السلام عليكم ورحمة الله وبركاته،،

حبيبتي منى، يسلمو إيديكي، مبدعة كالعادة. بس خليني أعطيكي طريقة ثانية لسلطة البطاطا المهروسة باللبن عالطريقة التركية مثل ما أخدتها من بنت تركية، وبيسمّوها بالتركي yourtlu ezme patates salatas1 وهي كالتالي:

المقادير: 4 بطاطا وسط – كوب لبن – نصف كوب مايونيز – ملح… الصلصة: كوب لبن – نصف كوب مايونيز – سن ثوم… للزينة: نعنع ناشف مطحون – سماق

الطريقة:
- نسلق البطاطا ثم نهرسها مع الملح. نخلط اللبن والمايونيز ثم نخلطهم مع البطاطا جيدا ونفردهم في طبق التقديم بالتساوي.

- لعمل الصلصة نهرس سن الثوم ونخلطه مع اللبن والمايونيز جيدا ثم نصبهم فوق طبقة البطاطس بالتساوي.

- نزين الوجه بعمل خطوط رفيعة مائلة من السماق والنعنع بحيث يكون خط من النعناع ثم خط من السماق، أو تزيني الوجه حسب الرغبة.

- تضعي القالب في الثلاجة قليلا حتى يتماسك ثم تقدميها.

وهاي يا ستي هي الطريقة الأصلية أو خلينا نقول طريقة مختلفة لسلطة البطاطا باللبن التركية. جربيها وقوليلي رأيك وما تنسي تدعيلي..

شكلها الوصفه كتير طيبه رح جربها ان شاء الله بس ياضافة المايونيز لانه مع التوم واللبن بعطي طعمه بتجنن يسلموووووو منى

يا هلا حبيبتي منى، صحة وهنا ان شاء الله.

يا ستي كلمة ezme معناها بوريه أو مهروس. وكلمة yogurtlu معناها باللبن، وحرف الجي هون مخفف كتير قريب من حرف الغين، وطبعا الكلمتين الباقيين هن سلطة بطاطس. يعني بيصير اسمها سلطة البطاطس المهروسة باللبن 8) .. وان شاء الله تعجبك.

طوّلي بالك، شو حكاية الدروس هالأيام؟ :cry أنا يا دوب عمبمشي أموري بنفسي مع الأتراك والحمد لله، يعني بعتبر حالي مبتدئة باللغة. الله وكيلك بدل ما آخد منهن دروس تركي، عطيتهن بناء على طلبهن دروس عربي :grin (أما بالتركي برضه) 8) ((عشان بدهن يفهمو القرآن))… والله إحنا بنعمة كبيرة مش حاسين فيها.. بس بيني وبينك وأنا عمبدرسهن عربي بالتركي، قويت لغتي التركية شوي. أصل اللغة ممارسة.. :upset

وااااااااااااو بتشهي
اخير رجع الموقع حمد لله على السلامه

السلام عليكم و رحمة الله و بركاته
ساويتها امس و طلعت طيبة
و الله يجازيك كل خير اختي منامينو على تعليمك اللغة العربيةلغيرك لفهم القرآن و كمان على وصفتك
الله يوفقك الجميع
سلام

فعلا شي جديد و مبينتو لذيذ كتير
والاحلى من مكونات الوصفة هو طريقة تزينها و تقديمها :zzz

ما شاء الله عليكي اديش انتي مزوئة و مرتبة
عبتعلم منك كتير افكار نشالله

يسلمو هالايدين يا رب..

أختي سارونات، شكرا لذوقك. الله يوفقك ويبارك فيكي. وصحة وهنا على قلبك