براونيز بكريما الخمس دقايق السرية· يحضر الشراب : يوضع السكر و الماء و القرفة و القرنفل في قدر صغير على نار هادئة و يحرك حتى يذوب السكر تماماً .
· ترفع النار و يترك الشراب حتى يغلي ثم تهدى النار و يترك الشراب على نار هادئة لمدة خمس دقائق ثم يبعد القدر عن النار و يضاف عصير الليمون ثم يترك حتى يبرد تماماً .
· يوضع الزيت و اللبن و البيضة و الزبدة و الخل و الملح في خلاط العصير ثم يمزج الكل , يضاف السميد و البيكنغ بودر و يخلط حتى يصبح المزيج ثقيل .
· يقلب مزيج السميد على صينية ثم يضاف الطحين بالتدريج و يعجن بعد كل إضافة حتى الحصول على عجينة قابلة للمد و لا تلتصق باليد .
· يحمى الفرن على درجة حرارة 175 , تغطى صينية فرن بورق الزبدة .
· تفرد العجينة بشكل رقيق ثم تقطع دوائر بالقطاعة او بفنجان القهوة , تصف 5 أو 6 دوائر فوق بعضها البعض بشكل حبات الدوميو .
· تلف الدوائر على بعضها البعض مثل السويس رول .
· باستخدام سكينة حادة تقطع إلى قطعتين .
· ترفع القطع بلطف و تحشى في قلبها بالمكسرات أو بالكيري ثم توضع على الصينية .
· تخبز الورود الجميلة في الفرن الحار لمدة 20 – 25 دقيقة أو حتى تشقر و تنضج .
· تخرج القطع من الفرن و تسقى الورود الحارة بالشراب البارد فوراً و تترك حتى تتشرب القطر و تبرد .
· توضع ورود الجوري في ورق بليسة وتقدم مع الليمونادة أو الشاي و القهوة .
العجينة :
نصف كوب زيت ذرة أو دوار الشمس
ربع كوب لبن
نصف كوب سميد
بيضة صغيرة
ربع كوب زبدة ( 60 غ )
فانيليا
ثلاث أرباع ملعقة صغيرة بيكنغ بودر
ملعقة صغيرة خل
رشة ملح
من كوب إلى كوبان طحين
الشراب :
ثلاث أرباع كوب ماء
ثلثي كوب سكر
ملعقة صغيرة عصير ليمون
بضعة أعواد قرفة و حبات قرنفل ( اختياري )
الحشوة :
فستق أو جوز أو كيري
• يحضر الشراب : يوضع السكر و الماء و القرفة و القرنفل في قدر صغير على نار هادئة و يحرك حتى يذوب السكر تماماً .
• ترفع النار و يترك الشراب حتى يغلي ثم تهدى النار و يترك الشراب على نار هادئة لمدة خمس دقائق ثم يبعد القدر عن النار و يضاف عصير الليمون ثم يترك حتى يبرد تماماً .
• يوضع الزيت و اللبن و البيضة و الزبدة و الخل و الملح في خلاط العصير ثم يمزج الكل , يضاف السميد و البيكنغ بودر و يخلط حتى يصبح المزيج ثقيل .
• يقلب مزيج السميد على صينية ثم يضاف الطحين بالتدريج و يعجن بعد كل إضافة حتى الحصول على عجينة قابلة للمد و لا تلتصق باليد .
• يحمى الفرن على درجة حرارة 175 , تغطى صينية فرن بورق الزبدة .
• تفرد العجينة بشكل رقيق ثم تقطع دوائر بالقطاعة او بفنجان القهوة , تصف 5 أو 6 دوائر فوق بعضها البعض بشكل حبات الدوميو .
• تلف الدوائر على بعضها البعض مثل السويس رول .
• باستخدام سكينة حادة تقطع إلى قطعتين .
• ترفع القطع بلطف و تحشى في قلبها بالمكسرات أو بالكيري ثم توضع على الصينية .
• تخبز الورود الجميلة في الفرن الحار لمدة 20 – 25 دقيقة أو حتى تشقر و تنضج .
• تخرج القطع من الفرن و تسقى الورود الحارة بالشراب البارد فوراً و تترك حتى تتشرب القطر و تبرد .
• توضع ورود الجوري في ورق بليسة وتقدم مع الليمونادة أو الشاي و القهوة .
