رز و فطر


         وصفة : منى                 2008/11/22                 26 تعليقات
رز و فطر


2 كوب رز مصري
2 ملعقة كبيرة سمنة
ثلث كيلو لحمة مفرومة ناعماً
نصف ملعقة صغيرة بهار مشكل
رشة قرفة
4 كوب فطر طازج مقطع شرائح
2 كوب و نصف مرق





• يغسل الرز جيداً ثم ينقع بالماء المملح لمدة ساعة .

• تذوب السمنة على نار متوسطة , تضاف اللحمة و البهارات و تقلب حتى تنضج اللحمة و يجف مرقها .

• يضاف الفطر و يقلب مع اللحمة و البهارات حتى يأخذ من نكهتها و ينضج لمدة 5 دقائق تقريباً .

• يغلى المرق على النار ثم يضاف الرز و يغطى بمزيج اللحمة و البهارات و يترك بدون تحريك , بعد أن يغلي مجدداً تهدى النار و يغطى القدر و يترك حتى يمتص الرز كل المرق .

• يبعد القدر عن النار و يترك ليتهدى لمدة ربع ساعة ثم يقلب بلطف باستخدام شوكة ليمتزج الفطر مع الرز و يقدم فوراً مع السلطة أو مع العيران .
  • وصفات تانية ممكن تعجبك


التعليقات

  1. سمسمة 23 November 2008

    ان شاء الله بيعيشوا ايديكي منى معقولة هالآكلة وبتشبه الرز بزاليا أوالرز بالفول بكره رح جربها وردلك شو بيطلع معي

  2. منى 23 November 2008

    كتير سهلة و متل ما قلتي نفس المبدأ بس باستعمال الفطر , يممي
    ان شاء الله تعجبك سمسومة ;)

  3. رنا 23 November 2008

    كتير بحبها كتير كتير
    ومتل ماقلتي سهلة ولذيذة
    بس نحنا منعملها بطريقة شوي مختلفة
    اول شي بصلة متوسطة بفرمها ناعمة وبقلي معها لحمة بكون مشكلتها على هيئة كرات صفيرة بقليها مع البصل وبنزل بعدين بالفطر بقليه كمان بعدين بغمره بمي وبفطية ليستوي ….بعدين بكون طبخت رز ومناكلها حنب بعض اول على شكل مقلوبة بس الغالب مناكلهن جنب بعض يعني طبق فطر وطبق رز ولبن رايب وسلطة وياعيييييييييييني خلصت الطبخة :grin

  4. منى 23 November 2008

    اممم ععرفتها هي الطبخة و متل ما قلتي رنونة هي الطبخة بنت عم الطبخة الي قلتيها , انا بعملها متل طريقتك تمام بس بلحمة شقف , يممي , ذكرتيني فيها ان شاء الله ببقى بحضرها و بنزلها ;)

  5. سلاف 23 November 2008

    امبارح فتحت عالصور وشفت صورة الرز وفطر لوحه فنيه بتجنن00 يسلمو ايديكي منى عنجد متل ماقلتي هي اكله بنعملها وقت الزنقات 00 انا بعملها بنفس طريقتك بس الاختلاف بالبهار السحري اللي هو رشة القرفه وطبعا صرت استعمل هلا القرفه بس لسه ماطبخت رز وفطر مع رشة قرفه البهار السحري ههههههه انا مره اكلتها عند سلفتي بتحط مع الفطر شوية حمص مسلوق عنجد طيبه وبتعطي لون وطعم طيب 00
    بعرف حالي بحكي كتير بس منشان وصفة اليقطين كنت مشغوله ببيت حماي اجو من سوريا وبتعرفي شغل المطبخ والعزايم00 ولسه فيه ليوم السبت 5 ايام ان شاء الله ببعتها قبل السبت انا عندي مقادير الوصفه بس كنت حابه ضفلها شيئ وجربها وصورها منشان ابعتها عالمضمون وكمان اكله بتشبه ابو بسطي اكلتها باحدى العزايم بس فيها شغله ماعجبتني بدي عدلها وارجع اطبخها واذا طلعت طيبه 100 بالميه رح ابعتها00 انتظرووووني :roll
    شكرا منى

  6. منى 23 November 2008

    هلا سلاف :)
    الله يسلمك يا قمر , عن جد هلأ كل ما بحط رشة قرفة على الطبخة بتزكرك ;)
    كمان بتطلع طيبة هيك , انا بعمل كل واحدة لحالها , قصدي رز و فطر و رز و حمص بس و لا مرة ما خطر ببالي ان ادمجهم .
    الله يعطيكي العافية و ربي يكرمك متل ما أكرمت ضيوفك و أكتر , عم استنى الوصفات منك و الف شكر ليك مقدماً :zzz

  7. muna.g.7 23 November 2008

    تسلم الايادي اغيب شوية في الرياض زيارة لبنتي واولادها اجي اشوف الموقع مليان طبخات ولا احلى يعطيكي الف عافية انا اموت في الرز واموت في الفطر خاصة اذا كان طازج وانشاء الله على التجريب قريب جدا

  8. منى 23 November 2008

    هلا منونة :)
    ان شاء الله انبسطتي مع الأهل و كلهم كانوا بالف خير و عافية .
    ان شاء الله تجربي هل الوصفة و تعجبك و لا بقى تطولي الغيبة اختي ;)

  9. أم علي 23 November 2008

    ممممممممممممم لذيذة والله بتشهي تسلم ايدك
    :grin

  10. سارونات 23 November 2008

    السلام عليكم و رحمة الله و بركاته
    شو هالتحفة الفنية اختي منى الله يجازيك كل خير لان كل يوم عم تعلمينا وصفات جديدة
    ان شاء الله راح جربها بس مو كأن كمية الفطر كبيرة ما بعرف هيك حسيت يعني كأنه طاغي على الرز يعني بدي اسألك لما بتتذوقيه لهالطبق هل بتحصلي على طعمة الرز اكتر او على طعمة الفطر
    بالتوفيق
    سلام

