براونيز بكريما الخمس دقايق السرية
زعتر رول
فطاير فليلفة , الزعتر و الفليلفة حضرتهن بعجينة ماما الذهبية , يممممي
سندويش دجاج بالمايونيز
محمرة
سلطة فلافل
يلنجي ملفوف و بصل
لازانيا
صينية التوست على طريقتي
سمبوسك , بحشوة جبنة حلوم و تشيدر
فطيرة شاورما و من الطرف باينة المحمرة و الازانيا
روزاليتا
سلطة المعكرونة , باستا سالاد
صينية بطاطا
السلطة المقلمة
كرات الدجاج
فطيرة السلق, بجنبها صينية البطاطا
كبسة سورية
لقمة تشكن
سلطة دجاج بالكاري
بيتزا بالتبلة الايطالية , بس مو ظاهرة بالصورة لان كانت على الطريق
الحلويات :
كاتو جوز الهند الفريش
كاتو الكراميل
مكعبات التشيز كيك الرخامية
سينامون رول
كاتو الموزاييك
و كالعادة , كاتو البوظة بس نيو ولوك
تعليقي على البوفيه : السفرة ككل كنت بتجنن , اخدت معي شغل كتير , يمكن اكتر سفرة بتاخد معي وقت , ما عدا حفلة تخرجي .
أكتر الشي تعبني ما عدا التحضير هو ان يكون كل الاطباق جاهزة بوقت واحد على السفرة و تكون سخنة متل النار , شي مهم كتير برايي , لهيك ما كان عندي وقت نهائيا اني زين الاطباق باي زينة اضافية . اليالنجي طلع طيب كتير , كمان فطيرة الشاورما و الازانيا و لقمة تشكن . صينية البطاطا المفروض انها تكون صينية كرات بطاطا بس بقدرة قادر بعد ما خبزتها اختفت الكرات و صارت مسطحة . الكبسة بتاخد العقل . صينية التوست بتجنن . و البيتزا من الاطباق الي انحكى فيها و اكتر وصفة انطلبت وصفتها مني , السلطة المقلمة منظرها طلع حلو كتير بس طعمتها بتكون كل مرة اطيب , ما عرفت شو الي ناقص . و كمان صلصة الفلافل طلعت شوي ناشفة و كانت بتتحمل ان يكون صوصها اكتر , صينية الروزاليتا , وصفة جديدة , بالعادة بتطلع معي اطيب . فطيرة السلق و الزعتر و الفليلفة , بصراحة ما كان الهن محل بجنب الاصناف التانية . و حتى واحدة من الضيوف سكبت قطعة من الزعتر قام قالتلها التانية تركتي هل السفرة كلها و عم تاكلي زيت و زعتر , قالتلها الاولانية على سفرة منى لازم دوق كل شي .
الحلويات الحمد لله كانت ناجحة كلها , و كلهن لفتوا النظر . كاتو الكراميل ضاعفت كميته المعتادة و كنت ناوية اعمل قالب كبير بس بناء على اقتراح جودي الحلوة عملت قالبين و حطيتهن فوق بعض لحتى يصيروا طبقات , نسيت حط مع الكريما من صوص التوفي كريم لهيك ما عطاني النكهة و اللون الي بدي ياهن , و كمان زينته قبل ما يجوا الضيوف بساعة لما كنت في قمة التوتر لهيك ما كان مرتب متل ما بدي , بس بالاخير طعمته كانت طيبة . كاتو جوز الهند ما عدا طعمته الطيبة طلع منظره بيجنن , متل التلج يممممي . و كاتو البوظة بيجنن , مو معقول شو طيب .
حبيت يكون التقديم جديد لهيك فرشت الطاولة بساتان أبيض و جعدته و كان في صواعد و نوازل و اطباق فوف و تانية تحت , و اخيرا لزوم الاكشن دخلت الضيوف على السفرة على ضوء الشموع
السفرة من الطرف التاني
هادا كل شي لليوم , اللهم ادمها نعمة و لا تجعلها الى زوال , الحمد لله الذي اطعمنيه و سقانيه من غير حول مني و لا قوة , و الله يرزقه لشريف الرزق الحلال الطيب المبارك و يبقى بيتنا دوما عامر بالنعم و الشكر و الخير .
فطاير فليلفة , الزعتر و الفليلفة حضرتهن بعجينة ماما الذهبية , يممممي
سندويش دجاج بالمايونيز
محمرة
سلطة فلافل
يلنجي ملفوف و بصل
لازانيا
صينية التوست على طريقتي
سمبوسك , بحشوة جبنة حلوم و تشيدر
فطيرة شاورما و من الطرف باينة المحمرة و الازانيا
روزاليتا
سلطة المعكرونة , باستا سالاد
صينية بطاطا
السلطة المقلمة
كرات الدجاج
فطيرة السلق, بجنبها صينية البطاطا
كبسة سورية
لقمة تشكن
سلطة دجاج بالكاري
بيتزا بالتبلة الايطالية , بس مو ظاهرة بالصورة لان كانت على الطريق
الحلويات :
كاتو جوز الهند الفريش
كاتو الكراميل
مكعبات التشيز كيك الرخامية
سينامون رول
كاتو الموزاييك
و كالعادة , كاتو البوظة بس نيو ولوك
تعليقي على البوفيه : السفرة ككل كنت بتجنن , اخدت معي شغل كتير , يمكن اكتر سفرة بتاخد معي وقت , ما عدا حفلة تخرجي .
أكتر الشي تعبني ما عدا التحضير هو ان يكون كل الاطباق جاهزة بوقت واحد على السفرة و تكون سخنة متل النار , شي مهم كتير برايي , لهيك ما كان عندي وقت نهائيا اني زين الاطباق باي زينة اضافية . اليالنجي طلع طيب كتير , كمان فطيرة الشاورما و الازانيا و لقمة تشكن . صينية البطاطا المفروض انها تكون صينية كرات بطاطا بس بقدرة قادر بعد ما خبزتها اختفت الكرات و صارت مسطحة . الكبسة بتاخد العقل . صينية التوست بتجنن . و البيتزا من الاطباق الي انحكى فيها و اكتر وصفة انطلبت وصفتها مني , السلطة المقلمة منظرها طلع حلو كتير بس طعمتها بتكون كل مرة اطيب , ما عرفت شو الي ناقص . و كمان صلصة الفلافل طلعت شوي ناشفة و كانت بتتحمل ان يكون صوصها اكتر , صينية الروزاليتا , وصفة جديدة , بالعادة بتطلع معي اطيب . فطيرة السلق و الزعتر و الفليلفة , بصراحة ما كان الهن محل بجنب الاصناف التانية . و حتى واحدة من الضيوف سكبت قطعة من الزعتر قام قالتلها التانية تركتي هل السفرة كلها و عم تاكلي زيت و زعتر , قالتلها الاولانية على سفرة منى لازم دوق كل شي .
