براونيز بكريما الخمس دقايق السرية
العزيمة كانت لـحوالي 15 شخص و السفرة مو كلها من شغلي , في الفول بحمض و الفول بطحينة هدولة جاهزيين مع الفلافل كمان لأن كان صعب ااقليهم مع الضيوف و في كمان شعيبيات بالقشطة المعتبرة , قشطة أذار .
الوصفات من فوق لتحت :
مناقيش بالزعتر بس انا ما عملتهم مناقيش صغار , عملت صينية كاملة
فول بحمض
بندورة مفرومة و صحن خضرة مشكل فيه تعناع و فجل و فليلفة لزوم الفول و الفلافل
فلافل , و هي طريقة الي بحضرها فيهن بالعادة
حمص
مامونية
بيض مسلوق
لبنة
سلطة بطاطا, بس من دون مايونيز
فول بالطحينة
شعيبيات
سلطة زعتر أخضر بالجبنة
سلطة زيتون
صحن مربى مشكل فيه
مربى الورد
مربى الفريز
مرملاد البرتقال و الليمون
مربى المشمش الممروس
مربى المشمش
صحن جبنة مشكل , حلوم و بيضاء حلبية و مشلشلة
و صحن خيار شرحات
طبق زبدة
كروسانات , بس خفيفة من عجينة أمي و لف أية
صحن خبز تازة من الفرن مع خبز باكيت و صمون
هي صورة من الطرف التاني
و متل ما خبرتكم بالعادة لازم انسالي شي شغلة و الضحية اليوم كان المكدوس و العطون , بس يا ريت بس على المكدوس , الي صار اني كنت محضرة صينية بيتزا مدعومة بالفطر و الجبنة الموتزاريلا و القشقوان .
بعد ما خبزتها و جهزتها حطيتها بالفرن لوقت ما جهز بقية الطاولة و من العبطة و الشغل , و كمان التصوير , صرت شم شي محروق , بس سبحان الله راح عن بالي , يمكن لأن المطبخ كان قايم و قاعد و الناس بكل محل
ماما و أخت زوجي هلا كانوا عم يحكوا ادام الفرن , و انا و عم روح و اجي و علقلي بشي كلمةعلى حديثهم و نضحك , و أنا قول لحاليكأنه في شي عم يحترق ! ا
هي سفرتنا و هي فطورنا السوري , اتفضلوا يا حبايب و ريتو الف صحة و هنا
السلام عليكم…هالمره أنا أول وحده بالتعليق..زكرتيني بأيام الشام.الله يعطيكي العافيه بس ليش مو حاطه التسئيه..إزا مافيها سآله إتعلميني تسئية الزيت والسممنه…وجزاك الله خير
شو هاد يا ميمو الله يسلم ايديكي تعيشي وتعملي عزايم انشا الله بيتك بيضل عامر بجمعات الفرح يارب بوجود زوجك وأولادك وأهللك ومشان البيتزا يلا ستي بسيطة فداكي ما شاء الله في بدائل أطيب :zzz
بالهنا ان شاء الله وصحة على قلب كل مين اكل والله شهيتيني اكون معكم انا كتير بحب اكلات الفطوراللي سميتيه سوري فعلا كلنا الحلبية بالذات لنا نفس التكتيكات بالفطور فبيطلع بيشهي الحمد لله على نعمة الذوق بالموائد وانا كتير بيلفت نظري التكتكة بالمائدة اكتر من تنوع الاشكال خيتو انا بحب الترتيب والنظافة والنفنفةالله يسلم هالايدين اللي مرتبة ومتفننة فعلا الذوق واضح فيها شكرا منى على تذكيري بترتيباتنا بحلب لما نجتمع عند ماماتي او عند حدى فينا انا واخوتي هيك بيكون الترتيب وخاصة عند ست الكل ماماتي الله يخليلي ياها والله حنيت ودمعت عيوني الله يسامحك ميمو والله يخليكم لبعض بجمعتكم الحلوة
ان شاء الله الف هنا والله يسلم ايدين يلي اشتغلت والله بعد الاكل السوري مافي .ماشاء الله عليكي
بسم الله ما شاء الله روعة تسلم ايدك
إي شو هالفطور يا منوش.. والله ولا فنادق الخمس نجوم.. ومتل ما قلتي فيه ما لذ وطاب من الأطباق يلي ما بينشبع منها.
