براونيز بكريما الخمس دقايق السرية
· يمزج المايونيز مع الثوم و يمكن استخدام المايونيز من دون ثوم , تقشر البطاطا و تقطع لأصابع ثم تغسل و تترك حتى تجف , تقلى حتى تشقر .
· يفتح الخبز العربي و يدهن بملعقة كبيرة من المايونيز ثم يغطى بالبطاطا و شرائح المخلل و البندورة و أخيراً يضاف الكتشاب حسب الرغبة .
· تلف السندويشة و توضع على صينية, تكرر العملية حتى الانتهاء من كل كمية البطاطا .
· تكبس السندويشات في سخانة السندويشات حتى تقرمش من الطرفين ثم تقسم كل سندويشة إلى قطعتين باستخدام سكينة حادة و تقدم فوراً .
فكرة سريعة :
لدى إعداد كمية كبيرة , ترتب السندويشات في صينية غير لاصقة و تغطى بصينية ثانية أصغر منها كي تكبس السندويشات ثم تخبز في الفرن حتى تقرمش من الطرفيين .
2 حبة بطاطا كبيرة
4 – 5 رغيف خبز عربي من النوع الرقيق أو خبز صاج
8 – 10 ملعقة كبيرة مايونيز
2 فص كبير ثوم مهروس
بندورة مفرومة شرائح رقيقة ( اختياري )
كتشاب
مخلل قتي أو خيار مفروم لشرائح
• يمزج المايونيز مع الثوم و يمكن استخدام المايونيز من دون ثوم , تقشر البطاطا و تقطع لأصابع ثم تغسل و تترك حتى تجف , تقلى حتى تشقر .
• يفتح الخبز العربي و يدهن بملعقة كبيرة من المايونيز ثم يغطى بالبطاطا و شرائح المخلل و البندورة و أخيراً يضاف الكتشاب حسب الرغبة .
• تلف السندويشة و توضع على صينية, تكرر العملية حتى الانتهاء من كل كمية البطاطا .
• تكبس السندويشات في سخانة السندويشات حتى تقرمش من الطرفين ثم تقسم كل سندويشة إلى قطعتين باستخدام سكينة حادة و تقدم فوراً .
فكرة سريعة :
لدى إعداد كمية كبيرة , ترتب السندويشات في صينية غير لاصقة و تغطى بصينية ثانية أصغر منها كي تكبس السندويشات ثم تخبز في الفرن حتى تقرمش من الطرفيين .
وليييييي شو هاد!
يا إمي شو صار فيني.. لسة بقيان عنا 3 ساعات عالفطور.. وفتحت الموقع لآخد فكرة وقمت شفت صورة البطاطا
كنت ناوية اعمل فتة اليوم… غيرت رأيي.. بطاطا يعني بطاطا
يسلمو دياتك.. عنجد المكونات يلي اخترتيها نفس المكونات يلي بيحطوها بالمحلات المختصة بسندويش البطاطا
شكرا وصحة على قلبك وقلب ولادك
مية هلا دالو
ولي على ألبي يلا , هلا بتكوني عم تاكليهم و تتمزمزي ان شاء الله مية صحة و ألف هنا على قلبك , و الله أختي هي الوصفة خصوصي للنباتيين أو الي حابب يخفف من اللحوم , كلك زووء أختي و ان شاء الله تجربيها و تعجبك
أنا من عشاق البطاطا المقلية وكتير بحب أعمل هيك سندويشات يسلموا إيديك
هلا ام الليث , ان شاء الله رح تعجبك الوصفة و خصوصا لان بتحبي البطاطا , ان شاء الله تجربيها و تكون على زووءك
فنانه يامنى ماشاء الله عليكي وعليكي افكار انا بموت في البطاطاتسلم دياتك يارب
تسلم يديكي علي هالوصفه الرئعة واتمني ان تراسليلي علي الاميل لان عندي افكار طبخ رائعة وشكرا لكي
السلام عليكم وكل عام والجميع بالف خير والله اشتقنا لموقعنا الغالي سلامتكم ما كان الموقع بالعيد عم يشتغل اظن ولا بس عندي مهكر والله كتير انزعجت عليه يالله الحمد على رجعتكم بالسلامة والله يصطفل باللي كان السبب
هلا ام ناصر
الله يسلمك و يحفظك من كل شر أختي , ان شاء الله تجربيها و تكون طيبة و على زووءك
هلا ام عبد اله
ان شاء الله اختي و مشكورة على التواجد الطيب
هلا غيوثة
الموقع كان مهكر من أول يوم عيد عندنا بسوريا , بتحسي شغل ولاد حلال بتعرفي العيد ما حدا فاضي لحدا :roll ..
الحمد لله هلا مشي الحال و ان شاء الله ينعاد عليك و على كل المسلمين بخير و سلام , مية هلا
يا سلام على افكارك الروعة يا منى و حمدلله على سلامة موقعك يلي ما منئدر بلاه ابدا ابدا
عنجد شو بيخطرلون يعني بس يعملوا ضرر
الله يجازيهم يا رب.
