براونيز بكريما الخمس دقايق السرية
كيلو صدور دجاج
بهارات الشاورما
نصف ملعقة صغيرة أوريغانو أو كاري ( اختياري )
رشة سماق
ربع كوب زيت زيتون
بشر و عصير حبة ليمون كاملة
3 ملعقة كبيرة خل
2 فص ثوم مهروس حبة بصل مقطعة أرباع جزرة مقطعة دوائر
للتقديم :
كريم الثوم
مخلل الخيار
بندورة مقطعة شرائح
بطاطا مقلية
• تغسل صدور الدجاج ثم ترتب فوق بعضها البعض و توضع فيي الفريزر لمدة 3 – 6 ساعات تقريباً أو حتى تكون جامدة بشكل غير كامل , هذه الخطوة هدفها الحصول على قطع رقيقة من الدجاج عند التقطيع .
• تخرج صدور الدجاج من الفريزر ثم تقطع إلى شرائح رقيقة باستخدام سكين حادة .
• توضع شرحات الدجاج في وعاء غميق و تتبل ببهارات الشاورما و السماق و الأوريغانو أو الكاري في حال استخدامه و الخل و الليمون و بشر الليمون و الثوم و الزيت و تقلب حتى يمتزج الكل جيداً ثم يضاف البصل و الجزر ثم يغطى الوعاء و يترك منقوعاً لمدة 24 ساعة في البراد .
• يرفع الجزر و البصل من مزيج الشاورما ثم ترفع شرائح الدجاج من مرق النقع و تقلب في مقلاة غير لاصقة على نار قوية على دفعتان و تقلب حتى تنضج و تشقر من الطرفيين .
• تقدم الشاورما ساخنة مع البطاطا المقلية و البندورة و المخلل و كريم الثوم .
اه والله يسلموا هالديات وما ننحرم من هالوصفات الحلوة. :zzz بالمناسبة سمحولي باركلكون بحلول هالشهر الفضيل اعاده الله علينا وعليكم وعلى جميع المسلمين بالخير والسلام :grin
و أنت بالف خير أختي ام نور
يا ريت تجربي الشاورما و تعجبك أختي ..
اكيد رح جربا بدون كلام بهيدي الجمعة باذن الله لان الجمعة القادمة بتبلش جامعتي وبيصير الوقت ضيق :cry وبدي اطلب منك اختي طريقة تحضير الفتة بعملا بس ما بتنجح كتير وبرمضان كتير منعملا :zzz
تكرم هل العينتين ام نور
بس يا ترى أيا فتة بتقصدي ؟
فتة الحمص و إلا فتة الجاج و إلا فتى البتنجان و إلا فتة المكدوس :roll
شو عم تدرسي ؟
والله في فتة مكدوس وباتنجان انا صراحة بعرف الجاج والحمص وانت شو بتحبي تحطي وصفات بتكوني مشكورة منتعلم
.
انا دارسة معلوماتية ادارية والان عم ادرس ادب فرنسي كتير في فرق مهاك
ما قلتيلي شو رايك بهل بيتي فور مجربتي عفكرة المقادير من البابا وعطول بعملها خاصة عالعيد والمناسبات
وصفة البيتي فور شكلها بتاخد العقل
الله يخليلك باباتك و لا يحرمكم من بعض يا رب
تكرم عيونك ام نور , رح نزل الوصفات اذا الله راد…
انا دارسة ادب انكليزي , يعني في شي مشترك بينا
اليوم اشتريت صدورة جاج وجلدتون والصبح انشالله رح قطعون وانقعون بالتوابل يعني الاثنين بطبخون وبقول شو صار معي انشالله تظبط لان وعدت زوجي فيا وناطرا لان كتير بيحب الشاورما :p
ان شاء الله بيطلعوا طيبين ام نور
عم استنى رايك حبيبتي , بس ما في داعي تجلديهم لبكرة :roll
بيكفي لليوم المسا
عزيزتي منى
تسلم ايديكي عالوصفة سهلة و بتلزم بأوقات كتيرة بس بدي أسألك شو هي بهارات الشورما و من وين أشتريهم
