براونيز بكريما الخمس دقايق السرية
· يوضع الحليب و السكر على نار متوسطة و يحرك حتى يغلي .
· بعد أن يغلي المزيج , يترك على نار هادئة و يترك ليغلي حتى الحليب و يسمك المزيج , مع التحريك عدة مرات أثناء الغلي و خصوصاً بعد أن يبدأ المزيك بالسمك كي لا يعلق الحليب بالقدر .
· يترك الحليب حتى يتبخر أكثر من نصفه و يميل لونه للأصفر الكاشف .
· أصبح الحليب جاهزاً , بعد أن يبرد يعبأ في مرطبان زجاجي و يحفظ في البراد و يستخدم حسب الرغبة .
لتر حليب
2 كوب و نصف سكر
• يوضع الحليب و السكر على نار متوسطة و يحرك حتى يغلي .
• بعد أن يغلي المزيج , يترك على نار هادئة و يترك ليغلي حتى الحليب و يسمك المزيج , مع التحريك عدة مرات أثناء الغلي و خصوصاً بعد أن يبدأ المزيك بالسمك كي لا يعلق الحليب بالقدر .
• يترك الحليب حتى يتبخر أكثر من نصفه و يميل لونه للأصفر الكاشف .
• أصبح الحليب جاهزاً , بعد أن يبرد يعبأ في مرطبان زجاجي و يحفظ في البراد و يستخدم حسب الرغبة .
عارفة الحليب المكثف بس مش عارف بيستخدم فى ايه؟؟
هلا نهى
الموقع فيه كم وصفة ممكن تستعملي الحليب المكثف فيها متل
[URL=http://www.l2ma.com/content/view/314/2/]تارت التمر[/URL]
أو
[URL=http://www.l2ma.com/content/view/319/2/]تارت الجلاكسي الرائع[/URL]
يا ريت تجربي و تخبريني
السلام عليكم و رحمة الله و بركاته
ان شاء الله راح جربو و استخدمو للوصفتين اللي قلتي عنهم
و الطريقة سهلة و واضحة
بدي اعرف قديش بيضاين بالبراد
و ازا طريقة صنع جبنة الماسكربون مو كتير صعبة و جربتيها يا ريت تحطيهالنا بالموقع لماتقدري لانها حسب علمي لازم تكون موجودة بالتراميسو و دورت عطريقة صنعها بس ما لقيت
بالتوفيق
سلام
السلام عليكم
و الله يعطيكي العافية
كيفك منى إنشاء الله تكوني بخير بدي إسألك هالكتاب ياترى متوفر بحلب ولا حصلتي عليه بالصدفة :roll و جربتي وصفات تانية منو لأني أي كتاب بحب أعملو إختبار لما بجربلي كم وصفة منو
هلا سارونات
ممكن يضاين لحتى شهر اختي , و انا هلا اشتريت المنفحة الي لازمة للجبنة رح جرب كم وصفة , كتيررر متحمسة ةعليهم و اكيد بنزلهم
مية هلا سهى
اكيد متوفر و كتير رخيص حقه 75 ليرة بس :zzz الكتاب لسيما أختي اشترته من معرض الكتاب الي بيصير بالجامعة , بس انا لقيته مرة على بسطات الكتب في ساحة سعد الله الجابري , اظن بتعرفيهم :zzz , الكتاب جربت منه البيتزا بالفليلفة الحمراء و طلعت منيحة , بس المرة التانية عملتلها اضافات و طلعت اطيب 
لساني عاجز عن شكرك يامنى …مابعرف ليش فرحت كتير وقت زبط معي الحليب المكثف يعني طار عقلي الا شوي :grin بس بدي قلك …طلع معي غامق شوي ياترى شو السببب يعني الجاهز اكشف من هيك بيطلع بس شو الطعمة نفسها تمااااام
شكرا شكرا شكرا
هلا رنونة
اتذكرت حالي اول ما حضرت الحليب و دقته , صرت نط من الفرح لان اولادي بيحبوه كتير و انا ما كتير بفضل المعلبات و الاشيا الجاهزة :roll
احيانا بيطلع غامق , بس متل ما قلتي الطعمة نفسها و السبب ان الحرارة كانت شوي عالية زيادة
ماشاء الله شكله جميل و سهل جداا
عندي طريقه كمان اسهل
في الخلاط
كوب حليب بودره
كوب سكر
ربع كوب ماء مغلي ز اضربيهم في الخلاط و دوقي احلي حليب مكثف و اسرع كمان
سلم ايديكي على الطريقة , بالفعل اسهل و اسرع
رح جربها ان شاء الله
يسلم دياتك أختي العزيزة منى..
بصراحة أنا من عشاق النسلة ومن النوع يللي بشربها لحالها :roll
بس ما بتوفي معي اني أشتريها كل مرة وكمان مابفضل كتير المعلبات والجاهز
بس شو بدي ساوي مضطرة .. هي النسلة :grin هههههههه
ياستي الله يجزيك الخير يارب على هالطريقة اختصرتي عليي كتييييييييييييير شغلات بتعليمي النسلة ولح جربها المسا بس يجبلي زوجي حليب..
