براونيز بكريما الخمس دقايق السرية
بيتزا , بصلصة جديدة
سلطة الزعتر الأخضر و الجبنة
محمرة
سلطة الجرجير و الرمان
سندويش الدجاج
صينية توست
سلطة الدجاج بالكاري
يالنجي ملفوف
فريكة
السلطة المقلمة
سندويش بطاطا
حمص
فطيرة الشاورما
قرنبيط بطحينة
هلا خبرتكم ان هي صورة للسفرة قبل ما تكمل , كان بقيان
الكبة دراويش
و كبة , جديدة
و الحلويات :
أطيب كاتو شوكولا
كاتو البرتقال
اذا انتبهتي ان في كتير وصفات من وصفات اخر عزيمة , هيك ربنا يسر و حبيت عيد الانواع لان في ضيوف جدد هل المرة , كمان شغلة تانية عجينة البيتزا جبتها جاهزة من محل فطاير بالخالدية , ما كان عندي مروة ااقوم الت و اعجن . كمان في الحمص جاهز و اللقم .
الوصفات الناقصة رح نزلها بالموقع قريب باذن الله , هنن أربعة بس , صلصة البيتزا السريعة و سلطة الجرجير و الرمان و يالنجي الملفوف و الكبة
قبل ما روح رح ذكركم بجروب لقمة طيبة على الفيس بوك , اتمنى الكل يشترك بالجروب لحتى نقرب من بعض اكتر و اكتر .
ان شاء الله تكون السفرة عجبتكم و لطشتوا كم فكرة منها , دمتم بخير
ياييييي هالمرة اول مرة رح رد والي الشرف عنجد
ماشالله شي بيفتح النفس ربي يديمها نعمة ويبارك فيكي وباهل بيتك وبيتك
الله يعطيكي العافية
و الله اشتقنا يا منى شو هالسفرة التحفة الله يسلم هالايدين الحلوين والله شي بيشهي الله يعطيكي العافية ويرزق صاحب بيتك وصحتين على قلب ضيوفك
ايه شو هاااد …شي كتير حلو ومتعوب عليه..
الله يقويكي ويزينك بصحتك وعافيتك..
بالنسبة للفيس بوك انا بعتت طلب للانضمام للجروب بس مابعرف كأنه ماوصلك :zzz
بدي اعمل جية لعندك بس مابعرف عنوانك ..اذا بتستقبليني خبريني :grin
يلا سلام
سلام عليكم من زمان ما نور الموقع بعزايمك الحلوه منيح ماني ساكنه بحلب كنت لزقت عندك :grin لا تقطعينا على طول خليك منوره
ماشاءالله لا قوةالا بالله
يسلمو منى يعني بعد هاالغطةجيتينا بهل السفرة يلي بتشهي ومثل ما بقول المثل صبرنا ونلنابس
بالنظرموبالاكل :grin ان شاء الله صحة وهناعلى قلب الكل واكيد الله يعطيك الصحة والعافية على مجهودك بالعزيمة ومعنا :zzz
يسلم ايديك شي بيفتح النفس يعني هيك الواحد ما بيحتار شو يطبخ لما يكون عندو عزيمة يعني اذا عملنا نص هالمنيو بيكفي الله يهنيك يا ستي وصحة وهنا على قلب مين اكل
يعني انا يوم الخميس عيد ميلادي ورح اعمل كم صنف حلو بس لأنو الحفلة لجوزي وولادي بس فكرت اعمل كاتو كلاس وكاتو اسفنجي رح زينو وزبطو وبسكويتات وهيك شغلات وهلأ طالعت من الفرن كاتو الطبقات الخيالي وكان طعمتو روعة صعي ما نفش بس طيب كتير وهي تجربة قبل يوم الخميس :roll
بس بدي اسألك عزيزتي ممكن يكون فرني مو منيح مشان هيك الكاتو ما بينفش معي؟؟؟؟؟؟؟؟ :cry
واذا جبت فرن كهربا بيكون احسن للكاتويات والمعجنات؟؟؟ :zzz
شو من شان اذا وحدة حامل واشتهت على كل هالاكلات ؟؟؟ شو اعمل
