سلطة الخضار المشكلة بالتتبيلة التركية


         وصفة : منى                 2007/09/12                 19 تعليقات
سلطة الخضار المشكلة بالتتبيلة التركية

·          تمزج مقادير الصلصة و تترك جانباً لتتمازج النكهات أثناء فرم الخضار .

·          تفرم البندورة و الفليلفة و الخيار و البصل إلى مكعبات صغيرة ثجداً م يخلط مع الثوم و البقدونس .

·          تتبل السلطة بالتتبيلة و يضاف المزيد من الخل حسب الرغبة لان طعمته يجب أن تكون ظاهرة ثم تقدم فوراً .

تنويعات و إضافات :

·          يمكن إضافة الملفوف الأبيض و الأحمر و الخس المفروم ناعماً .

   






3 حبة متوسطة بندورة
حبة خيار متوسطة
حبة صغيرة فليلفة صفراء أو حمراء حسب المتوفر
حبة صغيرة بصل
2 فص ثوم مهروس
3 ملعقة كبيرة بقدونس مفروم


صلصة التتبيل التركية :

نصف ملعقة صغيرة فليلفة حمراء ناعمة
2 ملعقة كبيرة عصير ليمون
2 - 3 ملعقة كبيرة خل تفاح
5 ملعقة كبيرة زيت زيتون
رشة فلفل أسود مطحون طازج
ملح حسب الرغبة





• تمزج مقادير الصلصة و تترك جانباً لتتمازج النكهات أثناء فرم الخضار .

• تفرم البندورة و الفليلفة و الخيار و البصل إلى مكعبات صغيرة ثجداً م يخلط مع الثوم و البقدونس .

• تتبل السلطة بالتتبيلة و يضاف المزيد من الخل حسب الرغبة لان طعمته يجب أن تكون ظاهرة ثم تقدم فوراً .


تنويعات و إضافات :

• يمكن إضافة الملفوف الأبيض و الأحمر و الخس المفروم ناعماً .




  • وصفات تانية ممكن تعجبك


التعليقات

  1. غيث 1 July 2010

    الله يسلم هالايدين يا حق والله بهالشوب ماعم نقبل الا السلطة وانا بعمل هالنوع دوما بس مالي خبر انها تتبيلة تركية امبالي من اختراعي بس الفرق اني ما بحط لها فلفل ولا باقي المقادير كلهامتلها وكتير طيبة الله يعطك العافية

  2. منى 1 July 2010

    هلا غيوثة :)
    مطبخا و المطبخ التركي كتير فيه اشيا قريبة لبعضها و كتير طبخهم بيلبق لذوقنا ..

    لما تحضريها مرة تانية كلي شوي عني , انا من كتر ما بحب السلطات ما بقدر قاومهم لو شو ما كنت اكلة :zzz

  3. snow whit 1 July 2010

    اهلا وسهلا

    والله اشتقتلككثير يامنووش

    واشتقت للموقع كثييير وماشاءالله في الفترة اللي غبت فيها صار في اكلات جديدة

    وبالنسبة لغيابي كان بسبب الدراسه والاختبارات
    واليوم لحتى طلعت النتايج
    وبالنسبة للسلطة أكيد منظرها وألوان تشهي الواحد

    يعطيك الف عافية :)

  4. ام خليل 1 July 2010

    الله شي لذيذتسلم هل ايدين الله ما اطيبها لازم ساويها بس انالماساوي سلطةبس فلفل مابحط هل مرة لازم حط لانه اكلاتك كتير طيبين وبدي اشكرك على طريقة سلق لحمة كتير كتير طيبة كل مين داقها حبها كتيرشكراالك عما ادعيلك ياربي يكرمك الجنة طولت في امان الله

  5. منال 1 July 2010

    شكلها كتير طيب رح جربها وهلق مقاديرها على متوفرة بالبيت بهذا الوقت من السنة بس انت وين منى وين الوصفات الحلوة لسه ما اجى رمضان وهيك كل يوم بفتح ما بلاقي شي جديد اشتفنا لعزايمك خيتوووووووووووووووووووووو

  6. بتول الحلبية 2 July 2010

    على راسي المبدعة منى …حلب تفخر بك 8)

