براونيز بكريما الخمس دقايق السرية
· يبلل البسكويت بالحليب بشكل خفيف ثم يرتب على شكل 3 طبقات في طبق بايركس أكبر قياس .
· تحضر الطبقة الثانية , يذوب الجيلي بالماء المغلي و يقلب حتى تذوب حبيباته كلياً و يترك جانباً حتى يبرد .
· تخفق الكريما مع الحليب البارد حتى تنتفخ و تسمك ثم يضاف لها القشطة , للأخوات في أوربا و أميركا يمكن تحضير كريما شانتيه بخفق كريما فريش مع سكر بودرة للحصول على نكهة أطيب .
· يضاف الجيلي و يقلب الكل ثم تصب الكريما فوق البسكويت و يمسد الوجه جيداً و يوضع في البراد لمدة ساعتين أو ثلاثة أو حتى يبرد .
· تحضر طبقة المارس , يوضع السكر على نار هادئة جداً مع علبة القشطة و يحرك حتى يذوب السكر و يغلي المزيج .
· تضاف الشوكولا و الزبدة و يقلب الكل على نار هادئة جداً لبضع دقائق حتى تذوب كل الشوكولا .
· يترك صوص المارس جانباً حتى يفتر ثم يصب فوق الكريما و يرجع للبراد حتى يبرد و يقدم بارداً .
طبقة البسكويت :
3 علبة بسكويت سادة
حليب حسب الحاجة
طبقة الكريما :
علبة كريمة بيضاء
نصف كوب حليب بارد جداً
علبة قشطة
2 ملعقة كبيرة جيلي أناناس أو موز
ربع كوب ماء
طبقة المارس :
6 إصبع مارس ( بوزن 50 غرام للإصبع )
ربع باكيت زبدة
نصف كوب سكر
علبة قشطة
• يبلل البسكويت بالحليب بشكل خفيف ثم يرتب على شكل 3 طبقات في طبق بايركس أكبر قياس .
• تحضر الطبقة الثانية , يذوب الجيلي بالماء المغلي و يقلب حتى تذوب حبيباته كلياً و يترك جانباً حتى يبرد .
• تخفق الكريما مع الحليب البارد حتى تنتفخ و تسمك ثم يضاف لها القشطة , للأخوات في أوربا و أميركا يمكن تحضير كريما شانتيه بخفق كريما فريش مع سكر بودرة للحصول على نكهة أطيب .
• يضاف الجيلي و يقلب الكل ثم تصب الكريما فوق البسكويت و يمسد الوجه جيداً و يوضع في البراد لمدة ساعتين أو ثلاثة أو حتى يبرد .
• تحضر طبقة المارس , يوضع السكر على نار هادئة جداً مع علبة القشطة و يحرك حتى يذوب السكر و يغلي المزيج .
• تضاف الشوكولا و الزبدة و يقلب الكل على نار هادئة جداً لبضع دقائق حتى تذوب كل الشوكولا .
• يترك صوص المارس جانباً حتى يفتر ثم يصب فوق الكريما و يرجع للبراد حتى يبرد و يقدم بارداً .