صحيح إنو في كتير أطباق ما بتتأمن هون.. بس كمان في أفكار كتير حلوة للفطور.. وهيك شجعتيني إني إعملي شي فطور سوري لرفقاتي
بس كأنو في بالصورة حمص وكرواسان.. وما ذكرتيهن.. ولا أنا زاغ نظري عكتر مو الصورة حلوة؟ :eek
الله عليك يامنى شو هالسفرة اللي بتطير العقل :eek فعلا روعة بتشهي وبتخلي اللي عامل ريجيم بياكل وما بيسال لان طريقة التقديم كمان رائعة والعين بتاكل قبل التم :p والله بيعطيك العافية انا حبيت موقعك كتير وحطيتو عندي الصفحة الرئيسية 0 بتمنالك التقدم الدائم والمزيد من النجاح
[B]null[/B][B]null[/B][LIST][LIST][*]
ما شاء الله يا منى دائما مبدعه
انا من مؤيدي الافطار وسفره للجمعات
بحب دائما صديقاتي يزوروني بالافطار
تسلمي افكار رائعه ولازم شغلات
تنكد على الواحد مع العجقه بس
فداك يا عسل سفره عامره دائما :grin :grin :upset
شي بيشهي منى سفرة شيك
برافو عليكي :p
ماشاء الله حولك وحواليكي شي مرتب كتير واكتر من رائع الله يقويكي يارب
اكتر شي غرف قلبي ع صحن المامونية والمربيات :zzz شي لذيذ لذيذ لذيييييييييييييييييييييذ
بسم الله ما شاء الله يا منى. الله يعطيكم الصحه. عنجد شي بيبيض الوجه. سلم هالايدين و ريتو هالبيت يضل عامر يا رب
امممممممممممم شي ظريف وبيفتح النفس والله احترت اجي لعندك عالفطور ؟؟ ولا الغدا؟؟او العشا؟؟؟
بس المهم ما تنسيلي البيتزا بالفرن او المكدوس لانو كتييييييييييييييييير بحبهم
يسلم ايدكي وكلو شي ظريف
مممممممممممممممم
سفرة غييييييييير شكل ماشاء الله
بتفتح النفس …
انا بحب كلشي محطوط عليها
:upset
منيح ماكنت موجودة ..كنت ماخليت شي لحدا
الله يعطيكي العافية
شووو هاد شي حلووو
كتير :eek
ماشاء الله اطيب فطور بالدنيا
شي بشهي
يسلمو عاالاكلات
يسلم هل الديات ماشاءالله المنظر بشهي يعطيكي العافية يعني على قولت الحلبية شم ولا دوق وعلى قولت الست منى تفرج ولا دوق :cry
هلا فيكم اخواتي واحدة واحدة و فردا فردا , نورتونا و شرفتونا و لو تعرفوا ردودكم شو بتسعدني ..
يلا , شي مرة الا ما اعزم كل الغوالي على قلبي عزيمة حقيقية , مو شوف و لا تدوق :p
هاي انا كمان من سوريا من وين انتي انا من حلب وطبعا لسه عزايم الغذاء احلى بككتير
هلا دانية
و انا من حلب طبعاً و ممكن تشوفي عزايم الغدا بالمواضيع الي جنب هل الموضوع :zzz
نورتي
يعطيكي العافيه
يعطيكي العافيه
روووووووووعه
الله يعافيك
مية اهلا و سهلا فيك نورتي اختي 8)
كيف أخبارك منوش
أن شاء الله راح أعمل فطور سوري هون لرفقات أختي بكندا من بعد إذنك ممكن طريقة الفول بحمض
واذا في أفكار تانية بكون ممنونة كتير
على فكرة صار شفتك مرتين بمنامي إني زرتك بحلب ودقت من أكلاتك الطيبة
بس من شان تعرفي معزتك عندي حتى لو ما شفتك وأهمية موقعك في عقلي الباطن
هلا اختي
اغلب الافكار موجودة هون , و الفول بيتحضر بطريقتين
بالطحينة[URL=http://www.l2ma.com/content/view/621]على هل الرابط[/URL]
و بالحمض [URL=http://www.l2ma.com/content/view/620]على هل الرابط[/URL]
الله يديم المحبة و المعزة دوما :zzz و ان شاء الله ميسرة عزيمتك
خبريني شو بيصير معك
مرحبا ست منى بصراحة انا سفت طريقة لف الكروسان بس بعد ما تقطعي المستطيل لمثلثات كل واحدة بتصير كروسان وشلون بتلفيهايا ريت تفصليلنا الطريقة اكتر بالصور لو سمحت.تسلم ايديكي