دجاج كباب


         وصفة : منى                 2007/06/19                 13 تعليقات
دجاج كباب

·          يقطع الدجاج مكعبات , يهرس الثوم و بفرم الصل ناعماً ثم يدعك بالملح و الفلفل .

·          يمزج اللبن و البصل و عصير الليمون و زيت الزيتون و بشر البرتقال و الثوم المهروس و الفليفلة الحمرا الناعمة و الكاري و الملح ثم يغطى الوعاء بغطاء نايلون محكم و ينقع الدجاج بهذه التتبيلة طول الليل .

·          تشك مكعبات الدجاج بالأسياخ أو الأعواد الخشبية ثم تشوى على الفحم أو على الشواية بعد دهنها بالزيت و تقلب على الطرفين حتى تنضج .

·          يقدم الدجاج كباب ساخناً مع الأرز البسمتي الأصفر بالبهارات .
تنويعات و اضافات :

·          يمكن استخدام مكعبات بطاطا للوصفة كاضافة لذيذة جداً , تقشر البطاطا ثم تقطع لمكعبات بنفس حجم الدجاج ثم تنقع مع الدجاج بنفس التتبيلة و تشك بالسيخ بالتناوب مع مكعبات الدجاج ثم يتابع اعداد الوصفة كالسابق .



4 قطع صدور دجاج
حبة كبيرة بصل
1 – 2 فص ثوم
رشة فلفل أسود
ملعقة كبيرة ملح
ملعقة كبيرة كاري
ملعقة صغيرة فليفلة حمراء ناعمة
نصف ملعقة صغيرة كزبرة ناعمة
بشر برتقالة أو بشر ليمون ناعمة
2 ملعقة كبيرة لبن
3 ملعقة كبيرة عصير ليمون
3 ملعقة كبيرة زيت زيتون





• يقطع الدجاج مكعبات , يهرس الثوم و بفرم الصل ناعماً ثم يدعك بالملح و الفلفل .

• يمزج اللبن و البصل و عصير الليمون و زيت الزيتون و بشر البرتقال و الثوم المهروس و الفليفلة الحمرا الناعمة و الكاري و الملح ثم يغطى الوعاء بغطاء نايلون محكم و ينقع الدجاج بهذه التتبيلة طول الليل .

• تشك مكعبات الدجاج بالأسياخ أو الأعواد الخشبية ثم تشوى على الفحم أو على الشواية بعد دهنها بالزيت و تقلب على الطرفين حتى تنضج .

• يقدم الدجاج كباب ساخناً مع الأرز البسمتي الأصفر بالبهارات .
تنويعات و اضافات :

• يمكن استخدام مكعبات بطاطا للوصفة كاضافة لذيذة جداً , تقشر البطاطا ثم تقطع لمكعبات بنفس حجم الدجاج ثم تنقع مع الدجاج بنفس التتبيلة و تشك بالسيخ بالتناوب مع مكعبات الدجاج ثم يتابع اعداد الوصفة كالسابق .
  • وصفات تانية ممكن تعجبك


التعليقات

  1. هوايتي الطبخ 19 April 2008

    اريد ان اسألك اخت مني هل ادهن الثوم والبصل بالملح والفلفل ام ادهن الدجاج بالملح والفلفل؟
    وشكراوياريت تضيفيلنا وصفات من المطبخ الهندي والصيني لاني بحبو

  2. منى 20 April 2008

    هلا فيك يا عسل :) البصل و الثوم بتفركيهم مع البهار و الملح لحتى يطلعوا عصاراتهم و و نكهتهم , رح نزل وصفات ان شاء الله , و اكيد بيعجبوك ;)

  3. هوايتي الطبخ 21 April 2008

    اختي الغاليه مني
    لا اعرف كيف اعبر لك عن مدي سعادتي لنجاح الوصفه فأنا حقا من عشاق المطبخ الهندي واليوم عملت دجاج الكباب الهندي وطلع لذيذجدا :p
    وعجب اولادي بس ابغا اسئلك سؤال ؟
    دجاج الكباب طلع معايا لونو برتقالي انا حطيب بشر برتقاله كبيره كامله هل لازم اخفف من بشر البرتقاله اقصد من كميتها او استبدل بشر البرتقال ببشر ليمون وايهما الذ؟
    لان صورة الدجاج الي عندك لون الدجاج فيها ابيض اما انا طلع اللون شويه فيه برتقالي فما هو السبب وكيف اخلي لون دجاجي زي الي عندك في الصوره؟
    سامحيني كتير علي الاسئله الكتيره دي بس لاني بحاول اتعلم اشياء جديده ارضي بيها زوجي

  4. منى 21 April 2008

    هلا فيك أختي :) بالاول هنا و صحة و عوافي على قلبك و قلب الاولاد و قلب زوجك :)
    اختي الكمية الي استعملتيهامن بشر البرتقال منيحة و إذا بتحبي يكون اللون أكشف فيمكن أن لا تستعملي البشر , مع انه يضيف نكهة لذيذة للدجاج ..
    بشر الليمون ما استعملته و لا مرة مع هل الوصفة بس اتوقع ان يكون الطعم لذيذ ;)