  7. منى 2 July 2010

    هلا سنو وايت :)

    كنينا كيف النتائج ؟ ان شاء الله تمام و بتبيض و الوج :)

    و انا كمان اشتقتلك و كنت فاقدتلك و الحمد لله ان الغيبة على خير

    اتمنى تجربي الوصفة و تكون يم يم :zzz

  8. منى 2 July 2010

    هلا ام خليل :)
    ان شاء الله تجربيها و تعجبك و انا ه الاضافة اتعلمتها من خالتي و هي بتعمل اطيب سلطات بالعالم و بتضيفها على كتير وصفات منها ;)

    الف الف صحة على كل شي جربتيه و كان على زووءك و مية هلا فيك

  9. منى 2 July 2010

    هلا منولة :)
    ان شاء الله تجربيها و تكون يممم , بس شو , في كتير وصفات جديدة

    اما العزاايم فنووو , حرام اناو الله خليني اخد بريك , هلا جاي رمضان و جاية عزايمه و ببقى بنزل لاشبع :zzz

  10. منى 2 July 2010

    هلا بتول :) من زووءك حبيبتي , ان شاء الله كون اد هل الكلمة ;)

  11. farah 2 July 2010

    يا عيني عليكي يا منى والله زكرتيني بهالسلطة بزمناتي آكلتها عند صديقة مغربية وقلتلها وقتها كتري البقدونس وبتصير بتشبه تبولتنا على أ مو فارمتها ناعمة :zzz
    انا هالأيام بكتر سلطات الخس بس أكيد رح جرب وصفتك سلم دياتك يا رب

  12. تورتاية بالكريز 2 July 2010

    سلطة روعة وسهلة وفكرتها جميلة واحلى شي فعلا بالصيف السلطات سبحان الله الواد على قد مابيعمل احلى واخف شي السلطة الف شكر ياقمر وينعاد عليك الصيف بالهنا كله والسعادة والمسلمين جميعا يارب

  13. ام نور 5 July 2010

    انا متلك يا منى كتير بحب السلطات على انواعها ولازم صيف شتي يكون في صحن سلطة عالطاولة او بقطع بندورة وخيار مع ملح اذا مستعجلة كتير عجبتني هالسلطة خصوصي تقطيعا ناعم رح جربا انشالله

  14. gsm 5 July 2010

    ممممممممم شكلها كتيير طيبة بس يا ستي انا مالي هل الخلق لحتى أفرم السلطة نااااااااااااااعمة كتيير لك كيف بفرم التبولة ما بعرف ما بضل حدا لحتى ستي تركنا هل المهمة للمعلمين هههه
    وما تواخذينا طولنا الغيبة :zzz

  15. ام احمد الغالي 15 July 2010

    يسلمو ايديك منى السلطة بتشهي
    عندي سؤااااااااااااااااال هي السنة في مسابقه لرمضان؟ ولا نو؟ رح يكون موعد ولادتي باذن الله :?

  16. ام رومل 20 September 2010

    والله صحيح اطيب من هالسلطه مافي برمضان كنا بتركيا وطبعا كانو يحطوها عالافطار ومن وقت اللي رجعت ما عم اعمل غيرا لذيذه غير شكل كانو نحنا بسوريه لما منطلبا بالمطعم بنقلن سلطه ارمنيه ولا انا غلطانه؟
    بعدين قدمولنا شوربه عدس رهيبه عجزت من جوزي خليني ادخل عالمطبخ اسال الطباخين شلون عاملينا ما خلاني

  17. مروة المصرية 22 September 2010

    [B]null[/B]السلام عليكم
    وصفه بسيطه وسهله تسلم ايديك

  18. yaso 7 December 2010

    يسلم ايديكي يا أخت منى على هالسلطة والله انا كتير طيبة أنا جربتا وكتير عجبت العيلة وصار جوزي يسألني شو سر هالسلطة :? وكمان جربت شوربة اليقطين وكتير عجبتو فعلا انا طيبة وخفيفة يسلم ايديكي على هالاكلات الطيبة

  19. منى 8 December 2010

    صحتين و الف الف هنا على السلطة و الشوربة و كل شي جربتيه و عجبك :zzz

    ممنوتك لان خبرتيني رايك , منورة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)