و عا فكرة فيكي تحطيني بقائمة العضوات اللي بينهم أشياء مشتركة لأني أنا كمان خريجة أدب أنكليزي
هلا رينو
سبحان الله , الدم غلي :grin
رينو بهارات الشاورما فيك تحضريهم على ايدك و بتشوفي الطريقة [URL=http://www.l2ma.com/content/view/214]على هل الرابط[/URL]
مية اهلا و سهلا فيك
و ان شاء الله اذا جربتيهم رح يعجبوك كتير
يسلمو هالديات على هالوصفه عنا الدجاج الو زنخه شوي بس بطريقتك مابقي الها أثر وصارت الشاورما بالبيت ولاأطيب بس بضيف بضع حبات من الهال بتعطي نكهة مميزة وسرية جدا
بالفعل أختي ام عبادة أهم بهار للشاورما هو الهال مع المستكة , كلك زووء أختي و الله يسلمك و يخليك يا رب
عزيزتي منى انا قطعت الشاورما ونقعتها وكل شي بس هلأ هي بالبراد …..خسيت عم يطلع منها مي بيضا يمكن مزيج اليمون والزيت والخل …..بس سؤال هلأ المستكة مو اذا الواحد اكلها بتصير متل العلكة يعني بتعطي علكة ولا بتفرط ….لانه عطتني حماتي شوي وحكيتها بس بعدين دقتها شفتها مابتعلك بقا ياترى شو هاد اللي حطيته ؟؟؟وسؤال كمان المي يلي طلعت مع الشاورما اتخلص منها ولا احطها كلها سوا بالفرن ؟؟؟وكمان شغلة اغطي الصينية بالقصدير ولا اتركها بلا غطا ؟؟؟
وجعتلك راسك باسئلتي بس انشالله تزبط لانه جرحت ايدي اربع جرحات وانا عم قطعها بقا ياريت يطلع شي طيب ومايروح تعبي عالفاضي :zzz
هي هي المستكة المظبوطة , مو لازم تعلك هي بتفرط لما بتطحنيها
بعد ما ينتقع الدجاج لمدة يوم كامل بترفعيه من ميته و بتحطيه بالصينية , و بتخبزيه من دون ما تغطي الصينية لحتى تستوي الشاورما
أي سؤال تاني أنا تحت أمرك و بخدمتك و ان شاء الله رح تعجبك و بتدعيلي
ساويتها …بس ماطلع الطعم متل مابدي ..مابعرف طلع فيها طعمة معطرة :upset انا بظن يامن الخل لانه استعملت خل ابيض …ويمكن طبشت ايدي شوي بالكمية …..بس انتي متأكدة انه المستكة ماممكن تكون مسؤولة عن هالطعمة ؟…كمان شغلة انا ماصفيتها من ميتها …لانه حطيتي الرد بعدمااكلناها :zzz وقلت لحالي اذا ماغطيتها يمكن تقرمد ؟؟؟مابعرف عجبتني فكرتها ونويت اعيدها بس بدي اسألك اذا حطيت مع التتبيلة شوية دبس فليفلة بتخيل بتعطيها نكهة طيبة
ويسلمو ايديكي يااحلى منى بالعاللللللللم
ما بعرف رنا , انا المستكة الي بستخدمها عبارة عن قطع صغيرة متل البلور الشفاف ..
يمكن الطعمة المعطرة اجتك من مية النقع !! احترت و الله :roll
فيك تحطي معها دبس فليلفة أكيد , بس اصولها ما بدها , بقى كمان على زووءك
الله يسلمك رنونة يا قمر و اذا جربتيها مرة تانية يا ريت تخبريني
ياستي اكتشفت انه طعمت التعطيرة اجت من الخل لاني زودت الكمية شوي وماصفيتها يعني بميتها … :eek بالفرن …بس على فكرة جوزي كتير حبها وصرت راقبه وهو عم ياكل واضحك قله عن جد حبيتها يقلي والله كتير طيبة :grin بس بدي اعيدها اكيد 8) وشكرا للاهتمام
هلا رنونة
هنا و عوافي على قلبه و قلبك كمان 
ان شاء الله بتجربيها مرة تانية و بتعجبك .
