هلا غيوثة
ايه معقولة انسى , هو انا بتاخر بس ما بنسى :zzz

الف صحة و هنا على كل شي جربتيه و طلع متل ما بتحبي , و هادا من زووك يا قمر .

هلا ان شاء الله تطلع تمام و مستاهلة الانتظار و رح استنى رايك

دلوش حبيبتي صبحو فل و ياسمين , صباحو احلى من العسل و ابيض من القشطة :zzz

يلا رح استناكي , مع اني بتصبح على الاغلب بوج حلو و كربوج و بشرب معه الكابتشينو , بس هو و لا سائل و لا داري

هلا شوفي صحي هنن بيوقفوا القلب هل الكاسة و نص زبدة , بس اذا قسمناهن على 25 قطعة , الي هنن اجمالي القطع , ما رح تطلع الكمية كبيرة , بس بكل الاحوال ما خرج ننبحت عليهن لحتى نحافظ على البرستيج 8)

هلا ام دانية
يلا , عم استناكي , الك اكبر قطعة و فيك تني و تلتتي :grin

الله يسلمك يا قمر و سلامي لكل العيلة

لك رنون انا نسيت كل الحكي و وصلت لعند ملكة , ايه شو بعرفها و ما بعرفها , كانت رفيقتي بدرس الانكليزي سنة كاملة و نحنا اعدين بجنب بعض و لهلا عندي على الدفتر كم كلمة كاتبتلها ياهن على الدفتر و هي عم ترد علي , على اساس لحتى ما نعطل الدرس :grin احلى ايام و الله , سبحان الدايم , ان شاء الله بتعرفيها و صفيتيها على صف بهيجة :grin

تاني شي , شو هادا الكابتشينو بالخلطة السرية يا منظومة , عارفة و ساكتة يعني , يلا عم استناكي و خيرها بغيرها و ان شاء الله تكون النتايج منيحة و ربي يسر :zzz

هلا ام جنى
يلا رح استنى قطعتي , كبيريها و اذا بتبعتيلي تنتين تلاتة ما بقول لا , خطي مشان الصغار :grin

مممم , رنون انا ماكدة ان كم كلمة تانية رح نطلع قرايبين , و محبتك محفوظة ما بدها مين يزيدها :zzz

اكيد كانت بخطبتي و بعرسي كمان , و اخبارها مقطوعة عني من زمااان , بقى اخبارك مو بايتة , اذا صار و حكيتي معها سلميلي عليها و اذا قدرتي بدي رقمها :zzz

يلا رح استنى الوصفة

هلا ام ياسمين
سكر انت و كل كلامك , القلب على القلب يا قمر و و ربي يديم المعروف و المحبة دوما :zzz

ان شاء الله تكون هل الغيبة على خير و الحمد لله اطمنت عليك

بوسات كتير لياسمين و عمر

هلا ام تسنيم
انا استعمل الاولى , بس اذا مو متوفرة مو مشكلة , المهم خميرة .

ما عندي فكرة مزبوطة عن الخميرة التانية , بس اكيد بيكون في تعليمات للاستعمل عليها

هلا مريم
ممكن بس بالبني بتطلع اطيب

هلا سمسوم
يا رب تجربيها و تطلع متل ما بتحبي و اطيب , انا هل الوصفة بحسها سهلة كتير مع ان منظرها بيقلك يا لطيف شو اخدة وقت , لهيك بحب حضرها لضيوفي :grin

كلك زووء سمسوم و انا رح استنى رايك بعد التجربة

شيرين لازم ترشي الطاولة طحين قبل ما تمدي العجينة على الطاولة و هادا شرط اساسي لحتى ما تلزق معك العجينة و تنلف بكل سهولة

جوزك ذكرني بواحد بعرفه كتير :grin

فيكي تحشيها او تغطيها بشو ما بيجي على بالك , انا بحضرها بالطريقة الاساسية و البسيطة

السلام عليكم ام احمد
تشتاق الك العفية و الحمد لله انك بخير و الله يمضي هل كم شهر على خير و تكوني انتي و البي بي بصحة يا رب :zzz

الحمد لله انا منيحة و كتير و شعرات راسي لساهن بمحلهن بغض النظر عن كل الضغوطات الخارجية الي تستدعي ان نتفهن :grin , الله يخلي الاولاد شو بدهن بال طويل و نفس اطول

هلا ميس
ووواو شي بيشهي و الصورة عم تقلك تعي كليني
الف صحة و هنا على البك و الب الاولاد و بالعافية يا رب :zzz

ان شاء الله تزبط معك و رح استنى رايك او ايا سؤال عندك :zzz

هلا شفاء
هنا و عافية و صحة و منيح الي زبطوا , و لو جزئيا , ادام ضيوفك :roll

نجي للملاحظات , العجينة ما نفشت = الخميرة مو منيحة , ان شاء الله تكون هل الدقيقة لسا شاريتيها , احيانا ممكن تكون خالصة مدتها , احيانا ممكن تكون من نوعية مو منيحة. و ما دام العجينة مو منيحة معناها ممكن تلزق , بس كاحتياط للمرة التانية ممكن تدهني القالب بزبدة اكتر او ممكن تغلفيه بورق زبدة
الصوص اذا سكر ممكن ما يكون استخدمتي سكر بودرة و ممكن انك ما نخلتيه , اما قصة اللون فغريبة , ما عرفت الها سبب

ان شاء الله المرة التانية بتطلع اطيب و اظرف و هنااا على قلبك شفا و على قلب ضيوفك

هلا بشورة
الله يسلمك حبيبتي , يا رب تجربيها و تكوون يممي ..

نصيحة جربيها متل ما هي لان الحليب البودر بيعطي طعمة , يم يممممم

هلا رلا
ما في مدة محددة , دوما حسب الجو عندك , باصيف ممكن يكفي ساعة و بالشتي بتاخد معي اربع او خمس ساعات
العجينة لازم تكون رقيقة , بحوالي 3- 5 ملم
بعد تقطيع العجين ما رح يكن في الها وج لان الطرفيين رح يكونوا متل بعضهن تمام

الزبدة كميتها مو كبيرة , انا احط كوب و نص لان هل الكمية من الزبدة مع اختيار نوعية ممتازة الها رح تشكل الفرق في السينامون رول
و الزبدة لازم تسيح , انا احطها في الميكروويف على عيار خفيف و اخليها لحتى تصير سائلة متل الزيت

شو كمان ؟ اي نصف كوب زبدة هو 100 غرام

ايا سؤال تاني من عيوني التنتين و انا اسفة للتاخر بالرد :roll

هلا ام رومل
المشكلة بالطحين اكيد , بس دوما نصيحة ما تعدلي ابدا بمقدار الطحين و الزبدة , احسن شي تقللي كمية السوائل

ما بعرف حضر مربى الرطب مرة ببيروت دقناه مع القشطة و كان شي بياخد العقل , بس الله كريم , الا ما شي مرة اتعلمه .
الله يعزك اختي بعزه , اللهم صلي على النبي على هل الجيرة , ادعيلي انعزم على الحج او العمرة و على زيارة للنبي و اكيد اكيد رح اعملك زيارة كمان

هلا تالا
الف الف صحة و هنا على البك , الحمد لله انه عجبك و كان على زووءك و كمان اتفنتي فيه , عوافي حبيبتي

بتعرفي شو حبيت اخر جملة بردك , الله يزيدك من نعيمه و علمه يا حق

رغودة الخطوات كلها جاهزة عندي و ان شاء الله بعد الغدا رح نزل الصور , هلا بعرف انو متاخرة عليك , بس مشان المرات التانية ان شاء الله:)