الحلويات الحمد لله كانت ناجحة كلها , و كلهن لفتوا النظر . كاتو الكراميل ضاعفت كميته المعتادة و كنت ناوية اعمل قالب كبير بس بناء على اقتراح جودي الحلوة عملت قالبين و حطيتهن فوق بعض لحتى يصيروا طبقات , نسيت حط مع الكريما من صوص التوفي كريم لهيك ما عطاني النكهة و اللون الي بدي ياهن , و كمان زينته قبل ما يجوا الضيوف بساعة لما كنت في قمة التوتر لهيك ما كان مرتب متل ما بدي , بس بالاخير طعمته كانت طيبة . كاتو جوز الهند ما عدا طعمته الطيبة طلع منظره بيجنن , متل التلج يممممي . و كاتو البوظة بيجنن , مو معقول شو طيب .
حبيت يكون التقديم جديد لهيك فرشت الطاولة بساتان أبيض و جعدته و كان في صواعد و نوازل و اطباق فوف و تانية تحت , و اخيرا لزوم الاكشن دخلت الضيوف على السفرة على ضوء الشموع
السفرة من الطرف التاني
هادا كل شي لليوم , اللهم ادمها نعمة و لا تجعلها الى زوال , الحمد لله الذي اطعمنيه و سقانيه من غير حول مني و لا قوة , و الله يرزقه لشريف الرزق الحلال الطيب المبارك و يبقى بيتنا دوما عامر بالنعم و الشكر و الخير .
السلام عليكم ورحمة الله وبركاته
مرحبا يا منى ما شاءالله تبارك الرحمن تسلم ايديك هالسفرة شكلها كثيييييير مشهي وبنستنى منك انو تنزلي لنا الوصفات الجديدة
وووااااووو شي بياخد العقل الله يعطيكي العافية الهي ويزينك بالصحة والعافية …ماشاء الله تبارك الله كله مرتب ومبين من الصور انه لذيذ …يعني شطت ريالتي :grin :grin
بس شو مشان وصفة كاتو جوز الهند ؟؟؟
الله يسلم هالديات يارب ويجعلها عامرة هالسفرة وبأذن الله مارح اروح عزيمتي عندك بالصيف ….لانه شي ………………….مابيتفووووت
ماشاء الله عليكي يا منمون.. الله يعطي الصحه يارب ويديم المحبين.. الحلو فيكي انك بتحكي الصدق يعني اللي زبط بتحكي عننه واللي ما زبط كمان ما بتقصري فيه.. يلا كملي معروفك ونزليلنا الشرح بالتفصيل الممل ويسلم ايديكي سلفا… انا وديتلك مره وصفه كرات الشوكولاته جربتيها؟؟
هلا هيا
تكرم عيونك , ان شاء الله بتكون كلها قريب حاضرة
تسلم هالإيدين يارب.
والله يجعل بيتك عامر دايما.
ويجازيك كل خير على كل شي بتعمليه
وسبحان الله مابيتخيل الشخص عظم الأجر لمابيعمل اكل وياكل منه أي شخص حتى لو عيلتك وهذا تقريباهو يلي مخليني أصبر على الطبخ وتعبه ويمكن يبعد عنك أشياء كثيرة مش منيحة في حياتك وعندنا مثل بالعامي بيقول ( كم من لقمة بترد القدرة )
يعني لما تطعمي شخص يمكن قدرك يتاخر بسببها
ودايما يرددونه الناس الكباريه عندنا
وهذا المثل وأنا بعتبره حكمة طلع بعد نتيجة قصة طويلة شوي بس من القصص الغريبة يمكن ماحد يصدقها بس بالنسبة لي مصدقتها ميه بالميه ومؤمنة بكل ماجاء فيها من تفاصيل.
لأنها حسب الرواة الكبار ومن حديث أمي وجدودي يقولوا إنها حدثت فعلا والله أعلم.
وعلى فكرة أخت منى حلوة كثير الصور التفصيلية أعطت أهمية أكبر للموضوع .
تحياتي للجميع .
بسم الله ما شاء الله حولك الله يلبسك العافية ويخليك لزوجك واولادك ويجعل الافراح عامرة بديارك دوماالله يسلم ايديك يا رب اخدنا فكرة حلوة وكاننا كنا معكم وبالهنا والعافية
بسم الله ماشاء الله تسلم ايديكي شي بشهي وبيفتح النفس الله يقويكي وعطيكي الف عافية بس بدي منك وصفة كاتو جوز الهند لو بدي عزبك وشكرا كتير
ما شاء الله عليكي يا منى وعلى سفرتك وعلى افكارك وعلى بيتك وعلى اهلك
الله يعطيكي الف عافية يارب وانشالله بضل عامر يارب
السلام عليكم ورحمة الله وبركاته. كيفك منى ماشاء الله شو هادا كلو والله بدو شغل وتلحيق بس مارح نمرقلك ياها الا لنعرف شو هي الروزاليتا ؟؟؟؟؟؟؟وشو هادا الي جنب الكبسة بفنجان تسلم ايديك ويعطيك العافية
ماشاءالله الله يسلم هل الديات ويديمها عامرة بديارك والله انو دخت من كتر ما اطلعت بالصورة :upset الله يحميكي والله فنانة بس لازم تنزليهن للوصفات كلن
وحدة وحدة هاد من بعد اذنك يعني ياي شو اشتهيت كون معكن :grin كنت قضيت على الاكل كلوووووووو :p
ماشاء الله، لا قوة إلا بالله، اشي تحفه والله، يعطيك العافيه، عجبتني كتير فكرة المفرش الستان، نشاء الله وأت ما أنزل على البلاد بدي أجيب معي واحد،يسلم إديكي يا منى
ماشاء الله ولاحول ولاقوة الا بالله :zzz
سفرة ملوكية ربنا يجعله عامر حبيبتي بالطاعة والخير ويديم عليكيالنعمة والصحة والعافية والستر ولمة الحبايب
طبعا كل الاصناف حتتكلم على السفرة تسلم الاياادي ياقمر لك وللحلوين اللي ساعدوكي وياريت طريقة الكبسة السوري شكلها ممممم رهيبة ماشاء الله تبارك الله
والف صحة وهنا لك ولكل الحاضرين
السلام عليكم و رحمة الله و بركاته
:roll :roll بس شو يدنا بالخكي شي طيبببببببب :zzz :zzz
يا سلام ايه داه كلو شي طيب وبيفتح النفس جزاكم الله كل الخير
والله انا عم جرب من وصفاتكم و شو طلعوا طيبين هالاطباق وتسلم ايديك
أنا بصراحة جديدة في مهنة الطبخ بس الحمد لله مع التزامي مع هالموقع المفيد زوجي كتير مبسوط من طبخاتي وبيقولي شو هالاكلات اللذيذه والله عند امي ما اكلت متل هالطبخات
سؤال صغير كيف بيخطر بيبالكم هالاكلات اللذيذة
ماشاء الله تبارك الله
شو هاد منى؟؟؟؟ مو بس اكل طيب و اكشن وشموع كمان
:p
الحمدلله يا ربي اسبوع اللي جاي رح انزل ع سوريا والحمدلله واخيرا رح اجرب كتير من الوصفات باذن الله
والاهم انو انشالله رح انزل كم وصفة انشالله
الله يحميلك بيتك واحبابك يا منى و يجعلوا عامر بالافراح يا حق
ما شاء الله لا قوة إلا بالله
شي كتير حلو يامنى علا سفرة ملوكية
يسلم هالإيدين ، و ع الصدفة كان عندي عزيمة بنفس وقت عزيمتك و كان فيها كتير أصناف من الموقع و الكل أبدى إعجابه فيهن و كان أكتر شي مميز و لفت نظر جاط السلطة المقلمة و لحد اليوم عم يتصلوا مشان طريقتها.
