بسمشكات ( شرحات ملفوفة )


         وصفة : منى                 2007/03/31                 13 تعليقات
بسمشكات ( شرحات ملفوفة )

 

 

·          توضع الشرحات بين ورقتان نايلون سميكتان ثم تدق بالمطرقة الخاصة باللحوم بشكل لطيف أو يطلب من اللحام القيام بهذه الخطوة ثم تنقع الشرحات بالخل لمدة ساعتان تقريباً .

·          تقلي البصلة و الجزرة و الفطر  بالسمنة و تقلب حتى تطرى ثم يبعد القدر عن النار و تترك حتى تبرد بعدها تضاف اللحمة و الصنوبر المحمص و تتبل بالملح و البهار و تدعك الحشوة جيدا بعدها أصبحت الحشوة جاهزة .

·         تفرد شرحة من شرائح اللحم و توضع ملعقة من الحشوة على أحد أطرافها ثم يطبق طرفاها للحصول على جيب صغير ثم يخاط طرفا الجيب , تكرر العملية حتى تنتهي لديك كل كمية الشرحات.

·          تذوب السمنة على نار قوية في وعاء كبير ثم تضاف نصف شرحات اللحمة المخاطة و تقلب حتى تتلون بشكل جميل من الطرفين و يجف المرق الذي خرج منها ثم ترفع و يضاف القسم الثاني و يقلى بنفس الطريقة .

·          يضاف رب البندورة لنفس القدر  الذي حمرت فيه البسمشكات في حال استعماله  و تقلب لمدة دقيقة أو دقيقتين بالسمنة ثم يضاف المرق و الملح و رشة بهار و تترك الصلصة حتى تغلي .

·          بعد أن يغلي المرق تضاف قطع اللحمة و تترك على النار لمدة ساعة تقريباً أو حتى تنضج البسمشكات و تتسبك الصلصة , يضاف المزيد من الماء الساخن إذا دعت الحاجة .

·          ترفع قطع البسمشكات من المرق ثم يسحب طرف الخيط لإزالته .
تسكب البسمشكات في طبق التقديم و تقدم ساخنة مع المرق و الأرز الأبيض أو الأرز بالشعيرية أو مع البطاطا البيوريه .

أفكار سريعة :

·          لاختصار الوقت , يمكن طبخ البسمشكات في طنجرة الضغط .

·          يمكن استبدال الصنوبر بالفستق الحلبي .

 

 

 

كيلو شرحات بقر أو عجل
فنجان صغير خل
2 – 3 ملعقة كبيرة سمنة
500 غ لحمة مفرومة مرتان
ملعقة صغيرة بهارات مشكلة
صنوبر محمص
6 كوب مرق
3 – 4 ملعقة كبيرة رب البندورة ( اختياري )
خيوط قطنية
جزرة صغيرة مفرومة ناعماً
حبة بصل
القليل من الفطر المفروم ناعماً
• توضع الشرحات بين ورقتان نايلون سميكتان ثم تدق بالمطرقة الخاصة باللحوم بشكل لطيف أو يطلب من اللحام القيام بهذه الخطوة ثم تنقع الشرحات بالخل لمدة ساعتان تقريباً .

• تقلي البصلة و الجزرة و الفطر بالسمنة و تقلب حتى تطرى ثم يبعد القدر عن النار و تترك حتى تبرد بعدها تضاف اللحمة و الصنوبر المحمص و تتبل بالملح و البهار و تدعك الحشوة جيدا بعدها أصبحت الحشوة جاهزة .

• تفرد شرحة من شرائح اللحم و توضع ملعقة من الحشوة على أحد أطرافها ثم يطبق طرفاها للحصول على جيب صغير ثم يخاط طرفا الجيب , تكرر العملية حتى تنتهي لديك كل كمية الشرحات.