يسلمن يامنى.. بجد شي ما شاء الله بياخد العقل بس شوقتينا نعرف متى بتنزلي الوصفات التانيه وخصوصا يالنجي الملفوف 8)
بستناكي ياقمر لا تطولي علينا :zzz
سلمت أناملك يا منون والله شي بيشهي انشاء الله عقبال ما تعملي بوفيه أفراح اولادك
صار لها اكتر من اسبوع
حبيبتي انا نزلت كيكة الموز بالمايكروويف بس كأنك ما شفتيها شو القصة؟؟
والله يا ريت تجربيها وتصوريها وتصبي الصوص عليها طبعا قبل لأن الصورة بتغني الوصفة بدي صير حاول صور وصفاتي بس ما بعرف اذا رح تزبط هالقصة معي
لأن عندي كتير وصفات جديدة
هلا ام احمد
الله يسلمك اختي الف الف شكر الك للدعوات الكريمة , ان شاء الله انتي كمان
هلا ميوسة
ااامين يا رب , ان شاء الله الك متل هل الدعوات الحلوة و اكتر يا مزوءة , و يا رب تكون السفرة عجبتك
هلا رنونة
ما بدوا طلب , انتي بتفتحي الباب و بتفوتي فورا :zzz
رنون صدر البت الك و العتبة الي , شو هل السؤال :roll
و جيبي معك ندوش و بشرى و خلينا نشلي على الدكاترة بالجامعة , صحي قال صاروا كل المواد اتمته , فقسوه لحج محمد :grin
هلا منولة
خليلي عينك بتنور حلب حبيبتي , نورتي الصفحة :zzz
هلا ام محمد
كلك زووء يل عسل , يا رب تكون عجبتك و لطشتي منها كم فكرة .
على فكرة انا متلي متلك لان ما نابني من هل السفرة النظر و كم لقمة فريكة :zzz
بسم الله ما شاء الله شي بشهي عن جد بس بتعرفي هيك سفر حلاتها بالجمعة والكترة انا من يومين عملت عيد ميلاد لزوجي وحاولت اشكل بس ما اكتر الكمية باعتبارنا شخصين طلعت السفرة حلوة كتيير بس المشكلة وين بقى بدي اروح بهل الاكل يمكن رح يضل عندنا لشي جمعة شو بدنا نعمل بعينا الله
يسلموا ايديك ياحق والله يجعل بيتك دايم عامر بالافراح والمناسبات الحلوة وعقبال ما تفرحي باولادك :zzz
يا سلاممممم يا عيني شو هالسفرة الي بتشهي ,, يسلم دياتك يارب شي لذيذ وسفرة للنظر مو للأكل والله .. كم يوم ونازلة عحلب ورح اشبع عزايم هههه :grin
ومشان دكاترة الجامعة لازم نعمل حلف نحن الاربعة :zzz بس حزرك بتفوتو لحج محمد الأتمتة بكرا بيجيب الأسئلة من المريخ
السلام عليكم بسم الله ما شاء الله الله يسسلماديك ويعطيك الف عافيه شي بشهي انشاء الله بيتك عامر والف صحه وهنا
بالنسبة لحج محمد مابظن رح يتغير شي …يعني كنا نصفن نص مدة الفحص لنفهم عليه بسؤال واحد …هلأ مابعرف كيف رح نقدر نفك شيفرة 50 سؤال او اكتر ….بس علينا بالتفاؤل :zzz
شو بشرى ..نزلتي على حلب ولا لسه ..خليني شوفك
اما الاخت gsmالله يصلحك لو عزمتينا كنا ساعدناكي بالاكل وماكان ضل عندك اكل بنووووووووووب :grin
اهلين منى و كل الاخوات و البنوتات الحلوين. ان شاء الله كل ايامكم اعياد. يسلموا ايديكي يا منى على هالسفره. و يعطيكي الصحه و القوه. ما شاء الله في منتهى الذوق و الترتيب. ببارك لك و للجميع بالسنه الهجريه الجديده و السنه الميلاديه. و ان شاء الله تكون سنه خير و صحه و بركه على الجميع. و يضل هالموقع المميز منور بوصفاته و بصاحبته المميزه.