تسلم ايدك ياست منى الله يعطيكي العافية والله باينتا اكلة طيبة وانا رح جربا وان شاءالله تطلع معي طيبةعندي سوال الكريمامع القشطةوبعدين بنضفلا الجيليه بعدين بنحطن فوق البسكويت مو هيك صح :roll
وا تضاف الشوكولا و الزبدة و يقلب الكل على نار هادئة جداً لبضع دقائق حتى تذوب كل الشوكولا لسؤال التاني يعني بنجيب شوكولا ولا قصدك حلا المارس :zzz ياريت اتجاوبيني واسفة لاني طولت عليكومرة تانية بقلك تسلم ايدك على هالحلو
ممممممممممم منى مشكوره
طبق حلو بيشهي
السلام عليكم ورحمة الله وبركاته , شو هالاكلة الطيبة يا اخت منى ذكرتني بالتراميزو بتشبها كتير واكيد رح تكون طيبة . ان شاءالله رح جربها بالايام القادمة
.يا اخت منى ممكن تنزلي طريقة تحضير اللقم لانه انا بحبه كتير بس مابينجح معي ابدا وشو منستخدم طحين ولا سميد والك جزيل الشكر
مية هلا ام علي
تمام الكريما بالول منخفقها مع الحليب و بعدها القشطة و الجيلي المذوب البارد و الشوكولا الي ااقصدها هي المارس 
مية هلا و ان شاء الله تجربيه و يعجبك , و بكرة إن شاء حلى من أسهل ما يكون كرمالك أختي
هلا رنددوشة حبيبتي
كلك زووء يا قمر و ان شاء الله تجربيه و يعجبك و يعجب العيلة 
هلا ام ساطور
ان شاء الله تجربيه و تحبييه و من عيوني طريقة اللقم منستخدم طحين و سميد مع بعض 
حلى بارد وخفيف ومنعش خاصة بعد الولائم الدسمه يعطيكي الف عافية
الله يكرمك ست منى وكل شي من ايديك لذيذ
مية هلا منونة , وصفك للطبخة بيجوعني :grin خليلي هل الطلة الحلوة و الف شكر ليك على الردود اللذيذة
هادا بس من زووءك ام علي , يلا رايحة نزل الوصفة التانية إذا الله راد
السلام عليكم ….كيفكم كلكم ياأخوات…أختي منى ممكن نستخدم كريما الدريم ويب البودره…جزاك الله خير
هلا أختي
أكيد فينا أنا مستخدمة الكريما البودرة و خفقتها مع الحليب لحتى نفشت , مية هلا أختي
يم يم شو بيشهي :p بس كمان في جيلي
هلا ام نور
و الله مستاهل تجربيه و فيك تستخدمي ورق الجيلي الي من دون نكهة و لا لون , أظن أن هادا ممكن يتوفر حلال :roll
إذا لا , ضيفيه لقائمة الوصفات الي رح اعملك اياها لما تزوريني
الله يبارك فيكي ما بتقصري والله المشكلة في ورق جلاتيني بس مصنوع من الخنزير وما عم لاقي نباتي بس اكيد مجرد ما لقيت رح جرب انشالله
ان شاء الله
أهلا
حلى باين عليه يجنن وأبغى أعمله
بس عندي سؤالين إذا أمكن
علبة كريمة بيضاء قصدك علبة الدريم ويب
اللي فيها كيسين ؟
وإذا كنت أبغى أعملها بكريمة فريش كم أضيف بالجرام وهل أضيف لها علبة قشطة ؟
وشكراً
هلا حوراء
اختي بتستعملي الكيسين مع ثلاث أرباع كوب حليب بارد , الكريما الصراحة اختي ما عندي فكرة محددة , أتوقع كوب كريما بس مش متاكدة :roll , مية هلا فيك و أي سؤال تاني من عيوني
ميمو جربتها طلعت بتجنن كان جاي لعندي أخي وخالتي وبناتها كتير كتير حبوها يعني 10/10 يا ست الكل
الله لا يحرمنا من وصفاتك
هلا نوراةحبيبة قلبي
بتذكري حفلة تخرجي الحلو الي نسيناه :grin هادا هو .
هنا و مية الف صحة على قلبك و قلب ضيوفك و الله لا يحرمني هل الرفيقة الحلوة
ياي جد هادا هو الحلو اللي صرت ادور على الكل وبايدي معلقة واقلهن بسرعة بدي اكل منو :grin
تذكرت هديك الايام
هادا هو بجبناته و مارساته :grin , الله يرحم هديك الايام , اللحظة الحلوة الي بتروح ما بقى تتعوض أبدا , اااااايه
اكلة جديدة لذيذة وسهلة يممممممممممممممي :p
اذا الله راد بكرة رح جربها ولو ما كان هلأ الوئت تأخر بالليل كنت جربتو هلأ على أد ما تحمست :grin
الله يسلم دياتك الحلوين و يجعل ايامك كلها لحظات حلوة تضلي تتذكريها و تتنغمي فيها كمان
