براونيز بكريما الخمس دقايق السرية· تقطع الشرحات إلى شرائط رقيقة , تنقع بالخل لمدة ساعتين أو ثلاث ساعات ثم تصفى من الخل و ترش بملعقة من الطحين .
· تذوب نصف ملعقة من الزبدة مع نصف الزيت في مقلاة كبيرة على نار عالية ثم تقلى فيها اللحمة المقطعة على دفعتان أو ثلاثة و تقلب حتى تحمر من كل الأطراف ثم ترفع من المقلاة , تقلى اللحمة على عدة مراحل كي تبقى حرارة المقلاة مرتفعة و لا تخرج عصارة اللحمة .
· تذوب باقي الزبدة و الزيت على نار هادئة ثم يضاف البصل و الفطر و تقلب من وقت لأخر حتى يطرى البصل , يضاف الثوم و يقلب الكل لبضع دقائق أخرى .
· يرش باقي الطحين على الفطر و البصل و يقلب حتى يختفي الطحين و يتابع التقليب على نار هادئة لمدة 10 دقائق .
· يضاف القليل من المرق و يقلب على النار حتى يسمك الصوص , ثم يضاف المزيد من المرق و يقلب حتى يغلي المرق , و تكرر العملية حتى تنتهي كل كمية المرق .
· بعد ان يغلي المرق تضاف قطع اللحم و الخردل و صلصة الوورشستر و يترك الستروغونوف يغلي لمدة 10 – 15 دقيقة .
· أخيراً تضاف الكريما الحامضة و تحرك ثم ترفع عن النار قبل أن تغلي و تقدم مباشرة مع الأرز الأبيض .
سر الطبخة :
عند اضافة الطحين للبصل يجب ان تبقى النار هادئة مع التقليب المستمر حتى يعطي البصل نكهته للطبق .
نصف فنجان صغير خل
ملعقة كبيرة زبدة
ملعقة كبيرة زيت
2 حبة بصل كبيرة مقطعة جوانح
فص ثوم مفروم مهرووس ( اختياري )
كوب و نصف فطر مقطع شرحات
2 ملعقة كبيرة طحين
2 كوب مرق
نصف ملعقة كبيرة خردل
2 ملعقة كبيرة من صلصة وورشستر
ملح
كوب سور كريم
• تذوب نصف ملعقة من الزبدة مع نصف الزيت في مقلاة كبيرة على نار عالية ثم تقلى فيها اللحمة المقطعة على دفعتان أو ثلاثة و تقلب حتى تحمر من كل الأطراف ثم ترفع من المقلاة , تقلى اللحمة على عدة مراحل كي تبقى حرارة المقلاة مرتفعة و لا تخرج عصارة اللحمة .
• تذوب باقي الزبدة و الزيت على نار هادئة ثم يضاف البصل و الفطر و تقلب من وقت لأخر حتى يطرى البصل , يضاف الثوم و يقلب الكل لبضع دقائق أخرى .
• يرش باقي الطحين على الفطر و البصل و يقلب حتى يختفي الطحين و يتابع التقليب على نار هادئة لمدة 10 دقائق .
• يضاف القليل من المرق و يقلب على النار حتى يسمك الصوص , ثم يضاف المزيد من المرق و يقلب حتى يغلي المرق , و تكرر العملية حتى تنتهي كل كمية المرق .
• بعد ان يغلي المرق تضاف قطع اللحم و الخردل و صلصة الوورشستر و يترك الستروغونوف يغلي لمدة 10 – 15 دقيقة .
• أخيراً تضاف الكريما الحامضة و تحرك ثم ترفع عن النار قبل أن تغلي و تقدم مباشرة مع الأرز الأبيض .
سر الطبخة :
عند اضافة الطحين للبصل يجب ان تبقى النار هادئة مع التقليب المستمر حتى يعطي البصل نكهته للطبق .