طبعا موقع صار معروف على نطاق العائلة و الصديقات و الكل معجب فيه.
الله يبارك لك بوقتك و أولادك و يجعل موائدكن عامرة بالمحبة.
ماشاء الله لاقوة الابالله سفرة بتاخد العقل
ان شاء الله بيعيشوا هالأيدين والله يعطيك العافية
دائما مبدعة وسفرتك مميزة
ياسلام عليكي يا ميمو إيهههههههه شو هالصباح الحلو بسم الله وما شاء الله الله يسلم دياتك والله أنت يلي بتجنني على هالبوفيه المرتب المذوق يا أم الذوق والفن لك فشرت فنادق العشرين نجمة
فعلا ميمو بياخد العقل الله يديمك لعيلتك ويرزق زوجك يا رب العالمين ونحنا بانتظار الوصفات الجديدة وعلى هينتك ومهلك والله يعطيك العافية
هلا رنونة
تكرم عيونكن على الوصفات الناقصة على الطريق عم تتحضر :zzz
يلا الجايات اكتر من الرايحات بس امسكي على شواربك :grin
هلا ام جنى
ايه اكيد الا ما يصير مع الواحدة فينا فلم ناقص :roll
رح نزل الوصفة ان شاء الله بعد البوفيه
شرفتي اختي و نورتي
:eek بسم الله ما شاء الله شي بياخذ العقل الله يسلم هالديات شي كتير حلو ومرتب الله يعطيكم الف عافيه ويديم الخير والمحبه عليكم يارب والف صحه وهنا للجميع
ما شاء الله عليكي يا أخت منى ,, فنانه والاهم انسانه اكتر من رائعه ,,,, اذا بدي أغلبك ممكن تعطيني طريقتك بعمل الكبسه لانها ما عم تزبط معي بالمره ! :cry :cry :cry وبكون ممنونتك يا أحلى منى بالعالم
الحقيقة ما بعرف شو بدي أحكي
فن وترتيب وزوق ولمسة فنيةو……… و……..
الله يعطيكي مية ألف عافية ست منى والله يديم عليكي الصحة
ويحميكي من العين
السلام عليكم
كيفك منى تسلم دياتك كاو كان شي ظريف و طييب و بيشهي ما رح يتوقعوا الصبايا أنا كنت بالجمعة و أكلت من الأكلات الطيبة و كمان تعرفت على ضحى عضوة معنا بالموقع بنت ظريفة كتير و قريبة للقلب :zzz
بسم الله ماشاء الله
الله يجعلها سفرة دايمة وبيت عامر على طول بالمسرات والافراح
الله يرزق جوزك ويخليلك ياه ويخليكن فوق راس قطاطك الحلوين سفرة بتجنن ومتنوعة وفعلا تعبك مفروش عالسفرة بصورة كرم وفن وحب كبير يعني ماراح أبدا عالفاضي
ماشاء الله اأخوات بالموقع هلكوكي بالاسئلة وانا ماحابة تقل عليكي اكتر
بس حبيت قلك الله يعطيكي العافية
كنت رح انسى وصليلي بوسة على راس ماماتك الله يخليلك ياها يارب وسلامي لسيما وآية
ما شاء الله شي بشهي والله الله يعطيك العافية يا رب بس ما رح نمرقلك ياها ما رح ارضي لحتى تنزليلنا طريقة الاطباق الجديدة كلها :p :p :grin
ما شاء الله كله بيشهي وما عليه أي ملاحظات … واتركينا من ملاحظاتك الدقيقة جدا :upset
1-كاتو الكراميل رااائع قلبا وقالبا وأكتر من بيرفكت 8)
2-الكبسة خيالية وبدون ما تقولي عيوني داقت وشافت
3-مسطحة ولا مفلطحة ،بالأخير البطاطا رح تصير بمعدتي ماشد بوتيتو :grin
4-مشان الفلافل ..إذا كترتي صوص رح تشتش ,, فأفضل شي المرة الجاية بحط جنبها شوية طحينة واللي بده يحط على ذوقه
بالأخير .. نحنا عجبنا كتيييير .. ولسه بدك ياه مثالي أكتر من هيك … !!!! :grin
يسلمولي هالأنامل .. والحمد لله استطعنا نلحق نشوف كم صورة قبل انقضاض الوفود الجائعة :grin
هلا لارا
ما شاء الله شو حلو هل المثل , بدي اعرف قصته . بس سبحان الله متل ما قلتي دوما الخير و لو شو ما كان بسيط اله ثوابه عند ربه , المهم نحنا نصفي النية :zzz
دوما لارا ردك مميز و اله وقع علي , نورتي حبيبتي
هلا غيوثة
امين يا رب و انتي كمان و كل الغوالي على البك
اتفضلي
اي شو هادا يسلمووووو دياتك سفرة بتجنننن كالعادة
ما عم اعرف من وين بدي ابدا كلو طيب ما شاء الله الله يعطيكي العافية يارب ويخليلنا اياكي
من ناحيية مسكت على شواربي …مسكت ومسكت لانه شوفتك مابتتفووت والله
وعن جد انتي على قول ايمان كتير عم تدققي على حالك يعني عن جد كاتو الكراميل ماممكن يطلع احلى من هيك كتير شكله مرتب بس بتعرفي لو انتي مابتقولي انه لازم كنت اعمل احسن كنتي ماتطورتي وبقيتي على حالك …ياستي خلص احسنت ثابري والى الامام ياشاطرة …..
