براونيز بكريما الخمس دقايق السرية
· ترتب شرائح الكاتو في طبق بايركس كبير ذو حواف مرتفعة .
· يسقى الكاتو بالقليل من الحليب أو بعصير الأناناس ثم تصف فوقه شرائح الفريز أو الأناناس .
· تخفق الكريما البودرة مع الحليب حتى تنتفخ و تسمك .
· تمزج القشطة مع الجبنة حتى نحصل على مزيج ناعم , يضاف مزيج الجبنة للكريما و يخفق الكل .
· تمد الكريما البيضاء فوق الكاتو و يمسد السطح بحيث يغطي الكاتو تماماً و لا يبقى أي فتحة و لو صغيرة غير مغطاة بالكريما , يوضع في البراد حتى تبرد الكريما تماماً لمدة ساعتين على الأقل .
· يحضر الجيلو كما ذكر على العلبة و يترك حتى يبرد من دون أن يجمد بعدها يسكب فوق الكريما بلطف و يرجع للبراد حتى يجمد ثم يقدم بارداً .
فكرة جميلة :
يمكن تزيين الجيلو بشرائح من الفريز أو الأناناس أو بخطوط من جوز الهند أو الفستق المبشور .
شرائح كاتو
شرائح فريز أو أناناس
بضعة ملاعق حليب أو عصير أناناس
الكريما :
علبة كريما بودرة
ثلاث أرباع كوب حليب مثلج
علبة قشطة
6 حبة جبنة كيري ( أو 120 غ من أي نوع أخر جبنة طرية مثل فيلادلفيا )
طبقة الجيلو :
علبة جيلو على أناناس أو فريز ( حسب اختيارك للفواكة )
كوب ماء مغلي
كوب ماء مثلج
• ترتب شرائح الكاتو في طبق بايركس كبير ذو حواف مرتفعة .
• يسقى الكاتو بالقليل من الحليب أو بعصير الأناناس ثم تصف فوقه شرائح الفريز أو الأناناس .
• تخفق الكريما البودرة مع الحليب حتى تنتفخ و تسمك .
• تمزج القشطة مع الجبنة حتى نحصل على مزيج ناعم , يضاف مزيج الجبنة للكريما و يخفق الكل .
• تمد الكريما البيضاء فوق الكاتو و يمسد السطح بحيث يغطي الكاتو تماماً و لا يبقى أي فتحة و لو صغيرة غير مغطاة بالكريما , يوضع في البراد حتى تبرد الكريما تماماً لمدة ساعتين على الأقل .
• يحضر الجيلو كما ذكر على العلبة و يترك حتى يبرد من دون أن يجمد بعدها يسكب فوق الكريما بلطف و يرجع للبراد حتى يجمد ثم يقدم بارداً .
فكرة جميلة :
يمكن تزيين الجيلو بشرائح من الفريز أو الأناناس أو بخطوط من جوز الهند أو الفستق المبشور .
السلام عليكم ورحمة الله وبركاته. شي بيشهي والله تسلم دياتك عزيزتي منى بس الجيله عنا مابنقدر ناكلها بشو فيني استبدلا او فيني اعملا بالبيت مشكورة
هلا فيك أم تسنيم:)
حبيبتي ما بعرف كيف ممكن نعمل الجيلو بالبيت :roll , بس فيك تستبدلي الجيلو بطبقة رقيقة من المربى
بدي منها …
:grin من عيوني التنتين , حضر الصحون و ما بتلاقيني الا على بابكم
مشكوره عزيزتي منى طبق صيفي شهي
هلا رندوشة الشكر ليك على التواجد الطيب بالموقع
ان شاء الله تجربيها و تكون سهلة و منعشة
تسلم ايدك اخت منى واحنا داخلين على الصيف طبق متل هاد روعه بطلع بارد وخفيف 8)
الله يسلمك ام مالك , كلك زووء يا عسل
يمي يمي والله مبينتا كتير كتير طيبة و مشجعة الواحد يجربها بسرعة و مشجعة عالسمن كمان :grin
الله يسلم ايديكي الحلوين يا رب..