الله يعطيكي ألف عافية يا منى صار لي مدة مشتهية جرب هالحلا بس بما أنك مجربتيه بدي أسألك يا ترى ممكن تحضيره مسبقا و تفريزه و يا ترى الأفضل تفريزه قبل الشوي و لا بعدو
هلا رينو
حبيبتي انا ما جربت فرزه , بس على الاكيد إذا ناوية تفرزيه لازم تفرزيه و هو ني و بعدها بتخبزيه , قياساً على الكرابيج و المعمول ..
لان أنا بعملهم و بفرزهم قبل رمضان و برمضان بخبز على قدي تازة بتازة
إذا جربتيه خبريني يا عسل
رح جربو ان شاء الله و خبرك بس الله يعين هالفريزر شو بدو يتحمل ليتحمل
و الله الله يعينه , بشبهوا قبل رمضان للحامل بشهرها التاسع :grin
عم استنى رايك
شكله جمييييل جداً أخت منى ، أنا بدور على حلويات يكون شكلها حلو و توضع في ورق بليسيه لأصنعها في مناقشة زوجي للدكتوراة إن شاء الله ( بعد شهر و نصف لكن بحضر الوصفات من دلوقتي :roll )و ده إن شاء الله أعمله .
سؤال :
المقصود باللبن هو الزبادي ؟؟
سؤال آخر :
هذا المقدار بيعمل كم قطعة بالتقريب ؟؟
و جزاكِ الله خيراً .
هلا نهولة , ان شاء الله تجربي الوصفة و تبيض وجهك يا رب , اللبن المقصود هو اللبن الزبادي و وصفته بتشوفيها [URL=http://www.l2ma.com/content/view/350/2/]على هل الرابط[/URL]
أما هل المقدار قديه بيعمل فوالله مو متزكرة بالضبط , أظن ما بين 20- 25 قطعة , بس مو متأكدة :roll
جزاك الله خيراً منى ، أنا بالفعل جربتها أمس باستخدام الزبادي ( ماقدرتش أنتظر الرد 8) ).. و عملت معي 18 قطعة ، و الطعم :roll :roll :roll راااائع .
صحةةة يا نهولة , كتير انبسطت انها عجبتك , مطري ما يسري يمري و ربنا يقومك بالسلامة انت و البي بي
الله يسلمك يا حبيبة ألبي ..
.
عملت الوردات مرة تانية و عجبت صاحباتي جداً ( ما صدقوش إني عاملاها بنفسي !) ،،، حبيت أكرر شكري
هلا نهولة
صحة و مية هنا على قلبك و قلب النون الصغير و قلب كل صاحباتك:)
الشكر ليك انت حبيبتي و على زوقك :zzz
تسلم دياتك عالوصفه الرووووووووعه..كل شي من تحت دياتك حلو يا قمر
الله يسلمك يا قمر يا سوسنة
تسلمي على الرد و الزووء كله
تسلم ايدك حبيبت قلبي
لما ساويتها بالبيت طلعوا كلهم على المطبخ ليشوفوا شو السر بالشكل تبعها
واخواتي ورفقاتي يلي شافوا صورتها على الموبايل طار عقلهم فيها
[url=http://www.0zz0.com/realpic.php?s=10&pic=2008/10/28/08/286606598.jpg][img]http://www10.0zz0.com/thumbs/2008/10/28/08/286606598.jpg[/img][/url]
هنا و عوافي على قلبك و قلب كل العيلة , كتير انبسطت انها عجبتك
وأخيرا جربتها
ياي شو طلعت طيبة وشكلها بجنن
المرة الجاي وقت بدون يجو رفقاتي اكيد بدي اعملها
الف هنا على قلبك و قلب محمد و رفقاته كمان
كتير انبسطت انها ظبطت معك نوارة و لا تنسي تاكلي عني كم قطعة :zzz
عندي سؤالين على هالورود الرائعة
اول شي
السميد ناعم ولا خشن؟
وتاني شي شو نوع الخل يلي رح استعمله خل ابيض ولا خل التفاح؟وشو اهمية الخل بهيك وصفة حلو :zzz
جربتها بالسميد الناعم و الخشن و التنين ظبطوا
الخل الي استعملته خل التفاح و هو رح يعطي طعمة حموضة خفيفة و طيبة
مازبطت معي بالمرررررررررة
احترت بامري
يالله شو غلبتني وبالاخير كبيتها نصها لانه مابقا تصير بالمرة
اول شي تفتفتت معي والعجينة ماكانت تمد مع اني حطيت كل المقادير مزبوطة وبالاول حطيت كاسة طحين بعدين صرت ضيف بالتدريج ومع كل اضافة تقسى العجينة ولما مدها تتفتت وماتطلع :upset اكيد غلطت شي غلطة بس ياترى وين ؟؟لانه عجنتها زيادة ؟؟؟
ياستي طلعوا من الفرن وبالنسبة للطعمة طيبة والله بس لانه العجينة ماقدرت افردها منيح ماارتقت رقيقة لذلك في منهن عجنو لو اعرف شو الغلط برجع بجربها ؟؟؟ياترى لانه السميد خشن ولا كان بده خلط اكتر ؟؟انا خلطته بس شوي
:roll ما عرفت وين الغلط , اصلا بالصور انا محضرتها بالسميد الخشن .
