براونيز بكريما الخمس دقايق السرية· تقطع حبات البصل و الفليلفة إلى شرائح , يقلى البصل بالزيت حتى يطرى ثم تضاف الفليلفة و الفطر و يقلب الكل لبضع دقائق حتى تنضج الفليلفة من دون أن يتغير لونها و تبقى مقرمشة ثم يضاف الذرة و تقلب لمدة دقيقة ثم ترفع الخضار .
· تقطع شرائح اللحمة إلى عيدان ثم تقلى بنفس المقلاة و تتبل بالأوريغانو و صلصة وورشستر و الملح و تقلب حتى تنضج و يجف مرقها تماماً .
· تخلط الخضار مع اللحمة , أصبحت الحشوة جاهزة .
· تفتح الصمونة ثم تدهن بالمايونيز ثم يمرر الخردل بشكل زكزاك فوق المايونيز ثم تحشى بالحشو المحضرة و ترش بالجبنة بكمية كبيرة .
· يشعل الفرن من فوق فقط ) الموشاة ) , تصف قطع الصموت المشية في صينية ثم تدخل للفرن و تترك حتى تذوب الجبنة ثم تقدم السندويشات فوراً .
4 – 6 ملعقة زيت ذرة
كيلو لحمة فيليه عجل أو غنم مقطعة شرحات رقيقة جداً
حبة بصل متوسطة الحجم
حبة فليلفة حمراء
حبة فليلفة خضراء
نصف كوب ذرة مسلوقة
نصف كوب فطر
نصف ملعقة صغيرة أوريغانو
3 – 4 ملعقة كبيرة صلصة وورشستر أو صويا صوص
ملح
مايونيز و خردل حسب الحاجة
خبز صمون
جبنة تشدر مبشورة ( أو أي نوع من الجبنة الصفراء المتوفرة )
• تقطع حبات البصل و الفليلفة إلى شرائح , يقلى البصل بالزيت حتى يطرى ثم تضاف الفليلفة و الفطر و يقلب الكل لبضع دقائق حتى تنضج الفليلفة من دون أن يتغير لونها و تبقى مقرمشة ثم يضاف الذرة و تقلب لمدة دقيقة ثم ترفع الخضار .
• تقطع شرائح اللحمة إلى عيدان ثم تقلى بنفس المقلاة و تتبل بالأوريغانو و صلصة وورشستر و الملح و تقلب حتى تنضج و يجف مرقها تماماً .
• تخلط الخضار مع اللحمة , أصبحت الحشوة جاهزة .
• تفتح الصمونة ثم تدهن بالمايونيز ثم يمرر الخردل بشكل زكزاك فوق المايونيز ثم تحشى بالحشو المحضرة و ترش بالجبنة بكمية كبيرة .
• يشعل الفرن من فوق فقط ) الموشاة ) , تصف قطع الصموت المشية في صينية ثم تدخل للفرن و تترك حتى تذوب الجبنة ثم تقدم السندويشات فوراً .
والله العظيم كتير جعت :sigh
يسلمو كتير على هالوصفات البتجنن.
ما شاء الله عليكي على هالشطارة
بس إذا ممكن شو هو الأوريغانو؟ :roll
له له له
خسى الجوع و الله
كلك زووء , خجلتيني بالكلام الحلو 8)
حبيبتي الأوريغانو هو نوع من أنواع الزعتر الأخضر و بتلاقيه بأي سوبر ماركت …علبته لونها أخضر فاتح :roll
أي سؤال تاني أنا بخدمة الناس الطيبة
السلام عليكم
شو هل الاكلات الطيبة
منظرها بيشهي كتيررررررررررررررر و ما عندي شي من المقادير
بس لازم ساويها اكيد
لانو جوزي كتير بحب الساندويش شو ما كان نوعها و دائما بيخترع ساندويشات جديدة
بس هل المرة دوري بالابداع
يعطيكي العافية
لروح اعمل جولة :zzz وشوف شو راح عليي بهل الشهر يلي غبتو
:eek
بعد زمان ليندا
الحمد لله على السلامة , لسا انت بسوريا و الا رجعت لبريطانيا ؟؟
سويها ليندا و اكيد رح تعجبك ان شاء الله , أنا بحبها بالجاج أكتر
نورتي
الله يسلمك اخت منى
انا رجعت على بريطانيا بعد معاناة مع الشوب بسوريا وقطع الكهربا والمي و العجقة والتلوث وكل شي بدك ياه :grin
الحمد لله على السلامة
و الله معك حق :sigh الشهر الي كنت انت فيه بسوريا كان عصيب ..
شوب ما عدى علينا بحياتنا سبب كل المشاكل التانية..
بس بيبقى ما في أحلى من سوريا و شعبها و طيبة ناسها …
سلام اخت منى الغالية…
الحمدلله رجع الموقع انا كل ما افتح و ما اشوفه ماشي ينقطع قلبي اخاف كون اخسرت هالوصفات المتقنة….
