براونيز بكريما الخمس دقايق السرية
2 علبة تون
3 – 4 ملعقة كبيرة مايونيز
3 ملعقة كبيرة جوز مفروم
3 ملعقة كبيرة ذرة أو جزر مبشور
عصرة ليمون
فص ثوم كبير مهروس
ورق خس مفروم
8 صمون من الحجم الصغير
• يصفى التون من الزيت ثم يوضع في طبق و يضاف له المايونيز و الجوز و الثوم و الذرة أو الجزر و يقلب .
• يضاف عصير الليمون حسب الرغبة بالحمض , عصرة أو عصرتان تكفي .
• يفتح الصمون و يغطى بالخس المفروم ثم بحشوة التون و يقدم .
مرحبا منى
شكلها طيبة كثير، إن شاء الله بجربها يوماً ما (من كثر ما في وصفات على القائمة ما عم أعرف أنو وصفة رح جرب)، ورح جربها بالدجاج لأنه ما بحب التون :roll
شكراً إلك ولعمتك
Dimah
مدونة ماء زهر البرتقال – Orange Blossom Water
انا رح جربا اول وحدة
ان شاء الله
شكرا كتير منى :zzz
شو بدي خبرك يا منى عن هالساندويشات دايما بعملون لما بكون شي محل وبوصل مع زوجي عالغدا فشو بعمل دغري عالسريع بفتح علبة تون وبحطلا مايونيز وكريم فريش ورشة ملح وبسلق بيض يعني الساندويش بحط فيا تون وبيض وخس وبندورة وخيار بخمس دقايق بكون خالصة ولما بنكون طالعين شي طلعة وما بدنا نلتهي بالاكل مناخود معنا ومنلف هالساندويشات وحتى بالمحلات بيبعوها
هلا دمدومة
ان شاء الله يوصل دورها قريب و تجربيها و تعجبك و اكيد لازم تخبريني . و رح تعجبك كتير بالدجاج لان انا بعمل ابن عمولهل السندويش بس بالدجاج
هلا ضحى
يلا حبيبتي ان شاء الله تجربيها و تكوني انت انتي :zzz
عم استنى رايك و يا رب تعجبك
هلا ام نور
ممم , هيأتها بالبيض كمان طيبة و اكيد رح تعجبها لجودي بنتي لان روح قلبها الدجاج و المايونيز و كمان البيض و فكرة الكريم فريش بتجنن , سلم دياتك لهل الفكر كلها و ان شاء الله رح جربها و نزل تطبيقي :zzz
هوا اسمي مكتوووووووووووووب
ياي انا لما شفت الاكلة ما شفت اسمي ههههههههه الصورة سحرتني
ياستي بدنا خدمة تحرزز
جد عم ادعليك على هل الموقع بصراحة منافس لكل المواقع يلي بيتهتم بالطبخ
ماشاء الله عليكي والله يحفظك سلام:grin 8)
مرحبا منوش..
هي السندويشة دائما بساويها للباشا… وأنا لو كنت باكل لحومات ما كنت فوتتها أبداً .. بحسها مغذية وألوانها بتشهي..