ماشاء الله سفرة تجنن ومرتبة
أنا دائما أحكي لأختي عن موقعك رسلت لها رابط البوفيه
جنت عليه :eek
طريقة الكبسة شكلها وااااو وصينية البطاطا كمان
يعطيك ألف عافيه ..
صحيح أنا كمان أتمنى أشارك معكم إذا ممكن
بس كيف أرسل الوصفه ؟؟؟
ماشاء الله على هل الاكل الطيب عن جد الله يعطيكى العافية والله مزوقه وبتستاهلي كل خير تبارك الله على شكل السفره بتخلى النفس مفتوحه على طول وما بتنتسى ابدا تمنياتى يامنى لك دوام الصحه والعافيه
بدي أقول لك مثل كان يقول لنا أستاذ الرياضيات(ذبحتينا بلطفك و كرمك) و أنتي عن جد ذبحتينا.شو هالسفرة اللي بتجنن.بس ليش ما عزمتينا؟ :grin .ما شاء الله عليك و الله يجزيك الخيرعلى كل الجهد الواضح
جدا بالسفرة أولا و بالصور التوضيحية ثانيا.بس بدك توعديني بدك تعزميني المرة الجاية :grin
مرحبا يا منى رح جن وانا عم اتذكر كلمة السر حتى ابعتلك الف تحية وشكرعلى هل السفرة الحلوة من زمان ماشفنا عزايمك الحلوة نحنا بنشارك على الريحه يا حسرة على فكره ماتذكرتهاللكلمه قمت غيرتها كرمال عيونك الحلوة وسفرتك الاجمل
هلا اماني
تكرم عيونك كل الوصفات على الطريق باذن الله , و ان شاء الله تعجبك
هلا ليان
امين يا رب و ان شاء الله بيتك و قلبك و كل عيلتك .
الف شكر للمرور :zzz
هلا ام تسنيم
من عيوني ان شاء الله , و هادا هو صوص السلطة المقلمة , جهزته بجنبه لحتى تبل السلطة فيه قبل التقديم مباشرة 8)
هلا ام دانية
بتنورينا و تشرفينا , و هلا ما صار شي مدي ايدك و الاكل على اد المحبة :zzz
كرم عيونك رح نزلهم ان شاء الله واحدة واحدة
هلا hamid
كلك زووء , المفرش اشتريت قماشة ساتان عادية و درت اطرافها , يعني متوفر بكل محل و ما في داعي للانتظار
مية اهلا و سهلا
هلا بحبيبة قلبي ام ياسمين
امن يا رب , الك متل هل الدعوات و اكتر .
تكرم عيونك حبيبتي , رح نزل كل الوصفات باذن الله , شوي شوي
كيفك مدام منى بصراحة انا كتير زعلت وقت ما لالقيت ردك بصراحى انا عم حس حالي ضيفي تقيلي عليكم بتاسف كتير منك ازا عم ازعجك من اسالتي
هلا ام الفوارس وعليكم السلام و رحمة الله و بركاته:)
الف الف صحة و هنا على البك بكل شي جربتيه و الحمد لله انه عم يزبط معك و يكون على زووءك و كمان على زوء ابو الشباب الباشا ..
مممم , كيف بيخطر ببالي هل الوصفات , ممكن كون وصفة دقتها عند واحدة من رفقاتي و كانت كريمة و علمتني طريقتها , ممكن احيانا جرب وصفة من النت و اعمل عليها تعديلات لحتى تطلع متل ما بدي , ممكن من كتب عندي و كمان ممكن من بنات افكاري :zzz
هلا مريومة
معقولة , حدى بيزعل من اخته , الله يسماحك يا رب ,.
كلكن و الله على عيني و راسي و اهم الشي بقلبي و بعيوني
بكل الاحوال وين انا ما رديت عليك
هلا سمسة القمر
من زووءك و لطفك , ربي يديم المعروف و الخير دوما
شرفتي حبيتي :zzz
هلا ميوسة
صباحك معطر بالخير و الصلاة على النبي و كمان معطر بالفل و الورد الابيض و الياسمين
امين يا رب و انتي كمان , يرزقك الصحة و العافية و الرزق الحلال و راحة البال .
تكرم هل العيون , باذن الله بنزلهن كلهن
هلا نور
الله يعافي قلبك و بدنك , من زووءك حبيبتي
شكرا للرد الحلو و المرور اللطيف :zzz
هلا روان
و رح تزبط معك مية المية , بس هل الكبسة على طريقتي , يعني مو الكبسة السعودية المتعارف عليها
تكرم عيونك من عيوني رح نزل كل الوصفات الناقصة باذن الله , و ان شاء الله ما اتاخر عليك
هلا سيدة ملعقة
الله يخليلي ياكي , الزوء منك و باين بردك و من لطفك .
