعقة كبيرة طحينة
فص ثوم
ملح
نصف ملعقة كبيرة سمنة بلدية
نصف كيلو لحمة غنم مفرومة
رشة بهار مشكل
للتزيين :
لوز أو صنوبر
نصف ملعقة كبيرة سمنة بلدية
• تثقب حبات الباذنجان بالشوكة أو السكينة ثم تشوى على الفحم أو في الفرن حتى يحترق جزء من القشر و تطرى الحبات و تنضج .
• تقسم كل حبة الباذنجان لنصفين و يفرغ اللب بالسكين أو بملعقة و يرمى القشر ثم يفرم لب الباذنجان ناعماً أو يدق بالهاون .
• يخلط لب الباذنجان مع اللبن و الطحينة و الثوم و الملح ثم يسكب في طبق مسطح كبير و يمسد بحيث يغطي كل الطبق .
• تقلب اللحمة مع السمنة و البهار حتى تنضج و يجف ثم توزع فوق الباذنجان المحضر .
• تحمى السمنة على نار متوسطة و يحمص اللوز أو الصنوبر فيها حتى يشقر ثم يصب السمن و اللوز فوق الباطرش و تقدم فوراً .
والله والله سال ريقي وانا صايمه وما في مجال اعمله اليوم لان طبخنا فطور خلاص لاكن باقرب فرصة حاعمله واقولك ايش صار معاي طبعا ما راح يكون نص مستوى طبقك
له يا منونة , بيطلع أطيب أكيد
هنا مقدماً على قلبك و قلوب كل العيلة .. اتفضلي يا قمر :zzz
ياالله شكل هاللحمة بيشهي ذكرتني بالفتة يا ريت يا منى اذا عندك وصفة لاي نوع فتة بجاج او بلحمة ,,,, اي نوع تنزلي والف شكر مسبقا
و الله حقك علي , من ايمتى واعدتك بهل الوصفة :roll خلص بركي برمضان بنزل الي كم وصفة فتة , من عيوني
باين عليها لذيذة شويعني مدعبل؟
هلا ام ناصر
البانجان نوعيين , نوع طويل و لونه أسود و النوع الثاني اله شكل نوعا ما بيشبه شكل الاجاصة و لونه فتح و أرجواني , هذا هو المطلوب و هو الي نستعمله للبانجان المشوي
اولا يسلم ايدك على هل الكل بصراحة انا من حلب بس ما بعرف هل الاكلة بس اكيد رح جربا لانو عجبتني كتير شكلها طيب :grin
هلا ام دانية حبيبتي نور الموقع بأحلى حلبية
هي مو كتير معروفة , انا سميتها هيك لميزها عن باطرش حماة , هي وصفة يممي , ان شاء الله اذا جربتيها تبقى تخبريني
مرحبا أخت منى ..
لذيذة جداً هالأكلة .. وحسب معلوماتي هي أكلة مو حلبية وإنما (بابية) نسبة لمدينة الباب .. وهي أشهر الأطباق عندهم على الإطلاق وبيسموها (مخبص). عمتي الله يرحمها كانت متزوجة ومقيمة في الباب .. وكل ما كنا نزورها كانت تعملنا هالطبخة بناءً على إجماع الكل .. ما في أطيب منها خصوصاً مع اللبن البابي الشهير.
أنا بعملها بطريقة مختلفة شوي تعلمتها من وحدة قريبتي شاطرة كتير بالطبخ .. وبتسميها متبل بلحمة .. بتطلع أطيب ولو أنها أدسم شوي .. خصوصاً أني بستخدم الدهنة بدل السمنة لتقلية اللحمة!
بعد تقلية اللحمة ونضجها نرفع نصفها على طبق جانبي .. ونضيف الباذنجان المشوي الممروس إلى نصف اللحمة الباقي في المقلاية، ونقلبه على نار هادئة لمدة نصف ساعة أو أكثر .. وبعدها نخلطه مع مزيج اللبن المثوم ونصبه في طبق التقديم .. ويوزع النصف الباقي من اللحمة على الوجه .. ونستعمل الجوز بدل اللوز .. جربيها أخت منى وما بتندمي.
هلا ارام , يعني الف شكر الك لاغناءك الوصفات بردودك , كتير الطريقة الي ذكرتها باينتها بتشهي , رح جربها اول ما جيب بانجانات و لو بكرت شوي اليوم بالرد كنا اتغدينا منها , يلا ما النا نصيب اليوم بركي الاسبوع الجاية , بس مو بالدهنة , نووو بدي اكل و اتهنى و بالدهنة رح ااقدر دوق بس كم لقمة ..
مرة تانية الف شكر الك و انا دايما بانتظار اي ملاحظة او اضافة بتعطي روح جديدة للوصفة .
يسلموايديكي منى بيشهيي 8)
هلا ام احمد
الله يسلمك حبيبتي , من زووءك
يا سلاااااام شو هالأكلة كلها فخامة يا باشااااا
يا ستي طيبة وتغيير شكل عن المحاشي والكبب..وأهم الشي خبي الهون النحاس عن عيون المرة اللي بتجيني كل ما إجت بتقللي عيني بالهون اللي عندك :sigh
إلا ما أشتريلها واحد وأخلص من نقهاااا :p
:grin
انا امي كل ما بتجي و بتشوفه بتقلي الا ما اكبلك هل الهون النحاس , و بعد تنهيدة بتقلي , بنتي الناس وصلت للقمر و انت عم تدقي التوم لسا :grin
ابوس روحها و الله يخليها فوق راسي ست الحبايب
ان شاء الله تجربيها و تعجبك هي اختصاص ماما و خالتي بتلاقي كتير بيحضروها بالعزايم