براونيز بكريما الخمس دقايق السرية
· يغسل السفرجل و يقشر ثم يتم انتزاع بذوره مع الجزء القاسي المحيط بها و يقطع لقطع خشنة ثم يغمر بالماء و يوضع على النار و يترك حتى يغلي .
· تقشر الليمونة بحيث نحصل على الجزء الأصفر الذي يحوي كل النكهة من دون المرار الموجود في الجزء الأبيض و يوضع فوق السفرجل مع الفانيليا أو يستخدم عود القرفة حسب الرغبة ثم تهدى النار و يغطى الوعاء و يترك السفرجل على النار حتى يطرى لمدة 45 دقيقة تقريباً .
· يصفى السفرجل من الماء و يتم التخلص من عود القرفة في حال استعماله أو عود الفانيليا و يترك قشر الليمون ثم يوضع السفرجل و كوبان من ماء السلق في الخلاط أو في محضرة الطعام و يمزج الكل حتى الحصول على بيوريه ناعمة .
· توضع بيوريه السفرجل في قدر ذو قاع سميك على نار متوسطة و يضاف السكر و عصير الليمون و بعد أن تغلي تهدى النار .
· تترك البيوريه لمدة ساعة أو أكثر قليلاً حتى يسمك المزيج جداً و يتحول لونه للون الأرجواني الجميل مع التحريك بملعقة خشبية بين فترة و أخرى , هذه المرحلة قد يعلق المزيج بالقدر لذا يجب الانتباه .
· يحمى الفرن على أخف درجة ممكنة , تغلف صينية بايركس بورق الزبدة ثم تدهن بالزبدة بشكل خفيف ثم يصب فيها مزيج السفرجل و يمسد الوجه ثم توضع الصينية في الفرن لكي يجف المزيج لمدة ساعة تقريباً ثم تترك حتى تبرد .
· يحفظ الحلى في وعاء محكم الإغلاق و للتقديم تقطع قطعة من الدولتشي دو ممبريلو و تقدم مع الجبنة و التوست أو الخبز العربي .
2 كيلو سفرجل
3 كوب سكر
3 ملعقة كبيرة عصير ليمون
للتنكيه يمكن الاختيار ما بين :
عود فانيليا مع قشرة ليمونتان
أو عود قرفة
• يغسل السفرجل و يقشر ثم يتم انتزاع بذوره مع الجزء القاسي المحيط بها و يقطع لقطع خشنة ثم يغمر بالماء و يوضع على النار و يترك حتى يغلي .
• تقشر الليمونة بحيث نحصل على الجزء الأصفر الذي يحوي كل النكهة من دون المرار الموجود في الجزء الأبيض و يوضع فوق السفرجل مع الفانيليا أو يستخدم عود القرفة حسب الرغبة ثم تهدى النار و يغطى الوعاء و يترك السفرجل على النار حتى يطرى لمدة 45 دقيقة تقريباً .
• يصفى السفرجل من الماء و يتم التخلص من عود القرفة في حال استعماله أو عود الفانيليا و يترك قشر الليمون ثم يوضع السفرجل و كوبان من ماء السلق في الخلاط أو في محضرة الطعام و يمزج الكل حتى الحصول على بيوريه ناعمة .
• توضع بيوريه السفرجل في قدر ذو قاع سميك على نار متوسطة و يضاف السكر و عصير الليمون و بعد أن تغلي تهدى النار .
• تترك البيوريه لمدة ساعة أو أكثر قليلاً حتى يسمك المزيج جداً و يتحول لونه للون الأرجواني الجميل مع التحريك بملعقة خشبية بين فترة و أخرى , هذه المرحلة قد يعلق المزيج بالقدر لذا يجب الانتباه .
• يحمى الفرن على أخف درجة ممكنة , تغلف صينية بايركس بورق الزبدة ثم تدهن بالزبدة بشكل خفيف ثم يصب فيها مزيج السفرجل و يمسد الوجه ثم توضع الصينية في الفرن لكي يجف المزيج لمدة ساعة تقريباً ثم تترك حتى تبرد .
• يحفظ الحلى في وعاء محكم الإغلاق و للتقديم تقطع قطعة من الدولتشي دو ممبريلو و تقدم مع الجبنة و التوست أو الخبز العربي .
ماشالله عنك يا اخت منى دقوا عالخشب فعلا كلك ذوء وست بيت غير شكل ,كل يوم وصفة غير شكل وشي بيشهي الله يبارك فيكي ويوفقك يا رب
هاد بس من زووءك ام نور
نورتي يا عسل
اخت منى انا اليوم بدي اعمل المعمول باذن الله بس الاخت نداء قالتلي انو رح تنزلي طريقة غير شكل فيا ريت تنزليا باسرع وقت والك الف شكر
عم نتطلب كتير بس انت كريمة ونحن منستاهل ما هاك 
الله يسامحك ام نور ..
انت بتامري امر
ان شاء الله الوصفة ساعة و بنزلها
السفرجل عمري ما جربته ولا أعرف طعمه .. لكن وصفتك شكلها لذيذ أوي و هتشجعني أجربه ان شاء الله ، الموقع منور بأصحابه
.. بارك الله فيك.
هلا نهال
السفرجل بيجنن في في الموقع وصفة للسفرجل باللحمة الكباب , رااائعة
و كمان لمربى السفرجل , لو حابة تجربي انصحك تجربي المربى أول الشي
مية أهلا و سهلا و فيك أختي
بعد زمان مو بالله؟
والله انتي ببالي ديما يا منى انت و وصفاتك الروعة وموقعك البجنن والله بيعلم انها مو مجاملة بس حسب ظروفي عبغط كتير :roll
كل عام وانت بالف خير بمناسبة العيد والله يعيدو عالجميع بالصحةوالعافية.