    انا كتيرر مبسوطة أختي فيك و باسئلتك , أي سؤال تاني من عيوني أختي

  5. سارونات 15 October 2008

    لسلام عليكم و رحمة الله و بركاته
    اختي منى جازاك الله خيرا و جعله في ميزان حسناتك
    الوصفة مبينتها طيبة و نصيحة الاعواد الخشبية كتير مهمة الحمد لله قلتيلنا عنها
    المواد متوفرة عندي ما عدا الكاري بعرف انو ضروري بالاكل الهندي بس هل في مجال استغني عنو تطلع طيبة او حط بدالو شي
    و عندي كمان سؤال عرفت انو الكاري ممكن ينعمل في البيت و لقيت المكونات بس حبيت اسألك ازا مجربتيه
    بالتوفيق
    سلام

  6. منى 15 October 2008

    لا اختي الكاري اساسي و قد ما حطيتي بهارات بيبقى الكاري نكهته غير :zzz , جربت كتير وصفات للكاري بس ما طلع متل الجاهز , لهيك ما نزلت اله وصفة , بس ما مليت من التجربة و كل ما بلاقي وصفة منيحة برجع بجربها :roll

  7. ام سيمى 25 February 2009

    السلام عليكم
    احببت ان اشكرك لاني كل ما جربت وصفة من وصفاتك كانت ولا الذ
    وعلى فكرة الان كل صديقاتي هنا في فرنسا يجربون وصفاتك

  8. سارونات 22 April 2009

    السلام عليكم و رحمة الله و بركاته

    اختي منى طيب فينا نستبدل الكاري بالغرام ماسالا لان اليوم ساويت الغرام ماسالا حسب طريقتك و عم دور على وصفات تحتى استعملو

    كمان سؤال بالنسبة للوصفات اللي بالموقع هل ممكن دائما نستبدل الكاري بالغرام ماسالا او لا و اذا ممكن يا ريت تقوليلي على هالوصفات مشان جربهم

    بالتوفيق
    سلام

  9. منى 23 April 2009

    هلا ام سيمى :)

    عافية و ها و صحة على كل لقمة و كل وصفة و مية هلا فيك و بكل رفقاتك :zzz

    هلا سارونات :)
    اختي كل شي اله شي , هل الوصفة بدها كاري و انا مومجربتها الا فيه ;) و الكاري و الغرام ماسالا مو بديل بعضهم البعض و كان في وصفة واحدة نستبدل فيها الكاري بالغرام ماسالا بس ما بقى اذكر شو هي :roll

  10. سارونات 28 August 2009

    السلام عليكم و رحمة الله و بركاته

    و اخيرا اشتريت كاري :grin و شو فرحانة فيه و ان شاء الله هلأ بدي جرب الوصفات اللي يدخل في مكوناتها و عقبال ما نلاقي طريقة تحضيره في البيت مثل الغرام ماسالا
    منوووش خبريني اذا فيني ساوي هالوصفة بالفرن بدي اسأل هل ممكن نساوي كل شي و نحطهم في الاسياخ الخشبية و كل شي بش بالفرن بينفع او لا يا ريت اذا بينفع تخبريني كيف لان عجبتني الوصفة كتير و عبالي جربها قريبا ان شاء الله و بدي اسأل اذا بتعرفي شي طريقة تانية كمان لعمل اسياخ دجاج مشوي

    بالتوفيق
    سلام

  11. سارونات 23 September 2009

    السلام عليكم ورحمة الله و بركاته

    منووووش عيد مبارك عليك و على كل اللي بالموقع و كل الاخوة و الاخوات المسلمين اعاده الله علينا و عليكم بالخير و البركات

    انا ناطرتك تجاوبيني على الاسئلة لما تقدري

    بالتوفيق
    سلام

  12. منى 2 October 2009

    ممكن تشوها في الفرن , بس لحتى ما تصير ناشفة ممكن تغطيها , بكل الاحوال انا مو مجربة , بقى ما فيني فيدك على التمام :roll

    تكرم عيونك اختي , ايا وضفات تانية اكيد رح ضيفها اول باول

  13. Jassy 27 January 2011

    السلام عليكم ورحمة الله وبركاته

    امبارح عملت هالأكلة، يااااااااااه أول مرة بدوق هيك الفروج بيدووووب بالتم، والنكهة الطيبة من البهارات. عملتو على نصيحتك مينو :) حطيت بطاطايات بيناتون.
    هلئ الوجبة الأولى عملتها بالفرن وشغلت الشواية بس كم دقيقة بالأخير، ما جهزت البطاطا.
    الوجبة التانية حطيتها بس grill ، طلعت بتجننننن.
    رح عيدها أكيد :zzz .
    عجب إذا حطيت لحمة بتطلع ؟ :roll
    الله يجزيكِ الخير منوش

    والسلام عليكم ورحمة الله :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)