براونيز بكريما الخمس دقايق السرية
2 ليتر حليب ( 8 كوب )
2 فنجان صغير رز مصري
فنجان صغير سكر
ماء زهر من نوعية فاخرة
بالوظة البرتقال :
2 كوب من عصير البرتقال المصفى
فنجان و نصف أو أكثر من السكر
ملعقة كبيرة مملوءة و نصف نشاء الذرة ( كورن فلاور )
• يوضع الحليب على النار و يترك حتى يغلي .
• يغسل الرز و يصفى جيداً ثم يوضع فوق الحليب المغلي و يترك الرز بحليب على نار متوسطة لمدة 40 – 50 دقيقة تقريباً أو حتى تنضج حبات الرز و يسمك الحليب قليلاً بفعل نشاء الرز .
• يضاف السكر و يحرك الرز بحليب لبضع دقائق حتى يذوب السكر تماماً ثم يبعد القدر عن النار و يضاف ماء الزهر , أصبح الرز بحليب جاهزاً يسكب في عشر صحون زبادي صغيرة ثم يترك حتى يبرد تماماً .
• يذوب السكر بالبرتقال في قدر صغير و يذاق للتأكد من حلاوته , يضاف المزيد من السكر حسب الرغبة إذا بقي العصير حامضاً .
• يذوب نشاء الذرة بالعصير ثم يوضع القدر على النار و يحرك باستمرار بمضرب سلك حتى تغلي البالوظة و تسمك .
• توزع طبقة رقيقة من البالوظة فوق أطباق الرز بحليب ثم توضع الصحون في البراد حتى وقت التقديم
• قبل التقديم يمكن أن تزين الأطباق بالفستق الحلبي المبشور أو تترك بدون زينة .
فكرة سريعة :
يمكن اعداد البالوظة بعصير البرتقال الدموي أو بشراب القمر دين أو بعصير الليمون أو حتى بلب المانغا , و بنفس الطريقة يمكن تبطين الرز بالحليب بالزردة .
سر الطبخة :
لا تسكب البالوظة فوق الرز بحليب إذا لم يبرد تماماً و إلا فإنهما سيختلطان ببعضهما البعض .
تسلم ايديك يا مذوقة على هالطبق اللذبذ من عند هالصبح والله شفت الصورة اشتهيت تكون الزبدية امامي لأتذوقهامع اني البارحة خلص من عندي الرز بحليب طبخاتك كلها طريقتها بتدل على انك معلمة وفنانة شكرا لك بتعرفي انا احيانا استعمل عصير البرتقال الجاهز لما ما بيكون عندي برتقال عصير بالبيت وكتير طيب عالطبخ كمان مثل البرتقال الفريش انا جربته اول مرة وانا خايفة بس طلع كتير طيب و ناجح وهو مفيد للي ما عندها وقت تعصر برتقال شكرا لك على جهودك المبذولة وتعاملك باخلاص مع الموقع
:zzz السلام عليكم ورحمة الله وبركاته شي لذيذ ورائع مشكورة عزيزتي وتسلم دياتك
مية أهلا و سهلا فيك غيث أخت جديدة و عزيزة
و الله فكرة مفيدة جداً , لأن أنا هل النوع ما بحضره إلا بالشتي بس هيك ممكن حضره ايمتى ما بيخطر على بالي
الله يسلمك أختي , هاد بس من زووءك و لطفك
و عليك السلام ام تسنيم
الله يسلمك حبيبتي و الشكر ليك على الرد الحلو 
تحياتي منى
طبخاتك كلها لذيذة وحلوة :zzz
إيمان
هلا فيك إيمان
نور الموقع بردك أختي , و إن شاء الله تجربي وصفة و تكون على زووءك 
شكلو لحالو بيجنن
و الطريقة جديدة عليي
رح جربها بجوزي متل العادة :grin
يسلمو و الله يعطيكي العوافي
لنوشة يا قمر من زمان القمر ما بان , شتقتلك كتير
هنا يا رب مقدما , بس بتعرفي استغربت أنك ما بتعرفيها :roll ..