شرفتي و نورتي الموقع اختي و اتمنى تجربي وصفة و تكون متل ما بتحبي 8)
هلا ام السوس
و الله ما وعيت عليكن و لا حسبتها , بدي جية تانية على رووائة و نتهنى ببعض اكتر
هلا سيمو
امين يا رب و يرزقك و يروق ابو الشباب الرزق الطيب الحلال المبارك فيه , و الله يعافي البك و بدنك من كل شر , امين يا رب
سلامك و بوساتك بيوصلي و مني بوسات كتيرة و حب كبير
هلا غفران
من عيوني التنتين تكرمي انت و كل طلباتك يا جميل
هلا امولة :grin , عن جد ضحكت من جوى قلبي لردك , بس انا عم اكتب بحيادية , يعني دايما الا ما يكون في شي مو على مزاجي تمام :roll
على فكرة في اسم كتير قريب للاسم الي قلتيه للماشد بوتيتو قالتلي ياه واحدة من المعازيم بس بخجل قوله هووون :grin ,
امولة هادا من زووءك يا حلو , نورتي السفرة
هلا هاجر
مممم , ابدي من وين ما حبيتي بس لاتزم تدوقي الكل و الاكل على اد المحبة
هلا رنونة
لنشوف , بكرة بيجي الصيف و بتبين القر عة من ام الشعر على قولة استاذ كزة :grin
هلا ام يوسف
على راسي احلى حلبية , من زووءك اختي . الف شكر الك للدعوات الحلوة ان شاء الله الك متلها يا رب :zzz
هلا شيرين
حقك علي و الجايات اكتر من الرايحات و على فكرة كان في تنتين من الاخوات الي معنا هون بالموقع في العزيمة :zzz
نورتي شيرين و شرفتي و مية هلا فيك
هلا منولة
خليلي عيونك الحلوة , الف شكر الك و سماح على عذابك و ليش على الريحة , اتفضلي حبيبتي :zzz
هلا لارا
امين يا رب و بيتك و عيلتك الحلوة كمان .
رح استنى الوصفات و عن جد انا مشتهية اخد دروس عند ماماتك , دروس بث حي و مباشر .
الف شكر الك مقدما يا زووء و سلامي للكل
هلا سنو وايت
من زووءك و زووء اختك , شرفتي انت و كل العيلة :zzz
و رح نزل كل الوصفات باذن الله , تكرم عيونك
ممكن تبعتي ايا وصفة كرد عادي و انا رح انشرها باسمك ان شاء الله 8)
هلا ميس
شايفة الصدف , كمان الحمد لله ان السفرتين كانوا يمممي :zzz
الله يسلمك يا مزوءة , امين و ان شاء الله انتي كمان مع كل الغوالي على البك
بسم الله ما شاء الله
الله يباركلك يا منى و يديم جمعه الاحباب يا رب
كلشي بشهيييييييييييييي
من زوءك سوسن حبيبتي
الله يبارك فيك كمان و بكل عيلتك الحلوة و ان شاء الله تجربي شي و يكون يممي :zzz
يسلم ايديكي يا منى…اشي بجنن، بس كنت بدي أعرف إذا رح إتنزلي الوصفات علموقع، خصوصا الكبسه…و الله يعطيكي ألف عافيه على هل شغل الحلو
رح نزلهن ان شاء الله , شوي ورا شوي
نورتي اختي الموقع و شرفتيه , مية هلا فيك
هي صورة قالبي
[img]http://public.blu.livefilestore.com/y1pKuoTRmTYSjY0Bas0wmpvg_4jjYyy6WTSwxkpRjMFquGUax8jp6Tj-WFEE4ViuU0YxORwO-0IWtA-G9WaDNK5sg/%D8%B5%D9%88%D8%B1%D8%A9233.jpg[/img]
يمممممم , بيشهي و الله سلم هل الديات شفا و هنا و عافية على الب القطط:)
يسلمو هالإيدين وما ننحرم منهم يا رب والله يديم عليكي الصحة والعافية وضلي تطبخي لحبايبك
يا منى نزلينا طريقة الكبسة والدجاج إلى على وجها شكلها كتير بشهي وخصوصا الدجاج
إذا ما فيها غلبة عليكي
تحياتي إلك وللماما وإخواتك
إيمان
هلا ايمان
تكرم عيونك الحلوة , ان شاء الله بنزل كل الوصفات الناقصة , شوي ورا شوي
مية هلا فيك اختي :zzz
الله يسعدها يارب وعن الأحباب ما يبعدها
تسلميلي يا قمر
إيمان
امين يا رب , و انت كمان ايمان 8)
ولي عقامتي شو هاد كل مرة بتعمليلنا سفرة أحلى من التانية :cry يسلم إيديكي ياست الكل تعيشي وتعملي عزايم .. ومتل ما قالت رنونة نحن الخسرانين بعدم الجية لعندك
بدون ما تقوليلي وهي أنا مسكت عشواربي 8) يسلم ايديكي والله يديم بيتك عامر 
هلا بشورة
الله يسلمك يا قمر و يخليك انت و ابو الشباب و افرح بفرحة الك قريب :zzz
خليك ماسكة لأيار :grin
مرحبا روحي كيفك
اول شي انا جديد سجلت بالموقع بس انا بدخل عليه وبجرب وصفاتك من شي سنة
وكتير حابة موقعك وبدي راسلك على الايميل مابعرف كيف بدي أسألك كم سؤال بس خاصيين شوي
وبتشكرك من كل قلبي على جهدك
وربي يديم عليكي الصحة والعافية إلك ولعيلتك الكريمة
ممممممممممممم يعني بعد كول غياب من قبل ولادتي عن الموقع فتت اليوم وتفاجئت بهالبومفيه الحلو … خلص انا بس انزل على سوريا بدي انضم لجمعيه رفقاتك او بتريدي اهلك كمان مو مشكله هههه
بس شو هي روزالينا ؟؟عجبني اسمها هههههه
الله يسلم ايديكي ويعطيكي العافيه انا ورنون جايين هالصيفيه ان شاء الله ورح شوفها بعد سنه ونص شوق وغياب واكيد هالمرة لازم نلتقي معك بالتوفيق ان شاء الله
