براونيز بكريما الخمس دقايق السرية
في سورية بتحضر الناس بالعادة دبس الفليفلة باواخر الصيف ، بتتلون كل الاسطحة باللون الاحمر ، و كل ما مشيت كم خطوة بالشوارع الضيقة بتشم ريحة الفليفلة المجففة ، و كانها اشارة ان الصيف بكل شوبه و الوانه بدي يلملم توبه ، و ان الخريف ع الباب .
دبس الفيفلة واحد من اهم الكونات في المطبخ السوري عموماً و المطبخ الحلبي حصوصاً / تقريباً مستحيل يخلى بيت منه ، طريق تحضيره مو صعبة .. بس بتاحد وقت .. و مع انو متوفر بالسوق جاهز دوماً . بس دبس الفليفلة الي منحضره ع ايدنا غير شكل ، بلونه و بريحته و طعمته ، و الي ما داق دبس فليفلة بيتوتي ما بيعرف شو هو دبس الفليفلة الحقيقية .
بالصحة و الهنا
-المقادير:
فليفلة حمراء ( حرة أو حلوة أو وسط )
ملح خشن
فليفلة حمراء ( حرة أو حلوة أو وسط )
ملح خشن
- طريقة التحضير :
1 - تقطع كل حبة فليفلة لنصفين و يتم التخلص من الجزء الأخضر و البذور . لا تغسل الفليفلة كي تحافظ على لونها الأحمر المشرق .
2 - تنشر الفليفلة على سطح مستوي في مكان مشمس بحيث يوضع كل نصف بجانب الأخر و يجب أن تكون الشمس قوية و أن ننشر الفليفلة مباشرةً بعد التقطيع لأن الفليفلة سريعة العطب .
3 - تترك الفليفلة في الشمس مدة يوم أو يوميين حسب حدة الشمس حتى تجف بشكل غير كامل أي تكون ثلاث أرباع جافة .
4 - تغسل الفيفلة بشكل سريع تحت الماء الجاري او في دلو ثم تطحن بماكينة طحن اللحمة على الشفرات المتوسطة مرتان .
5 - توضع الفليفلة في طبق مسطح كبير و تغطى بقماش رقيق ثم توضع تحت الشمس لمدة يوم كامل مع التقليب حتى لا تجف .
6 - ترش الفيفلة المطحونة بالملح الخشن و توزع على مرطبانات صغيرة و توضع في الفريزر حتى وقت استخدامها
1 - تقطع كل حبة فليفلة لنصفين و يتم التخلص من الجزء الأخضر و البذور . لا تغسل الفليفلة كي تحافظ على لونها الأحمر المشرق .
2 - تنشر الفليفلة على سطح مستوي في مكان مشمس بحيث يوضع كل نصف بجانب الأخر و يجب أن تكون الشمس قوية و أن ننشر الفليفلة مباشرةً بعد التقطيع لأن الفليفلة سريعة العطب .
3 - تترك الفليفلة في الشمس مدة يوم أو يوميين حسب حدة الشمس حتى تجف بشكل غير كامل أي تكون ثلاث أرباع جافة .
4 - تغسل الفيفلة بشكل سريع تحت الماء الجاري او في دلو ثم تطحن بماكينة طحن اللحمة على الشفرات المتوسطة مرتان .
5 - توضع الفليفلة في طبق مسطح كبير و تغطى بقماش رقيق ثم توضع تحت الشمس لمدة يوم كامل مع التقليب حتى لا تجف .
6 - ترش الفيفلة المطحونة بالملح الخشن و توزع على مرطبانات صغيرة و توضع في الفريزر حتى وقت استخدامها
(5 votes, average: 3.60 out of 5)
يا عيني عل الوصفات الاصيلة
قليل جدا تلاقي وحدة بتعرف او بالحرى بتعمل هيك شغلات بالبيت
هلاء صار زمن الجاهز يلي ما لو طعم
بما انو عنا الشمس قوية رح ساوي هادا الاسبوع دبس الفليفلة
مشان لما تعملي المحمرة كون مستعدة للتطبيق
جزاك الله خير الجزاء
نسيت انو ما عندي مكنة لحمة بيسوى الخلاط العادي
يا اما بفرمها ناعم بالسكين
شو رائيك
هلا ليندا
كلامك مظبوط , و قليل هلا حدا يعملها في البيت ,, بس أكيد بيبقى شغل البيت غير ..
شوفي ليندا هدا الدبس الفليفلة ما بيصير الا بماكينة فرم اللحمة ..
بس عندي طريقة تانية لمعجون الفليفلة على الطريقة الأرمنية , هي ما بدها ماكينة فرم ,,
رح نزل لك الوصفة بكرة بإذن الله
تكرم عيونك أختي
مية أهلا و سهلا فيك
طريقة روعة من زمان بدور عليها الله يكرمك ياقمر ويرزقك كل اللي تتمني كتير انبسط بالرابط ياقمر الله يعطكي الصحة والعافية .
الله يكرمك أختي تورتاية
و ان شاء الله لما تجربيها رح تعجبك كتير
لان احنا ما منستغني عنها في كل شي تقريباً
مساء الخير أخت منى هل من الممكن أن يطحن الملح الخشن ثم يضاف للوصفة, وعند دهن الخبز بدبس الفليفلة هل تبقى قطع الملح الخشن موجودة,وبالنسبة للفليفلةعندماتنشر بالنهارهل أضعها بالثلاجةأثناء الليل حتى يتم نشرهافي اليوم التالي. وعذرا للإطالة ويعطيكي الصحة والهمة على طول يارب .
