براونيز بكريما الخمس دقايق السرية
هل الوصفة الرائعة اتعلمتها من بنت احماي هلا و الي هي اتعلمتها من حماتها خالة لميس , الله يرحم روحها , وصفة بتاكلي بتاكلي منها ما بتشبعي , ع كتر مو طيبة و ع كتر مو الوانها بتفتح النفس , شغلةةة . و نحنا ع كتر ما منحبها من تحت ديات هلا منطلب منها تحضرلنا اياها بكل عزيمة .
دقناها مرة بالشام بمطعم الكمال و كان حاطط تشكيلة كبيرة من الخضرة , بامة و كوسا و باتنجان , و مرة فاصوليا و ذرة , انت استخدمي الخضرة الي بتحبيها , بس انا شفت انو اطيب توليفة هي الخضرة الي ذكرتها بالوصفة .
تقشير الخضرة و تقطيعها ممكن ياخد وقت , بقى اذا كنت مستعجلة ممكن تجهزي الخضرة قبل بيوم , تغمري البطاطا بالمي , و الباقي حطيهم بكيس نايلون بيتسكر منيح و تاني يوم ع الطبخ فوراً .
بالصحة و الهنا
- المقادير :
كيلو لحمة غنم هبرة مدقوقة
2 – 3 ملعقة كبيرة صنوبر
نصف ملعقة صغيرة بهار
2 حبة فليلفة حمراء
2 حبة فليلفة خضراء
بصلة كبيرة
3 حبة بطاطا
4 – 5 حبة جزر
نصف كوب بازلاء مجمدة
2 فص ثوم
عصير نصف ليمونة صغيرة
2 حبة بندورة
1 – 2 ملعقة كبيرة معجون طماطم
2 ملعقة كبيرة سمنة
كيلو لحمة غنم هبرة مدقوقة
2 – 3 ملعقة كبيرة صنوبر
نصف ملعقة صغيرة بهار
2 حبة فليلفة حمراء
2 حبة فليلفة خضراء
بصلة كبيرة
3 حبة بطاطا
4 – 5 حبة جزر
نصف كوب بازلاء مجمدة
2 فص ثوم
عصير نصف ليمونة صغيرة
2 حبة بندورة
1 – 2 ملعقة كبيرة معجون طماطم
2 ملعقة كبيرة سمنة
- طريقة التحضير :
• تفرم الفليلفة الحمراء و الخضراء إلى عيدان صغيرة , يهرس الثوم و بفرم البصل جوانح , تقشر البطاطا و البندورة ثم تفرم إلى عيدان أو مكعبات .
• تدعك اللحمة مع الصنوبر و البهار ثم تشكل بهيئة أسياخ صغيرة .
• تذوب السمنة على نار متوسطة ثم تضاف قطع الهبرة و تقلب بلطف حتى تنضج اللحمة و يجف مرقها .
• يضاف البصل ثم الجزر ثم الفليلفة ثم البطاطا ثم البازلاء و الثوم مع التقليب بعد إضافة كل نوع .
• أخيراً تضاف البندورة المفرومة مع معجون الطماطم و عصرة الليمونة و ما يكفي من الماء أو المرق لغمر المكونات .
• بعد أن تغلي المرقة تهدى النار و تغطى الطنجرة و تترك لمدة نصف ساعة حتى تتسبك المرقة ثم تقدم فوراً مع الأرز المفلفل أو الأرز بالشعيرية .
• تفرم الفليلفة الحمراء و الخضراء إلى عيدان صغيرة , يهرس الثوم و بفرم البصل جوانح , تقشر البطاطا و البندورة ثم تفرم إلى عيدان أو مكعبات .
• تدعك اللحمة مع الصنوبر و البهار ثم تشكل بهيئة أسياخ صغيرة .
• تذوب السمنة على نار متوسطة ثم تضاف قطع الهبرة و تقلب بلطف حتى تنضج اللحمة و يجف مرقها .
• يضاف البصل ثم الجزر ثم الفليلفة ثم البطاطا ثم البازلاء و الثوم مع التقليب بعد إضافة كل نوع .
• أخيراً تضاف البندورة المفرومة مع معجون الطماطم و عصرة الليمونة و ما يكفي من الماء أو المرق لغمر المكونات .
• بعد أن تغلي المرقة تهدى النار و تغطى الطنجرة و تترك لمدة نصف ساعة حتى تتسبك المرقة ثم تقدم فوراً مع الأرز المفلفل أو الأرز بالشعيرية .