هلا لولا
مشرفة و منورة على طول , خيلي عينك على هل الدعوات الكريمة و الحلوة
ممكن تبعتيلي ايميل عن طريق اتصل بنا و انا رح استنى ايميلك :zzz
السلام عليكم
كيفك منى يسلم دياتك عالسفرة الحلوة يعطيك العافية
بتعرفي يامنى موقعك غيرلي حالتي النفسية وصار اذا بدا تنجح الطبخة معي لازم اشوفا بموقعك اولا بعدين اطبقا واذا ماشفتا وطبقتا من عندي بيطلع ناقصا شي
بس لسى عندي مشكلة بطبخ الحوامض متل السماقية والخضار المشكلة والفاصولية دبس البندورة اللي جايبته معي حمضه كتير اذا كترته للطبخة وسمكت
بتصير ما بتتاكل من الحموضة اللي فيا واذا قللته بتصير الطبخة زايطة مريقة بقى بشو بتنصحيني ودبس البندورة الجاهزة ما الها لاحمض ولاملح شو اعمل لحتى تطلع الطبخة طيبة وسميكة
اخت منى انا سابقا طلبت منك انه ضيفي ايميلي عندك لحتى اتواصل معك وبعتلك رسالة على اتصل بنا بس ما اجاني رد والطلب كان بموضوع (سلق الشوندر) بس يمكن انتي ماشفتيه مومشكلة انتي معذورة
كمان انا عندي خوف كبير من الطبخ بشكل عام وخاصة المعجنات وطرق عملا مع اني بحب اسوي هيك شغلات يعني اذا عندي طبخا كبيرة باكلا هم قد الدنياكمان بدي نصايحك بهالناحية
طولت عليك لاتؤاخذيني عبستنى رد بالدقيقة
اختك ام عبدو
هلا ام عبدو
بتعرفي قريت ردك اكتر من مرة , و يا رب كون قد الثقة الي حسيتها من بين كلامك و ربي يديم المعروف و المحبة دوما
نصيحتي لمية البندورة هو استخدام ملعقة من الدبس الي جايبتيه و الباقي من الدبس الجاهز , بتطلع اطيب و هل الحكي لحوالي كيلو فاصوليا تقريبا
اختي ما وصلني شي على اتصل بنا , ممكن ترجعي تبعتي ايميل تاني لحتى يمشي الحال
اختي لا تاكلي هم و لا شي , اول الشي ثقة بنفسك لفوق فوق , لازم تحسي اديه وقفتك بالمطبخ مهمة لعيلتك و بتكملك كانثى من طبيعتها البذل و العطاء . تاني شي ممكن تتدربي بكميات صغيرة و تتبعي التعليمات حرفيا و ايا سؤال لا تترددي , ممكن ساعدك
نورتي اخت كريمة جديدة و غالية
بسم الله الرحمن الرحيم
بشكرك من كل البي يامنى لسرعة ردك واستجابتك
انتي انسانة محترمة جدا وجديرة بالتقة الله يحفظك لعيتلك ولاولادك ولاالنا كمان بجد حصلت الاستفادة
ورح اطبق تعليماتك معلمتي مع انه الفارق بين عمري وعمرك 3 سنين بس متل مابيقولوا جحا اكبر من ابوه
الله يجبر بخاطرك ربي
هلا ام عبدو
شو معلمتي و ما معلمتي , كلنا هون منتعلم من بعض و كل واحدة فينا عندها شي بتشارك فيه
الف شكر الك للدعوات , الله يخليكي و يبار بعيلتك كلها يا رب
منمون شو هاد
ما شاء الله لا قوة الا بالله
الله يجعلو دوم عامر
ل المحشي وهي الاخت الجديدة رزواليتا خخخخخ
مستنيتك يا قمر
:zzz :zzz :zzz
يسعد مساكي يا غالية يا لطيف شو مستفقدة للموقع ولكل الأخوات والست منى برأس القائمة علما اني ما بعرف حدا بشكل شخصي بس حبيت الكل من موقعي
غبت عن الموقع بسبب ظروف خارج ارادتي والحمد لله اموري جيدة ولما فتحت اليوم حسيت كأني لقيت هدية بهالسفرة الروعة يا ستي فنانة شو بدنا بكتر الحكي الله يعطيكي ألف عافية وصحة يارب ويديم عليكي همتك العالية
ما بتعرفي بهالغيبة كم وصفة جربت من وصفاتك اللذيذة واليوم بالذات كنت عاملة صينية التوست وكنت عم قول لحالي منظرها كتير مغري خرج صورها وابعتها لمنى ولما شفت سفرتك ولقيت صورتها تماما كأنها طبقي ضحكت وقلت سبحان الله والله كأني باعتلك صورتي
والاسبوع الماضي جربت الكيك الأخضر وطلع روعة ومن اسبوعين جربت مربى البرتقال طلع بيجنن وتماما متل الجاهز اللي كنت اشتريه زمااان ومن كتر فرحتي فيه طرقته عين ولو تعرفي شو صار فيه بعد ما برد قلت لحالي كأنه شوي مريق لأغليه غلوة وشعلت تحته النار قوية ورن التلفون ركضت لرد وكانت مخابرة خارجية من صديقة كتير غالية على ألبي فشو صار يا حزرك
بعد نصف ساعة صرت شم رائحة شويط وقول لحالي شو هالريحة وصديقتي مسترسلة بالكلام وفجأة تذكرت :cry
ونطيت للاقي المربى الاشقر الظريف صار بقدرة قادر بني مكرمل فورا سكبته بوعاء تاني من غير ما نزل الطبقة المحترقة لأن تقريبا ربعه صار أسود المهم صار مربى برتقال مكرمل بعد ما ضفتله نصف كوب ما وغليته ليرجع مريق شوي :sigh
والله شو مقلب مرتب وبقى بنفسي عيد هالوصفة بس لخلص الكرميل اللي عندي بدك الصراحة صار نوع جديد وطيب كتير تخيلي النكهة برتقال مكرمل :zzz
بعرف اني كتير حكيت بس ما بتتخيلي اديش مشتاقتلك ولوصفاتك ولأحكيلك عن كتير وصفات تانية جربتها وعلى فكرة اخترعتلكم كيك جديد لونه زهري على موف اذا حابة لنزلك الوصفة سامحيني على طول ردي