كل الحب للجميع
السلام عليكم
كيفك منونة شو هالسفرة الحلوة شي ملوكي و منيح الصورة كبيرة حسيت حالي جوا الغرفة بس ناقص أغرف و أكل
منونة قلتي بقيت الصور طارو لتكوني مخربطة أظن السفرة هي يلي طارت بالمناسبة ألف مبروك على المناسبات الحلوة يلي مرت الله يديم الأرفاح على الجميع
مرحبا و سلام لكل الحلوين بالموقع الرائع. يسلم ايديك لحلوين يا منى على هيك سفرة و عن جد بتعطينا كتير دفع و حماس حتى شوي نحاول نقلدك(بحياتنا ما منصير بشطارتك). ما شاء الله عليك الله يهني زوجك و أولادك فيك.لازم أكون بعرفك ما دام أنت خريجة أدب انكليزي متلي .أنا مواليد78.و تخرجت 2002.الي الشرف أتعرف عليك و نشلي ع دكاترة الجامعة و خاصة على حج محمد اللي مشيب كل العالم.نحنالحمد لله نفدنا بس الله يعين العلقان. سلام للجميع
صحيح شي بيشهي وسفرة بتفتح النفس
إذا ممكن أسألك شو نوعية الكاميرا اللي تستخدميها
والصورة تعملي عليها تغير بالفوتوشوب أو لا؟؟؟
لان الصورة كتير رووعة وصافية :roll
ندوش غمضي عيونك الله يسترك لوقت ما توصلي لحلب و بعدها لكل حادث حديث 8)
هلا سوزان
الله يسلمك يا قمر و ان شاء الله تتيسر الحفلة و تنبسطوا فيها و عقبال المية سنة و انتي بالصحة و العافية .
هلا الكيك ما نفش معك كله و الا هل الوصفة بس ؟ اذا كله معناها في مشكلة بالفرن و اذا بس هل الوصفة فممكن يكون في مرحلة صارت غلط لحتى ما نجح الكيك .
انا فرني فرن غاز عادي , يعني مو بالضرورة ان الفرن الكهربائي احسن للكيك
هلا ام جنى
رح نزلهن قريب باذن الله , بس يطيب الكمبيوتر , لان حاليا هو بغرفة الانعاش :cry
ان شاء الله تجربي شي وصفة و تعجبك , بوسات كبيرة لجنى القمر
أهلا رنا , لسى ما نزلت يومين وبكون بحلب ان شاء الله وانتي ؟
ياريت والله لو نقدر نشوف بعض اذا بتقدري تاخدي رقمي من منونة بيكون كتير عظيم موفقة بامتحاناتك عيني
كأن في حدا متجاهل سؤالي بكل مرة
:cry :cry
هلا فرح
الله يسامحك يا رب , معقولة يعني
اذا انتبهتي عم رد على كل اخت واحدة واحدة حسب وصول الرد , و كلكن على عيني و راسي و الله
الله يسلمك يا رب و عقبال كل شي بتتمنيه و يكون من احسنه
الف شكر الك للوصفة , وصلت اكيد و ان شاء الله رح انشرها بعد هل السفرة مباشرة و رح حاول جربها اكيد , الف شكر الك للوصفة و بانتظار وصفاتك , الله يسلم هل الديات أختي
تسلم الأيادي على النفس الجميلوان شاء الله يكون في ميزان أعمالك [I]null[/I][B]null[/B][img]null[/img]
شكرا لكي أخت منى
تسلمي حبيبتي والله من باب الأملية بس
بعرف انك كلك زوووء والكل بيشهدلك بس انا حبيت هز الورد
رب يسعدك ويبعتلك ملائكة تعينك
ما شاء الله حولك يا منى ست بيت مرتبة :zzz
:zzz
يا ريتني جارتك :grin
بسم الله حولك وحواليك
الله يسلم ايديكي يامنى عم تفسدي اخلاقنا وتخربي الميزان صار الواد بدو يمشي فتره مضاعفه عالتريد ميل مشان يلحق يحرق اكلاتك والا الوزن بدو يكسر الميزان
سالتك عالكنافه وماجاوبتيني رح اموت تااعملها مزبوطه ما تعضم معي
