بطاطا مقلية خفيفة السعرات الحرارية


         وصفة : منى                 2008/08/28                 26 تعليقات
بطاطا مقلية خفيفة السعرات الحرارية

·          تقطع البطاطا لحلقات أو أصابع عريضة نوعاً ما و تغسل جيداً و لا تنشف .

·          توضع في صينية تيفال و يضاف زيت القلي و الماء ( لا تستغربوا ) .

·          تخلط البطاطا جيداً بالزيت و الماء ثم تدخل الفرن على درجة 180 لمدة ربع ساعة أو حتى تستوي .

·          عندما تنضج سوف تكون بنفس طعم البطاطا المقلية العادية .

سر الطبخة :

أهم 3 أمور الأول إضافة الماء لكي لا تنشف البطاطا أثناء وضعها بالفرن و الثاني تقطيع البطاطا لأصابع سميكة حتى لا تحترق الأمر الثالث يجب أن نضع طبقة واحدة من البطاطا في كل مرة لا نضع البطاطا أكوام فوق بعضها البعض أرجو إني أكون أفدتكم بشي .. وعذرا على الإطالة . 




كيلو بطاطا
ملعقة زيت ذرة واحدة
4 ملعقة كبيرة ماء





• تقطع البطاطا لحلقات أو أصابع عريضة نوعاً ما و تغسل جيداً و لا تنشف .

• توضع في صينية تيفال و يضاف زيت القلي و الماء ( لا تستغربوا ) .

• تخلط البطاطا جيداً بالزيت و الماء ثم تدخل الفرن على درجة 180 لمدة ربع ساعة أو حتى تستوي .

• عندما تنضج سوف تكون بنفس طعم البطاطا المقلية العادية .


سر الطبخة :

أهم 3 أمور الأول إضافة الماء لكي لا تنشف البطاطا أثناء وضعها بالفرن و الثاني تقطيع البطاطا لأصابع سميكة حتى لا تحترق الأمر الثالث يجب أن نضع طبقة واحدة من البطاطا في كل مرة لا نضع البطاطا أكوام فوق بعضها البعض أرجو إني أكون أفدتكم بشي .. وعذرا على الإطالة .
  • وصفات تانية ممكن تعجبك


التعليقات

  1. منى 28 August 2008

    بالعكس نور , وصفة مميزة كتير , على التجربة بكرة ان شاء الله , سلم دياتك يا قمر و بانتظار وصفات تانية منك .

  2. غيث 28 August 2008

    السلام عليكم اخت نور كيف الصحة الله يعطيك العافية فكرتك سهلة وخفيفة بس بدي اسالك هل تكون البطاطا مقرمشة ولا لينة بهذه الطريقة منشان اعرف النتائج قبل التطبيق لان العائلة عندي بيحبوها سوبر مقرمشة متل طريقة منى الله يعطيها العافية كانت رائعة واذا طريقتك مقرمشة بيكون اسهل من القلي واخف على المعدة والهضم والحريرات كمان متل ما تفضلت حضرتك وسميتيها قليلة الحريرات وجهودك مشكورة اختي

  3. نور 28 August 2008

    هلا فيك أختي غيث .. إذا بدك تصير تقرمش تضيفي ملعقة دقيق ذرة ( كورن فلاور ) بالإضافة للزيت والماء وتحرك جيدا وأي استفسار آخر أنا بالخدمة :)

  4. منى 30 August 2008

    مسا الخيرات نور :) اليوم جربتهم و طلعت متل مل قلتي , طعمتها كتير كتير قريبة على البطاطا المقلية و ملعقة الزيت الي أضفتها يمكن بيقيت بالصينية , يعني تقريبا من دون و لا دهون ..

    بعد ما طالغتها رشيتها بالملح و بهارات بطاطا و طلعت بتجنن , رح نزل صور لتطبيقي , بس وصلة الكاميرا متعطلة عندي :roll بس ظبطتها

    سلم دياتك نور على هيك وصفة مميزة ;)

  5. WAFAA 31 August 2008

    بصراحة كلمة مميزة قليل على هيك وصفة .