يمكن لو كنتي تركتيها بالبراد كان مشي الحال , يلا ازرعيها بدقني و خيرها بغيرها
يا منى حلوه الامورة اناسويتها وزبطت معي وطلعت حلوة والكل بيسالني عنها كيف عملته مين قالك عنها الكل اعجب فيها بس انا اعطيطهم اسم الموقع لقمة طيبه وكمان بدي اعذبك معاي افستق الحلبي مطحون ولا بيكون حب كامل وكيري هل ندهنهاعلى الدوائروشكرا
:grin :grin :grin :grin :grin :grin :grin :grin :grin
هلا حنونة
و الكيري كمان بتبعدي ورق الجوري الداخلي بطرف اصبعتك و بتحطي فيه مكعب صغير 
الف الف عافية و صحة و هنا و ريتو مطرح ما مشى مرى
الف شكر الك للكلام الطيب و الموزء , و لمن حابة تستعملي المكسرات ممكن تختاري اي نوع و بالشكل الي يعجبك ة, ممكن تحطي حبة كاملة او شوي مفروم خشن أو مطحون ناعم بالنصف
واخيرااااااااا
..
السلام عليكم عزيزتي منى…صارلي ساعة عم احاول الاقي طريقة ابعت فيها موضوع جديد؟؟؟وما عرفت كيف
اولا انا بدي اتشكرك على هالموقع الرائع……انا بالصدفة دخلت عالموقع ..كنت عم اعمل بحث عن طريق الدبس رمان ..لانو انا عايشة برا سوريا…
انا عندي وصفات كتير فيني اضيفهم بس يا ريت تقوليلي كيف خيتو
ومرة تانية ميرسي على هالموقع المدهش
امبارح ما بقى يجيني نوم لجربت هالوصفة( وردات الجوري)
طلعت بتجنن :grin :grin
هلا عبورة
ايه ها , هيك الشطارة و الشغل من اولها , نورتي اختي و مية اهلا و سهلا فيكي و الف صحة و هنا و عافية على الوردات :zzz
اختي فيكي تظيفي ايا وصفة كرد عادي و انا برجع و بضيفها باسمك
نورتي و شرفتي و مية اهلا و سهلا فيكي
جربتن مرة تانية ماظبطو العجينة ما مدت صارت تتقطع يعني اول مرة طلعوا بجننو دائما بتصير معي المشاكل تاني مرة
عندك فكرة عن السبب
بتعرفي حطيتها بالبراد لانو عصبت منا بعدين كم ساعة طالعتها وحطيتها بالمكرويف شوي وعجنتا فصارت تمام التمام الحمد لله
هلا نوارة
منيح الي خطر ببالك تحطيها بالبراد لان هيك رح تساعدك العجينة اكتر , يلا المهم ان مشي الحال بالاخير :zzz
سلام عليكم والله اليوم اخير جربتها وطلعت بتجنن وعجبت كل الفاميلي وهي الصوره بس لبكتني شوي العجينه طلعت فارطه انا وعم مدها بس طولت بالي
ماعرفت كيف ابعت الصوره حاولت كتير بس ماظبطت ياريت تخبريني كيف
هنا و عافية منال
يمكن كان لازم تزيدي شوية سميد , المهم انها طلعت بالاخير منيحة
الصورة لازم بالاول تحليها على شي موقع تحميل و بعدها بتحطي الرابط هون
