براونيز بكريما الخمس دقايق السرية
كوب من بزر يقطين
1 – 2 ملعقة كبيرة زيت زيتون أو زبدة
ثلاث أرباع ملعقة صغيرة ملح
• تزال القطع الملتصقة بزر اليقطين بأكبر قدر مستطاع , لا تغسل البذور .
• يقلب البزر مع الزيت أو الزبدة المذوبة و الملح ثم تمد في طبق بايركس أو صينية فرن .
• يحمص البزر في الفرن على درجة حرارة 150 درجة مئوية و تقلب كل 10 أو 15 دقيقة حتى تتحمص .
• يحفظ البزر , إن بقي منه شي , في مرطبان بلوري محكم الإغلاق .
كيفك منى شكرا على الوصفة حبيت أعرف طريقة البرازق الشامية على أصولها ومعمول الفستق الحلبي والبصمة بالفستق الحلبي وألف شكر لك حبيبتي
مية هلا أختي
تكرم عيونك أختي , البرازق صار جربتلها أكتر من مرة و ما كتير ظبطت معي , بس انا حاططتها في بالي ان شاء الله
يا ترى شو قصدك بالكعك الشامي بالمحلب ؟ لان عندي بالموفع وصفة كعك العيد أظن انها [URL=http://www.l2ma.com/content/view/428/2/]المقصودة[/URL]
نورتي اختي الموقع , مية اهلا و سهلا
هلا منى هي اسهل وصفة هههههههههه
عنجد يسلموا دياتك
ماشاء الله عليكي
هلا ضحى
ان شاء الله مبسوطة و فرحانة على طول , نورتي حبيبتي
دوما مع المكسرات لازم يكون بزر اليقطين موجود نوع محبب كتير الي ولزوجي 00 ان شاء الله رح جربه بس عندي سؤال انتي بتشغلي الفرن من فوق وتحت ولا بس من تحت ؟؟؟؟ وسؤال تاني بزر الجبس و البطيخ نفس الطريقه بنحمصه ولا بيختلف ؟؟؟
الله يسلم هالايدين منى 000
هلا سلاف
هنا على قلبك و قلب زوجك يا حق , ما هو الكرش العربي ما بيجي من قليل مربى على الغالي و الجوز و اللوز و المكسرات :grin الله بيعين
انا بشعل الفرن بس من تحت و مع التحريك لا تنسي , اما بزر الجبس و البطيخ الصراحة و لا مرة ما جربت حمصهم , يمكن الصيفية الجايية ابقى اعمل عليهم تجاربي :zzz
الف شكر ست منى علىالطريقة السهله انا ولا مرة جربت اعملو بالبيت بس اكيد رح جرب ان شاء الله على فكرة انا بفوت الموقع من شان اخد وصفات جديده وكمان من شان استمتع وانا عم اقرأ مقدماتك قبل الوصفة اللي بتذكرني بأيامي بسورياوبحلب تحديداً اللي صرلي سنين ما زرتا الله يخليكون لبعض انتي وخواتك ووالدتك وما يحرمكون من بعض وسلامي
ام جودي
هلا ام جودي
ان شاء الله تجربيه و يكون متل ما بتحبي .
ان شاء الله ترجعي لسوريا قريب سالمة و غانمة و الله يخليلي ياكي على هل الدعوات الحلوة .
بوسات خاصة لجودي من خالة منى
الله يسلم ايديك حبيبتي والله نحن منحتار بالبيت لما يكون فيه بزر يقطين
كل واحد بيعمل تجربه شكل :grin بس سؤال ممكن حطهم على النار العادية بدل الفرن يعني وبخفف النار سو رأيك :zzz
وعندي سؤال عم فكر فيه امبارح بالليل 8) أكيد انت فوق هالأكلات الطيبة عندك هويات تانية صح يعني مثل شغل السنارة أو تطريز أو خياطة صح ولا انا غلطانة :zzz
هلا دمشقية
اتوقع ممكن نحمصها على النار , لحتى امي لما شافتني عم حمص البزر في الفرن قالتلي ايه طول عمرنا منحمصه على النار من وين اخترعتي هل الاختراع :grin
هواياتي التانية رح تفاجأك شوي , لان مع الطبخ من هواياتي التصوير إلي هلأ حابة كتير اتعلمو على أصولو , و كمان تعلم اللغات بعد الانكليزي هلا عم ادرس فرنسي و ناوية على التركي بعدها اذا الله عطانا عمر .
شغل السنارة و التطريز اشتغلت فيهم شوي بعد ما اتزوجت , و اكتر الشي ضاينت بشغل السنارة يعني اشتغلت كم قطعة بس بعدها ما ضاينت :grin
واااااااو يا منى شو هذا اللي انت عاملتيه شئ بيجنن من الصورة شكله طالع بيجنن حمستيني اروح اجيب بزر الياقطين واعمله تسلم ايدك يارب
ان شاء الله تساويه و تحبيه , كتيررر نمي