-
وصفات تانية ممكن تعجبك
كل سنة وانت سالمه وانشالله بينعاد عليك وعلى الامة الاسلامية بالصحة والخير والسلامة والله اله يسلم ايديك انا هل اكله دائما بعملها فعلا كتير كتير طيبه بس انا عادة بستخدم الكبابة وليس الهبرة بس انشالله بدى اجربها بالهبرة اكيد طيب يسلمو وبانتظار المزيد
هلا نداء
و انت بالف خير و ينعاد عليك و على عيلتك يا رب بالخير و البركات
و أنا كمان كنت متلك اعملها بالكباب لحتى دقتها عند أخت زوجي و عجبتني بهل الطريقة أكتر
إن شاء الله تجربيها و تعجبك
و انا كمان بدي جرب ما حدا احسن من حدا
بس بلحمة شقف ,جوزي لازم كل يوم ياكول لحمة شقف يا اما قال بيحس انو ناقص شي عل الاكل
يعطيكي العافية يا منى و يسلم ايديكي
هلا ليندا
بتطلع طيبة بلحمة شقف , بس عن جد اذا شي مرة صار عندك لحمة هبرة اتذركي الوصفة و جربيها و ان شاء الله رح تدخل للمنيو تبع العيلة
الله يعافي قلبك و بدنك يا رب
ماشاء الله الله يعطيكى العافية
الله يعافيك أختي
مية اهلا و سهلا فيك
مساء الخير ..
معلش اسأل شو الفرق بين الهبرة والكبابة
انا فكرت كلو لحمة مفرومة
بحب الاكلات اللي بتتقلى فيها الخضرة بالاول شوي
ان شاء الله رح جربها انا كمان
لارا جربيها و ان شاء الله ما بتندمي
الهبرة هي اللحمة المدقوقة الي ما فيها دهنة ابداو الي نستعملها للمرتديلا و الكبة و بيكون لونها احمر احمر ما فيه ايا بياض :roll
اللحمة المفرومة هي الي منستعملها لكل الطبخات البقية متل المحشي و اخواته و بيكون فيها نسبة دهن تختلف حسب الشخص الي عم يقطع اللحمة و كيف بيحب تكون
شرحت و الا فوتك بالحيط
السلام عليكم كيفك منى
هون باسعوديه بالسوق في زيتون اسود مكلس بدي اسئلك عن وصفتو اذا عندك فكره عنو
هلا نور
ما عرفته حبيبتي , عنا الزيتون الاخضر بيجي مكلس و هادا كمان لسا مو مجربته , بس ناوية
اختي منى شو بتفرق هي الاكلة عن يخنة البازلاء باللحمة
انا لاني بعمل يخنة البازلاء على طريقتك
اختي منى عندي موضوع حابة نطرحه بلقمة طيبة
واللي هو كيف تعرفتوا على هالموقع
بتمنى يكون عجبك
انا عم حاول كون طالبة شاطرة حتى ماتنسينا
بتفرق كتير كرميلا , هلا ما بتتخيلي استخدام الهبرة هون شو بيعمل للوصفة كلها , كمان في فليلفللات و عصرة ليمونة , هللا باختصار كل واحد نكهة مختلفة عن التانية حتى لو في تشابه بالمقادير :zzz
ممم فكرة حلوة كتير , انا كنت من زمان عملت استفتاء , هلا بموضوع بيصير الذ , يلا رايجحة عشبقوا على الصفحة الرئيسية :zzz
الله يخليلي هل الاخت الحلوة و ان شاء الله ربي يديم المعروف على طول
انا بطبخا لهلأكلة بس على صدور جاج وبحط مع الخضرا كمان بروكلي وفطر والبطاطا بشكلها عادية وحلوة البطاطا الحلوة كتير طيبة بالطبخ وبعمل جنبا رز بالزعفران أو رز بالكاري كتير بيلبقو معا
بس ما بحط بندورة ولا حامض بزيد على الخضار من مية سلق الجاج
كانو صارت غير اكلة هيك , اكيد طيبة كتير , شكرا للاضافة
فكرة شهية ديما , شكرا للاضافة , حابة جربها كتير و خصوصا انو اكلات الدجاج عندي اطيب من اللحمة , يسلموا ايديكي
لا تنسي تجربي حدا رز بسمتي تبلي بالكاري خلي الكاري يتحمص شوي مع الرز قبل ما تحطي مي لأنو مرة جربت حطيتو بعد ما حطيت مي فوق الرز ابدا ما أعطى نكهة
انا كمان بعد ما تستوي الخضرا بديرن بجاط بايركس وفي خلطة بعملا بدهن صدور الجاج منشان ما ينشفو وياخدو طعمة ولون حلو وبصفن فوق الخضار وبالفرن عالشواية لياخدو لون حلو …….. جربيا وخبريني بالنتائج 
ممممممم , يا لطيف شو بتشهي , ع التجربة بااقرب وقت و رح نزلها ان شا الله
ممنونتك كتير
اذا بدك من شان تدهني الجاج انا بحط كتشاب ومايونيز ودبس فليلفة وشوية خردل ورشة فلفل اسود وشوي زيت زيتون بيطلع لون الجاج كتير حلو …. يالله بانتظار الوصفة مع الصور
يسلم دياتك ديما ع كل هل النصايح , ان شا الله بجربها و بتشوفي تطبيقي