براونيز بكريما الخمس دقايق السرية
2 حبة بندورة ناضجة
جبنة موزاريلا مقطعة شرحات
بضع ورقات حبق طازج مغسولة
3 ملعقة كبيرة زيت الزيتون
2 ملعقة كبيرة خل تفاح أو عنب
ربع كوب زيتون أسود أو زيتون عادي
ربع ملعقة صغيرة أوريغانو
ملح و فلفل
• تغسل البندورة و تقطع لشرحات , تقطع الموزاريلا لشرحات بسمك نصف سم و يمكن استعمال قطاعة البسكويت للحصول على شكل جميل .
• في طبق صغير يمزج الخل و زيت الزيتون و الأوريغانو و الملح و الفلفل .
• ترتب شرحات البندورة و فوقها شرحات الموزاريلا ثم حبات الزيتون في طبق التقديم و ترش الصلصة ثم تزين السلطة بأوراق الحبق و تقدم .
-
وصفات تانية ممكن تعجبك
ما قلتلك اختي منى انك فنانه ايش هالحركات الرائعه حاعملها في ذكرى زواجي عشان ينبسط ابو العيال انشاءالله تسلم الايدي المذوقة
هلا منونة
ان شاء الله تسويها و يستأنس بيك أبو العيال , طيبة و شكلها حلو
هالصحن كتير حلو خرج يكون منظر مش لا الكل
بتعرفي منى عندي كتير موديلات لا مقاطع البسكويت بس ولا مرة خطرلي اعمل متلك ومنكم نستفيد
مية هلا ام نور
لو تعرفي شو صار عليه على الفطور لما حضرته , يعني أكيد بأأقل من دقيقة كان خلص و حتى الصوص تبعه التحس :grin , ان شاء الله تجربيه و يعجبك 
ماشاء الله تبارك الله رائعة الشكل والمضمون
اسمحيلي ياسكرة حلب المتألقة اسميها سلطة القلوب المفرحة احلى مافي السلطات عدا عن فايدتها الكبيرة جمال أشكالها وألوانها سبحان الله العظيم يسلموا ايديكي الغالين حبيبة قلبي
مشكلتي اني مابلاقي في السوبرماركت غير الموزاريللا المبشورة كتير وصفات لازمها غير المبشورة ومش بلاقيها
ان شاء الله اسال عنها تاني
وعيد سعيد أختي الحبيبة ينعاد عليك بكل الخير والصحة انت وكتاكيتك الحلوينياقمر
مية هلا حبيبة قلبي ام ياسمين , دا انت ردودك دايما غالية و مميزة على قلبي كتير , رد غالي من أخت غالية
أختي ممكن تحضري السلطة بجبنة الحلوم اذ مو متوفرة الموزاريلا المهم بهل السلطة الفكرة
بنعاد عليك و على كل حبابك بالخير و البركات و نورتي يا قمر
تسلم ايدك يا رب :zzz
خت منى دورت على سلطة سيزر ما لقيتها
اذا ببتتكرمي وتنزليها بالموقع وتعلمينا كيف بنساوي صوص الرانش بالبيت وخصوصا للمغتربات متلنا
لا عن جد روووووووووووووووووعة :eek
ما شاء الله تبارك الله ..
هلا جمان
ان شاء الله تجربي الفكرة و تكون على زووءك و لا تنسي تدعيلي :zzz
مرحبا أخت منى .. فاقس كيفي عالريحان هاليومين .. جربت هالسلطة من فترة وما كان عندي حبق فحطيت نعناع .. هالمرة عملتها متل الوصفة بالضبط .. سهلة وبسيطة ولذيذة جداً .. بس طبعاً مستحيل يطلع معي شكلها متل الصورة الرائعة ..
هنا و الف عافية ارام على هل السلطة و كل شي جربته بالريحان و طلع متل ما بدك , بتحسه بيعطي نكهة فيها نعنشة للوصفة , لان بحس في شي بيشبه الليمون :roll
ان شاء الله المرةالتانية بتطلع معك احلى من الصورة كمان , لان فكرتها بسيطة كتير
عن جد روعة يعني مو بس طباخة معتبرة وفنانة درجة اولى سلمت اناملك