براونيز بكريما الخمس دقايق السرية
· تقشر البطاطا و تقطع لمكعبات ثم تفلى بالزيت حتى تشقر , ترفع على ورق ماص للتخلص من الزيت الاضافي . و يمكن اتباع طريقة نور لقلي البطاطا بطريقة خفيفة و صحية .
· تمزج مقادير الصلصة في طبق صغير , يفرم البصل الأخضر ناعماً و يوضع في الصلصة حتى اعداد بقية المقادير .
· تفرم البندورة لمكعبات بنفس حجم البطاطا و يفرم البقدونس ناعماً .
· تقلب البطاطا و البندورة و البقدونس مع الصلصة ثم تقدم مع المشاوي أو كطبق مقبلات .
2 حبة بطاطا كبيرة
حبة بندورة كبيرة
1 حبة بصل أخضر أو بصلة حمراء صغيرة مفرومة ناعماً
3 ملعقة كبيرة بقدونس مفروم ناعماً
الصلصة :
3 – 4 ملعقة كبيرة عصير ليمون أو خل أو مزيج منهما
2 ملعقة كبيرة زيت زيتون
نصف ملعقة صغيرة فليلفة حمراء ناعمة ( حرّة أو حلوة حسب الرغبة )
فص ثوم مهروس
ملح
• تقشر البطاطا و تقطع لمكعبات ثم تفلى بالزيت حتى تشقر , ترفع على ورق ماص للتخلص من الزيت الاضافي . و يمكن اتباع طريقة نور لقلي البطاطا بطريقة خفيفة و صحية .
• تمزج مقادير الصلصة في طبق صغير , يفرم البصل الأخضر ناعماً و يوضع في الصلصة حتى اعداد بقية المقادير .
• تفرم البندورة لمكعبات بنفس حجم البطاطا و يفرم البقدونس ناعماً .
• تقلب البطاطا و البندورة و البقدونس مع الصلصة ثم تقدم مع المشاوي أو كطبق مقبلات .
السلام عليكم ورحمة الله وبركاته. ياستي جوزي اطيب ماعندو بطاطا في السلطة انا بعملها بالبطاطا المسلوقة تسلم ايديك وعندي سؤال ولوفيا غلاظة اديش عمر ولادك الله يخليلك ياهم
يا منمن شو طلعت هالسلطه طيبه
من اول ما شفتها ورحت طبقتها على طول ويم يم لذيذه
تسلم ايدج يا غاليه على هالطبق اللذيذ وتسلم ايد ديمه
سامحيني لاني مقله بالتعلقيات بس دائما اتردد على هالموقع واسعد جدا بالوصفات والكلمات والذكريات اللي تنبع من القلب
بالنسبه للوصفات لازم بيجينا يوم نخبص شوي بس لا تخافي لان منى الغاليه لازم ترجع تتفنن وتهندس بالاطباق الجميله والرائعه دايما ودوما
دمت بخير ومحبه :*
كل شي ممكن يصير الا انه تفقدي مهارتك بالطبخ هي شغلة مستحيلة لانه بحس حب الطبخ والمطبخ بيمشي بدمك وهادا شي صعب يروح بسهولة ومستحيل كمان ..بس بزمانه امي كانت تقول انه السنة 365 يوم وكل يوم طبخة معقولة كلن يزبطوا ؟؟بقا الي صاير معك عاااادي كتير وبتحصل مع الكل بقا دخيلك لايروح نشاطك وعزيمتك وخليكي متل ماانتي
بالنسبة للسلطة طيبة ومغذية وبتشبع وبتنفع للعشا او الفطور يسلم ايديكي …بس ماشاء الله كيف اطفالك بيحضروا الفطور وشو بيصير بالمطبخ بعدين :grin
هلا ام تسنيم
ان شاء الله لكن تجربيها للحجي و تعجبه و اكيد بتقوليلي .
يا ستي عندي قسمين الكبار 11 و 10 و الصغنونين 7 و 3 , تشكيلة الله يحفظهم شو حبابين و ظراف و امامير و اصواتهم ما بتطلع ابدا :roll
مرحبا منى
لما شفتك حطيتي السلطة، اشتهيتها قمت فوراً رحت عملتها، كيف الواحد بتهف نفسه على الأكلات فجأة :grin
طالعة معك بتشهي !