السلام عليكم و رحمة الله و بركاته
الشاورمااااااا بدي جربا بالبيت :cry و ان شاء الله تضبط معي بس بدي ساويها سندويشات اختي منى عندي طلب الله يخليكي بدي طريقة عمل الخبز بالتفصيل و اهم شي طريقة خبزه تحتى احشي الشاورما فيه
و بدي اعرف هل فيني ادهن رغيف الخبز بكريم الثوم بدل المايونيز او صلصة الطحينة
بالتوفيق
سلام
من عيوني أختي
وصفة الخبز حابة نزلها بالموقع بس لحتى تظبط معي وصفة تكون تمام ..
الخبز فيك تحشيه بكريم التوم أو المايونيز على كيفك أما الطحينة لأ لان الطحينة منحطها مع شاورما اللحمة
السلام عليكم و رحمة الله و بركاته
تسلميلي اختي منى و ان شاء الله يضبط معك الخبز و تحطي الوصفة و الله فكرت الطحينة بتمشي مع شاورما الدجاج شكرا جزيلا على المعلومة بس قليلي مو 24 ساعة فترة طويلة بعرف بتطلع الطعمة احلى بس جربتي تخليها بس 12 ساعة او اقل و الشاورما ما ممكن نحتفظ فيها في البراد صح ازا ممكن بيكون كتير منيح بس ما بعتقد شو رايك
بالتوفيق
سلام
هلا أختي
انا بالعادة بحضرها قبل بيوم كامل , ما جربت اتركها أأقل :zzz
شو قصدك بالبراد ؟ ما كتير فهمت , يا ترى قصدك بعد التتبيل ؟ إذا هيك أكيد منتبلها و منخليها في البراد لمدة يوم كامل أو ممكن تتبليها و تحطيها في الفريزر بتقعد معك لمدة شهر
السلام عليكم و رحمة الله و بركاته
عفوا لا تواخزيني اختي منى انا قصدي الفريزر ما بعرف كيف كتبتها براد
جازاك الله خيرا على المساعدة
بالتوفيق
سلام
مرحبا منى
اناعضوة جديدة و من زمان كنت حابة اشترك بس ما كان عم بمشي الحال و الحمد لله اليوم ظبطت معي
بدي اسالك عالشاورما:عم تطلع ناشفة معي.مافي طريقة تطلع مسقسقة متل الشاورما الجاهزة يلي بتكون عم بتشر من عالسيخ؟
مشكورة
مية هلا سوسو نورتي و نور الموقع بأخت جديدة و كريمة و غالية
الشاورما لازم تنقيها بالخل و الزيت و لما تجي تقليها تكون النار عالية و إذا بتحبيها مدهنة ممكن تنقعي معها شرائح دهن بتكون مقطعة كتيرررر رقيقة , و عندي وصفة للشاورما بتاخد العقل , ان شاء الله بنزلبها و بتجربيها لانها اطيب من الشاورما الجاهزة 
الله يحميكي يا منى.دغري رديتي عسؤالي.شو فاعدة انت عالنت دايما؟
عكل شكرا كنير و رح اعمل متل ما قلتيلي
:grin لا اكيد مو دايما بس صدفت ان انا و انت كنا اون لاين مع بعض , ان شاء الله تظبط معك
السلام عليكم كيفك اخت منى تسلم دياتك على الوصفة كثير طلعت زاكية الشاورما اليوم احترت شو بدي عشي زوجي والاولاد فقررت اعملن الشاورما وكثير حبوها بس انا ما قليتها حطيتها بالفرن لكن على الشواية يعني ما شغلت الفرن من الاسفل بس من فوق بس بجد طلعت كثير زاكية
هلا هيا
عافية و صحة على قلبك و قلب كل العيلة .