السلام عليكم و رحمة الله و بركاته
ساويت الوصفة مرتين و طلعت طيبة و شكلها بيجننللاسف ما صورت النتيجة بس ان شاءالله بالمرة الثالثة اذا درت راح صورها
بالتوفيق
سلام
انا من وقعت ماسجلت بالموقع وانا عمبدخل هون وبقول لحالي الى ما اعملها
بس امبارح قررت قرار وجاهي غير قابض للنقض
اني لازم اعملها لضيوفي تغير عن الكاتو
وبعد ما عملت اول مقدار وقبل ما اخبزه
لقيته قليل فعملت مقدار تاني(لانه الشكل كتير عجبني)
وطلع كتيييييييييير طيب ولذيذ وشكله كتيييير رائع
بس وين النهفة انه لما اجا ابو الشباب من كتر ماعجبوه شكلاً وطعماً
خلاني اعمل كمان مقدارين مشان اصحابه بالمكتب
يعني عملت 4 مقادير في يوم واحد
وما ضل حدا ما سأل عن الطريقة والمقادير
وطبعا انا مشان اريح حالي بعطيهم اسم الموقع
:grin :grin
بصراحة حابة اشكرك بالفعل مو بالكلام
بس مو عرفانة كيف
بس عكل حال انا قايمة قاعدة بدعيلك
ان شاء الله الله بباركلك بصحتك وعافيتك
وبيتك واولادك ويكتبلك حسنة بكل حرف بهالموقع الحلو
مع خالص محبتي
صباح الخيرات شفا
بتعرفي اديه انبسطت بردك و بكل الكلام الحلو الي فيه , لثقتك في و لدعواتك الي اغلى من الدهب عندي
انا ما بدي شكر , دعواتك الي كفت و وفت و زيادة و الله , ان شاء الله الك متلهن انت و كل اهل بيتك .
مممم , صحتين و الف عافية على البك , اهم الشي انها عجبت الباشا و كمان شي تاني مهم ان ما تكوني نسيتي تاكلي عني كم قطعة قبل ما يطيروا :grin
مرحبا منى
كيفك ؟
حبيت قلـّك إني جربت ساوي هالحلو الطيب
طالعت أكبر صينية عندي :grin .. عجنت العجينة و استخدمت سميد ناعم و عملت أول كم حبة و كانت روعة و ما غلبتني :zzz
بس فجأة خطرت على بالي فـَكـّورة (تصغير فكرة) :eek
قسمت العجينة نصين .. تركت الاولى متل ما هيي .. و لونت التانية بلون الشوكولا .. بالكاكاو يعني و كملت شغل
دائرة بيضة و دائرة سودة و لـفـّن
طلعو كتـــيـــــر حلوين :zzz
بس يا دوب عبـّولي نص الصينية :p
تاني مرة رح أعمل عيارين ان شاء الله
و هاي الصورة قبل ما اخبزن
[img]http://www3.0zz0.com/2010/06/15/11/663509566.jpg[/img]
و بعدين فوّتـّن الفرن .. و لاحظت عليهن بعد فترة إنن فـَرَشوا .. يعني القاعدة و الوردات كبروا :roll
هالشي عادي يا ترى
ما صورتن بعد ما طلعوا من الفرن لأنن راحوا أوام .. أنا أصلاً بلشت آكل منن و هنن بالفرن لسة :grin
كتير كتير طيبات يسلموا إيديكي عالفكرة الحلوة الجديدة…..