يا ستي اليوم ساويت هل الاكلة
يا سلام شو طيبة
قلت بدي طبقها بحذافيرها
جبت كل المقادير متل ما هيي و بالاسم
كتير حبيتها مع اني مو صحبة مع اللحمة
و جوزي حبها و قلي تغيير شكل
يسلمو هل الادين يا حئ
يهههههههههههههههه
بتعرفي شو
نسيت حط السور كريم مع اني اشتريتو
و هلئ لما كنت عم اقرا الوصفة مرة تانية طبعا بعد ما خلصنا اكل لقيت سور كريم
شو رأيك :upset
:grin :grin
ايه يلا مو مشكلة , المهم انها طلعت طيبة , لان بالسور كريم رح تطلع تقيلة شوي و خرج الشتي أكترر :zzz
خليلي قلبك لنوشة , ما بعرف كيف اشكرك على ثقتك فيني و تجربتك لوصفاتي و كمان ردودك الي عم تنعنش الموقع :zzz
لا تشكريني انا يلي بحس حالي مقصرة و ما بعرف كيف رد على وصفاتك الحلوة
لانو اول مرة بجرب من النت و بتزبط معي مية بالمية من اول مرة
قلتلك صرت دور بالموقع و جرب و انا قلبي مرتاح لاني عرفانة انها رح تكون اكلة مميزة وطيبة
و اهم شي رح تنجح
والله يا منى ما بخبرك شو كنت ساوي وصفات من النت و تطلع معي يا ربي تسامحني ما بتتاكل
صرلي سنتين على هل الحال و يمكن اكتر
خاصة اني اول ما تجوزت ما كنت اعرف اعمل اي اكلة
الله يخليلنا ياكي
الحمد لله رب العالمين , ان شاء الله يبقى وجي أبيض ادامك
لا تحكيلي على وصفات النت , من كتر مو صاير معي فصول بالأخير صار عندي فراسة و اعرف الوصفة الي ما رح تنجح من على بعد عشر مواضيع ( على اعتبار احنا بالنت :grin )
هنااا و صحة يا رب على كل وصفة جربتيها و الله لا يحرمني هل الطلة الحلوة
اممممممم شي بشهي بس عندي كم سؤال كالعادة على طول بوجع لك راسك
شو نوع المرق المستعمل دجاج ولا لحم ، والشرحات فيليه ولا ستيك ،والسور كريم ضرورية ولا يمكن الاستغناء عنها أو استبدالها بكريما عادية
تقلت عليك مو
الله يعطيك ألف عافية ويجزيك كل خير
هلا ام الهدى
على عيني و راسي و الله شو تقلتي و ما تقلتي :eek
الاحسن تستعملي مرق لحم و الشرحات فيك تستعملي فيليه أو ستيك بس الستيك من دون عظم و السور كريم باساس الوصفة بس انا لما يكون مو متوفر عندي استعمل كريما عادية و اكتر شوي خردل
مية السلامة و اي سؤال تاني انا تحت امرك أختي
مرحبا يا منى انا بدي اعمل الستروغونوف اليوم ان شاءالله بس مو متوفر عندي الساور كريم ممكن احط علبة قشطة ومعها ليمون انت قلت انك بتستعملي الخردل يعني قصدك الماستردة يلي لونها اصفر وبعدين سؤال ثاني ممكن استعمل الصويا صوص بدل الوورشستر ياريت تفيديني بأسرع وقت وراح اكون شاكرة الك كثير كثير وسامحيني على كثر الاسئلة والحكي بس انا بحب طبق الوصفة على اصولها
هيا فيكي تستبدلي الساور كريم بالقشطة العادية و تكتري شوي من الخردل الي هو نفسه الماسترد , ما في داعي لليمون و كمان فيكي تستبدلي الصلصة بصلصة الصويا , رح تطلع طيبة و انا مجربتها بهل التغيرات بس مو الستروغونوف الاصلي
هههههههههههههههههه
:roll
كتير عجبتني انك صرتي تعرفي اذا الطبخة رح تنجح او لا من على بعد عشر مواضيع ههههههههه انت فخمة
ماحدا سأل عن صلصة وورشستر ؟؟ شو يعني
كيفك ست منى؟ ولله أنا يا ستي متابعة لهالموقع الأكتر من رائع :zzz وصار دليت كل رفقاتي عليه.
