بايـِّيا paiea


         وصفة : منى                 2008/11/27                 13 تعليقات
بايـِّيا paiea
حبة فليفلة خضراء مفرومة مكعبات صغيرة
حبة فليفلة حمراء "أو صفراء أو برتقالية" مفرومة مكعبات صغيرة
حبة بصل متوسطة مفرومة جوانح
حبة بندورة كبيرة أو اثنتان صغار مقطة الى مكعبات ناعمة "متل التبولة"
كأس رز إيطالي "أو مصري.. المهم مو بسمتي"
خمس ملاعق كبيرة زيت "ومن الممكن استخدام زيت الزيتون"
ملعقة طعام مركز الطماطم.
ملح
نصف ملعقة صغيرة فلفل أسود
ماء ساخن
وأيضا ممكن استخدام :

حبة جزر "يقطع مكعبات"
خمس أو ست حبات فطر "تقطع شرحات"
خمس ملاعق كبيرة بازلاء خضراء
ذرة صفراء
حبة كوسا صغيرة "تقطع مكعبات كبيرة نسبياً لأنها تذوب في الطبخ"
بضع قطع بروكولي أو زهرة "يجب أن تكون مسلوقة مسبقاً"





• ننقع الرز في ماء دافئ لمدة 20 دقيقة .

• نضع الزيت في طنجرة متوسطة ونضيف البصل والفليفلة والبندورة والـ (فطر ، البازلاء، حبات الذرة، قطع الكوسا في حال استخدامهم) ونخلط الخضار مع بعضها ونتبلها بالملح والفلفل.. نخفف النار ونغطي الطنجرة ونتركها لمدة عشر دقائق "أو حتى نضوج الخضار" .

• نضيف مركز الطماطم ونحرك ونتركه يعطي لونه وطعمه للخضار لمدة دقيقتين.

• نغسل الرز ونصفيه من الماء ونضيفه إلى مزيج الخضار.

• نغمر المزيج بالماء المغلي "أعلى من مستوى السطح بـ 3 سم تقريباً" .

• عندما تبدأ المياه بالغليان نخفف النار ونغطي الطنجرة ونتركها ربع ساعة على نار هادئة جداً، تطفأ النار ويترك الرز خمس دقائق والطنجرة مغلقة.

• يصب في صحن التقديم ويقدم ساخناً مع اللبن وصحة وعافية .

ملاحظات :

• يمكن انقاص كمية الزيت المستخدمة إلى ملعقة واحدة .. وأنا أحضر الطبق بهذه الطريقة للريجيم.. فهو ملئ بالنكهات وبالتالي لن تشعري بنقص الزيت .. أي أنكِ لن تأكلي رز مسلوق بلاطعمة.. وبنفس الوقت الطبق لا يحتوي سعرات حرارية كبيرة.

• في حال استخدام الجزر نبدأ بتحميره في الزيت ما يقرب الخمس دقائق ثم نقوم بإضافة بقية الخضار لكونه أكثر قساوة منها. وفي حال استخدام الزهرة أو البروكولي لا نضعها مع باقي الخضار أكثر من دقيقة واحدة حتى لا تفرط.

• يجب أن تكون الـ باييّا ندية.. يعني ليست جافة كأطباق الأرز الأخرى.. لذلك نراعي استواء الرز وعدم جفاف الماء بشكل كامل.

• يمكن تقليل كمية الملح والفلفل واستخدام مكعب نكهة "ماجي بالدجاج أو الخضار" .. أو استخدام مرق اللحم في طبخ الرز.
  • وصفات تانية ممكن تعجبك


التعليقات

  1. kuwaiti_girl 27 November 2008

    اللللله

    ما شاء الله

    الموقع مليان بوصفات الرز اللذيذه
    انا عجبتني هالوصفه كثير

    زميلي بالشغل اكلها باسبانيا مع لحم الارانب ويحلف انه عمره ما ذاق شي بلذتها
    انا بحب الارانب تمشي بالبريه ما افكر اكل اي طبق يحتوي على اي جزء منه ههههه

    تسلم الايادي
    وان شاء الله اطبقها قريب

  2. منى 27 November 2008

    شكله بياخد العقل , انا اعرف ان البايلا , ما بعرف اذا هو نفس هادا الطبق , بيكون فيه أكتر من نوع لحم متل دجاج و لحمة و سمك و روبيان بس انت وصفتك خفيفة و عجبتني كتيرررر

    سلم دياتك دالو , و بانتظار ووصفات تانية منك و أولهم المربى رول :zzz

  3. سلاف 27 November 2008

    بتشبه تقريبا كبسة الخضار00 الاختلاف بنوع الرز امممممممممم كتير طيبه وخفيفه يسلم ايديكي دالو
    والشكر موصول الك منى
    :zzz

  4. سارونات 28 November 2008

    السلام عليكم و رحمة الله و بركاته
    جازاك الله خيرا اختي و ان شاء الله ستتم التجربة
    وصفة سهلة و صحية و في انتظار المزيد من وصفاتك
    بالتوفيق
    سلام

  5. منامينو 29 November 2008

    يسلمو إيديكي يا dado على هالوصفة الحلوة والخفيفة.

