سلطة الرز بالخضرة


         وصفة : منى                 2007/09/15                 11 تعليقات
سلطة الرز بالخضرة

·          يسلق الرز بالماء المغلي 12 دقيقة مع الانتباه حتى لا يصبح مهروس , و عند الاستواء يصفى و يبرد بالماء البارد .

·          تقطع الفليفلة و البندورة مكعبات .

·          يخلط الرز البارد و الفليفلة و البندورة و البصلة و علبة الذرة و علبة التون مع بعضهم . 

·          لتحضير الفينيغريت (vinaigrette) و هذا المزيج فينا نضعه على اي نوع سلطة اذا حبينا: نخلط زيت الزيتون و الخردل و الخل و الملح و البهار مع بعض جيدا , و ممكن استبدال الخل بلليمون الحامض حسب الرغبة. 

·          تضاف التتبيلة إلى الرز و يحرك بهدوء . 

·          تسكب السلطة في طبق التقديم و تزيين بقطع البيض و بعض ورق النعنع.   




كوب رز بسماتي
2 حبات بندورة
نصف حبة فليفلة صفراء
نصف حبة فليفلة خضراء
علبة تون
علبة ذرة
بصلة مفرومة ناعمة
3 بيضات مسلوقين


الصلصة :

4 ملعقة كبيرة زيت زيتون
2 ملعقة خل كبيرة
ملعقة خردل
ملح
رشة بهار اسود





• يسلق الرز بالماء المغلي 12 دقيقة مع الانتباه حتى لا يصبح مهروس , و عند الاستواء يصفى و يبرد بالماء البارد .

• تقطع الفليفلة و البندورة مكعبات .

• يخلط الرز البارد و الفليفلة و البندورة و البصلة و علبة الذرة و علبة التون مع بعضهم .

• لتحضير الفينيغريت (vinaigrette) و هذا المزيج فينا نضعه على اي نوع سلطة اذا حبينا: نخلط زيت الزيتون و الخردل و الخل و الملح و البهار مع بعض جيدا , و ممكن استبدال الخل بلليمون الحامض حسب الرغبة.

• تضاف التتبيلة إلى الرز و يحرك بهدوء .

• تسكب السلطة في طبق التقديم و تزيين بقطع البيض و بعض ورق النعنع.
  • وصفات تانية ممكن تعجبك


التعليقات

  1. بدور 17 September 2007

    يا الله شهيتوني أدوئها :cry

    شكرا كتير أختي أم نور الشطورة وأنا رح جربا نشالله :zzz

    لك والله ما في أطيب من الأكل كيف اذا كان في وصفات جديدة مالي دايئتا من قبل :p

  2. منى 17 September 2007

    مسا الخير أختي ام نور :)

    هي انا بعد الافطار و جربت السلطة على الافطار و طلعت كتير طيبة نشكر الله :) ..

    استعملت صلصة الخل و زدت عليها عصير ليمون..

    :) خلصناها كلها تقريباً

    الله يسلم هل الديات أختي و بانتظار وصفات منك شهية و لذيذة :)

  3. ام نور 17 September 2007

    الله يبارك فيكون اخت منى واخت بدور انا بعملا عطول هالاكلة بس كون محتارة وبدي شي عالسريع.
    اليوم عملت كاتو بس شو كاتو اخت مغربية عملتو ادامي وكتير عجبني جربتو وكتير عيلتي حبتو
    كاتو عادي بس باللبن مش الحليب اذا سامعين بهل طريقة :? وكمان شو نفش ماشالله السبب انو حطيط نص طحين ونص نشا النشا بيجنن بالكاتو جربو وشوفو وانشالله بس افضى رح اكتب عيار الكاتو باللبن اذا بتحبو :)

  4. منى 17 September 2007

    أكيد منحب أختي ام نور :)

    كل وصفاتك ما شاء الله مميزة :)

    أختي قصدك النشا العادي :roll

    هلا اللبن أنا بستعمله مع الكاتو , بس النشا و لا مرة جربته ..

    بانتظار الطريقة اختي ..

    و كمان لو سمحتي, بدي منك كم وصفة حلو عربي من باباتك الله يخليكم لبعض :)

  5. ام نور 18 September 2007

    تكرم عينك اختي المسا بس ينامو الاولاد بكتب الوصفة بالنسبة لا النشا اه النشا العادي بيستعملو لا الحلو نشا قمح بيكون بعتقد هون الفرنسين هاك بيعملو الكاتو وشو بينفخ لان النشا خفيف يعني اذا بدك تحطي 3 اكواب طحين لا الكاتو بتحطي كوب ونص طحين وكوب ونص نشا والطحين نخلي وشوفي شو روعة جربي اي نوع كاتو وقوليلي, :p
    اما عن الحلو العربي انت قوليلي شو اسم الاكلة الي بتحب تعرفيا وانا بجيب المقادير ومنجربها

  6. منى 18 September 2007

    هلا ام نور :)

    رح جربها اذا الله راد , يعني نشا القمح هو نفس النشا الي منستعمله للمهلبية ؟

    بالنسبة للحلويات العربية , أنا بعمل العوامات , بس ما دامها طريقتك من مختص فبحب اتعلمها, و كمان البرازق :roll

    شو كمان 8)

    ما بعرف , هدا الي اتذكرته :)

    الله يعطيكي مية الف عافية ام نور

  7. منى 18 September 2007

    ام نور حبيت خبرك أن اليوم هو تالت يوم بحضر فيه السلطة على الفطور :)

    فاقس كيفي عليها و تقريباً عم افطر عليها

    الله يسلم هل الديات يا رب :)

  8. ام نور 20 September 2007

    الف صحتين يا رب انا فاقس قلبي عال حلويات تشوفي كل يوم قالب كاتو شكل شي بموز شي بشوكولا شي بتفاح لدرجة عم حضر الكاتو قبل الاكل :grin

  9. منى 21 September 2007

    :grin ان شاء الله عوافي و هنا يا رب :)

    إذا هيك رح انصحك ان تجربي كاتو التفاح بالصوص الذهبي ..

    رح يصير معك ادماان و على مسؤوليتي ;)

  10. سارونات 12 December 2008

    السلام عليكم و رحمة الله و بركاته
    جازاك الله خيرا اختي جربتها للوصفة و طلعت كتير طيبة و خفيفة و ما بينشبع منها
    ربنا يوفقك و يسهل دربك و ف يانتظار وصفات جديدة منك :zzz
    سلام

  11. منى 21 June 2010

    عوافي سارونات :)
    و انا كمان صار حضرتها اكتر من مرة و كتير بشوفها طيبة و كل مرة بغير الخضرة بتطلع , ييييم

    هلا الرزات على النار و عم حضرها رة جديدة, سلم ايدك ام نور

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)