    يعطيك الف عافية اخت نور ورمضان كريم الك ولعيلتك

  6. نور 1 September 2008

    أول مرة بنزل شي على النت .. عن جد كتير فرحانة إنها نالت رضاكl .. لي كل الشرف إنها أعجبتكم وهذه شهادة أعتز فيها.. :) :)

  7. منى 2 September 2008

    الصراحة عجبتني كلمة قليلة , هي نزلت صورة لتطبيقي و ان شاء الله يعجبك ;)

  8. سارونات 2 September 2008

    السلام عليكم و رحمة الله و بركاته
    جازاك الله خيرا على الوصفة ازا بتتطلع متل البطاطا المقلية اكيد بيكون احسن ازا ساويناها بهالطريقة مشان الدهون و ان شاء الله بجربها و بخبرك بالنتيجة
    و صورة تطبيق اختي منى كتير حلوة
    اختي منى شو هي يهارات البطاطااللي ضفتيها
    رمضان كريم و تقبل الله صيامكم و قيامكم
    بالتوفيق
    سلام

  9. لارا مينا 13 September 2008

    مساء الخير000شكرا أخت نور فعلا وصفة مميزة أنا أول مرة بعملها في هذا الشهر الكريم وصارت الطريقة المفضلةعندنا بالبيت لتناول البطاطا
    المقلية وماأظن إني راح أستخدم القلي بالزيت مرة ثانية… لكي كل التحيات.

  10. نور 10 October 2008

    ألف صحة وهنا على قلبك حبيبتي لارا .. :)
    دعواتك

  11. قهوه مُره 27 June 2009

    يعطيكي العافيه عزيزتي…في شغله مافهمتا..الماء أديش بتكون كميتها..يعني أغمر البطاطا بالماء ولا كيف…وهل بنتظر لحتى تنشف الماء..أفيديني أفادك الله…وجزاك الله خير

  12. منى 27 June 2009

    المي كميتها 4 ملاعق و بس و بستني لتنشف المي و يرجع يلع الزيت و بتحسي ان البطاطا بديت تقرمش و تصير ذهبية .
    اختي هل الوصفة صار جربتها من دون مبالغة اكتر من عشرين مرة , رائعة بكل معنى الكلمة ;)

  13. قهوه مُره 28 June 2009

    إعذريني مافهمت شو يعني …يلع الزيت…مع الشكر

  14. منى 28 June 2009

    :roll
    يطلع , بقصد فيها هي خطا مطبعي بسبب السرعة

  15. semo 1 July 2009

    ايه شو هالطريقة الطيبة اليوم جربتا بتجنن
    الله يعطيكي العافية

  16. منى 8 July 2009

    هنا و الف عافية سيمو :) انا صارت معتمدة عندي , الله يعطيكي العافية نور

  17. لميا 11 July 2009

    مرحبا
    الله يعطيكي العافيه والله اليوم ناويه جربه وميرسي كتير

  18. TENDERNESS 15 July 2009

    من شوي انا عملتها بس في شغله انو البطاطا ما تحمرت من جميع الجوانب بس من جوا استوت على الاخر وطعمها كتير زاكي وكنت حطها بالفرن مرة من فوق ومرة من تحت لتحمرت ، يسلمو هالايدين

  19. منى 15 July 2009

    هلا لميا :)
    مية اهلا و سهلا فيك و اتمنى تجربيها و تكون طيبة و على زووءك ;)

  20. منى 15 July 2009

    هلا حنان :)
    يعني المهم بالخير اتحمرت منيح و هادا المطلوب ..