7ayah
كتير انبسطت بس شفت صورة ورداتي نازلة هون
بس ليش الصورة طلعت كتير كبيرة ياترى
و نصها طالع برى كمان :upset
يا ترى شو كان لازم ساوي قبل ما نزلا هون
وووووواااو , شو هل الصورة الي بتاخد العقل و الفكرة الحلووووة , و الله طالعين معك بيجننوا , يعني عيوني طلعوا من محلهم :zzz
ما شاء الله عليك
هنن رح يكبروا شوي بعد الخبز , بس مو كتير , يمكن لو بردتيهم شوي قبل الخبز رح يتماسكوا اكتر
مشان الصورة يا ريت لو تصغري حجمها ل500 بالعرض , بتطلع كتير مناسبة للموقع
سلم ايدك على هل التطبيق و شكرا لثقتك في
سلام منى
هي الصورة بالابعاد الصغيرة
[EMAIL]http://www6.0zz0.com/2010/06/16/19/860582836.jpg[/EMAIL]
ان شاء الله يمشي الحال هالمرة 8)
و سوووري لأني عجأتلك الصفحة بالصورة :sigh
7ayah
مرحبا منى
ويعطيك ألف عافية ع كل وصفة بهالموقع
صار جربت هالوصفة 3 مرات والحمد لله كل مرة بتطلع أطيب من اللي قبلها :zzz
بس عندي سؤال
هلأ أنامن لما بعجن العجينة لحتى أخلص بتعذب كتير وإيدي بيوجعوني لأنه لحتى تزبط العجينة وتنفرد وتتشكل مظبوط وما تسيح بقلب الصينية بتصير قاسية وبتحتاج مني عجن وتليين كتير بس اللي بصبرني إنها بتطلع طيبة
فهل اللي ع بيصير معي طبيعي؟ والا أنا ع برتكب خطأ من شان هيك ع بتعاقب؟ :cry
كيفك منى
كل عام وانتي بخير يارب
طولتي علينا الغيبة
بصراحة ما عبلاقي طريقة اشكرك فيها غير اني اخبرك بالنتائج دائما
انا نزلت اليوم صورة عالفيس بوك
للوردات بس بالالوان
طلع شكلهن كتييييييييير حلو
وبشهي
بقى شوفيهن وقوليلي رأيك
وتأكدي انه ماضل حدا من رفقاتي
ما أخد الطريقة
بقى اذا شفتي عدد المشاهدات للصفحة زاد كتير
لاتاكلي هم هدول رفقاتي*_^
فعلا هالحلى شكلو بيجننننن انا لما جربتو اول مرة ما صدقت انو طلع معي هيك وردات شكلن حلو كتير جربتهم 4 مرات بحشوات مختلفة كيري وجوزمفروم ونارينج جربيهم بالنارينج كتير طيبين وهادا كان تطبيقي للوصفة [img]http://arb-up.com/foap3ruww6lw/IMG_4067.JPG.html[/img]
فعلا هالحلى شكلو بيجننننن انا لما جربتو اول مرة ما صدقت انو طلع معي هيك وردات شكلن حلو كتير جربتهم 4 مرات بحشوات مختلفة كيري وجوزمفروم ونارينج جربيهم بالنارينج كتير طيبين وهادا كان تطبيقي للوصفة [img]http://arb-up.com/foap3ruww6lw/IMG_4067.JPG.html[/img]
خيتو في أصناف بحسها عبتصرخلي..إي إي..لا تستغربي بحسها هيك عبتصرخلي نظاااامي..رغوووود حبابة جربينا بلييييز..وهي منهن..صرختلي بصوت وقالتلي لازم تعمليني اليوم..وحاليا..بعتت الجندي المجهول لكل طبخاتي..ابني احمد..ليجيب المواد
يمــــــــــــي عالنتيجة يا ميمو..شو بدي أحكيلك..طلعو غير شكل..بس غنو شو..أحط طحين واحط طحين واحط طحين لوقت ما زبطت..الله وكيلك لزمني تلات كاسات طحين لحتى صارت العجينة معقولة..الشكل طلع حلو والنكهة يمي يمي غير شكل..وانبعتت عينات لخواتي وأخوي وأهلي..ونزلت الصورة عالفيس بوك..الله يجزيك ِ الخير..ويعطيك ِ ليرضيك ِ..
