براونيز بكريما الخمس دقايق السرية
وصفة كتير كتير طيبة و مميزة و شكلها حلو و انا بحب قدمها اما لوحدها او مع شي تغميسة , يمممم
ممكن تتحضر بكل انواع الجبنة المتوفرة عندك , بس لما بيكون جاي على بالي دلل حالي باستخدم البارمجان , بيعطيها طعم و لا اغنى و لا ألذ , و بقية انواع الجبنة كمان بتعطي طعم راائع , كل نوع بيعطي نكهة مختلفة , يعني هي وصفة بعشر نكهات .
من زمان جبت من سوق العطاريين بالمدينة بذور خردل , حبيت شكلهن كتير , لهيك رشيتهن مرة على البسكويت , بس حسيت انو طعمة السمسم أو حبة البركة أطيب بكتير , بقى هي شغلة راجعة لزوقك و رغبتك .
بالصحة و الهنا
1 كوب طحين
نصف كوب زبدة باردة , مقطعة مكعبات
125 غ جبنة بارمجان , مبشورة
أو ممكن استبداله بكوبان من جبنة تشدر أو أي نوع أخر مفضل
نصف ملعقة صغيرة ملح
ثلث ملعقة صغيرة زعتر أخضر أو أوريغانو أو روز ماري ( اختياري )
للوجه :
حبة بركة أو سمسم أو بذور الخردل
2 ملعقة كبيرة حليب
• يوضع الطحين و الملح و الجبنة و الزعتر الأخضر أو الأوريغانو أو الروز ماري في وعاء و يقلب الكل بملعقة , توضع الزبدة في المنتصف و تفرك بأطراف الأصابع حتى تشكل ما يشبه الرمل .
• يعجن الكل بلطف ثم تشكل العجينة بهيئة اسطوانة و تغلف جيداً , تحفظ في البراد لمدة ساعة .
• يحمى الفرن على درجة حرارة 190 درجة مئوية . باستخدام سكين حاد يقطع البسكويت الى شرائح بسماكة نصف سنتيمتر , تصف البسكويتات على صينية فرن مغطاة بورق الزبدة , يدهن سطح البسكويت بالحليب بخفة و يرش السمسم أو حبة البركة أو بذور الخردل على الوجه.
• تخبز في الفرن المحمى لمدة 6 – 10 دقائق أو حتى تشقر , تخرج من الفرن و تترك لترتاح لمدة 5 دقائق ثم ترفع على مشبك و تترك حتى تبرد تماماً ثم تقدم .
• يمكن أن تحفظ البسكويتات في وعاء محكم الإغلاق و مبطن بورق الزبدة لعدة أيام .
-
وصفات تانية ممكن تعجبك
ممممممممم تسلم ايدك على هالنقروشة الجديدة
عن جد ماشاء على الافكار كل يوم فكره جديدة لا والاحلى انك بتشاركي الكل وما بتحتفظي بالاسرار لنفسك الله الله يعطيكي على قد نيتك
لما شفت الصورة قلت مممممم
ولما قريت الوصفة قلت لازم جرب ورح جرب بجبنة الرومي المعتقة الي بتكون حدددة وقوية
سلام وتسلم ايدك
الله الله انا كتير بحب هيك نقنقات الله يسلم ايديك يا حق بس انا الخردل الحب ما بقدر اكله لذلك اكيد رح اجربها بحبة البركة كتير بحبها على العجين شكرا منى على الوصفة
[B]null[/B][B]مرحبا منى يسلمو دياتك بس سؤال اذا سمحتي بحسن اعجنها بمحضرة الطعام الا لازم باليد وسؤال مشان البندورة المجففة انا بشتريها مجففة بدون زيت اذا بدي استخدمها بصلصة البندورة اللي بتعمليها لازم انقعها بالزيت كم يوم وشكرا سلفا[/B]
ياسلام اخيرا عرفت ادخل ركني الحبيب في لقمة طيبة
حاسة بالفرح لوجودي لأني من أول مافتح لقمة طيبة وانا من محبيه وبعتبره سفير للتراث السوري والمطبخ السوري وخفة الدم والنكهة السورية المحببة لنا جميعا
البسكوت اكيد رائع جدا سبق وجربت طبق شبيه يسمى اسكونز باستخدام جبنة معروفة عندنا بمصر اسمها جبنة رومي وهيا قريبة الطعم وتكاد تكون هي ذاتها البرميجان لكن نكهتها اقوى خاصة المعتق والقديم منها واضفت يومها نص ملعقة بكنج بودر وكان بسكوت على بساطة تكوينه وسهولة اعداداه من اطيب الوصفات
احب ابدي اعجابي على تنوع الوصفات وغناها وبعدها عن المالوف ماشاء الله تبارك الله
وادعي لمعدتها غاليتي منى بالسعاادة والفرح لكي تزهر لناولمحبيها ابداعاتها وتنتشر في قلوبنا تلك الحالة الجميلة التي تاسر زوار لقمة طيبة وان يحمي الله اولادها واهلها من كل شر يارب وعذرا على الاطالة عطر لله ايامك يااخت منى والاخوات بكل الخير والفرح يارب
يا سلاااااام شكلها كتير شهية
ولازم جربها جوزي كتير بحب المعجنات والاكلات المالحة اكتر من الحلو
يوم الخميس كان عندي ضيوف من بين الاكلات الطيبة اللي عملتها
فطيرة الشاورما الرائعة وكل الصبايا اخذو الوصفة
وكاتو الشوكولا بحشوة الأناناس والكراميل وكتير نجح معي وكان لذيذ
وبتمنى انزل باقي الاكلات بس شلون؟؟؟؟
الله يسلم ايديك على الوصفة وان شاء الله رح جربها بهاليومين