تعيشي وتعزمي منى ماشالله على هالسفرة شو مرتبة ومميزة اشتهيت كون من المعزومين والله
يالله صحتين على قلبكون
بتجنني يا منمن
بس ليه ما عزمتيني بتعرفي انا مش ممكن اتأخر عليك خاصة بهيك سفرة
يسلموا دياتك يا عسل
وتتهنوا
هلا ام عمر
اله يسلمك اختي من زووءك و تكرم هل العيون ما باخر الوصفات ان شاء الله
هلا فروحة
الحمد لله على السلامة و انا كمان مشتاقتلك كتير و لهل الطلة الغالية , الحمد لله ان كانت الغيبة على خير
الف صحة و هنا على كل شي جربتيه و كان على زووءك
بتعرفي انو انا صاير عي نفس هل الفصل تماما يوم الجمعة , كنت عم حضر مارون جلاسيه , اله لا يروكي شو بده شغل , بقى يا ستي قشرت الكستنا و صوابعي عدمت من كتر ما احترقوا و بعدها غليتها بالقطر عن تلات ايام ومنظرهن كان بيشهي و شو عم قول لحالي , معلش مستاهلين التعب
ايه بلا طول سيرة في اليوم الاخير , نسيتهن على النار و صار معي كراميل بس على اسود و ما بقى يتاكلوا و احترق دمي و الله :cry
تشتاق الك العافية يا عسل و كمان على فكرة المنيحة ما بدها مشورة و اللون الزهري احلى لون بالعالم , بقى رح استنى منك شي طيب و ملون :zzz
هلا ام نور
من زووءك حبيبتي , و انا اشتهيت و الله يكونوا الحبايب كلهن معنا , يلا الله كريم
وعودة حبيبتي , زوروني كل سنة مرة حرام تنسوني بالمرة :roll
الله يسلمك حبيبتي و اختي و احلى رفيقة و الله
سلامة ألبك ودمك حبيبتي كله فداكي بس تنسي طعم الكراميل ابقي عيديها وحطيلنا هالوصفة والله على بالي من زمااان :zzz
بالمناسبة اليوم احتفلت مع اخواتي واهلي بعيد الام وانا كانت مشاركاتي بالبوفيه من وصفاتك الروعة عملت الكيك الأخضر وصار حزورة الجمعة وعملت توست اللي على طرقتك وسميته غراتان التوست لأن الكل طلب وصفته وعملت راس العبد بالسميد وصفة لأحدى الأخوات بالموقع وطلع روعة بعد ما ضفتله الجوز المحمص والقرفة
يعني يا ستي الله يبيض وجهك دايم دوم
اما بالنسبة للكيك الزهري يا ستي بعد التجربة طلع اللون اكتر من رائع لكن الطعم :roll ما كتير ارتحتله رح اعمل عليه بعض التعديلات وانشاء الله ببقى ببعتلك الوصفة بس ناوية حارب المطبخ شي اسبوع زمااان لأنسى تعب هالاسبوع الماضي
والله يسلمك يا رب ولا يضيعلك تعب
مسا الخير اشتقتلكن كتير كيفك منمن الله يعطيك العافية على السفرة اللي بترفع الراس حبيبتي بدي منك طلب أنا أول مرة بدي أعمل السندوانات أو القبوات وما بعرف على أي وجه بتنطبخ اللي فيه دهن أي الوجه الخارجي أو الوجه الداخلي وكمان بدي منك متل ما عودتينا شرح مفصل من الالف للياء عن تنظيفها وحشوها وطبخها وشكرا كتير كتير
السلام عليكم ورحمة الله وبركاته…
ماشاء الله تبارك الله لاقوة إلاّ بالله
الله يهنيكي ويهني أهلك وعيلتك فيكي فيكي
للأسف اتأخرت لاتعرفت عهالموقع
بس من اليوم ورايح أنا دااااااااااائما معاكن
وبدي طبق أكبر عدد ممكن من الوصفات
وعفكرة الطرق والوصفات سهلة وغير معقدة
على عكس باقي المواقع
تسلم إيديكِ منّو وربي يهنيكِ بعمرك ياحئ
السلام عليكم
انا ام خليل مشتركة جديدة بموقعك وحبيته كتير كتير وعما جرب كلشي طيب وواول تجربة هي راس لعبد كان كتير طيب شكرا الك
حتى انا مقيمة دولة خليجية بس من سورية(لام)من الشام وانا حبيتك كتير كتير في امان الله منى صابوني [*]null
:zzz
يا سلاااااااااااااام
و الله شي بشهي
كنت رح إهجم عالكمبيوتر و آخدلي شي لقمة :eek
و خااااصة لما شفت يالنجي الملفوف و البصل
لأنو أنا و زوجي من عشاق الملفوف
بليز بليز بليز بدي أعرف الطريقة إذا ما فيا غلبة
اوووووووف يئستيني ماخرج أعمل هيك شي
من شان عيد الميلاد خلص قالب كاتو وفواكة وعصير على قولة حماتي بكفي عنديبنت صغيرة ماحدا رح يعتب علي :p
بس شهيتيني أكون معكن شي بشهي فعلا
هلا مين قال اعملي هيك شي , عم قلك الطشي افكار , يعني وصفة او وصفتين
هلا فروحة
لا خلص نسيته , بس راح وقت الككستنا لسنة الجاية و يا رب يزيط لان كان منظره خيلة :roll
الف الف صحة و هنا على البك و قلب ضيوفك , عوافي يا رب
رح استنى تجاربك و الوصفة , الف شكر الك مقدما , يااا قمر
هلا وداد
ان شاء الله بنزل الوصفة بخطواتها التفصيلية قريب لعيونك
هلا فيك حبيبتي
هلا لولية
لا اتاخرتي و لا شي , البيت بيتك و مية اهلا و سهلا فيك و الف الف هنا على الوصفات الي ناوية تجربيها مقدما , و ملامك فرحني كتير .