تسلم ايديكي شو هل فن والذوق
تجربتي مع العجين دائما فاشلة وبتعذب فيه كتير :cry
بس شكلا مغري وجربتا -النيجة بتجنن بالشكل والطعمة وأكيد رح أرجع اعملها-بس العجينة ماطلع فارطة وعم تتشقشق وكتير تعذبت بلفن-حطيت كاستين ونص طحين-ياترى السبب الطحين كتير ولا شو؟بالصورة عجينتك رائعة ناعمة وسلسة-انا مو هيك طلعت معي
هلا ريم
يمكن كان لازم ترجعي العجينة للبراد لحتى تصير ايسر بالشغل معك
بكل الاحوال صحة و الف هنا و ان شاء الله المرة التانية بيكونوا اسهل
أكيد رح جربها مرة تانية
شكرا عالنصيحة
مرحبا ست منى
هلأ صورتن بعد خبزن بالفرن مو طالعة عندي وللا انتي مو مصورتيهن بعد الخبز ؟
لانو حابة جرب الوصفة بس بصراحة بعد ما قريت ردود اللي مجربين ومو نجحانة معن خفتتتت
معناها احتمال النجاح شي 50% وماعندي جاجات ع الاسطوح ضيفن ياها هههههههههه اذا فشلت
على كلن رح اقراها اكتر من مرة وطبقها بحذافيرها لانو كتير منظر الوردات عجبني بقا ان شا الله بخبرك شو بصير معي لما بجربها
بس بحبشيلي بلكي بتورجينا الصورة بعد الخبز ؟؟؟
سلام
منى،
كمان وصفه غير شكل….الله يسلم ايديكي يا رب. بس أنا كترت غلبه، أول مرة عملتا متل وصفتك تمام بس بدون مكسرات وما هدت بالصحن . تاني مرة، حطيت مع العجين رشة يانسون مطحون وكم حبيت مستكة، واستعملت القطر العادي مع مية الزهر، وحبة فستق حلبي….النتيجه؟؟؟ ما صدقو صاحباتي إن عملتا بدون قالب . وصار لزم أعمل عيارين م واحد. عندي صورة بس ما عرفت كيف بدي نزلا وشو قصدك لم بتقولي موقع تحميل صور؟ المهم، الله يقويك على عدد هل وردة يلي عملون الصبايا وديماً أيامك ورد جوري.
منى تسلمي الاكلة جربتها امبارح بس المشكلة انو العجينة صارت تتفرفط كتيير شو السبب بكون ؟؟ كتير احترت وكنت بدي كبها واعمل وحدة تانية كنا خسرنا عجينة ههههههه
لحد الان كتير جربت اكلاات لالك وكتير طلعو طيبين شكرا كتييييييير منى
تحياتي
لولو
باين عليها روعة وان شالله رح أعملها على عيد ميلاد بنتي
بس هلأ كيف بقدر أعمل منها الوان وشو هو ورق البليسة؟؟؟؟؟؟؟؟؟
السلام عليكم ورحمة الله
كيفكن ؟
هي من الوصفات اللي حبيتها من أول نظرة، امبارح لشفتها (كيف هيك ما بعرف)، وقررت فورا ان اول ما بفضى بعملها .. وبرغم ان اليوم ما كتير كنت فاضية بس عملتها وجرجور (بالجيم المصرية) عإيدي :grin يعني فيكون تتخيلوني عم حط المقادير بإيد وماسكة بهزهز بكركوري بالإيد التانية.
والحمد لله خلصت عخير :grin لو أن الشغل ما كان بقعدة وحدة.
واو واو وااااااااااااو .. شو سهلة وبسيطة واهم الشي طييييييبة … بصراحة لما قريت الردود قلت اكيد حتطلع عندي العجينة متل الصبايا وما تزبط، بس الحمد لله كتير شهلة بالشغل وحلوة، انا قبل ما أشوبكها (يعني استخدم عليها الشوبك :grin ) كنت امسحها بالطحين ، يمكن مشان هيك تشوبك منيح.
يا عيني كمان شو طيبة. بس المرة الجاية متل ما قلتل بعملها مزبوطة بالشكل 8) .
طبعا هالمرة وبما انها كانت تجربة أولى عملتون أشكال وألوان وأحجام :zzz المرة الجاية إن شاء الله بزبطون حلوين اكتر.
وهي تطبيقي :
[img]http://img215.imageshack.us/img215/8923/img5247s.jpg[/img]
اللي فوق هي رشة قرفة .. لأن القطر عندي من مربى القرع من حماتي كانوا قطرميزين، بئى بستخدمو لهيك وصفات، فما قدرت نكهو بالقرفة قبل. أمت رشيت القرفة رش
يسلمو دياتك منى خانم … وثابري وإلى الأمام
والسلام عليكم ورحمة الله
طلع الرد الطويل السابق ولا لاء؟
لما منكتب ردود بتختفي ؟؟
ليه هيك
عكل حال كان لعي طالع نازل عن الوصفة .. وبالي ما عاد طويل كرر الكتابة خصوصي بعد يوم عصيب مع الجرجور (بالجيم المصرية) ما بيضل في بال طاول :grin
المهم هي تطبيقي :
[img]http://img215.imageshack.us/img215/8923/img5247s.jpg[/img]
وشكرا
والسلام عليكم