    الف عافية وصحة و هنا يا رب على البطاطا , و على فكرة الوصفات الي عم تردي عليها كلها من وصفاتي المفضلة , كان حسيت النا زوء مشترك بالاكل ;)

  21. TENDERNESS 15 July 2009

    تسلميلي يا منى ، يؤبروني اهل الشام انا والله حبيتكم وحبيت جمعتكم في هالموقع من كل قلبي والله ما يحرمنا منكم يا حق على قولتكم :zzz

  22. منى 19 July 2009

    الله يسلمك و يحفظك , ااامين اختي و ان شاء الله ربي يديم المحبة و المعروف دوما :grin

  23. Jassy 5 January 2011

    السلام عليكم ورحمة الله وبركاته

    أول الشي نرنورة يسلمو عالوصفة. اليوم جربتها.
    بس انا بحب البطاطا اعملها مو مستطيلات سميكة، بعملها بالـ Borner Slicer
    وبيطلع شكلها هيك :

    [img]http://www.simplygoodstuff.com/_images/borner_wavewaffle-s.jpg[/img]

    [img]http://www.simplygoodstuff.com/_images/wavewaffle-db.jpg[/img]

    لهيك هي ما كتير “سميكة” … ونفذت بالحرف متل ما كتبتي، لكن بعد 20 دقيقة لسه كانوا مو جاهزين ، حطيتها كمان 8 دقايق آم طلعت شوي مقرمشة زيادة :grin فالوجبة التانية حطيتها أقل بكم دقيقة.

    ممممممم من وقت ما جبت الفرن “خاصية بالمايكرويف تبعي” عم بتسائل ليه ناس وناس بتختلف عندون فترة الطبخ مع أن الحرارة نفسها والوصفة نفسها ؟

    بس بتعرفي، من أول ما قريت الوصفة قلت: ليش صينية تيفال ؟؟؟ وحطيت بالصينية العادية اللي جاية مع مايكرويف، آم لزق نصو :grin بس طلع طيب كتير.

    يسلمو مرة تانية الله يجزيك الخير ;) بطلت إقلي المقالي بالزيت الغزير أبداً.

    منوش شو رأيك انتي معلمتنا ؟ :)

    والسلام عليكم ورحمة الله

  24. منى 6 January 2011

    يا ستي انا هل الوصفة معجبة فيها اعجابا شديدا و من وقت ما اتعلمتها صرت ما اقلي البطاطا الا نوادر , الحمد لله الذي علمنيه من غير حول مني و لا قوة :)

    ممكن تخلي البطاطا تقرمش على اول وج و بعدها تديريها للطرف التاني , مع ان هل الحكي نظري لان انا ما بعرف ابدا على الشوي بالمايكروييف :roll

  25. Jassy 6 January 2011

    السلام عليكم

    ايه معلمتنا :) لاحظت بالعزايم تبعك دايما هالوصفة .. الله يجزيها الخير لنرنورة.

    بالمايكروييف ما قصدي الشواية Grill ، وإنما الفرن الهوائي Convention واللي مبدئو تماماً متل الفرن العادي.

    أما شو وصفات وشغلات بتطلع بهالفرن لما بينجمع مع خاصية المايكرويف !!!!!!!!! هي قصيدة لحالها.
    لأن الفرن بيشتغل بالأكلة من الأطراف أما خاصية موجات المايكروييف فبتجهزها من جوا 8) لهيك إلون وصفات لحال وبرامج مكمبنة (تعريب كلمة: Combination) ، وكتب طهي خاصة فيها.

    والسلام عليكم

  26. منى 6 January 2011

    ممممم , كمان شي جديد علي , هلا انا بعرف الفرن الهوائي , قصدس سمعانة فيه و شايفته بس ما فيني هلا احلم اني جيبو على انعبار فرني جديد و ما صارله الا حوالي 15 سنة , بقى لسا حرام :zzz

    سمعت ان المعجنات عم تطلع فيه شغلة , اما ان يكون معه خاصية الوايفز , فياسلامم على التكنولوجي :zzz

    بالف هنا حبيبتي , و صحتين على كل شي عم تجربيه فيه

    PC:
    أنا مو معلمة و لا شي , كلنا هون عم نتعلم من بعض و الي عنده شي يممي بيحطه على السفرة و هل الوصفة الذ دليل :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)