  11. منى 24 November 2008

    هلا ام علي :)
    مية هلا اختي يلا ان شاء الله تتشجعي و تعمليها :zzz

  12. منى 24 November 2008

    هلا سارونات :)
    اختي الكمية كيف ما بتحبي ممكن تتحكمي فيها , نحنا عندي بالعيلة هيك نحبها 8)

  13. kuwaiti_girl 24 November 2008

    يم يم صحيح هالطبق لذيذ بس احنا نعمله من غير لحم بس بصل وفطر مع الرز البسمتي بس باللحم بتكون اطيب

    رح اجربه باللحم المفروم والرز المصري :zzz

  14. منى 24 November 2008

    هلا كوكو :)
    ممم , يا ستي بعد أهل الخليج لا حدى يطبخ رز و أطباقه , ما شاء الله عندكم تنويع كبير .
    ان شاء الله تجربيه و يعجبك و على فكرة ممكن استعمال البسمتي اذا بتحبيه اكتر ;)

  15. kuwaiti_girl 27 November 2008

    تسلمين يا قلبي

    بس بالحقيقه ساعات الواحد بيمل من البسمتى والمزه.. وفي وصفات من تغيري نوع الرز فيها بتطلع له طعمه جديده

    عملتها امس وكانت جدا لذيذه استخدمت فيها 3 انواع فطر … واكلتها مع صلصه طماطم ( يا اختي عندي عقده بموت على الاشياء الحمرا بالاكل هههههه )

  16. ريمو 27 November 2008

    السلام عليكم
    ممم الطبق بجنن وبشهي ومنظره لحاله بياخد العقل بس انا بدي اسال على المرق انو اذا مابالوصفة سلق دجاج او هيك شي كيف الواحد بضيف المرق ولا ممكن انو يستبدل بمكعبات الدجاج؟
    وبدي اتشكرك كتير على الباطرش الحموي لانو بجنن وبشهي وعلى اصوله ونص وشهيتيني اياه كتير بس عنا الباذنجان قليل بسكوتلند والصورة تبعيت حماه بتجنن وخليتيني اشتاق لحماه بزياده بقى الله يعطيكي الف عافية على كلشي وعفوا للاطالة.
    شكرا

  17. منى 27 November 2008

    مية هلا ريمو :)
    هادا بس من زووءك حبيبتي و اسفة لان ردك السابق راح مع الهاكر :roll

    الوصفة ما يها سلق بس انا دايما بحفظ عندي مرق جاهز لهيك وصفات كل ما اسلق مرق بحط المرق الزايد في اوعية بلاستيك في الفريزر ;) اذا مو متوفر اكيد ممكن تستعملي المكعبات الجاهزة ..

    بالعكس اختي لا طولت و لا شي , مية اهلا و سهلا و ان شاء الله بترجعي لحماة و سوريا سالمة و غانمة ;)

  18. منى 27 November 2008

    هلا كوكو :)
    هنا و الف الف عافية , كيف ما رح تطلع طيبة و انت مستعملة فيها 3 انواع فطر :eek اكيد طلعت بتشهي
    و كمان فكرة مع صوص طماطم , هنا و مية الف عافية حبيبتي ;)

  19. سارونات 11 June 2009

    السلام عليكم و رحمة الله و بركاته

    جربتها اليوم بس بفطر و من غير لحم شوحت شوية يصل في شوية زبدة و يعدين صفت الفطر و رشة فلفل ابيض و ملح و قلبت لحتى ذبل شوي و بعدين اتبعت الوصفة و طلع طيب و حتى اني ما حطيت كتير فطر يعني لكل كأس رز حطيت كأس فطر و شوية

    جازاك الله خيرا اختي منى

    سلام

  20. منى 11 June 2009

    هنا سارونات :)
    بس باللحمة رح تطلع اطيب و انكهة , ان شاء الله تجربيها شي مرة و تعجبك :)

  21. ام احمد الغالي 11 August 2009

    السلام عليكم
    جربتها يوم الجمعه وطلعت طيبه كتير كتير وسهله جدا وعملت جنبها صحن سلطه كبير وحمودة ضل يومين ياكل منها يسلم دياتك يارب

  22. karamela 9 May 2010

    هالأكلة جربتا وطلعت كتير طيبة خصوصا للي بحب الاكلات اللي فيها فطر
    وانا عملت جنبا لبن عيران وكانت طيبة كتير
    يسلمو ايديك اختي منى
    بس صرلك زمان ما عم تحطينا طبخات جديدة
    انا والله مقدرة ظروف الاولاد وغيره بس نحنا كمان صرنا محسوبين عليك

  23. zahraa.sh 11 September 2011

    اليوم رح جرب اعملها …هي تالت طبخة الي
    طبخت مقالي :grin
    ومعكرونة خضار 8)
    وهلأ جاية عبالي اطبخ رز بفطر
    يالله يارب :roll الله يستر :upset

  24. منى 11 September 2011

    وربي يسر :)
    ان شاء الله بتعجبك

  25. منى 11 September 2011

    هلا كرميلا :)
    صحتين و الف عافية يا رب على البك و الب كل مين دلقها
    انا بصورة عامة بحب السلطات اكتر من اللبن و كله مع العافية طيب ;)
    تسال عليك العافية و الخير دوما

  26. منى 11 September 2011

    هلا ام احمد :)
    صحتين و الف الف عافية يا رب على البك و الب حمودي و الحمد لله انها عجبته
    هنا

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)