بس بدي أسألك هلأ بنتي عمرها حيصير سنة بعد أسبوع :zzz فبيصير على خبرتك لأنك أم قبلي إني دوقها منها؟؟ أو لحسها منها؟؟ طبعا النسلة المحضرة بالبيت مو الجاهزة!!
وشكرا جزيلا إلك مرة تانية على المجهود يللي بتقدميه إلنا..
سلامي وتحياتي ياغالية…
الله يسلمك لولية , ان شاء الله تجربيهاو تحبيها .
مشان بنتك اتوقع ان بعد السنة بيصير تدوقيها منها , انا كنت كتير دوق ولادي من الاكلات الي حضرها بالبيت و احيانا ما كتير اتقيد بكلام الاطباء
هل لتر الحليب يساوي 4 كاسات كبار ؟
وفي الخطوة 3 كم بيلزمني من الوقت لحتى يتبخر الماء من الحليب؟
الله يرضى عليك يامنى أنتِ وجميع الأخوات
هلا فيك خولة
اللتر هو تقريبا اربع كاسات كبيرة من كاسات الشرب
و الوقت على التحديد ما ازكر , بس هو اكتر من 20 دقيقة على نار هادية و انت عينك عليه
الف شكر الك للدعوة الغالية , نورتينا اختي
جربته نفس طعمة الجاهز بس أغمق شوي -أخد معي تقريبا 3 ساعات على النار بس بجد كتيييير أنظف وأوفر- صرله عندي شهرين بالفريزر وما انتزع ولا تغيرت طعمته-شكرا كتير الك
الف صحة و هنا ريم , الحمد لله انه كان على زووءك , ان شاء الله تاكليه بالهنا :zzz
والله ما بعرف كيف اتشكرك وان شاء الله رح جربها قريباً
…………
بس ياريت تحطي روابط كل الوصفات الي بالحليب المحلى
…………
وكمان ياريت تعملي موضوع خاص بالاكواب والمقاييس الي تستعمليها عشان الكل يكون ع بينه وكمان يقدر يطبق الوصفه بالطريقه الصحيحه
………….
واسف ع طلباتي الي في كل صفحه
………….
مع خاااااااااالص شكري وتقديري
Ahmed
هلا اخي احمد
ان شاء الله بحط الروابط , اما بالنسبة للمقادير فانا كنت استعمل كوب عادي و هلا عم استعمل الاكواب المعيارية و الي قياسها 250 مل للسوائل
اما اذا الك سؤال عن معيار وصفة معينة فلا تتردد اخي
مية هلا فيك
مرحبا منى..
أصلا أبوس روحك في سمايلات..خيتو معبرين ليش الكذب 8)
رح جرب الوصفة هاليومين..لنو عنجد لما تشتري كذا علبة قشطة وكذا علبة حليب مكثف يصير سعرهن محرز.زهيك أوفر أكيد..
بالله رغودة مو بيبلوا القلب
بتعرفي اكتر واحد بحبه مين ؟؟
هادا
لان بيعبر عن نظرة كونان افضل تعبير :grin
ان شاء الله تجربيها و تعجبك
:cry :cry :cry كيفك مدام منى جربته ومابعرف ليش طلع معي هيك بعد ماغلي الحليب والسكر تركتهم على نار هادية وحركخم كل شوي ولا لقيت صار شكلهن متل الحليب الفارط شو السبب
اكيد الحليب فيو مشكلة او اجتو نقطة ليمون , ما بيصير فيه شي ابدا , هيك بالعادة , بقى استغربت لشو هيك صار معك :roll
وصفه رائعه راح اجربها واخبرك بالنتيجه
مشكووره ياعسل
كتير رائعة هالوصفة ويسلمو كتير يا أخت منى
البارحة إجى على بالي أعمل بسبوسة بالحليب المكثف وما عدت أصبر زوجي يرجع من شغله ويجيبلي الحليب، فتشت باللقمة الطيبة ولاقيت هالوصفة وجربتها وطلعت كتير ناجحة وطيبة
الله يجزيكِ كل خير :zzz
صحتين و عافية يا غفران, الحمد لله انها عجبتك :zzz
منورة
هلا فيك اختي عطر التميز
ان شاء الله تعجبك و بانتظار رايك
الحقيقة انا فكرت انو شغلتها عويصة طلعت سهلة وسريعة تسلميلي يااارب
مشالله عليكي كلو على ايدك تسلملي هالايدين
تحيااااتي
للولووو
يسلم ايديكي مدام منى على ابداعك ومعلش بيعينك الله عالسرقة اللي صارت لبعض مواضيعك
بس عن جد انتي ست بيت رهيبة ونيال عيلتك فيكي
مرحبا اخواتي انا اول مرة بشارك معاكو بهاد الموقع شكرا عالوصفة حجربها ان شاء الله
مية هلا فيك منورة وفا