البطاطا المقلية لحالها لا تقاوم, شلون اذا عملتيها بهيك سندويش مشهي ومزينة وصفتك بهالصورة البتجنن والله أد ما كنت شبعانة ما بئدر اقاوما :p
الله لا يحرمنا من افكارك الحلوة يا رب وكل عام و انت و الموقع و كل يلي بتحبيون بألف خير 8)
هلابدورة
الله يخليك يا قمر سالت عنك العافية و الخير دايما , ان شاء الله تجربيها و تعجبك و ما دام كل عام و انا و الي بحبهن بخير معناها وصلتك عيدية 
الحمدلله على سلامة الموقع العزيز ويخرب بيته اللي عم يعمل هالعملة وشو حاطط 5 اصابع بوجهنا يعني ليش متقصدين هالموقع بالذات ؟؟والله شي غريب
يلا انشالله تكون اخر مرة
بس السندويش رائع جدا وانا بعمله بنفس طريقتك بس بلا تسخين المرة الجاية رح جرب سخنه :grin
شايفة رنونة :sigh ما بقى في غير موقع طبخ يطالعوا عضلاتهم عليه , بس بسيطة الله يمهل و لا يهمل :roll
هو التسخين رح يخليه يممي , جربيه و ان شاء الله بيعجبك
مرحبا منى كيفك اشتقتلك واشتقت لطبخاتك يسلمو ايديك على هالطبق الطيب وخصوصا انا بحب البطاطا بكل اشكالها0رجعنا من الصيفية وبدأنا بالشتاء وكنت حابة اسالك عن شوربة الكشك وهل انتو بتعملو الكشك بحلب
هلا عبورة
ان شاء الله تجربيه و يعجبك , اما الكشك فنحن بحلب لا نعمله و لا نعرفه, بس انا الصيفية الماضية ساويته على ايدي و طلع كتير منيح , نقعت البرغل باللبن شي يومين تلاتة و هو مغطى و بعدها فردته على الشمس لحتى نشف كتير بعدها طحنته بالمولينكس لحتى صار بودرة
شوربة الكشك ما بعرفها , حبيت فيدك بس ما عندي معلومات عنها :roll
السلام عليكم و رحمة الله و بركاته
جازاك الله خيبرا اختي منى و الله يخليلك امك و يحفظها
اختي منى بدي اسألك عن الخبز العربي ازا بتساويه بالبيت دورت كتير عوصفات و لقيت طرق مختلفة بس حبيت اسألك عن طريقتك لان بدي شي مضمون
بالتوفيق
سلام
مية هلا أختي
الصراحة ما بعمله , بس حاطة بذهني ان جربه , أكيدة ببقى بنزل الوصفة 
السلام عليكم و رحمة الله و بركاته
:cry :cry :cry :cry :cry جيت تحتى شوف تفاصيل الوصفة مشان ساويها و اذا بي اتفاجأ بالانسة سخانة الساندويشات اللي ما بعرفها و لا التقيت فيها من قبل فينا نخبزها بالفرن او نشويهاعلى الشواية عادي او ما بينفع ازا بينفع فيا ريت تقوليلي كيف
و كمان هل فينا نستعمل كريم الثوم لانو اخف من المايونيز و كمان هلأ مو متوفر عندي المخلل بشو فيني استبدلو او ما بينفع استبدلو بشي
بالتوفيق
سلام
و عليكم السلام أختي
أكيد بيصير و أصلا انا لما بيكون عندي ضيوف كتير و عاملة اكتر من 40 أو 50 سندويشة مو معقولة سخنهم على السخانة , برتب السندويش بصينية تيفال و فوق السندويشات بحط الصينية الاصغر من الصينية الاولى لحتى تكبس السندويس و ممكن حط تقل خفيف فوقهاو بخبزهم في الفرن لحتى يتحمص أول طرف بعدها بقلب السندويش على الطرف التاني :zzz , كريم الثوم البي من دون بيض قصدك ؟ ممكن بس ما رح تطلع طيبة , شوفي اختي هل السندويش كتير بسيط و اذا غيرتي شي واحد ما رح يطلع طيب , و المخلل اساسي بالوصفة , فيك تستني لحتى يتوفر 
اهلين منونة اليوم عملت هل الساندويش كتيير طلع طيب ولذيذ بس انا عملت شغلة :roll انا لغيت المايونيز وكترتله المخلل وحطيتله اوراق خس طلعت روعة بس طبعا ما سخنتها كتيير عجبتني خصوصي صرلي فترة ما عم اقبل اكل شي عم اطبخ وما عم احط لقمة بتمي :cry يسلموا ايديك منونة والله يخلينا ياكي يا ست الكل ومعلمة الساندويشات
يا ستي اعملي شو ما بدك المهم تقبل نفسك , انا كنت بوحامي الحس رغوة الصابون , مو من قليل انا من بيت الصابوني :grin
هنا و الف عافية يا رب و ان شاء الله فترة و بتمرء على خير تكوني انت و النونو الحلو بصحة و عافية يا رب
يعني جد الله لا يحرمنا منك ومن لقمة طيبة
امبارح جربت هالصندويش كتير حبو محمد وكمان واخيرا جربت عجينة العشر دقائق عملت ب جبنة وعملت ب فليفلة كمان شقد طلعت طيبة وناجحة
يعني دائما وقت بكون محتارة او حدا بدو يجي لعندي او بدي اعمل شي تغير شكل لقمة طيبة بتكون المنقذة
وااااااو ما شالله يا منى..حتى من سندويشة البطاطا عملتي إبداع..هللئ كللو تمام بالنسبة إلي غلا بندورة..جربتها مرة ما زبطت معي بنوب بنوب..أنا بعملها نفس طريقتك لكن بدون إضافة البندورة..وعنجد طلعت هيك أزبط..أو الشغلة شغلة أذواق رغم إني بحب البندورة..لكن ما حسيت محلها هون..وعلى كل..صحة وهنا على قلب الكل
هلا نوارة
صحتين حبيبتي على البك و الب محمد , ريتو عوافي يا رب
الله لا يحرمني من هل الرفيقة و ربي يديم الود دوما
هلا رغودة
اي صح مو كل الناس بتفضلها لهيك كتبت جنبها اختياري
انا على الاغلب عم حط البندورة بجبنب البطاطا بقى الي بيحب بياخد منها و الا نو براحته و هيك الواحد بيرضي جميع الاذواق