على العموم عندما قرأت كلمة “فيليه” قلت الظاهر التعليمات عندك…
في الواقع نحن اللي نذبح الخروف ببلاد الغربة و اول مرة كنت اقطع اللحم كان الشهر الماضي و لم اعرف كيف اقسمه. انا كنت اسمع من الماما هذا الفيليه والستيك و الكاستاليتا، و هذه للشوي و هذه الموزاة بس ما عرفت بصراحة اقسمهم.
فيا ريت لو تفيديني من خبرتك في المطبخ عن كيفية تقسيم اللحم و تقطيعها و استعمالاتها في المطبخ. و حاليا انا شايلة جزء من اللحم في الفريزر قلت هذه اللحمة عجبتني للشوي فما ادري اذا هيي صحيح او لا بس لونها كان مميز بالاحمر الغامق.
شكرا عزيزتي على الطلب و انشاءالله لا يكون مزعج عليكي…
مية هلا مريومة
الحمد لله رب العالمين , ان شاء الله لا بقى تنعاد .. تكرم عيونك اختي , رح نزل موضوع بالتفصيل لطلبك , بالعكس اختي انا كتير بتهمني الطلبات لان ي اشياء مهمة و انا مو خاطرة ببالي
مشكورة و يعطيكي الف عافية . الله يحميكي و يزيد هذه الهمة العالية انشاءالله ,
ااامين
جربت هالسندويش الخطير واخيرا..
صرلي اكتر من شهرين متحضرة جربوا و سبحان الله كلما بجيب المكونات اللازمة وبنوي اعملوا بتطلعلي شغلة تمنعني من التنفيذ بس اخيرا مشي الحال وكانت النتائج ولا اروع من هيك :p
انا عملتها بصدور الدجاج وبعد ما دائوها اهلي كبر راسي كتير على اد ما عجبتون.
سهلة وسريعة وطيبة كتير كتير
والله كتير دعيتلك ميمو الله يسلم دياتك ويخليلنا ياكي ويباركلك يا رب..
شكرا كتير على هالموقع وحبيت خبرك بالنتائج
هنا على قلبك و قلب أهلك واحد واحد و ان شاء الله الك متل هل الدعوات و أحلى و أغلى يا حق
عن جد سندويش رائع حبيته كتير ، لكن ما بعرف ليش زوجي لاقاه عادي
بجوز لأني قبل بيوم عملت جنبه سمبوسة هندية فطغت عليها .. برأيك رح يكون أطيب بخبز الفاهيتا؟ :roll
ممم ما بعرف , ممكن تجربي و تشوفي حسب عيلتك , المهم الف الف هنا و صحة و ريتو كل لقمة عافية
مرحبا انا جديدة معكم بلموقع بس كنت افتح عليه واخد وصفات منو بعدين حبيت انضم لموقعكم الكريم بس حبيت قلك شي اخت منى انا هلق بلغربة صرلي 3 سنين مو اكلة هلسندويشة كنت كل جمعة اومرتين بلاسبوع انزل عساحة المطاعم بابو رمانة واكل هلسندويشة بس انحرمنا وهديك المرة جربتا وزبطت معي وطلعت نفس الطعمة ودعيتلك من قلبي لان كنت مشتهية عليا وهون قصدي بفينزويلا الله لا يحرمون لاكل لان مابيعرفو ياكلو وخاصة الشعب لما بدو ياكل اكل عربي بحط بلسندويش شاورما وفلافل ونحن بنقعود نضحك شو نساوي غربة بعيد عنكم ههههه
هلا ام كريم و مية الف سهلا فيك نورتي
الف صحة و عافية و هنا على السندويشات و على كل شي جربتيه , و ان شاء الله الك متل هل الدعوات و اغلى اختي
بس عجبتني هي الشاورما مع الفلافل , زكرتيني بوصفة كنت شفتها على التلزيون اسمها كبة ستروغونوف :grin
هلا فيكي اختي منى والموقع منور بصحابو عفكرة لسا ماسمعتي شي عن الاكل بفنزويلا ما بعرف كيف بيستطعمو بس يعني ما بدي اظلمون في كام اكلة عندون طيبة متل البئية والاريبة والكارنة متشادة ويعني كام اكلة انشالله بجيب وصفاتون مزبوطة وبنزلون عنكم بلموقع اذا حبيتو
أكيد منحب , و انا رح استنى هل الوصفات الي زكرتيها لان رووح قلبي التغير
يسلمو الأياااااادي على الوصفة الحلوة
الله يسلمك حبيبتي , منورة
الله لا يحرمنا من هالاكلات الطيبة بس سؤالي لوسمحتي شو هو الوورشستر ؟؟؟