• تذوب السمنة على نار قوية في وعاء كبير ثم تضاف نصف شرحات اللحمة المخاطة و تقلب حتى تتلون بشكل جميل من الطرفين و يجف المرق الذي خرج منها ثم ترفع و يضاف القسم الثاني و يقلى بنفس الطريقة .

• يضاف رب البندورة لنفس القدر الذي حمرت فيه البسمشكات في حال استعماله و تقلب لمدة دقيقة أو دقيقتين بالسمنة ثم يضاف المرق و الملح و رشة بهار و تترك الصلصة حتى تغلي .

• بعد أن يغلي المرق تضاف قطع اللحمة و تترك على النار لمدة ساعة تقريباً أو حتى تنضج البسمشكات و تتسبك الصلصة , يضاف المزيد من الماء الساخن إذا دعت الحاجة .

• ترفع قطع البسمشكات من المرق ثم يسحب طرف الخيط لإزالته .
تسكب البسمشكات في طبق التقديم و تقدم ساخنة مع المرق و الأرز الأبيض أو الأرز بالشعيرية أو مع البطاطا البيوريه .


أفكار سريعة :

• لاختصار الوقت , يمكن طبخ البسمشكات في طنجرة الضغط .

• يمكن استبدال الصنوبر بالفستق الحلبي .
  • وصفات تانية ممكن تعجبك


التعليقات

  1. منامينو 13 November 2008

    الله يا منى، تسلمي تسلمي، من زمان والله بسمع بالبسمشكات وما بعرف شو هي. وأخيرا.. أما طلعت شي حلو كتير ومحرزة إنه الواحد يجربها. يعني شي مفتخر عن جد ومش تقليدي.. تسلم هالأيادي يا رب، ومنكم نستفيد يا حلو

  2. منى 13 November 2008

    يا ستي كلامك صح , هي الوصفةلو ااقعد أكل منها ما بشبع :zzz
    الله يخليك و يسلمك يا قمر و ان شاء الله تجربيها و تعجبك

  3. سارونات 4 December 2008

    السلام عليكم و رحمة الله و بركاته
    عن جد وصفة مختلفة كتير و مميزة
    بدي اسأل اذا فينا نستغني نهائيا عن الصنوبر يعني بتضلها طيبة او لا
    و عندي طلب اذا ممكن ان شاء الله بس تساويها لهالوصفة تحطي صور توضيحية مشان تصير اسهل
    عيدك مبارك و كل عام و انت بخير مقدما و الله يعيده عليك و على الامة الاسلاميةجمعاء باليمن و البركات
    بالتوفيق
    سلام

  4. منى 5 December 2008

    هلا سارونات :)
    و انت ان شاء الله و كل عيلتك و حبايبك :)
    ممكن تستغني عن الصنوبر و بتبقى طيبة اكيد و ان شاء الله اكيد هل الوصفة لازملها صور بالتفصيل ;)

  5. zsoukar 10 January 2009

    مرحبا اخت منى
    انا عايشة باميركا و عجبتني وصفاتك للاكل و ذكرتني باكلات بحبها و ما كنت بعرف ساويها

    سؤالي: انت ذكرت ان بطبخة البسمشكات نخيط شرحة اللحمة من طرفيها للحصول على جيب صغير. اذا خيطناها من طرفين فقط فالحشوة بتطلع من الطرف الثالث كيف هيك؟؟
    و كم طول الشرحة تبع اللحمة. و شكرا الك ;)

  6. zsoukar 11 January 2009

    مرحبا اختي منى.انا بعرف انو عندك شغل غير الرد على اسئلتي بس اكلك الطيب بيخليني اسأل.سؤالي انو شرحه البسمشكات بتكون طويله ياترى نقسمها بالنص ونحشيها.وكمان نحشيها بالطول ام بالعرض.وشكرا الك لانك عم تذكرينا باكلاتنا.والله يحميكي