    ومزبوط كلامك يا منى. ممكن ينحط معاها أنواع مختلفة من اللحوم. أنا شفتها من فترة قصيرة في برنامج مع أسامة أطيب على قناة دبي. قدّمها بمناسبة عيد أسبانيا، وكان حاضر السفير الأسباني كضيف بالإضافة لكذا شيف أسباني وعملو عدة أصناف أسبانية. فواحد منهن عمل البئية بأنواع مختلفة من اللحوم البحرية كلها مع بعض.

    طب يا منى.. ممكن حبيبتي تمرّي شوي على وصفة الملوخية على الطريقة الحلبية؟؟ عندي ورطة هناك :cry .. قصدي سؤال :grin .. ويسلمو سلفاً :roll

  6. منامينو 29 November 2008

    حبيبتي dado .. مزبوط زي ما أنا شايفة إنه الرز أصفر؟ ولاّ تهيؤات؟؟ :grin :upset .. يعني فيه مع المكونات زعفران أو كركم؟؟ :? والله هيك أحلى بتطلع. عن جد عجبتني كتير هالوصفة.

    على فكرة حبيبتي منى، خليتي عندي هيك فضول، رحت دوّرت على وصفة الباييلا عالإنترنت ولقيتها هي نفسها، مع إضافة أي نوع من اللحوم. فالظاهر إنها نفس الوصفة بعدة أسماء لإنه الشيف الأسباني سمّاها بئية مع إنه اسم الباييلا كمان مشهور كتير. زي عِنّا مثلا اللبنيمّو والشاكرية هن إسمين لنفس الوصفة ;)

  7. منى 29 November 2008

    هلا منونة :)
    عزبتي حالك , الف شكر الك على التوضيح ,
    انا كنت من زمان جربتها و حبيتها كتير .. هلا رح جربها على طريقة دالو لان انا بحب الاكل الي مااا فيه لحومات , أخف و تغيير

  8. dado 30 November 2008

    سلام لكل الاخوات هون
    - منى شكرا كتير لأنك نزلتي الوصفة… بصراحة تفاجأت فيها وانبسطت كتير، انشسالله بتجربيها بدون لحم وبتعجبك لأنها خفيفة.
    - فتاة كويتية شكرا على مساهمتك، متل ما تفضلتي في نسخة تانية من الأكلة ويلي بيحتوي على تشكيلة لحوم ومنها لحم الأرانب :cry يا حرام.. أنا بزعل على كل الحيوانات وخاصة إذا كانوا حلوين وأمامير متل الأرانب
    - سلاف مرحبا.. فيكي تسميها كبسة خضار أو رز بالخضار أو أي شي .. عنجد لأنو ما إلها قاعدة ثابتة… يعني فيكي تحطي شم ما بتحبي من الخضرة أو حتى اللحومات
    - شكرا سارونات على تعليقك.. بنتظار تجربيها وبإذن الله رح تعجبك

    - منامينو… مزبوط الرز تقريبا أصفر أو حتى برتقالي.. بس ما فيه زعفران أو كركم.. بس أخد لونو من البندورة والفليفلة الحمرا.
    لما دورت عالانترنت.. ما طلعت معك طريقة الشيف دادو؟ :p
    نهارك سعيد

  9. em layal 28 December 2008

    الله يعطيكي العافيه , بس انا عندي تعليق بسيط انه اه الاكله ماممكن نسميها باقيه لانو الاكله الاساسيه هي بتنطبخ بزوم السمك و اهم شي البحريات ( ثمار البحر) و هيب بتكون اكله الباقيه على اصولها . انا باكلها مره بالاسبوع , هي اكله كتير مشهوره كمان هون بفنزويلا . و شكراً الكم

  10. DOUHA 14 April 2010

    وصفة بتشهي بس الصورة مو طالعة خلص رح جربا يسلموا دالو و منى :p

  11. منى 14 April 2010

    رح اتفقد فليكر و شوف شو القصة :roll

  12. بسبوسة 6 November 2010

    عنجد كتير انبسطت اني شفت هالاكلة على موقعي المفضل لاني من شهر كنت باسبانيا وتحديدا ببرشلونة واكلت هنيك بايلا بالخضار كتجربة لاني ماكنت متشجعة اجربها بس على قد ما منتشرة هنيك وكانت كتير كتير طيبة وتاني نهار دقتها بالفروج وكانت اطيب وكنت بدي دور عالوصفة يعني هيك اختصرتو علي الطريق عنجد شكرا دادو وشكرا منى

  13. منى 8 November 2010

    الشكر الك بسبوسة , ان شاء الله تجربيها و تكون على زووءك و هنا مقدما :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)