صحة وهنا!
Dimah
مدونة ماء زهر البرتقال – Orange Blossom Water
سلم دياتك يا منى على هالوصفة والله يبارك بالاخت ديما على فكرتا انا بعملا متل الاخت ام تسنيم ببطاطا مسلوقة هيك تعلمتا من الوالدة بس اكيد اذا البطاطا مقلية بتكون اطيب انشالله رح جربا
اليوم فتت على عنوان الاخت ديما بما انك يا منى ذاكرة العنوان ما شالله كتير عجبني وبشجعا وانا عم فتش ونبش لقيتا منزلة العجينة المورقة بالخطوات سبحان الله شغل معلمين نفس الطريقة التي اخذتا من والدي وهي العجينة رهيبة بتنعمل لا الاوزي لا عش البلبل وكمان لا الفطاير بجوز وبقشطة وكنت رح ابعتلك الطريقة يا منى تنزليا بس بما انو الاخت ديما منزلتا صار فيون الاخوات يشوفوها عندها
هلا كوكو
يمو ريتو هنا و عافية و الف صحة على قلبك و قلب العيلة كلها , و انا فتت للبلوج تبعك و شفت الصورة , بس للأسف ما فيني علق عندك , مع اني اتمنى و الله , طيب كان بدي قلك ان النيو لوك للبلوج بيجنن و كمان الله يباركلكم بالقطة الجديدة و هلأ صرتي خالة و عقبال ما تصير ماما
كوكو انا ما بزعل منك ابدا و أخبارك الطيبة دايما بتوصلني , هنا كمان على العصير :zzz
بتنوري دايما أختي
هلا رنون
هو الظاهر صاير معي فقر دم هل اليومين , بس عم اخد فيتامين لشد :grin و انتو و كلامكم و تشجيعكم أحسن فيتامين .
بيحضروه لكن شو ؟ اتركهم طول اليوم عطالين بطالين , لازم يتحملوا مسؤولية , هو صحيح انا بعزل بعد ما يخلصوا , بس معهن معهن بيتحسنوا ان شاء الله
هلا نور
ربي يحفظلك حبابك و الغاليين عليك , و الله هي فروحة معزبتني كتير بالاكل و ايمتى ما شفتيني بتلاقيني راكضة وراها باللقمة أو بكاسة الحليب , شو نعمل بيعين الله
ان شاء الله تجربي هل السلطة قريب لان طيبة و يمي
هلا دمدومة
الف صحة و هنا و كتير منيح انها عجبتك , ما انا متعلمتها من واحدة مزوءة كتير و طبخاتها و نفسها بيعجبني و هي متعلمتها عن امها الي متل حكايتها :zzz
هلا عم دور و انكش لشوف الدور على مين هل المرة
هلا ام نور
ان شاء الله تجربيها و اكيدة رح تعجبك لان تغير شكل .
يا ستي انا صار فيني هيك , لما دخلت للبلوج تبع ديما اول مرة تصفحته وصفة وصفة و و هي من اول الوصفات الي لفتت نظري و كنت ناوية ابعت الك اللينك لشوف اذا متل طريقة باباتك الله يحفظه و يخليه , تاريك سبقتيني .
ان شاء الله ناوية جربها , بس ما بعرف ايمتى
سبحان الله القلوب عند بعضا بنصحك تجربيا باسرع وقت اول مرة جربي نص كيلو طحين وسدقيني مجرد ما اخدت ايدك عليا ما بتعودي تستغني عنها وبتستعمليا لا كتير شغلات وخصوصي اذا مستعملة زبدة منيحة بتطلع طعمة غير شكل بس الفرق عنها انو والدي بيستعمل الزبدة السمن ابدا ما بيستعملا بهل عجينة وبالنسبة لا الصور ما فتحوا معك يمكن ما عندك برنامج ادوب عا كل حال رح ارجع ابعتون
ممم , رح جربها ان شاء الله , حمستيني و رح جربها بالزبدة .