هلا منونة كيفك
اليوم كان عندي ضيوف و عماتلون هالحلى و كتير لاقى استحسان بس بدي أسألك إذا استبدلنا المارس بالمولز أو رالاس كم إصبع بدنا نستعمل و يا ترى طبقة المارس بعد ما تبرد بتكون سميكة شوي ولا بتبقى سايحة
أكيد هالفترة مشغولة بمذاكرات الأولاد ولا عم تحضريلنا و صفات يممي على العيد :zzz
هلا ام السوس
ان تمام الحمد لله رب العالمين بالنسبة للمولز استعمل 6 أما الرالاس ما بقى اذكر على المزبوط اذا استعملت 6 أو اكتر بس انت طلعي على الوزن لازم يكون الوزن الكلي 300 غ تقريبا اذا اكتر شوي او ااقل شوي مو مشكلة :zzz
طبقة الشوكولا لا رح تكون سايحة بالمرة و لا جامدة هيك متل صوص سميك نوعا ما :roll
هنا و الف الف عافية على قلبك و قلب ضيوفك و هلا متل ما قلتي مشغولة شوي بمذاكرا الاولاد و الوصفات الي عم نزلها محضرة من 10 ايام تقريبا , اما العيد فانا ما بعمل تحضيرات خاصة اله :roll لان على اعتبارنا انا و زوجي من الصغار في العيلة يا دوب نلحق نعيد الكبارية و ناااادرا ما يجيني دور بالعيد 8)
منونة حبيت أكون أول وحدة بتعيدك بشهر ذي الحجة و العيد إنشاء الله بينعاد ع الجميع بالصحة و العافية
نحنا كمان ما عنا تحضيرات قوية للعيد يعني ع الخفيف و أنا رح استغل فترة العيد إنشاء الله حتى صحح أوراق المذاكرات للطلاب 8)
أنا بعتللك وصفة كاتو اليقطين يا ترى وصلت
أنا نسيانة أذكر امتى منضيف اليقطين ممكن لو سمحتي تحطي العبارة التالية في الخطوة الخامسة بعد كلمت نضيف البيض و نخفق قليلاُ
( ثم نضيف اليقطين المهروس و نخفق قليلاً.)
سلامات
و انت بالف الف خير و ينعاد عليك و على كل عيلتك بالخير و البركة
مممم , هلا انت عم تدرسي , الله يوفقك بشغلك . ديري بالك على الطلاب حراااام هنن و اهاليهم :upset
الوصفة وصلت , عن جد بتشهي , رح يف هل الخطوة , و كنت رح اسالك عن الكريما , يلا خلي السؤال بالوصفة نفسها , سلام حبيبتي
معليش ست مني عني سوالين
الكريمة البيضاء في هذي الوصفة تستخدم في تغطية الكيك
اقدر استخدم بدل الجلي الموز او الاناناس جلي بالبرتقال او الفرولة عشان عير متوفر عندنا وانا نفسي اسوي هالوصفة هاليومين عشان نجاح اخواني
هلا أختي
ممكن تستعملي هي الكريما لتغطية الكيكات بس من دون جيلو
و اكيد فيك تستبدلي جيلو الموز او الاناناس باي جيلي متوفر , بس تبقى النكهة على مسؤوليتك , قصدي استعملي طعمة تكون طيبة مع الشوكولا
السلا م عليكم جربت هالحلى وطلع بجنن :zzz يسلمو ايديك أختي منى بس بدي ائلك عندي أكلة حلى كتيير طيبة كيف فيني أبعتلك ياها :roll
الف الف صحة و هنا و عافية حبيبتي
فيك تبعتيه عن طريف=ق اتصل بنا و انا بنزله باسمك ان شاء الله
يسلم ايديكي اخت منى على هالحلا اللذيذ وكتير ظريف بهالشوبات جربته مبارح وفعلا طبقة الشوكولا بتجنننننننن طعمتها لا توصف يم يممم وانا اكلها واتغزل فيها ؛))…
وعندي استفسار مابعرف اذا هالمرة رح تجاوبيني ولا لأ :cry
الكريمة الفريش لما عم اخفقها ماعم تزبط معي وتنتفخ وتتكاثف …ياترى شو السبب نفسي كتييير اتعلم كيف ؟؟؟؟ مع اني حطيت الكريمة بابريق الخلاط ومعها سكر بوردة وبالفريزر لمدة تلت ساعة وبعدين خفقتها وماانتفخت …..؟؟؟!!!
ومشكورة كتيييير سلفا
يسلم ايديكي الي ردت و تبقي بخير لعيلتك يا رب
صحتين و الف عافية على الوصفة
فيكي تقوليلي ايا نوع عم تستعملي ؟
في انواع خاصة للحلويات و هل الانواع ممكن يكون فيها سكر , المهم الطريقة المزبوطة انك تخفقي النوع المخصص للحلويات , و الي بتكوني مبردتيه متل ما عملتي , بتخفقيه لحتى ينفخ و بعدها بتضيفي السكر .
من ابسط ما يكون بس اتاكدي من الكريما الي جايبتيها