هلا لارا
أختي ما في داعي انك تطحني الملح وبعدها تضيفيه , بيكفي انك تضيفيه و بس لان هو رح يدوب مع الفيلفة و ما رح يظهر ابداً
ما في داعي تدخليها للبراد بالليل , تصوري امي مثلا و هي عم تحضر 50 كيلو فليلفة حمراء تحطها بالبراد :grin بس في شرط اساسي انك تحضريها و الشمس حراقة مو بهل الوقت لارا استنى كمان لحتى تسوي الفليلفة و تصير الشمس حدة أكتر و إذا بدك تحضريها من دون شمس فيك تحضري دبس الفيلفة الارمنية هي بتنطبخ على النار
و لا يهمك لارا , انا تحت امرك و اي سؤال او استفسار من عيوني
اخت منى مشكوره على الوصفه
وهل لديك وصفة صلصة الفلفل الأحمر التي تقدم في المطاعم مع سندويتشات الفلافل لاني اعتقد انها مختلفه عن هذه الوصفه فالتي تقدم في المطاعم تكون سائله قليلا
وجزاك الله خير
مية هلا قمر نورتي و نور الموقع , أختي الصلصة الي عم تقولي عليها ما عرفتها , بس رح ااقولك على خلطة رائعة و أنا دايما بدهن فيها الخبز قبل ما ألفه بالفلافل , ممكن تحضري الحشوة الموجودة على هل [URL=http://www.l2ma.com/content/view/116/2/]الرابط[/URL] و بعدها تدهنيها على الخبز و فوقهم فلافل و مخلل و بندورة و خس و أكيد طحينة ,,, مممم و الله سندويشة لا يعلى عليها
السلام عليكم وكل عام وانتي بخير وعام خير علي الجميع حبيت استفسر منك هل يمكن تجفيف الفلفل في الفرن علي نار هادئه حتي يجف لعمل دبس الفليفلة
هلا أختي
انا مو مجربة هس الطريقة الي قلتيها بس عندي كتير اصدقاء بانكلترا و هنيك متل ما بتعرفي ما في شمس , لهيك بيجففوا الفليلفة في الفرن على نار هااااااادية كتير كتير عوض الشمس
سلام منى ..
ما هو الفرق بين الملح الخشن والملح العادي؟
يعني هل أستطيع تحضير الوصفة بملح الطعام العادي؟
هلا ميسون
الملح الخشن هو ملح البحري أو الصخري و إلي مو معالج باي اضافات متل مانع التجبل أو اضافة اليود
بكل وصفات الحفظ لا ينصح باستعمال الملح المعالج
جزاكى الله خير
ان شاء الله هاجربها
هلا اختي راجية
مية اهلا و سهلا فيك اختي بالموقع , نورتي و الله
ان شاء الله تجربيها و تكون على زووءك و تظبط معك :zzz
السلام عليكم
يعطيكي العافية اختي
عندي سؤال
ضروري نحفظ الدبس بالفرريزر؟؟
و عليكم افضل السلام و اتم التسليم اختي
ضروري نحفظها في الفريزر و الا بتحمض و بتنتزع كلها :roll
صباحو حبيبتي منووونة عندي دبس فليفلة وبدي اعمله خبز بفليفلة وبدي أسألك على تتبيلة الدبس فليفلة شوهي البهارات اللي بتنحط معه وكمان على العجينة شو هي أطيب عجينة لحتى يطلع متل الجاهز
ما شاء الله رائعه … بس ممكن سؤال قديش كميه الملح لكميه الفليفله.. و بالبراد او فريزر ؟ شكرًا كتير الك الله يجزيكي الخير
بدوقي و بتحطي و لازم يكون الملح ظاهر نوعا ما , و الحفظ الافضل بالفريزر
مية اهلا و سهلا منورة
مرحبا ست منى يعطيكي العافية شي بيشهي انا بساويهم نفس الطريقة مع اختلاف بسيط حبيتي انا بغسلهم قبل ما افتحهم وهن حبات كاملة وبحطهم على مصفى وبعدين بفتحهم وانشرهم على
شرشف ولما ينشفو تلاتة ارباع ناشفة بفرمها دغري على المرطبانوبحط شوي ملح بخلطهم وبحفظهم بالفريزر وبيطلعوا نفس اللون
يا سلاام تسلم هل الديات الحلوة يا رب
طيب ما بيتوسخوا بعد النشر بشي غبرة او هيك مثلاً ؟
صباح الخير يا منى
تسلم ايديكى رائعه كالمعتاد
لكن عندكم بسوريا بتستخدموا الدبس ده فى وصفات زى ايه ؟؟؟
وتعيشى وتعملى دايما يا جميلة
اهلا و سهلا رحوب نور الموقع يا ست الستات
تقريبا بكل شي ،كل طبخة بدها رب البندورة ممكن نحطه معها بيعطي طعم بيجنن ، الكبة النية اليالنجي المحمرة ، مع الزيتون و المكدوس و البيض و الفطاير و الزعتر و السلطة
انا كل يوم لازم اكل منه ، ما بعرف اوصفلك