ولا مرة فكرت ضفلها مكسرات.. إذا الله راد المرة الجاية رح اعملها بجوز.. وبخبرك عن ردود الفعل المحلية والإقليمية
هلا ضحى
شو هاد اذا شفتي الصورة هيك بقى اذا شفتي السندويش شخصيا شو رح يصير
خليلي عينك و على فكرة كتير وصفات بتلاقيها هون افكارها ممكن شفتها من عندك
هلا دالو
و انا كنت اعملها كمان من دون مكسرات , لهيك حسيتها هي تغير شكل , بقى ان شاء الله تجربيها و يبقى الامن مستتب عالميا و اقليميا و محليا :grin
فعلا بالبيض كتير طيبة ومفيدة وفيكي كمان منى نفس التون تستعملي عالتوست اذا انتبهتي لا صور حفلتي كيف دهنت قطع توست صغار الحجم بالتون كنوع من انواع المقبلات
كمان عندي فكرة بالنسبة لا هالنوع من التون ممكن نسلق البيض ونقطع كل بيضة نصفين ونشيل الصفار على جنب ونحشي مكان الصفار بحشوة التون ونبرش صفار كل بيضة فوق التون بشكل جميل ونضع بعض اوراق الخس بطبق والبيض فوقهم ونقدمهم على الفطور وكمان ممكن نحشي حبوب البندورة بنفس الحشوة طبعا بعد تفريغ قلبها يعني لا هالتون العديد من الاستعمالات
يا الله شو بحب التونة كانت ماما تعملي ياها بس مندون مايونيز لأنو ما كتيير صحبة معه بس عن جد شكلها كتيير بشهر ماما كانت تحطلها زيتون شرائح مع التونة ز بندورة بس من غير توم يميمي هئ هئ هئ وينك يا ماما
واخيرا لقيت طريقة لاكل التونة
انا بحب كل شي اسمو سمك
يعني اي شي بيبلبط بالمي بحبو :grin
ماعدا التونة مو قصة ما بحبها بس كتير يتغصص
حاولت اعمل منها سلطات بس ضلت بتغصص
بس هلأ اكيد بالمايونيز ما رح غص خصوصا مع الجوز والدرة ممممممممممممم
بيجننو
يسلمو هالايدين
هلا ام نور
سلم دياتك يا حق , افكار حلوةكتير و ناوية جربها قريب اذا ربنا عطاني عمر , قولي ما شاء الله لا قوة الا بالله حفلة تخرج زوجك كانت الله اكبر شي بيجنن :zzz
هلا gsm
ان شاء الله بتجربيها و بتعجبك و فكرة شرايح الزيتون يممم
يا رب ترجعي لامك قريب و تكونوا انتو التنتين بأحسن و احلى صحة
هلا سيمو
لا اكيد بهل الطريقة رح تعجبك كتير و بهل المايونيز رح تكون اطرى من راحقة الحلقوم
و ان شاء الله عندي سلطة تونا , رح تعجبك كتير .. ببقى بنزلها قريب باذن الله :zzz
بحب التونا كثير وبحب وصفات التونه كثير كثير كثير
ان شاء الله بطبقها اول ما احصل تونا طيبه لاني ما بحب الا المصدره اما من عمان او ايران لان اللي بتيجي من تايلند احس طعمتها مثل البلاستيك
هلا كوكو
كلامك مزبوط , مو كل التونا بتتاكل المهم الواحد يعرف ينقي .
يا رب تجربيها و تعجبك و تكون على زووءك و اشوف صورة لتطبيقك و كمان تاكلوها بالهنا و الصحة
يعطيكي العافية يا منى على هالسندويش والصور اللي بتفتح النفس كل الموقع بيشهي وجاي على بالي اعمل كل الوصفات هلأ
هلا ليان
ان شاء الله تجربي شي و يكن كمان طعمه طيب و متل ما بتحبي , اكيد رح استنى رايك :zzz
شكرا كتير الك مدام منى حبيبة قلبي عالوصفة الحلوة
انقذتيني اليوم ما كنت عرفانة شو اعمل وزوجي مل من الطبخ
اجت بوقتا وبكرا عندي عزيمة عشا عم فكر اعملها جنب الاكل
السلام عليكم اختي منى