الف شكر الك على الدعوت الكريمة , خليلي عينك , ان شاء الله انت كمان
هلا فيك اختي ام خليل
تحبك العافية و الصحة و الهنا و الله يخليلك عيلتك الحلوة و ترجعي لسوريا سالمة و غانمة يا حق
الف هنا على راس العبد و ان شاء الله ما تكون الوصفة الاخيرة
شرفتي اختي
هلا اختي vayah
اتفضلي اختي و يا ريت لو فيني ضيفك عن جد , بتشرفي حبيبتي :zzz
الطريقة موجودة بالموقع , ممكن تطلعي عليها في صفحة المقبلات , و الف صحة مقدما
اللهم صلي على سيدنا محمد
بجد يعطيكي العافية سفرة راائعة جدا يسلم اديكي يارب
الله يسلمك شيمو و يخليلك عافيتك و صحتك و كل الي بتحبيهم باحسن حال
شكرا كتير للمرور
أخيرا عملت عيد الميلاد لبنتي وحبيت أنو ضيفو لهون عالموقع بس ماعرفت كيف بدي أنسخ رابط الصور لأنو بمربع الكتابة مابقدر أضغط بزر اليمين
الحمد لله بفضل الله وفضل مساعدتك طلع الأكل كتيييير طيب وكتير حبوه الكل بدون استثناء وخصوصي زوجي وحماتي وبيت حماي كلن وأهلي
شكرا كتير لموقعك الرائع
بس بتعرفي وأنا عبعمل كم أكلة صار معي شغلات قلت ياريت فيني أحكي فورا معك لأسألك بس الحمد لله مشي الحال بعدين
اذا بتقليلي كيف فيني ورجيكم شو عملت
الف صحة و الف عافية و هن على البك يا رب و اهم الشي انه عجب الضيوف و بيض وجهك
لو حابة ممكن تبعتيلي الصور برد هون و انا رح نزل الموضوع باسمك , بس لازم يكون في صور و وصفات , او ممكن تبعتي الصور على الوصفات الي عملتيها :zzz
الله يعطيكي الف عافية..الموقع اكثر من رائع والاكلات الموجودة عليه كلها بتشجع الواحد انو يجربها والحمد لله كل يلي جربتو طلع كتيييييييييييير طيب.. بس لو يكون في شويت تجديد من فترة لاخرى حتى يكون الموقع متألق بشكل دائم وملفت لكل من يزوره واسفة اذا ازعجتك بكلامي :upset .. كلامي هاد من حرصي على ان يكون الموقع في ازدهار دائم
بالعكس ماسة انا ممنوتك لكلامك و انا هلا عن جد مشغولة لدرجة مو معقولة , بتعرفي هلا الساعة 6 المسا و هلا لقدت ااقعد , طول اليوم على برم و فتل :roll
ان شاء الله فترة و بتمرق و بيرجع الموقع نشيط
هنا و الف الف صحة يا رب على كبل شي جربتيه , نورتي اختي
الله يعطيكي الف عافية وييسرلك امورك وانشالله بيضل الموقع بازدهار لانه بيستاهل على فكرة انا اول مرة بشترك بموقع بس كتير اخدت اكلات من الموقع وصار عندي كل يوم سوسة انو ادخل لشوف في شي جديد واخيرا قررت اشترك معكن لاشكرك على جهودك
الف صحة و هنا على البك بكل شي جربتيه
امين ان شاء الله و كل يوم تكبر عيلتنا اكتر و اكتر
السلام عليكم أخت منى
ماشاء الله تبارك الله شو هالموائد الرائعة
انا سجلت بالموقع جديد وكنت متابعة الكم من فترة
بس بعد إذنك محتاجة مساعدة مشان كاتو الكراميل (لاتواخذيني اول ماسجلت ع الاسئلة) كيف عملتيه على طبقتين ؟؟ والكريمة اللي استخدمتيها شو هي بالضبط والكمية اللي احتجتيها من الكريمة ؟؟ بصراحة انا حابة كتير اعمل واحد ع العيد طبقتين بس خايفة اتورط ومايتحمل الكيك فوق بعضه اذا في مجال تجاوبيني بسرعة لانو ماباقي غير كم يوم للعيد وكل عام وانتو بخير وجزاك الله الف الف خير على مجهودك الرائع
بانتظار اجابتك
و لا يهمك اختي
مية اهلا و سهلا فيك
هلا الكاتو الاسفنجي ضاعفت كميته و خبزته في صينيتين واححدة اكبر من التانية بشوي
جهزت كل قالب لحاله بشكل كامل و كان الاكبر على طبق التقديم و الاصغر على طبق مسطح من دون زوايا و ارتفاعات , بس ما جهزتيهم ميلي الطبق المسطح بلطف و انتباه على الطبق الاكبر لحتى ينزلق القالب الصغير عليه , ان شاء الله كون عبرت صح :roll
الكريما ما بذكر شسو استعملت اذا فريش او كريما دانيه و لا بذكر الكمية على الضبط بس اتوقع علبة واحدة بتكفي لان مو طيب الكاتو اذا كريمته كتيرة , بيطلع بعدها حلو زيادة
ايا سؤال تاني من عيوني
تسلم عيونك اخت منى وجزاك الله كل خير على ردك يعني اطمن انو الكيك بيتحمل فوق بعضه؟؟ وبس سؤال علبة الكريمة اللي بتستخدميهاقديه وزنها؟ لانو الدريم ويب بتجي ظروف كل ظرف فيه كمية قليلة كتير مو معقول علبة وحدة منها بتكفي للقالبين وكمان الدريم ويب مابتعطي لون ابيض متل الصورة مشان هيك سألتك وشكرا سلفاوبس جرب رح خبرك عن النتيجة
اختي هلا ما في تحت ايدي علبة لخبرك عن وزنها , بس انتي استعملي العلبة كاملة مو ظرف واحد
الكريما الي البودرة الي استعملها اسمها دانيا , هي ماركة سورية و بتعطيني لون ابيض متل الي طالع بالصورة , بس انا اضيف حليب بارد جدا عوض المي , ممكن هادا ياثر
مرحبا اخت منى
كيفك؟ وكل عام وانتو والموقع بألف خير
انا عملت قالب كاتو طلع مرتب كتير وطيب كتير( تورته فواكه) ورح حاول اني ابعتلك صورته وشكرا كتير لمساعدتك
صحتين و الف هنا , الحمد لله انه زبط معك , عوافي يا رب
رح استنى الصورة باذن الله :zzz
بس كيف بقدر ابعتلكم الصورة او حملها على الموقع؟
فيكي تحملي الصورة على ايا موقع و بعدها تحطي الرابط هون
بصراحة مابعرف كيف ولامرة حملت صور على اي موقع ؟؟
اذا في طريقة اسهل ؟؟
شو وينك اخت منى غايبة صارلك فترة ؟؟ عسى خير ان شاءالله
هلا ام اسلام
ما في شي , بس امتحانات الاولاد و الوقت قليل , الله لا يضيع الهم تعب و لا يضيعلنا تعب معهم
بتحبي تبعتيلي ايميل عن طريق اتصل بنا , اذا بتكون القصة عليك سهل هيك ؟
الله يوفقهم ويجعلهم من الفائزين بالدنيا والآخرة
مشان الصور انا رفعتهمعلى موقع عالم حواء بس ماعرفت بعدها كيف حط الرابط او انقلهم لهون
على كل حال رح ابعتهم على الايميل متل ماقلتي جزاك الله كل خير
عفوا اخت منى بس حتى عن طريق اتصل بنا ماعرفت كيف ابعت الصور
آسفة ع الازعاج
http://up.hawaaworld.com/up/sites/up.hawaaworld.com/files/imagecache/approved_watermarked_thumbnail
هيدي اول مشاركة الي والصراحة واوووووو سفرة حلوة بتجنن خاصة الحلويات وكلشي اخذت كثير افكار لعيد ميلادي
شو بدي جرب لجرب
كثير شغلات من هالموقع الحلو
يسلمو ايديك