الصور ما فتحوا معي , يا ريت لو تبعتيهم بشكل مرفقات عادية اذا ما فيها ازعاج :zzz
هلا اخت منى شكل الاكلة كثير طيب وان شاءالله راح جربها بدي اسألك اذا بدي ابعث لك صور لبعض الوصفات او اذا بدي ابعث لك جدول بمعايير حرارة الفرن كيف بدي ابعثهم ياريت تفيديني وشكرا الك
شو تفقدي مهاراتك بس احيانا الوحدة بتمر عليها اوقات حتى البطاطا المقلية ما بتزبط معها
ومتل ما بيقول جوزي انت كل شهر في ايام محددة منها بتصيري بتخبصي
طبعا فهمتي شو قصدي بهالايام
حتى كانت الي جارة كانت اذا جابت خيار او لفت للمخلل وكانت بهالايام بتقلي لخلص بعملها لان اذا عملتها هلا بيخرب
كنت قول هي خرافة لحتى صرت لاحظ عحالي كل شهر بهالايام ما بيطلع متل باقي الايام
بيقولوا هرمونات بالجسم كنت حسو خرافة هالحكي
بس بعدين تأكدت بنفسي
يمكن انت صاير معك هيك
بس اللي متاكدة منو انك اكيد مافقدتي ولا رح تفقدي مهاراتك بالطبخ باذن الله
الله يقويكي يارب
وبالنسبة للسلطة عالتجربة فورا
اسفة حكيت كتير :eek
هلا هيا
الله يعطيكي الف عهافية انا بانتظار الصور, ممكن تبعتيهم على الايميل أو برد على كيفك
اليوم جربت السلطة طلعت بتاخد العقل
الله يسلم ايديكي وايدين دمدومة
بتشهي وجربت فيها طريقة نور بالبطاطا المقلية
طلعت بتجنن متل البطاطا المقلية بالزيت بالضبط
وشغلت الفرن عليها من فوق وطلعت كتير بتقرمش
هلا سمسومة
كان بعدتي , ما في شي من هاد هلا :roll
بس كلامك في كتير ناس بتعقتقد نفسه و انا مرة قرات ان اخواتنا المغاربة ما بيعملوا السمن البلدي و لا الحامظ المرقد الا و هنن متطهرات لحتى تزبط معهم ..
على كل الاحوال الف الف صحة و هنا يا رب على السلطة , كتيررر انبسطت انها عجبتك و كانت على زووءك سمسوم و هنا
حبيبتي منى انا لبنانيه بس خطيبي حلبي وسمعت انو اكلكن شي فوق الوصف وبعرف لو شو ما عملتلو مارح تضبط معي وانو معود عا هالاكل الطيب شو اعمل دخلك ؟؟ لقيت موقعك وما صدقت
رح حاول اتعلم كل الاكل الحلبي ويعطيكي الف عافيه
هلا لميا
بالأول نورتي و شرفتي الموقع ..
الاكل حلبي طيب , بس مو لو شو ما عملتي ما رح يزبط , ايه رح يزبط ونص و تلات ارباع . انت بس اتبعي الخطوات و رح تطلع معك الوصفة بتجنن ..
انا كتير مبسوطة فيك و اي سؤل انا تحت امرك
كيفك منوش؟
ميارح جربت السلطة… ما كان الي خلق اطبخ شي.. عملتها هي وصينية كرات اللحمة مع بطاطا.. بتعرفي انا مالي باللحمة بنوب. المهم كانت السلطة كتير كتير طيبة وبتشبع وبتغني عن اي طبخة تانية. بس انا ما قدرت ما حط كمون وفلفل أسود بالوصفة .. بس بتخيل من دونن كمان بتبقى لذيذة.
لو تعرفي قديش مشلوشة وقديشك ببالي
دلوش الحمد انا منيحة كتير و مشتاقة الك اكتر .
ممم , هنا و الف صحة على البك و على الب الي لدع صينية البطاطا باللحمة :zzz
و انت كمان دوما و بعدك على بالي , يا قمر الحلويين