جاتو البرتقال مع الزبيب‏


         وصفة : منى                 2010/02/08                 22 تعليقات
جاتو البرتقال مع الزبيب‏

·         في البداية نخفق البيض مع بشر الليمون والبرتقال والفانيلا ونضيف السكر بشكل تدريجي
نستمر بالخفق حتى يبهت لون الخليط ويتضاعف حجمه

·         نبدا بإضافة الطحين للمزيج بشكل تدريجي مع مراعاة التحريك بنفس إتجاه حركة الخلاطة الكهربائية لمنع خروج الهواء من الخليط

·         بعد ان نقوم بإضافة الطحين كاملا

·         نضيف عصير البرتقالة ونستمر بالتحريك البطيء للحصول على مزيج متجانس

·         اخيرا نضيف الزبيب المنقوع بعد ان نقوم بتجفيفه نضع نصف الكمية ونحركها بالمزيج والنصف الآخر نضعه بعد انو نقوم بصب المزيج بالقالب

·         نكون قد حمينا الفرن على درجة 180

·         في أول 10 دقائق نترك درجة الحراة 180 بعد ذلك نخفضها لل 160 حتى نحافظ على طراوة الجاتو

·         ملاحظة : ممكن أن نضيف معلقة صغيرة من الطحين على الزبيب ونخلطها معه بحيث نضمن ان يتم تغليب كامل الحبات وهذا يساعد على بقاء حبات الزبيب في منتصف الجاتو وعدم نزولها للقاع  وصحتين وعافية.

 




4 بيضات
كاسة طحين
ثلاث أرباع كاسة سكر
بشرة ليمونة كاملة وبرتقالة كاملة
عصير برتقالة واحدة
رشة فانيلا
معلقة صغيرة باكينج باودر
نصف كاسة من الزبيب المنقوع في الماء الساخن





• في البداية نخفق البيض مع بشر الليمون والبرتقال والفانيلا ونضيف السكر بشكل تدريجي
نستمر بالخفق حتى يبهت لون الخليط ويتضاعف حجمه

• نبدا بإضافة الطحين للمزيج بشكل تدريجي مع مراعاة التحريك بنفس إتجاه حركة الخلاطة الكهربائية لمنع خروج الهواء من الخليط

• بعد ان نقوم بإضافة الطحين كاملا

• نضيف عصير البرتقالة ونستمر بالتحريك البطيء للحصول على مزيج متجانس

• اخيرا نضيف الزبيب المنقوع بعد ان نقوم بتجفيفه نضع نصف الكمية ونحركها بالمزيج والنصف الآخر نضعه بعد انو نقوم بصب المزيج بالقالب

• نكون قد حمينا الفرن على درجة 180

• في أول 10 دقائق نترك درجة الحراة 180 بعد ذلك نخفضها لل 160 حتى نحافظ على طراوة الجاتو

• ملاحظة : ممكن أن نضيف معلقة صغيرة من الطحين على الزبيب ونخلطها معه بحيث نضمن ان يتم تغليب كامل الحبات وهذا يساعد على بقاء حبات الزبيب في منتصف الجاتو وعدم نزولها للقاع وصحتين وعافية.



  • وصفات تانية ممكن تعجبك


التعليقات

  1. منى 8 February 2010

    يسلم هل الديات غفران , شكلها بيشهي :) و مو صعبة

    ها انا ايا كاتو ما فيه زيت او زبدة بيخفس معي الا اذا خفقت البياض لوحد و الصفار لوحد , بس انتي طريقتك فيها شي جديد و هو طريقة الخبز , يمكن هادا السر الي ناقص , بقى رح جربها و خبرك شو بيصير معي ;) ان شاء الله

  2. omtasneem 8 February 2010

    السلام عليكم ورحمة الله وبركاته. كيفك عزيزتي غفران إن شاء الله تكوني منيحة شكلوكتير طيب ورح جربو باقرب فرصة انا حابة احكي معك وقت بتكوني فاضية انا دائما اون لاين وتسلم دياتك عل الكاتو :)

  3. souha 8 February 2010

    هلا gsm
    تسلم دياتك على هالكاتو أنا بعمل شي بيشبهو بيطلع كتير طيب و يتفوح ريحة البرتقال بكل البيت الله يعطيك العافية
    منونة أنا من فترة شهرين بعتلك وصفة شوربة يا ترى إميتى رح تنشريها
    سلامي لكل الصبايا :)

  4. منى 8 February 2010

    ام السوس مشان الله لا تزعلي مني , ما شاء الله الوصفات كتيرة و انا عم يخطر ببالي انشر الوصفة اول ما بتوصلني و ببقى بحطها على الصفحة الرئيسية بعدين , لان عم حس ان الاخوات عم يزعلوا مني للتاخير :roll