يسلمو ايديكي مدام منى وبصراحة انا جربتها بس صارت معي شغلة غريبة الكريما طلعت لفوق والجيليه صار تحت ياترى شو السبب ؟؟ :upset مع اني طبقتها بالحذافير …..ماتواخذيني طولت عليكي بس محسوبتك كتير جدبة بالمطبخ :grin وشكرا الك مرة تانية
هلا فيك اختي رنا
بالعكس أختي لا طولتي و لا شي والي صار معكم سببه انك ما غطيتي الكاتو منيح بالكريما لهيك اتسرب الجيلو و راح للكاتو :roll هل المرة ازرعيها بدقني و إذا جربتيها مرة تانية اكيدة رح تعجبك
ياستي عرفت السبب بس والله طلعت طيبة وطارت بسرعة بس المشكلة انه انا عملتها ببسكوت دايجستيف قام ماتشربت العصير منيح يعني ضل البسكوت قاسي بس الطعمة طيبة …..هاليومين رح جرب الشاورما وشوف شو رح يطلع معي
شكرا الك
رنا استعمالك للبسكويت الدايجستف مو هو المشكلة لان فيك تستعمليه عاادي :roll
البسكويت لازم يطرى بعد ما تبليه بالحليب أو بالعصير , المهم ان الطعم عجبكم
ممممم , اكيد رح اسمع اخبار طيبة منك
هنا و عوافي على هل الحلى و هنا و صحة مقدما على الشاورما :zzz
فعلا يامنى الطبق ده رائع حقيقي وزوجى بيحبه لدرجة انى اعتقدانه بيدعى على الكيكة تفشل علشان اضطر اعملها ترايفل -ده اسم الطبق ده برضه-
انا باعمله بتنويعات كتير حبيت اقولك عليها:
احيانا استبدل العصير بالجيلي.. أصب منه شوية على الكيك يادوب اغطيه واكمل الباقي عادى.. وساعات احط الطبقة الوسطى كسترد او كسترد بالكثير جدا من الكاكاو فيصبح طعمه شيكولاتة واحيانا اضع الكريم شانتيه فقط
بس ناوية اجرب احط مع الكريمة كيري بطريقتك
وتسلم ايديكي
هلا نهولة
ضحكت كتيررر لما قلتي زوجي بيدعي على الكيكة :grin
اضافات لذيذة تسلم دياتك , و الترايفل هو شرحات كاتو مع الكماسترد و الفواكة , يعني ابن عم هل الوصفة
تسلم ايدك اكيد الوصفه لذيذه فيها كل مقومات النجاح الكيك اللذيذ والكريمة الهشة واجيلي اللي يبرد على القلب في هالحر
هلا منونة
هادا بس من زووءك , ان شاء الله تجربيها شي مرة و تعجبك , بس بالبسكويت مش بالكيك الفاشل
والله انت فنانة وبصراحة شكلها مغري كتير بس للاسف اكيد مارح اعرف اعملها لانو بنوب مالي شاطرة بالحلويات وخصوصا الكاتو والمعجنات :cry
هلا ام داانية , و الله مو صعبة ابداً و لا بدها اي شي , بالعكس هي بقى نجاحها مضمون ان شاء الله , اشتري كيك جاهز سادة و حضري فيه الوصفة و رح تعجبك أكيد :zzz
بتشهي تسلم ايديك جاري التجربة :p
هلا ضحى
يلا خبريني شو بيصير معك بس انتبهي لازم الكريما تبرد منيح و ما يكون فيها فراغات و إلا بينزل الجيلي للكيك و كمان الجيلي يكون برد كتير و قبل ما يجمد بشوي بتحطييه على الكريما 
يعطيك ألف عافية أختي على هالطبق بس عندي سؤال أديش حجم أو وزن علبة القشطة وياترى إذا زاد شوي من خليط الكريما ممكن نحتفظ فيه كم يوم في البراد ولا بخرب
وفي سؤال شو الفرق بين الجيلي والجيلاتين امبارح جبلي زوجي علبة مكتوب عليها جيلاتين نباتي بودرة وتحضر بالماء المغلي فقط بس شكلها بعد التحضير بصير متل الجيلي
مشكورة كتير ونحن دائما مغلبينك معنا بأسئلتنا
هلا ام الهدى
علبة القشطة بتجي بقياس واحد و كميتها تقريباً ثلاث ارباع كوب
و اذا زاد أكيد ممكن تحتفظي فيه في البراد , اولادي بيحبو كتير يغمسو فيه البسكويت و ياكلوه
الجيلي و الجيلو و الجيلاتين نفس الشي و ما في فرق بيناتهم
أي سؤال تاني انا تحت أمرك أختي
واخيرا جربتها كتير كتير طيبة رايحة جاي كل ما بدخل على المطبخ بفتح البراد وباكل منها لقمة
الله يسلم دياتك
هلا نوارة
الف الف علفية و صحة على قلبك و قلب النونو الصغير الحلو
خليلي عينك نوارة , ديريلي بالك على حالك
انا فهمت انها تكون طبقه كيك وطبقه فواكه وطبقه كريمه وبعدين الجيلي صح ؟
…………..
ياريت تردي بسرعه عشان لو فشل الكيك ههههه
مع خالص تحياتي
Ahmed 8) :grin