المهم مشان هالأكلة في عندي كذا سؤال عنها
مرة شفت بمسابقة طبخ استرالية بتطلع ع قناة الفوكس عم يعملو البيف ستروغانف الروسية الاصلية اللي كانت تنعمل بالسبعينيات.. فكان المكون الأساسي واللي قالو انو مافي بديل عنو هو البابريكا الحلوة.. ما بعرف اذا مستخدمتيه قبل بمرة.. انا اشتريتها بس قلت استشيرك قبل.. واستخدمو رب البندورة كمان. شو رأيك؟
وفي شغلة تالتة عن الكريمة الحامضة هية نفسها كريمة الطبخ اللي عم نستخدما بالدجاج بالكريم مثلا ؟؟؟ شكرآ كتير يمكن تقلت عليكي
هلا فيك رشا منورة انت و كل رفقاتك يا قمر
انا قرات بكتاب قديم عندي و كانو ضايفين رب البندورة و بابريكا و مخلل , ما حبيتها ابدا و لا نالت اعجاب الجماهير الجائعة
كريما الحامضة غير كريما الطبخ و ممكن اذا مو متوفرة ممكن تستخدمي كريما الطبخ مع حوالي معلقة صغيرة عصير ليمون بتضيفيها بالاخير
ايا سؤال تاني من عيوني:)
ابوس روحك لاروش :grin
صلصة الورشستر شاير بتشبه بالشكل صلصة الصويا صوص و من مكوناتها سمك الانشوفي لهيك بتعطي طعم طيب كتير للطبخات , بتلاقيها بقسم الصلصات بالمول
[B]مرحبا منوش كيف انا سجلت جديد بالموقع بس بدي قلك أنوهادا اعظم موقع في التاريخ وانت أعظم طباخة في العصر انا عايشة في بوسطن بامريكا وكل كم يوم بيصير عنا عزيمة وكلو من وصفاتك اللي بترفع الراس الله يرفعلك راسك رفعتي راسي قدام العالم اهل بوسطن كلون عم يدعولك
سؤالي بعد ما نحط الحمة بيكفي بس a`-ae دقيقة لحتى تستوى شكرا سلفا[/B]
هلا يا قمر
انو خجلتيني , شكرا كتير الك و الف الف صحة و هنا و عافية على كل شي جربتيه و ان شاء الله تعيشي و تطبخي لعيلتك و تعيشي و تعملي عزايم و ان شاء الله راسك مرفوع دوما :zzz
لهل الوصفة انا بستعمل لحمة فوفيله الطرية كتير , و هي من لهبة نار بتستوي , و كمان منقوعة بالخل بقى ما بتاخد وقت ابدا
اذا عندك لحمة ااقسى شوي فانصحك انو ما تحضريها هون لان بصير تعزبك لهل الوصفة
ايا سؤال تاني من عيوني
هلأ طبختها وريحتاه بتجنن :eek , ما استنيت ليجى زوجي سكبت صحن صغير دوقها :grin :grin طعمتها بتجننننن , الا شوي كنت رح جيب خبزة وامسح فيها الصحن على قد مو المرقة طيبة :grin :grin
الله يجزيكي الخير يااارب , وصفة مميزة عن جد رح ضيفها للأطباق المفضلة عندي
صحتين و الف عافية امولة بكل لقمة من اولها لاخرها
ممنونة انك عم تجربي من الوصفات و مبسوطة انهم عم يكونوا على زوءك
مسا الخير .. كيفك ست منى
بدي أسألك بوصفاتك الرائعة لما بتكتبي كوب “مرق” بتقصدي فيو مرق سلق اللحمة ؟؟؟ عمبحضر بيف ستروغونوف وماعندي مرق …اش بقدر احط بدل المرق ؟؟ ماء؟؟ ولا ماء مع مكعب ماجي مثلا؟؟؟ شكرا كتييير على وصفاتك الحلوة
هلا لبنة
بقصد فيها ايا نوع مرق متوفر عندك ، مرق دجاج او لحمة او مي مع ماجي .. الي بيناسبك
نورتي