هلا جوجو
اي اطيب نقروشة , و انا بقول عليها نقروشة , كيف عرفتي افكاري :grin
الحمد لله جوجو , سري انو ما عندي اسرار , كلو مكشوف ان شاء الله , امين يا رب
رح استنى رايك بعد التجربة و اتمنى انها تكون نمممم
هلا jenna
اي اكيد فيكي تحضريها عليها , بتحطيكل المقادير بمحضرة الطعام و بتشغليها شوي حتى تمتزج الزبدة بالطحين , بعدها اعجنيها بلطف على ايدك , او بالاحرة لميها على بعضو بعدها على البراد 8)
البندورة بيلزملها اسبوع تقريباً قبل استعمالها لوصفة الصوص و لغيرها
هلا غيوثة
انا كمان حبيتها بحبة البركة اكتر بكتير من حبات الخردل , ان شاء الله تجربيها و تحبي هل النقنوقة المقرشة الطيبة :zzz
هلا حبيية قلبي ام ياسمين
بعد زمان عن ردودك و تواجدك الي متل النسمة اللطيفة , و شكرا كتير على كلامك و زووءك و دعواتك الغالية و الكريمة و الي ما بتطلع الا من قلب طيب و كريم
كتير جاي على بالي دوقوا لجبنة الرومي , ان شاء الله واحدة من الاشيا الي رح اعملهابمصر اذا رب العالمين قدرني زورها , اول الشي بزور الاهرامات تاني شي بزورك تالت شي بدوق الجبنة الرومي و ممكن الكشري و اذا قدرت الفطير المشلتت
أمين يا رب و ان شاء الله ايامك كلها معطرة بالصلاة على النبي و براحة القلب و البال
هلا ام نبيل
اكيد بتعجبه ان شاء الله , هي وصفة بتعجب الكل كبار و صغارا و النقاقيين تحديدا
الف هنا و الف الف صحة يا حق على كل لقمة و كتير انبسطت انهم عجبوهم
فيكي تبعتيهم برد هون و انا بنشرهم باسمك ان شاء الله , بكون ممنوتك , وصفة من تحت ايدين واحدة من بنات الرواس اكيد عشر نجوووم
ياحبيبة قلبي تنوري مصر كلها ونفرش بساط الاميرات ياغالية في القلب والعين قبل الدار
كتير بتمنى وبسرح خيالي اقابل كل اللي بتبعدنا المسافات الحسية بس كتير قريبين بارواحنا وقلوبنا
وعزومتك رح تكون فطير وكشري وحمام محشي ومشاوي وكبة من اللي علمتيني اياها وسلطاات اشكال والوان لاني بعرفك ياقمر من محبي السلطات وكل اللي تحبيه على فكرة اصبحت التبولة في مصر تتصدر الموائد المصرية وكل منيوهات الاوتيلات والمطاعم ياريت والله منمون تشرفينا وانتوا باحسن صحة وحال ويهدي سركم يارب
وينعم ربي عليكم بالخير كله لانكم شعب راقي ومحبوب
ممممم معناها من هلا رح خفف من الاكل لحتى ااقدر دوق و اتهنى على سفرتك العامرة :zzz
و انا كمان ام ياسمين منك حبيت كل المصريين و عرفت اديه هنن ناس طيبة و مخلصة و حلوة من جوى
عنجد يسلمو كتير دائما عبتخجليني بالكلام الحلو
طلع معك حق والله نقروشة بتاخد العقل وعجبت عيلتي الصغيرة
لما حطيتن على الشبك مشان يبردو صار نبيل افندي يدوس على ايد آخر سحابة ويطلع لفوق
ويأشرلي انو بدو منن
هلق لا يخلو الأمر من مغامرات اول تجربة
الجبنة طالعتلي عيوني لحتى انبشرت
وبعد ما طالعت السطوانة من البراد وبلشت قطع فيها صارت تفرط معي
رجعت طالعت شوية زبدة وخلطتها معن وحطيتها بالبراد وبعدها مشي الحال الحمد لله
بس هون كنت انقهرت منها وصرت قطع فيها واذ بكتشف اني القطع كتير سميكة
رجعت كل قطعة اقسمها بالنص وارتبلها شكلها وحطيتن بالبراد مرة أخيرة وبعدها مباشرة الى الفرن وبعد الفرن انت بتعرفي الباقي
بدي اطلب منك طلب معلش الزبدة تحديدا تكتبي مقدارها بالغرام اذا ما فيها ازعاجبس هيك اسهل بكتير
عملتن يوم الثلاثاء بس النت عندي متعطل :cry الله وكيلك بهالبلد بدون نت بتحسي حالك ضايعة
بالنسبة للوصفات اللي وعدتك فيهن جهزت اول وحدة في مجال ابعتهن على ايميل اسهلي وخصوصا مشان الصور
يسلم دياتك يارب والله يزيدك من نعمه ويخليلك احبابك
مممم , صحتين و الف عافية و الف هنا على قلب الكتكوت الصغنون الحلو ..
الحمد لله مغامراتك انتهوا على خير
تكرم عيونك و الزبدة لهل الوصفة 125 غ
ممكن تبعتيلي ايميلك برد , مابنشره , بس ببعتلك ايميل و رح استنى منك الوصفة
شكرا كتير عالوصفة شكلاسهلة وكتير طيبة (المعروك) بس الزيت العادي شو يعني زيت زيتون ؟
وكمان اذا استعملت الخميرة الفورية بيمشي حالها ؟
اهليين علا
كانو التعليق جاي لهون بالغلط
الزيت نباتي مو زيت زيتون , و انا بستعمل خميرة حبيبات فورية نوعية تركية , شو مكتوب ع خميرتك ؟