الظاهر بالشام مو معروفة لان عنا بحلب كلنا منعملها
والله يمكن بيعملوها بالشام
بس محسوبتك يعني خلصت البكالوريا وهجت
و لما كنت بالمدرسة ما تعلمت الطبخ و لا حتى اني حط فـطور
بس لما تجوزت وصرت دور بالنت على اكلات سمعت بكتير شغلات
اول مرة مرة بسمع عنها و كل ما اسأل امي تئلي ايه موجودة هل الاكلة شو ما بتعرفيها
يا اما تكون امي عاملتها مرة و ما حدا حبها مشان هيك ما عاد تعملها مرة تانية وننساها
و الله شتقتلك يا منى الله يشهد بس استنى عليي شوي يا بنتصر يا بجن
حاكم ولادي يخزي العين و بلا حسد رح يجيبو اخرتي قريبا :upset
بتعرفي اني ما عاد فتت على مواقع طبخ غير هاد
الله يعطيك الصحة والعافية والهنا
سلام
و هو المطلووب ليندا , لا موقع طبخ الا لقمة :grin
سلامتك ربي , الله خليلك يااهم , و الله هل الاولاد شو بدهم صبر , بيعين الله
هذا الحلو المفضل عندي الحلويات العربية في رمضان لها طعم التاريخ والتراث برائحة ماء الورد والزهر اوالهيل والزعفران
هلا منونة
عوافي يا حق على قلبك و الله يتقبل منا و منكم الصيام و نكون من عتقاء الشهر 
ممم بجنن انا دايقته عند وحدة حلبية وكتير بحبه بس ولا مرة جربته بقى اكيد رح جربها بعد ماشفتها عندك بس بدي اسال انو البالوظة بتكون سخنة والرز بحليب بارد ؟ ولا البالوظة كمان لازم تكون باردة؟ شكرا كتير
مية هلا ريمو
هلا وقته هل الرز بحليب , ان شاء الله رح يعجبك كتير .
البالوظة ما رح تكون عم تغلي بس كمان مو فاترة و الا ما رح يصير وجهها مستوي :roll خليها كم دقيقة قبل ما تسكبيها على الرز بحليب البارد تمام
حبيبتي منى هل الأكلة كتير طيبة :grin وطعم البرتقل فيها بيعطيها طعم غير شكل والله من كم يوم اختي ساوت ببيتها وجابتلنا سكبة
بس نحن بدون ماء زهر لأنه كلنا بالبيت ما منحبو زيادة
وماما بتساويها كتير طيبة متلك طبعاً
سلم ايدك ويعطيك العافية حبيبتي منى
الله يعافيكي و يخليكي يا قمر و الف هنا و عافية على قلب كل العيلة , هي نفسها اختك الي كانت حامل ؟
ان شاء الله تكون قامت بالسلامة
اهلين منونة كان بدي اسألك سؤال انا مرة عملته وطلع معي كتيير زابط بس في شغلة وحدة انا طلعت معي البالوظة لونها برتقالي اغمق من يللي بالصورة بس انا إستعملت عصير جاهز لأنو وقت الصيف وما في برتقال طازج يا ترى هادا السبب ؟
ويسلموا إيديك يا رب
ايه اكيد هادا السبب , و ما في غيره لان اللون اله علاقة بالعصير
السلام عليكم ورحمة الله وبركاته كيفكن جميعا وكيفك ست منى ان شا الله تمام ؟؟؟؟
بصراحة هي الاكلة ما كنا نعملا عند اهلي وببيت حمايي اول ماتزوجت لما تساويها حماتي كنت اكل طبقة البرتقان لحال وبعدين بلش بطيفة الرز بحليب خوفا على المعدة ههههههه وقول لحالي يا الله شو بخبصوا ههههههههه ؟؟؟؟ المهم بلا طول سيرة شوي شوي صرت اكل المبطن بشكل نظامي وصرت اطلبو طلب من حماتي بس بدي جرب هالمرة انا اعملو بس خايفة ما يسمك الرز بحليب ويعمل طبقة على وشو بقا اذا فيني ضيف معلقة كورن فلاور مدوبة بشوية حليب وضلني عم حرك لحتى يسمك معليش؟؟ وفكرة تانية :مرة حماتي كان عصير البرتقان ماكتير غامق قامت حطت شوية بشر برتقان وصار حلو كتير حلو لونه وماعطا طعم مرار من البشرة ….. وشكرا كتيرررررررر لوصفاتك انا كتير عم جرب من وصفاتك واغلبن بطلعوا بجننوا بجد الله يعطيكي العافية
هلا اسراء
شوفي اذا خليتي الرز بحليب على النار فترة كافية رح يسمك و تطلع طعمته اطيب و هي هي طريقة نانتي و نانتك و بيحضروها من شي الف سنة , بس اذا خايفة ممكن تضيفي شوية كورن فلور
مممم , فكرة طيبة كتير , مرة ماما عملتهم هيك و متل ما قلتي بتطلع نكهة البرتقال بتجنن ..