  7. منى 12 January 2009

    هلا فيك اختي و نورتي و نور الموقع بأخت جديدة و غالية :) الله يسامحك يا اختي و الله متل ما قلتي , هلا الاولاد امتحانات و مشغولة شوية و أسئلتك على العين قبل الراس

    معك حق هي الخطوة لازمها تصوير , اتخيلي انك عم تطوي الشرحة على الحشوة و بعدها بتخيطي و بتسدي كل الاطراف حواليها , الحجم مختلف ممكن يكون في قطع كبيرة و تانية وسط و كله بيزبط , بس اكيد لو بتكون الاحجام كلها قريبة لبعض بيكون أحلى ;)
    الشرحة تحطيها بالطول و تصفي الحشوة عليها على جانب واحد و بعدهاتردي الطرف التاني فوق الحشوة و تخيطي طل الاطراف لتسديها

    اي سؤال تاني انا تحت الامر أختي :)

  8. zsoukar 12 January 2009

    مرحبا اخت منى .الله يقويكي وتشوفي اولادك متل مابتتمني
    .شكرا على شرحك وطوله بالك

  9. روح الجمان 5 May 2009

    راااااااااااائعة جدا لكن فعلا أضم صوتي للأخوات المطالبات بالصور خاصة وأنني لم أرى الطبق من قبل في حياتي للأسف :cry ومع قولك أنك لا تشبعين منه اشتهيته أكثر وأكثر :zzz نعلم أننا نثقل عليك لكن اللي يدخل هون لابد يتعلم الطمع ونحنا طمااااااااااااعين كتيير حبوبتنا :grin

  10. منى 5 May 2009

    هلا جمان :)
    تكرم عيونك و عيون الأخوات ان شاء الله أحضررها قريب لحتى تكون كل الخطوات واضحة و يا ستي اذا هيك الطمع بيكون ما اطيبه :grin قصدي يااا محلاه

  11. Jassy 24 September 2010

    السلام عليكم ورحمة الله

    منى هي مو بتشبه الكويسات ؟ :? بس كأن الكويسات بيحطولها رز ؟

    بزمانو من كم سنة لسه لما كنت ببيت أهلي تذكرت رفقاتي بحلب كانوا يحكولي عن الكويسات واشتهيت بالعيد اعملها :zzz دورت بكتب الطبخ العربية يلي عندي وبالنيت ما لقيت :grin بعد ما تقريبا يئست لقيت كتاب الطبخ الحلبي كان واقع ورا الخزانة … وبعدها صرت دايما اعملو لأهلي واخواتي بالعيد لنتذكر شوي الجو بسوريا :p .
    بس بحب شوف طريقتك فيها لو سمحتي.

    والسلام عليكم

  12. منى 25 September 2010

    ما كتير بتشبهها , بس التنتين طيبيين و فخميين ;)

    الكويسات بيحطولها رز بس انا ما بحب حطلها . لان مو منقدمها مع رز و ما بحب حط بقلبها رز كمان .

    ان شاء الله بحط طريقتي بالكويسات ;)

  13. hajar 26 November 2010

    هالاكلة كانت من اوائل الوصفات الي جربتها بالموقع حضرتا لبابا بعزيمة لرفقاتو وكانت كتير طيبة صار حضرتها اكتر من 6 مرات وكل مرة اطيب من الي قبلها بس انا كل مرة بعملها بصوص مختلف اما بصوص خضار بندورة وبصل ورب بندورة ومرق او متل ما اخر مرة حضرتها ضفت للشرحات مرق ومنكهات وخليتهم لحتى نضجو وبالاخير انا عندي جريفي صوص جاهز معلب على شكل معجون ضفتو الهن وتركتهم لحتى يغلو شوي ويسمك الصوص وبالاخير قدمتهم مع خضار سوتيه وبطاطا بيوريه ورز مفلفل صاروا بيشبهو الروستو بس بشرحات ملفوفة طولت بالحكي كتير بس حبيت قلك انو رائعة واشكرك سلام :) :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)