براونيز بكريما الخمس دقايق السرية
3 – 4 حبة شوندر مسلوق و مقشر و مفروم
ربع حبة ملفوف كبيرة مغسولة و مفرومة
بضع حبات جوز مفروم
الصلصة :
عصير ليمونة ( أكثر أو أقل حسب الرغبة ) و يمكن استعمال مزيج من الخل البلسمي أو الخل العادي مع الليمون
5 – 6 ملعقة كبيرة زيت زيتون
نصف ملعقة صغيرة كمون
نصف ملعقة صغيرة أو ملعقة صغيرة فليلفة حمراء ناعمة
ملح
فص ثوم ( اختياري )
• يصف الخس في طبق التقديم و فوقه يرتب الشوندر و أخيراً ينثر الجوز .
• تمزج مقادير الصلصة ثم تتبل بها السلطة و تقلب و تقدم فوراً .
طريقة سلق و تقشير الشوندر :
• ينقع الشوندر بالماء البارد لمدة ربع ساعة تقريباً .
• تفرك حبات الشوندر باستعمال فرشاة أو اسفنجة خشنة بشكل جيد مع المحافظة على عنق و ذيل حبات الشوندر لأنها تحفظ الحلاوة و النكهة داخل الحبات أثناء سلقها .
• توضع حبات الشوندر في طنجرة و تغمر بالماء ثم توضع على نار متوسطة و بعد أن تغلي تغطى الطنجرة و تهدى النار و تترك لما يقارب الساعة ( أو أكثر حسب حجم الحبات ) حتى تنضج تماماً , و أنا دائما أستعمل طنجرة الضغط لتوفير الوقت .
• تفرك حبات الشوندر بين أصابع اليدان فتنزع القشرة بكل سهولة و من دون استعمال السكين .
منى حبيبتي : ما هو الشوندر ؟؟
هلا نهولة
الشوندر هو البنجر , أظنه معروف بهل الاسم في مصر , مش هيك :roll
بالفعل نعرف البنجر في مصر .. لا أستخدمه للأسف رغم فائدته الكبيرة ، و لكن سأجرب هذه السلطة إن شاء الله .. تسلم ايدك يا جميييلة
.
ان شاء الله نهولة , و أكيدة رح تعجبك
شكرا جزيلا للوصفه بجرب اعملها قريب… بس سؤالي هل نضع في الصلصه سكر.. لاني لما اكلها اجد طعمها يغلب عليه الحلاوة ويكون الصلصه لونها احمر قاني.. فاذا عندك علم بمكونات تلك الصلصه ياليت تخبريني:)
هلا فيك أختي
حبيبتي الحلاوة من الشوندر هو الي رح يعطي السلطة من نكهته و كمان من لونه , و هي السلطة فوق قبل التحريك بس بعد التحريك رح تشوفي اللون الأحمر المميز
جربتها وطلعت طيبه كتيييير.. ما توقعت طعم الجوز بالسلطه بيعطي هاللذه
والدريسنغ مضبوووط انا استخدمت الخل البلسمي
مشكوووره غاليتي
وارفقت لك صورة تطبيقي
[img]http://www.l2ma.com/images/stories/application/4.jpg[/img]
صحة و هنا و عوافي يا رب , ما بتعرفي فرحتي بردك كوكو ..
و السلطة شكلها بيشهي ,, ممم الله يعطيك العافية
سبحان الدايم رجع اجا وئت الشوندر هالسنة والله يسلم دياتك و عقبال ما يدوم هالموقع ويكبر وينشهر اكتر و اكتر سنة عن سنة وتحققي كل احلامك يا رب
انا مبارحة اكلت هالسلطة بمطعم وكانوا حاطيلا بالاضافة لهل مكونات بقدونس مفروم و بدل الخس هندباء بس ماكان الها كمون و كمان كانت طيبة :zzz
ميمو في نوع سلطة الذرة مع المايونيز ومابعرف شو كمان اذا عرفتيها ممكن تأسعفيني بالطريئة؟
وشكرا كتير الك بكل الاحوال
اي و الله سبحان الدايم , خليلي عينك على هل الدعوات الحلوة و ان شاء الله الك متل هل الدعوات و احلى
كمان بالهدنباء بتطلع طيبة و متل ما قلتي اغلب الناس ما بتضيف كمون للسلطة بس انا بحب طعمته كتير :zzz
السلطة الي قلتي عليها هي سلطة المعكرونة , فيك تحطي اي خضار بتحبيها , الوصفة رح حطلك ياها على الصفحة الرئيسية , جربيها و أكيد رح تعجبك ان شاء الله
بسم الله الرحمن الرحيم
يخليلي عينك يامنى عالسلطة الشهيةو طريقةالشرح والعرض الاكثرمن رائعة
الله يحفظلك عيلتك ويعطيك عقد نيتاتك الهي
كتبت بجوجل عن طريقة سلق الشوندر ومن حسن حظي ورضى
امي علي طلعلي موقعنا اول واحد وكتير انبسطت عليه وبسرعة وبدون ما اطلع عالباقي فتحت عليه
ودعيتلك من كل البي لانه الموقع الوحيد الي فهمت عليه وطبقت وصفاته ونجحت معي تماما متل مابدي وبدون تخبيص بالمقاديرواضافات مالها طعمة بفضل الله وفضلك
كتر الله خيرك خيتووبتمنى منك نكون اصدقاء وتضيفي اميلي عندك اذا مافي مانع واذامو ممكن فمتل مابتحبي
انا بحبك في الله وكل عام وانتي بالف خير بمناسة العام الهجري الجديد سنة سعيدة ومباركة
اختك نداء
:eek :eek
ما شاء الله عليك أختي منى
أطباقك كلها روووعه
و بالمناسبه أحنا بالمغرب بنستهلك الشوندر كثير (احنا نسميه الباربا ) ممكن نقدمه بصلصه مالحه أو حلوه و فالحالتين بيطلع رااائع
هلا اختي ام عبدو
الحمدج لله ان الموقع عجبك و استفدتي منه , خليلي عيونك على الدعوات الحلوة و الكريمة ان شاء الله الك متلها
الف الف صحة و هنا على البك على كل شي جربتيه و عجبك و كمان كل سنة و انت بالف خير :zzz
هلا اختي دودي
انا سمعت عن السلطة الحلوة الي بتحضروها بالباريا , مشتهية ربها بس مو مسترجية , هلا شجعتيني :zzz
يسلمو دياتك منمونة اليوم عملتها لما كان عندي عزيمة صغيرة لعمي وأخته جاية من حلب (عمة زوجي)شكلها حلو ومرتب بس ما خلطتها طبقتها تطبيق وعالسكب صرارت تتلون
طيبة كتير والجوز حركة حلوة وفخمة
صحتين و الف الف عافية على البك و الب ضيوفك , الحمد لله انها كانت على زووءك
عوافي نعومة