وتعرفي تعملي السينابون دورت عليه لقيتو بمواقع مصريه م عندي ثقه بمقاديرن اذا بتعرفي الله يوفقك ولادي بدن يكونو من الشاكرين وانا كما لانو القطعه الصغيره ب10 ريال
شايفة يا رنوش على هل النسوة ولا يهمك في الحلقة القادمة انتو معزومين ولو ما انتوا صرتوا اخواتي الانترنتيات على قولة منوشة
شو بشرى ورنا و منى قررتوا تجتمعوا وانا مو بحلب هيك هالمرة قررت ماانزل بصير اجتماعات من وراي ؟؟؟
رنوش صح صارت اتمته بس شبك ما فهمتي السؤال بتتحزري احسن ما نترك الدفتر فاضي حرام
اي ياعيني عليكي ياست الستات والله يعطيكي العافيةشكرا كتير على حل المشكلة تبع الدخول للموقع هلق صار فيني شارك
هلا gsm
متل ما قلتي هل المناسبات الي بيحليها الجمعة الحلوة و الطيبة , لو كنتي عملتي متل ما قالت رنا ما كان صار عندك لبكة منوب :grin
الله يديم الافراح دوما بكل بيت , شرفتي اختي :zzz
هلا بشورة
ان شاء الله توصلي بالسلامة يا رب و الله يوفقك بالامتحانات , يا ستي على حج محمد ما في شي بيمرق , واحدة من رفقاتي خبرتني انه جاب الهن سؤال على مشهد معين و كان انه شو لابسين الابطال بهل المشهد يمى الله يصطفل فيه و بامثاله
هلا نور
الله يسلمك يا مزوءة و ان شاء الله الكم تل هل الدعوات الحلوة و اكتر
بكره 10محرم اذا مالقيت الكنافه بدي ازعل اليوم صمنا مرقناها بدون حلو قطر اكتفينا بالنواشف وغزل البنات جابولي يا ولادي لما اجو بالعيد خبيتو بالفريزر
على فكره لقيت السينابون سويتو طلع يجنن نفس الجاهز وصورتو بس اسال ولادي شلون طريقه تنزيل الصوره اقلكن عالطريقه
بكره صيام بدناكنافه تحلايه
هلا ام رومل
الله يتقبل صيامك و طاعاتك , ما شاء الله لا قوة الا بالله
اختي الكنافة ممكن يكون الها عدة اسباب , اما ان عيار السمنة قليل او انك عم ترققي طبقة الكنافة او ممكن انك عم تخبزيها زيادة او على نار قوية :roll
وصفتي بالتفصيل[URL=http://www.l2ma.com/content/view/216/2/]على هل الرابط[/URL]ان شاء الله يفيدك
اي سؤال تاني تحت امرك و بانتظار السينامون
الله يسلمك منونة ويخليلي ياكي .. بشوفك عن قريب ان شاء الله ..
وادعيلنا الله يسترها معنا من حج محمد وأمثاله :upset
هلا امون
و انت بالف الف خير انت و كل عيلتكو ان شاء الله تكون هل السنة كلها خير علينا و على كل امة محمد يا رب .
هادا بس من زووءك يا عسل , و كمان من بعض ما عندكم :zzz
هلا ام السوس
هيا السفرة طارت الف صحة و هنا , بس الصور طاروا و حرقولي دمي , الحمد لله على كل حال .
كتير انبسطت ان السفرة عجبتك و بالفعل الصور الكبيرة احلى .
كلك زوء سهى
هلا شيرين
ان شاء الله بتصيري احسن بمية الف مرة , شو عم تحكي , كلنا هون عم نتعلم من بعض و كل واحدة عنا شي مميز بتعطي التانية , مممم انا من نفس مواليدك , بس قصتي مع الجامعة قصة . بقى ما اتوقع درسنا مع بعض :roll
نحنا منيح الي نفدنا , حسرة على الباقيين , الله يكون بالعون و يخلصهم بخير و سلامة و مية علامة :grin عجبني السجع
هلا سنو وايت
الكاميرا كانون جي 9 و اعمل تعديلات بسيطة عليها بالفوتوشوب , ان شاء الله رح ابعتلك اياها بايميل اذا ربنا راد و يسر