براونيز بكريما الخمس دقايق السرية· يخفق البيض جيدا مع الفانيليا .
· يضاف السكر الناعم و يخفق الكل جيداً .
· تضاف الزبدة الرخوة و تخفق جيدا حتى الحصول على خليط متجانس.
· و في الأخير يضاف الطحين إلى الخليط و يقلب الكل جيداً , ثم تترك العجينة ترتاح ساعتين .
بعدها بواسطة قالب خاص بالبيتي فور ممكن نصنع أشكال مختلفة .
· و بواسطة العجينة نفسها ممكن إضافة الكاكاو البودرة أو صبغة غذائية حسب نوع البيتي فور الذي نرغب فيه لتحضير ألوان و نكهات مميزة و ممكن إضافة زبيب أو لوز وهكذا من عجينة واحدة نصنع أشكال مختلفة .
· يخبز البيتي فور في فرن محمى على درجة حرارة 180 درجة مئوية حتى ينضج .
ألف صحتين
لكل كيلو طحين نصف كيلو زبدة طرية نتركها حتى تذوب لحالها بفعل حرارة المنزل (beurre moux) نسميها بالفرنسي وكل ما كان نوع الزبدة فاخر كل ما طلع البيتي فور أطيب.
2 كوب سكر ناعم بودرة
ثلاث بيضات
ظرفان فانيليا
• يخفق البيض جيدا مع الفانيليا .
• يضاف السكر الناعم و يخفق الكل جيداً .
• تضاف الزبدة الرخوة و تخفق جيدا حتى الحصول على خليط متجانس.
• و في الأخير يضاف الطحين إلى الخليط و يقلب الكل جيداً , ثم تترك العجينة ترتاح ساعتين .
بعدها بواسطة قالب خاص بالبيتي فور ممكن نصنع أشكال مختلفة .
• و بواسطة العجينة نفسها ممكن إضافة الكاكاو البودرة أو صبغة غذائية حسب نوع البيتي فور الذي نرغب فيه لتحضير ألوان و نكهات مميزة و ممكن إضافة زبيب أو لوز وهكذا من عجينة واحدة نصنع أشكال مختلفة .
• يخبز البيتي فور في فرن محمى على درجة حرارة 180 درجة مئوية حتى ينضج .
ألف صحتين
بتاخد العقل ام نور
طريقة جديدة , بس مبين عليها تحفة
هلا انا لما بعمل البيتي فور بخلط المواد مع بعضها من دون خفق ..
بس هل الطريقة شكلها اطيب :eek
كلك زووء ام نور و الله لا يحرمني من هل الطلة الحلوة
بدي جرب هالبيتي فور شو بتنصحيني ؟؟؟انا بعمل البيتي فور بس باغلب الاوقات بيغلبني لانه بيطلع مو كتير طري …يعني قاسي شوي …وكمان بالفرن مابعرف شو اعمل بحطه عالرف المتوسط وبخبزه من فوق ومن تحت …احيانا بيتقمر واذا قمته قبل بيبين مو مستوي :grin شو عندك نصائح للبيتيفور
هلا رنونة
لازم تخبزيه على الرف الوسط و من دون ما تشعليه من فوق , بباخد من 8 إلى 12 دقيقة و بعد ما تحسي ان قفاه استوى شعليه من فوق بس كم دقيقة و بيطلع خيلة
رح جرب هالبيتيفور بس بدي اسأل هلأ اذا رح اعمل نص كيلو طحين يعني كيف بدي اقسم كمية البيض يلي هي 3 ؟؟؟والف شكررر
ممكن تستعملي تنتين صغار أو واحدة كبيرة
و فيك تقسمي المقدار على تلاتة و هيك أضمن , يعني تستعملي 335 غ طحين مع 165 غ زبدة و تلتن كوب سكر بودرة
الف شكر منى دائما بلاقيكي باللحظات الحرجة :grin
و لو بدنا شي محرز
منى بدي اسْئلك هلأ اذا بدي اعمل البيتفور لونين ابيض واسود لازم انقص عيار الطحين يعني اعجن كل واحد لحاله ؟؟؟جاية على بالي جرب هالطريقة من البيتفور وكل يوم بأجلها :grin لانه بيطلعلي سؤال
هلا رنونة
بعد ما تجهزي العجينة تقسميها نصفين , لاول نصف تضيفي ملعقة كاكاو او اكتر لحتى يظبط اللون و التاني بتتركيه سادة
بتعرفي عندي وصفة الها نفس الفكرة و مصورتها من اكتر من 4 شهور , ان شاء الله يصحلي نزلها لحتى الكل يستفاد
الله يسلم هالانامل يامنونة خلص وضحت الفكرة :grin وياريت تنزلي وصفتك المصورة لانه صاير مخي سميك شوي :grin
اليوم طقت مية الراس متل مابيقولوا وساويت هالبتي فور
بصراحة طعمته كتير طيبة ولذيذ بس يلي كنت متمنيته طعمة انعم لقطع البيتفور يعني كان بدي ياه يدوب بالتم متل بتي فور المحلات بس انا طلع معي متل البسكوت يعني قاسي نوعا ما ..ياترى في خطأ بالتطبيق
بس الطعمة عن جد لا يعلى عليها
هلا رنونة
و الله انا مو مجربة هل البيتيفور لجاوبك , بس على كل الحوال الي قلتي عليه كمان بتصير معي بوصفتي , و ما بيطلع معي ناعم و متل ما بدي :roll
مممممم عن جد صار عندي تحدي بوصفة البيتي فور وماعم بقدر اعتمد ولا وصفة مشان قصة القساوة ..حتى مبارح بعد ماداقه زوجي قلي كتير طيب بس قاسي :zzz يلا الله يجمعنا بوصفة بتي فور على مزاجنا تكون بتهرت هرت
وصفة رااااااااااائعة ان شاء الله راح اجربها :grin
يمكن فينا نعوض عن الزبدة بالسمنة وهيك بتتطلع مثل الغريبة هشة وطرية
بس اللي عنكم طلب اذا ممكن شي طريقة البرازق
وكثير مشكورين على تعبكم وتحياتي الك يا منى
هلا فيك لولين
ان شاء الله بنزل الوصفة اذا ربنا راد
نورتي اختي
اكلة سهلة ومريحة شكرا الك
مرحبا انسة منى انا مقيمة ببريطانيا حاولت كتير لاقي فانيليا باودر ما لقيت بصير استعمل فانيليا سائل ؟؟ وعندي سؤال ليش في وصفات بلا صور ؟
طبعا اكيد حتى السائل نكهتها اطيب بكتير من البودر لان البودر اصطناعي و السائل طبيعية
هي وصفات قديمة في الموقع , هلا كلها عم نعمل الها صوربس هي قصة بتاخد وقت , و ممكن في وصفات مو الي , متل هل الوصفة , شاركوا فيها اخوات
تسلم أيدك ست منى شغلك بجنن
اهلا و سهلا , منورة و الله