  5. gsm 8 February 2010

    الله يسلمك يا منى كتيير انبسطت لما دخلت ولاقيتك منزلة الوصفة بس في ملاحظة انا نسيت اكتبها انو لازم تضيفي الطحين معلقة معلقة للخليط وما بتضيفي اي كمية طحين لحتى تتجانس الكمية السابقة وكمان ما بنضيف العصير لحتى نحصل على مزيج متجانس يسلموا ايدك ويا ريت تنزليلنا صورة من تطبيقك

  6. gsm 8 February 2010

    اهلين وسهلين ام تسنيم ان شاء الله تجربي الجاتو ويطلع على ذوقك يا ستي انا حاليا فاضية وكمان على طول اون لاين مييت السلامة يا ستي :zzz

  7. gsm 8 February 2010

    اهلين اخت سهى الله يسلمك يا رب انا كتيير بحب نكهة البرتقال والليمون بالجاتو وبالفعل بتصير ريحة البيت غير شكل يا ريت تجربيه وتخبرينا على النتائج

  8. Mays 8 February 2010

    يسلم إيدكي يا غفران

    شكله كتير طيب و خفيف ‘ خصوصي إنه بدون زبدة أو زيت
    إن شاء الله بجربه قريبا.

  9. Mays 8 February 2010

    أنا اشتريت الماكينة اللي بتعمل أيس كريم و حابة جرب فيها البوظة العربية
    بقى إذا عندك وصفة يا ريت تدعمينا فيها ع السريع :)
    يعنى إذا ما فيها سقالة 8)

  10. منى 9 February 2010

    لا و الله ميوسة ما عندي وصفة مجربتها و طالعة تمام :roll

  11. غيث 9 February 2010

    الله يسلم ايديك غفران البارحة فورا جربتو عندي مقاديره وطلع شي نظم لون وطعمة بتعرفي انا زدت المقادير للضعف منشان القالب عندي المهم بعد ما طلع بيجنن قلت منيح اني ضاعفت المقادير وخفيف كتير كتير شكرا لك غفران كان لذيذ وسهل وما شاء الله تسابقنا على اكله شكرا لك وجزاكم الله عنا كل خير

  12. ميساء 9 February 2010

    يسلمو عالوصفة أخت gsm بس لو سمحتي تعطينا تقريبا كمية عصير البرتقال بالكوب لأن بتعرفي أختي بتختلف الكمية حسب حجم البرتقالة وكمان في أنواع برتقال فيها عصير أكتر من غيرها وشكرا مرة تانية :zzz

  13. Mays 10 February 2010

    مو مشكلة و لا يهمك
    هلق أنا عندي وصفة بس بدها كتير تعديلات ، فقلت بآخد من عندك شي مضمون
    يالله، إن شاء الله إذا جربتها و ظبطت رح إبعتلك ياها. :)

  14. gsm 11 February 2010

    الله يسلمك غيوثة كتيير انبسطت انك جربتيه وعجبك وصحتين وهنى على قلبك وعلى قلب كل مين اكله :zzz :zzz

  15. gsm 11 February 2010

    السلام عليكم اخت ميساء بالنسبة لكمية العصير تقريبا بنحتاج لربع كوب من عصير البرتقال إن شاء الله تجربيه ويطلع على ذوقك :roll

  16. marim 11 February 2010

    هاي اخت منى انا كل يوم بطل عالوصفات ازا زادو انشاالله يباركلك هالموقع انا عم انتظر الوصفات يلي وعدتينا فيهم مشان عيدالام ولاتنسي الكليروالسينابون الله يوفقك عم استناكي ماعندي ثقة الابوصفاتك بجربهم عالعمياني :roll

  17. منى 13 February 2010

    تكرم عيونك و الله يديم المحبة و المعروف دوما ;)

  18. TENDERNESS 20 March 2010

    يسلمو هالديات على هالوصفات الحلوة
    عندي سؤال لخبيرات الجاتو
    انا بعمل جاتو كتير طيب وبتابع كل الوصفات لطور الجاتووالحمدلله كل مرة بيطلع اطيب واطيب، بس ملاحظة انو اطراف الجاتو بتطلع قاسية شوي ما بعرف شو السبب، يعني الجاتو كلو هش وطري كتير بس الاطراف شوي قاسية شو السبب ممكن يكون :roll

  19. منى 21 March 2010

    ممكن تكون الصينية الها علاقة , هل المشكلة بتصير لما بتستعملي صواني تيفال , و ممكن انك عم تزيدي الخبز ;)

  20. TENDERNESS 21 March 2010

    انا بستعمل وعاء بايركس والخبز ما بزيد الوقت
    يمكن الحرارة العاليه اول ما بحط القالب بالفرن السبب؟

  21. منى 21 March 2010

    ممكن , بكل الاحوال هب المشكة ممكن تنحل اما بتخفيض درجة الحرارة لل 170 درجة و تاني شي اذا ما نجحت اول حركة ممكن تنقصي وقت الخبز كم دقيقة , نجرب و نشوف ;)

  22. TENDERNESS 21 March 2010

    يسلمو يا منى ، كلك زوق بجد ، ربنا يخليكي النا ولحبايبك يارب :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)