ونشالله يوم عن يوم بينشهر الموقع اكتر و بيكبر بوجودك و وجود الخوات الطيبات
يسلمو ايديكي كتير على هالوصفة أنا بحب السفرجل كتير ونشالله رح جربا بأسرع وئت.
الله يبارك فيكي و يخليلنا ياكي أخت غالية و معملة باهرة :zzz
هلا بدورة
و الله بعد زمان , بس انت دايما بالبال
ان شاء الله و انت بألف خير , و ينعاد عليك بالخير و بالفضل من الله ..
ان شاء الله تجربيها و تكون على زووءك
لسلام عليكم و رحمة الله و بركاته
سامعة فيها لهالوصفة بس ما كنت بعرف انها اسبانية سنيوريتا منى يسلم دياتك اكيد راح جربه ان شاء الله بس يصير عندي سفرجل بدي اسال ما فينا نحط فوقها شي يعني جوز هند مثلا او بتنتزع طعمته كمان هل فينا نساويه بغير فواكي و خصوصا الاجاص شو رايك
بالتوفيق
سلام
ممكن أختي
بس انا بحبه من دون اضافات , هيك لاستمتع بطعم السفرجل لحاله
و أظن ان هل الوصفة خاصة بالسفرجل :roll ما اظن فيك تستبدليها بغير شي
السلام عليكم و رحمة الله و بركاته
معك حق ازا حطينا شي فوقه راح تتغير الطعمة
صار لازم يصير اسمي اجاصة لان باغلب ردودي عم احكي عن الاجاص بس و الله عندي كمية كبيرة و ما عرفت شو ساوي فيها كتير دورت على وصفات و ما لقيت :cry
لا تواخزيني
بالتوفيق
سلام
:grin و لا يهمك حبيبتي , حاسة فيك , ان شاء الله رح ضيف كم وصفة و تكون على زووءك
السلام عليكم و رحمة الله و بركاته
الله لا يحرمني منك يا اختي منى و ناطرة الوصفات على احر من الجمر
ربنا يوفقك
سلام
السلام عليكم و رحمة الله وبركاته
الله يخليلي ياكي و ما يحرمني منك ابدا كتير فرحتيني :zzz
ناطرة الوصفات على احر من الجمر
ربنا يوفقك
سلام
أن شاء الله اختي
مية هلا
شكرا شكرا اختي منى جربتها وقطعتها مكعبات وقدمتها لضيوفي مع القهوه العربيه ولا اروع ولااطيب مليون مرة اطيب من الشيكولاته مع القهوه وصحيه ميه ميه
اي و الله منونة
انا بحب هل الوصفات الي بتكون تغير عن الوصفات العادية
الف الف هنا على قلبك و قلب ضيوفك يا احلى عسل :zzz
شكلا مغري
منى سؤال هلئ لما بيتبرد بتصير جامدة شوي يعني شوي من الجليه؟؟
ومرسي الك
هلا ضحى
و انا عني حاططتها بمرطبان , ل ما بشتهي على تحلاية باكل منها , عوض البنبونة يعني 
بتصير جامدة و فيك تقطعيها متل الجيلو , و لمن تدوقيها بتكون طرية و بتدوب دوبان بالتم
اوكي منى شكرا لجوابك تغيير شكل رح جربا وبخبرك
يسلمواا
ان شاء الله تجربيها و تكون على زووءك و يا ريتني مدوئتك ياها وقت جيتي لعندي :roll
السفرجل على النار
للحديث بقية
:grin
هلئ انا عملتا وهية بالفرن بس الغريب ما صار لونا ارجواني متل يلي بالصورة
انا عملت كيلوا سفرجل وكاسة ونص سكر وملقعة ونص عصير
ياترا ليه؟؟
للحديث بقية :sigh
كان بدها وقت اطول على النار , انا ما بشيلها من على النار الا لحتى تصير متل اللون الي بالصورة , هلا ان شاء اللهرح تطلع الطعمة طيبة حتى لو ما كان اللون احمر :zzz
ضحى هي فيكي تعتبريها تحلاية متل البنبون او قطعة الراحة او الغريبة , اطيب ما تاكليها مع الجبنة , هيك انا راايي
الطعمة بتاخود العقل هلئ انا خليتا اكتر من ساعة يعني لو تاركتا اكتر كان اتغير اللون
انتي لما عمليتا بعد اديه اتغير لونا
يلا رجعي بذاكرتك ل 2007 ههههههههه
عم امزح شكرا منى
شكلها بشهي ومغري
وحسيتا سهلة-امبارح جربتا وتركتا تغلي ساعتين لحتى تحول لونها للأرجواني بس كانت متل البركان عم تفور وتبقبق- وبالفرن مابقا تجف تركتا أكتر من 3ساعات عل 125درجة وماكانت تجف وبالاخير سودت وحترقت يعني فشلت فيها فشل ذريع :cry :cry :cry
وين الغلط برأيك؟؟؟؟
انا مرة هيك صار معي , المهم , سبب الفشل ان المي الي خلطتيها مع السفرجل كبيرة و اكبر من الكمية المذكورة في الوصفة , لهيك ما بقى تنشف معك :roll
بكل الاحوال اذا صح الك جربيها مرة تانية , مع التقيد الحرفي بالمقادير و رح تعجبك كتير ان شاء الله
بس أنا حطيت بس كاستين من ماء السلق سعة 200 مل -برأيك أقلل المي كمان؟
ريم كنتي طالعيها من الفرن بعد ساعة و هي بس ما تبرد رح تشوفي انها جمدت
عوافي و صحة يا قمر :zzz
خجلتيني
روعة يا منى , كل سنة صرت حضرها و صار كل رفقاتي يطلبوها مني , مية على مية يا استاذة