براونيز بكريما الخمس دقايق السرية
وصفة بسكويت الليدي فنجرز أو علبة جاهزة من نفس النوع
4 – 5 علبة كيت كات
صلصة توفي كريم
الكريما الصفراء :
2 علبة قشطة
علبة كريما دريم ويب
ثلاث أرباع كوب حليب سائل بارد جداً
ظرف كريم كراميل (البودرة من دون الكراميل )
• تخفق الكريمة مع الحليب البارد حتى تتماسك ثم تضاف القشطة و الكريم كراميل و يخفق الكل جيداً حتى الحصول على كريما صفراء .
• توضع الكيت كات في البراد ثم تدق حتى تصبح ناعمة , تحضر صلصة التوفي كريم و تترك حتى تبرد بحرارة الغرفة .
• تؤخذ ملعقتان من الكريما و ملعقتان من الكت كات المدقوقة و القليل من صلصة التوفي كريم و تترك على جنب .
• يغلف قالب على شكل قبة بورق نايلون ثم تصف طبقة من البسكويت في قاع و حوانب القالب و تمرر فوقه صلصة التوفي كريم بشكل عشوائي ثم تغطى بطبقة من الكريما الصفراء و يرش الكت كات .
• تكرر الطبقات حتى تنتهي لدينا كل المقادير على أن تكون أخر طبقة من البسكويت ثم يضغط على القالب بلطف بصحن مسطح كي لا يبقى أي فراغات بين الطبقات ثم يوضع القالب في الفريزر لمدة 12 ساعة .
• قبل موعد التقديم يخرج القالب من الفريزر و يقلب ثم تنزع ورقة النايلون و يغطى بالكريما ثم يرش الكت كات و صلصة التوفي كريم و يقدم .
فكرة سريعة :
يمكن تحضير الحلى بطبق بايركس عادي إذا لم يتوفر لديك القالب المدور .
أنا نبهرت هلأ بالشكل ضل جرب الطعم :grin
الله يخليلنا ياكي و يسلم هالايدين الحلوين يلي مالون مثيل.
شتهيت أجربو بس شكلو صعب شوي نشالله يظبط معي كتير شتهيت عليه :cry
شكرا كتير ميمو الحلوة على هالوصفات البتجنن الله يئويكي يا رب
الله يسلمك بدورة
بده شوية شغل بس مستاهل و الله
الحلو أكلوه كل ضيوفي و يا دوب دقت منه لقمة صغيرة من صحن زوجي :roll
ان شاء الله رح يعجبك
صباح الخير يا منى كيفك تسلم على هالطبق المشهي انا اليوم صاحية من النوم ونفسي اعمل شي حلو فشفت الطبق هذا واعجبني شكله بس بدي اسألك بالنسبة للكيت كات انت حاطة من 4-5 علبة كيت كات طيب كم وزن العلبة سامحيني على كثر الاسئلة بس حبيت استفسر وشكرا لك لأني حابة كثير اني جربه
اسفة منى كمان سؤال نسيت اسأله الك بالنسبة للبسكويت فيني استعمل البسكويت العادي (بسكويت اولكر العادي) بدل بسكويت الليدي فنجرز وشكرا الك
بدي جرب هالحلا
بس بدي اسألك هلأ في شي ازرق طالع بالصورة شو هاد ؟
أزرق رنونة !
شو ما شفت الا بني و كراميل و بيج , اما الازرق ما شفتوا , وين هادا :roll
هيك من تحت شي على ازرق ياترى الصحن اللي حاطة فيه ولا انا معي مي زرقة بعيني
:upset :grin
الصحن شفاف و ما في شي ازرق على بعد 2 كم من مركز التقاط الصوورة :grin
هههههههه والله شككتيني بحالي خلص رح غمض عيوني وجربها :grin
و الله و انت كمان شككتيني بعيوني ,
دقيقة هي صرخت لاولادي لابداء الرأي
:roll كمان شافوا ازرق , أظن هادا انعكاس الكريما و الكاميرا القديمة التعبانة هيك طلعت
يحيا العدل …بوسيلي اولادك
وصل :grin
مممممم
اليوم كتير انا مبسوطة ….من يومين رحت زيارة قام تضيفت حلى كتير طيب وخفيف سالت صاحبته شو هاد قالتلي بسكويت بالكريمة
كان بطبق بايركس بس طبقة الي قالت عليها بسكويت كانت مبينة كاتو بس قال هادا نوع بسكويت خاص بتجيبه وبتغمسه بالنسكافيه بعدين طبقة تانية وعالوش قشطة وعلبة نسلة وبترشه بالنسكافيه …انا كتير بحب النسكافيه لذلك قررت اعمل هالوصفة لزوجي بس سالتها عالبسكويت شرحتلي كيف بيكون وكيف شكل العلبة وبالفعل جابه زوجي واذذذذذذذذ….بيطلع هو البسكويت ليدي فنجرز يلي مجنني وماعم ينجح معي انبسطت كتير اني لقيته جاهز مشان اعمل هالوصفات الحلوة
اذا بدي اعمل هالوصفة بس بدي اسألك قديش كمية البسكويت اللازمة ؟العلبة الي عندي 400 غ
طيب البسكويت لما بدي اصفه مااغمسه بشي طيب كيف رح ينصف ؟قصدي بيوقع :zzz
وكمان قديش استعمل كيت كات انا عندي العلبة يلي فيها اصبعين كم وحدة رح يلزم ؟؟لانه ماعرفت اي علبة كت كات قصدك في منهن فيها اربع اصابع وفي تنتين :grin
كترت عليكي بالاسئلة بس بدك تطولي بالك علي وياريت تشرحيلي طريقة صف البسكويت لانه مابظن انه متل الكاتو جلاس هداك قريت انه بتغمس بالحليب
هلا رنونة
اسفة للتاخر :roll , كعادتي يعني …
البسكويت الي قلتي عليه هو نفسه الليدي فنجرز و المفروض ان المقدار الي بعمله مقابله 40 حبة أو علبة كاملة ..