كتير انبسطت انها عجبتك و فيك انت تطبخيها بالطريقة الي بتريحك :zzz
وأخيرا عملت الشاورما الرائعة !!1
طول حملي كنت متوحمة عليها بس ما كنت أتجرأ أعملها لحاللي ،، يا ريت لو كنت بعرف إنها رح تطلع هيك لكنت عملتها من زماااااان .. :grin
حبيناها أنا وزوجي .. والمسا رجعت سخنتها وحطيتها بالشواية وكانت أطيب بكتير يسلمو منوشة على هالوصفة الروعة
الف الف هنا على الشاورما , كتير انبسطت انك جربتيها و انك حبيتيها و عجبتك,
لو تجربيها سندويش ,, ممممم رح تفتحي محل بعدها :grin ببقى بنزل طريقة السندويش اذا الله راد
بصراحة ماضلت أكلة ما بعرفا وبنفسي إلا شفتا بهالموقع الغني الله يجزيكن الخير ومشكورة كتير اخت منى عهالوصفات اللذيذة اليوم بدي جرب الشاورما من وصفتك كان بنفسي من زمان اعملا عندي اطيب من الأكل برا
هلا ريم
الف شكر الك اختي للرد والتواجد الطيب بالموقع , ان شاء الله تجربي هل الشاورما و تحبيها , و كمان تجربي بقية الوصفات الي كانت بنفسك
نورتي اختي
والله يسلموا ايديكي على الوصفه عملتها وطلعة بتشهي وانبسطت كتير شكرا كمان مره
:grin
السلام عليكم و رحمة الله و بركاته
اخيييييرا ساويت الشاورما و بالرغم من غياب الفلفل الحلو بالبهارات و السماق ضبطت و الحمد لله
جازاك الله خيرا منوووش و ان شاء الله بالمرة الجاية راح جرب شاورما اللحم بس انا ما راح ساويها باللية بعتقد راح تطلح طيبة او شو قولك
بالتوفيق
سلام
السلام عليكم ورحمة الله
من زمان بخاطري إعملها وما كنت أوصل. أولتا امبارح اشتريت صدور مخصوص وجمدتون، امبارح تبلتون واليوم ساويتون .. يااااااااي طلعوا جناااان طييييبييييين.. ونكهة الليمون بتسطل !
صحي ما أضفت أكتر مكونين أساسيين – على قولتكون – واللي هنة المستكة والهيل .. لكن حتى هيك طلعت بتجنن …… يسلمو كتير منى الله يجزيك الخير وجوزي كتير عجبتو واتفقنا ارجع اعملها شي يوم (مع العلم هو ما بيحب شي جديد بنوب ولا حتى يدوقو).
بس الجزرات والبصل ما سخيت كبون، فبعد قلية الشاورما قليتون بنفس المقلاية آموا خلصوا قبل الشاورمات الله وكيلكون ! طيبين كتير طلعوا عالتتبيلة.
الاسبوع الجاي حاعمل كليين وفرزهون، مالي كتير خلق عالطبخ آخر شهرين من الحمل. برغم أن جاي عبالي بس بوقت التنفيذ بفوت بالحيط هههههه.
عذكر الشاورما تذكرت نكتة:
كان في واحد مبالزووور بالزور يطلع معو حرف الشين وبالصدفة بس، فكان دايما ياكل فلافل، بيوم فاق الصبح وهو مشتهي على شاورما، آم ضل ساعتين بالبيت وهو عم يغسل ويلبس تيابو ويحلق يتدرب على قولة حرف الشين لبييييين ما زبطت معو، آم ما فلت هالحرف من تمو : ( ششششششـ )، لبس جراباتو وهو عم يقول: ( ششششششـ ) وجزمتو وطلع عسفل البناية وهو عم يقول : ( ششششششششششـ ) وهييييك توصل عالمحل، وقلو للبياع : (شششششششششششششششششششاورما !!!!)، آم البياع بحلق فيه شوي وقلو: ( شو قلتلي بدك ؟؟ ) .. آم الزلمة قلو : (اللعنة عليك ! هات فلافل) .
مع فائق الاحترام
:grin
الظاهر يامنى اني مقصرة بحقك كتيير لأني الوصفة كتير طيبة وصار عملتها تقريبا 4 مرات ولسه ماقلتلك تسلم ايديكي أنا كتير بحب الأكلات يلي مابدها وقت وطعمتها طيبة وبموقعك استفدت كتير من هيك أكلات شكرا كتير
بهارات الشاورما مو متوفرة فالجزائر شو اعمل
:cry :roll 
فيكي تحضري بهارات الشاورما ع ايدك , الوصفة بتلاقيها بالتفصيل هون
http://l2ma.com/?p=533
بهارت الشاوما غير متوفر فا لجزائر
الوصفة ع هل الرابط بالتفصيل
http://l2ma.com/?p=533