بزر اليقطين المحمص


         وصفة : منى                 2008/11/21                 12 تعليقات
بزر اليقطين المحمص

كوب من بزر يقطين
1 – 2 ملعقة كبيرة زيت زيتون أو زبدة
ثلاث أرباع ملعقة صغيرة ملح





• تزال القطع الملتصقة بزر اليقطين بأكبر قدر مستطاع , لا تغسل البذور .

• يقلب البزر مع الزيت أو الزبدة المذوبة و الملح ثم تمد في طبق بايركس أو صينية فرن .

• يحمص البزر في الفرن على درجة حرارة 150 درجة مئوية و تقلب كل 10 أو 15 دقيقة حتى تتحمص .

• يحفظ البزر , إن بقي منه شي , في مرطبان بلوري محكم الإغلاق .

  • وصفات تانية ممكن تعجبك


التعليقات

  1. فلسطينية بقطر 21 November 2008

    كيفك منى شكرا على الوصفة حبيت أعرف طريقة البرازق الشامية على أصولها ومعمول الفستق الحلبي والبصمة بالفستق الحلبي وألف شكر لك حبيبتي :(

  2. منى 22 November 2008

    مية هلا أختي :)
    تكرم عيونك أختي , البرازق صار جربتلها أكتر من مرة و ما كتير ظبطت معي , بس انا حاططتها في بالي ان شاء الله
    يا ترى شو قصدك بالكعك الشامي بالمحلب ؟ لان عندي بالموفع وصفة كعك العيد أظن انها [URL=http://www.l2ma.com/content/view/428/2/]المقصودة[/URL]

    نورتي اختي الموقع , مية اهلا و سهلا :)

  3. DOUHA 22 November 2008

    هلا منى هي اسهل وصفة هههههههههه
    عنجد يسلموا دياتك

    ماشاء الله عليكي

  4. منى 22 November 2008

    هلا ضحى :)
    ان شاء الله مبسوطة و فرحانة على طول , نورتي حبيبتي ;)

  5. سلاف 23 November 2008

    دوما مع المكسرات لازم يكون بزر اليقطين موجود نوع محبب كتير الي ولزوجي 00 ان شاء الله رح جربه بس عندي سؤال انتي بتشغلي الفرن من فوق وتحت ولا بس من تحت ؟؟؟؟ وسؤال تاني بزر الجبس و البطيخ نفس الطريقه بنحمصه ولا بيختلف ؟؟؟

    الله يسلم هالايدين منى 000 :)

  6. منى 23 November 2008

    هلا سلاف :)
    هنا على قلبك و قلب زوجك يا حق , ما هو الكرش العربي ما بيجي من قليل مربى على الغالي و الجوز و اللوز و المكسرات :grin الله بيعين
    انا بشعل الفرن بس من تحت و مع التحريك لا تنسي , اما بزر الجبس و البطيخ الصراحة و لا مرة ما جربت حمصهم , يمكن الصيفية الجايية ابقى اعمل عليهم تجاربي :zzz

  7. أم جودي 23 November 2008

    الف شكر ست منى علىالطريقة السهله انا ولا مرة جربت اعملو بالبيت بس اكيد رح جرب ان شاء الله على فكرة انا بفوت الموقع من شان اخد وصفات جديده وكمان من شان استمتع وانا عم اقرأ مقدماتك قبل الوصفة اللي بتذكرني بأيامي بسورياوبحلب تحديداً اللي صرلي سنين ما زرتا الله يخليكون لبعض انتي وخواتك ووالدتك وما يحرمكون من بعض وسلامي

    ام جودي

  8. منى 23 November 2008

    هلا ام جودي :)
    ان شاء الله تجربيه و يكون متل ما بتحبي .
    ان شاء الله ترجعي لسوريا قريب سالمة و غانمة و الله يخليلي ياكي على هل الدعوات الحلوة .
    بوسات خاصة لجودي من خالة منى :)

  9. الدمشقية 2 December 2008

    الله يسلم ايديك حبيبتي والله نحن منحتار بالبيت لما يكون فيه بزر يقطين :) كل واحد بيعمل تجربه شكل :grin بس سؤال ممكن حطهم على النار العادية بدل الفرن يعني وبخفف النار سو رأيك :zzz
    وعندي سؤال عم فكر فيه امبارح بالليل 8) أكيد انت فوق هالأكلات الطيبة عندك هويات تانية صح يعني مثل شغل السنارة أو تطريز أو خياطة صح ولا انا غلطانة :zzz

  10. منى 2 December 2008

    هلا دمشقية :)
    اتوقع ممكن نحمصها على النار , لحتى امي لما شافتني عم حمص البزر في الفرن قالتلي ايه طول عمرنا منحمصه على النار من وين اخترعتي هل الاختراع :grin

    هواياتي التانية رح تفاجأك شوي , لان مع الطبخ من هواياتي التصوير إلي هلأ حابة كتير اتعلمو على أصولو , و كمان تعلم اللغات بعد الانكليزي هلا عم ادرس فرنسي و ناوية على التركي بعدها اذا الله عطانا عمر .
    شغل السنارة و التطريز اشتغلت فيهم شوي بعد ما اتزوجت , و اكتر الشي ضاينت بشغل السنارة يعني اشتغلت كم قطعة بس بعدها ما ضاينت :grin

  11. haya 16 December 2008

    واااااااو يا منى شو هذا اللي انت عاملتيه شئ بيجنن من الصورة شكله طالع بيجنن حمستيني اروح اجيب بزر الياقطين واعمله تسلم ايدك يارب

  12. منى 16 December 2008

    ان شاء الله تساويه و تحبيه , كتيررر نمي ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)