انا بحبهاكتير لهل الوصفة و كمان امي ما كانت كتير تعملها بس لما تعملها يصير عنا احتفال :grin
صحتين و الف الف هنا على الوصفات الي عجبوكي و الي نص نص حقك علي يا جميل
ولي على بعضي..اي شو هالمبطن ست منى..والله شكلو بيغرف القلب.. يسلم هالإيدين يارب. آآه بس لو مالي بالسرير هلأ من وجع ظهري لقمت بهالساعة عملتو
بس أنا بعرف ست منى من الماما انهم كانوا يزيدوا حلاوة الرز بحليب شوي زيادة وما يحطوا أبدا سكر للخشاف..على أساس تبقى حموضة البرتقال ظاهرة
شو رأيك بالفكرة من حيث المبدأ
عليك الف الف عافية يا رب , ما على قلبك شر :roll
, بقى من ناحية الفكرة هيك اصولها , و انت جربي لحتى تعتمدي الطعمة الي بتحبيها:)
يا ستي انا اتعلمتها بالعكس , انو الرز بحليب ما اله سكر ابدا , بس المبطن اله
كل عام وأنت بخير .. ولقمة طيبة بخير .. وبلدنا بألف ألف خير.
هي أول مرة بعمل مبطن، مع أني كتير بحبه.
إن شاء الله ألوانه الحلوة المشرقة تضوي على كل القلوب يا رب.
امين يا رب اخي ارام , و ان شاء الله العيد الجاية تكون الاحوال منصلحة و القلوب رايقة و بلدنا بخير :roll
صحتين و الف هنا , هي من الوفات الي ما بقدر قاومها , ان شاءلاالله تكون طلعت تمام معك
مرحبا منى بدي اسئلك سؤال وياريت تجاوبيني اول شي انا بهنيكي على هالموقع اللي اكتر من رائع لأني ماعدت اعمل ولا شي من غير ما ارجعلو وشوف وصفاتك اللي بتعئد وبتاخد العقل لدرجه اني صرت اول ما اصحا وافتح عيوني لازم اقعد اتصفح فيه شوي لحتى جرب كم وصفه صار كتيييييير جربت من وصفاتك والحمدلله بفضل الله وفضلك الكل كان بيجنن وراضيه عنو كتير ونجح معي بس هلا سؤالي بيصير احط للبالوظه نشاء بودره لانو انا حاليا بالصين وبالزور لحتى لاقيت نشاء بودره ومافي غيرو وارجو الرد وشكرا واسفه كتير عالاطاله
اهلا لينا منورة الموقع و مشرفتيه و الله و بالعكس بنبسط بالردود الطويلة
اي بيصير اكيد , هو المطلوب للوصفة نشا بودرة
ايا سؤال تاتي من عيوني
شكرا كتيييييير لزوئك عملتو وطلع بيجنن بس كان بدو كمان معلقة نشا لحتى يجمد اكتر انشالله رح ارجع اعملو مره تانيه متل مابدي وشكرا كتيييير لتعبك الحقيقي اللي باين بالموقع