البسكويت الجهز عم يكون انشف من البسكويت شغل البيت لهيك أنصحك انك تغمسيه شوي صغيرة بالحليب , الكت كات انااستخدمت العلبة الي كان فيها تنتين , بس يا ستي لو كترت الشوكولا بيكون أطيب و انتي كريمة و ضيوفك بيستاهلوا :grin
طريقة الصف نفس طريقة كاتو جلاس و حتى لو من دون تغميس لان الكريما رح تسنده و ما رح يوقع لا تخافي ..
شو هل المرة بدي حصتي لازم تخبيلي ياها او على الاقل تاكلي عني قطعة منيييحة , ايه
خلص مو تكرم عينك الف شكر على ردك
سؤالي اليوم عن الكريما
الكريما هون العلبة فيها 4 ظروف كل ظرف بيحتاج 115 مل حليب بارد تقريبا نص كوب …طيب هلأ انتي قديش معناها بتستعملي كريما لهالطبق مثلا ؟؟هي العلبة كلها تبع الكريما بوزن 39 غ ياترى علبتك نفس القياس يعني استخدم الاربع ظروف ؟؟ :zzz
كمان سؤال غليظ تاني
هلأ كمية التوفي كريم هي كوب ونص سكر يعني رح احتاج كل الكمية :zzz
هلا رنونة
العلبة عندي 132 غ , بقى ما بعرف كيف رح تقيسيها و انا استعملت كريما دانية , عرفتيها :roll
على حساب الحليب نحتاج ظرفين و على حساب الوزن نحتاج , احم 3 علب كاملة او أكتر , بقى انتي شوفي شو المطلوب و نفذيه
التوفي كريم بيلزم كله للوصفة و اي سؤال تاني تكرم هل العيون 8)
ياستي انا طلعت غلطانة الكيس الواحد من الكريما وزنه 39 غ وكل كيس بيلزمه 115 مل من الحليب معناها في فرق بين تركيبة الكريمتين لانه قلتيلي انتي للعلبة كلها عندك بدك تلات ارباع الكوب بقا هون على حساب الحليب يلي مستخدمتيه بدي كيسين بس …المشكلة اني انتبهت على شغلة وقت الكاتو جلاس ووقتها استعملت بس كيسين من الكريما اكتشفت انه طلعت قليلة على كمية البسكويت يعني كأنه كان لازمني كريما اكتر يعني لحتى تطلع اكثف واسمك لان حسيتها مرئت شوي على كل حال الله يعطيكي العافية عالمتابعة ووجعتلك راسك رح حط 115 مل لكل ظرف واستعمل الاربعة وخلصت السيرة
لا بالعكس رنونة لا وجعتيلي راسي و لا شي , المهم هلا عرفتي شو بدك تعملي و هادا هو المهم
واخييييييييييرا صار حلى الكيت كات …والله ناجح وطيب كتير وعجب الجمهور بس دسممممم :p
[img]http://up3.m5zn.com/photo/2009/6/5/09/tygbkp44t.jpg/jpg[/img]
وهي وحدة تانية
[img]http://up3.m5zn.com/photo/2009/6/5/09/43b13t79s.jpg/jpg [/img]
وهي كمان
[img]http://up3.m5zn.com/photo/2009/6/5/09/actz3afoe.jpg/jpg[/img]
وووواااو ,. رنونة انا هلا راجعة من السفر و مشوبة و شفت هل الحلى , شوووو اشتهيت عليه
الف صحة و هنا يا رب و كتير انبسطت انه عجب ضيوفك :zzz و الصور حلوة كتير و بتشهي برافو عليك و الله
الله يسلمك منونة والله طار عقلن عليه بس عملته لاهل البيت لانه هون بهالغربة ضيوفنا مقتلة بعضها :grin
:grin ما انتبهت انه لاهل البت , لهيك قلتي انه تقيل , لان لو للضيوف يا بيطلعلك لقمة يا لأ :zzz , لما ساويته أكلت بس لقمة منه من صحن جوزي لاتاكد من نجاح الوصفة لان الباقي طار الله يرحمه
هلئ انا جربتوو ورح خبرك شو بيصير معي بس سؤال ليه ما حطينا ليدي شوي بالحليب متل كل مرة
وعلى فكرة كتير سهل :zzz
وم الله ضحى انا هيك اتعلمت الوصفة من ام ايموني , بس على فكرة انا احيانا عم غمسه بالحليب عم حسه بيطلع اطرى , بس الوصفة لما عملتها لاول مرة و نزلتها متل ما اتعلمتها كان ما بدها تغميس :roll
جربتو وطلع بيجننننننننننن وصورتوو ورح ابتعلك الصورة :zzz
يم يم يممممم
السلام عليكم وين الاقي البسكوت يلي تحكون عنو وبيمشي الحال بسكوت عادي
لا ما بيمشي الحال و هل البسكويت بتلاقيه بالسوبرماركات الكبيرة جنب الكيك و البسكويت و اذا مو متوفر ممكن تستبدليه بكيك سادة
لوسمحتي يعني أديش بيلزمني بالغرام كيت كات وليدي فنجرز
و الله مو مسجلة انا شو استخدمت :roll