صار جربت هالسندويش اكتر من مرة وكتير طيبين
مرة عملتن لأخي وبعتلو ياهن قام مالحقوا يوصلولو حتى رن تلفوني وقلي بدي اعرف من وين بتتعلمي تعملي هالسندويش والله اطيب من الجاهز
طبعا انا مارح قلو من وين لحتى ضل اعرض عضلاتي بالعيلة 8)
انا مصرة على اني اشكرك على كل وصفة بجربها وبتنجح لانو هادا حقك حتى لو ماكان عندك الوقت الكافي لتردي على تعليقاتي
شكرا كتير
هلا ام رضوان
الف هنا و عافية و صحة على البك بكل لقمة , منيح انها عجبتكن :zzz
هلا كرميلا
الف هنا و صحة و عافية بكل لقمة جربتيها , منيح ان في وصفات عم تخليك تفردي عضلاتك :grin
شكرا كتير لذوءك في الرد و الشكر كله الك لتواجدك و لانك قررتي تشاركي معنا
مبسوطة كتير فيك , مية هلا
سلام منوش
بدي اسألك جربتي شي مرة تحطي التون عالنار
يعني تقلي بصلة مفرومة صغيرة واذا بتحبي فليفلة
وبعدين بتحطي علبة التونة وبتقلبيها شوي ليتغير لونها واخر بتحطي بندورة مفرومة وبتطفي النار مع رشة صويا بيطلع اختراع طيب
بجوز بتعرفيها ..بس قلت اذا مابتعرفيها لازم خبرك عنها :grin
لا ما بعرفها
جربت مرة شي اسمه قلاية عمانية , بنفس الفكرة بس مع بهارات كتير و ما حبيت نكهة البهارات القوية ابدا :roll
رح جرب طريقتك بركي برجع العلاقات الدبلوماسية مع الطون :grin
ممممممممممم مو مصدقة واخيرا …. كنت عم استنى الاقي هالوصفة
بس مابعرف اذا نفس اللي بيجيبها زوجي من السوق
رح اجربها و اخبركم
و انا عم اكلها كنت مستغربة من مكعبات لونهم ابيض بقلب السلطة و هلئ بعد ما قريت المشاركات بتوقع انهم حطو بياض البيض فقط مقطع مكعبات صغيرة و ما بظب انهم حاطيين الصفار لانو مافي ريحة بيض
و كمان في عندهم قصدي بالمطاعم و محلات اللحمة كمان سلطة بس ع كرفت و بالعربي اظن اسمو جمبري
كتير طيبة و غالية ياريت ا>ا حدا بيعرف طريقتها يدلني عليها و عندي صورة الها اذا بتنفع لمعرفة الوصفة
يسلمو كتير كتير انا رايحة اجرب سلطة التونا
بس كان عندي سؤال صغير
انا بجيب تونا معلبة بالمي مو بالزيت يا ترى هالشي بيأثر عالطعمة؟؟
هلا لولي
ان شاء الله تجربيها و تكون متل الي بتحبيها و اطيب
هلا التونا الي بالزيت اطيب , بس الي بالمي كمان بيمشي حالها :zzz
ما عرفت السلطة الي قلتي عليها :roll , يلا خيرها بغيرها ان شاء الله
شكلها مغري والجوعان بيفرط ريقو..بس إجمالا ما بحب المعلبات وما بعتمد عليها إلا بأوقات معينة..بس أحلى شي عمإقرا واتفرج عالصورة وإجتني ريحة تونا..انشوصت..قام طلع ابني جنبي عمياكل شيبس بنكهة المأكولات البحرية..ياي اول الشي جمدت..قلت صايرة عبتخيل انا :grin
يا ستي يعطيكي العافية وتسلم اناملك وممكن الواحد يجبرها شي مرة تغيير شكل..
:grin :grin
رغودة عن جد دمك عسل , بس شو هل الكيس اجا بوقته و زمانه
الله يعافيكي حبيبتي و فيكي تجربيها بالدجاج اذا مو كتير صحبة مع الطون
:grin :grin
رغودة عن جد دمك عسل , بس شو هل الكيس اجا بوقته و زمانه
الله يعافيكي حبيبتي و فيكي تجربيها بالدجاج اذا مو كتير صحبة مع الطون
لذيذة كتير :zzz
الله يعطيكي العافيه