منى بس سؤال.. قديش يعني علبة الزعفران الصغيرة؟؟؟

منى كوب رز بدو 12 كوب ماء ما كتير بالنسبة لا كوب

منى سؤال اخير لان حابة جرب عالوصفة بدي اعرف كيف بتطلع الزردة بالاخير متل الرز بحليب قصدي ساءلة ولا جامدة

اخت منى
بدي اسالك كم زبدية بتطلع هالكمية ؟؟؟؟؟؟
لانو حابة جربها وخايفة ما تعجب ابو الشياب!!!! :p
ما بدي ياها تكون كميتها كبيرة :cry
مشكورة مقدما

تسلميلي يا منى :zzz

لو تعرفي أخت منى مكانة هالوصفة عندي .. ما دقتها من شي 30 سنة ودائما بتخطر على بالي كل ما تذكرت بيت جدي القديم ونانا الحجة الله يرحمها، هي الوحيدة بالعيلة اللي كانت تعملها، ومن بعد وفاتها ما دقت الزردة أبداً.
نويت أخيراً أحضرها على العيد وأعملها مفاجأة لضيوفي من العيلة، بس ما تيسرت فعملت وقتها رز بحليب مبطن.
من يومين نزلت على سوق العطارين بالمدينة لأشتري زعفران، تفرجت وسألت تقريباً كل المحلات، وباعتبار ما عندي خبرة بالزعفران وما بعرفه من قبل، اخترت بالنهاية أغلى نوع على أساس أنو الأغلى لازم يكون الأفضل.
البارحة المسا طبخت الزردة وأنا متلهف أنو أخيراً رح يتحقق حلمي. بس للأسف كانت الصدمة مؤلمة، الزعفران طلع مغشوش وما له علاقة بالزعفران، والزردة طلع لونها أحمر فاتح وما في أي طعمة أو ريحة. احترق دمي. يعني عن جد تجارنا ما عاد فيهم لا شرف ولا ذمة ولا ضمير، بيعتبروها شطارة، وكل واحد فيهم سجادة صلاته جنبه ومسبحته بإيده ودقنه شبر. رحم الله الإمام الشافعي .. نعيب زماننا والعيب فينا.
صورت التطبيق، ما رح نزل الصورة طبعاً على صفحة لقمة طيبة بس رح نزلها على صفحتي على الفيسبوك إذا حبيتي تشوفي المقلب الي أكلته.
ألف شكر أخت منى للوصفة الرائعة. وآسف للإطالة بس من حرقة قلبي.