براونيز بكريما الخمس دقايق السرية
· يقلي البصل بالزيت و الزبدة في طنجرة ضغط حتى يذبل البصل و يطرى .
· يغلى الماء مع عظام الخاروف و بعد أن يغلي تقش الزفرة و يضاف العدس و البصل و يترك على نار متوسطة حتى يغلي مجدداً ثم تضغط الطنجرة و تهدى النار و يترك العدس لمدة ساعة حتى ينضج العدس تماماً , و يمكن استعمال مرق محضر مسبقاً حسب الرغبة .
· ترفع العظام و ترمى ثم تتبل الشوربة بالكمون و الملح إذا دعت الحاجة و تخلط بخلاط العصير حتى تصبح ناعمة .
· تصب الشوربة بأطباق صغيرة و تقدم مع خبر محمص و عصير الليمون أو عصير الحصرم حسب الرغبة .
أفكار و تنويعات :
· لمن يحب نكهة الثوم يمكن اضافة فصين من الثوم مع تقلية البصل .
وصفات تانية ممكن تعجبك :
الشاكرية
اليبرق
اليالنجي
بطاطا سوبر مقرمشة
ألذ عجينة للسمبوسك
كوب عدس أحمر مجروش
ملعقة كبيرة زبدة
ملعقة كبيرة زيت زيتون
بصله متوسطة الحجم مفرومة
5 – 6 كوب مرق لحمة أو دجاج
أو بضع عظام خاروف
نصف أو ملعقة صغيرة كمون
رشة بهار
ملح حسب الرغبة
• يقلي البصل بالزيت و الزبدة في طنجرة ضغط حتى يذبل البصل و يطرى .
• يغلى الماء مع عظام الخاروف و بعد أن يغلي تقش الزفرة و يضاف العدس و البصل و يترك على نار متوسطة حتى يغلي مجدداً ثم تضغط الطنجرة و تهدى النار و يترك العدس لمدة ساعة حتى ينضج العدس تماماً , و يمكن استعمال مرق محضر مسبقاً حسب الرغبة .
• ترفع العظام و ترمى ثم تتبل الشوربة بالكمون و الملح إذا دعت الحاجة و تخلط بخلاط العصير حتى تصبح ناعمة .
• تصب الشوربة بأطباق صغيرة و تقدم مع خبر محمص و عصير الليمون أو عصير الحصرم حسب الرغبة .
أفكار و تنويعات :
• لمن يحب نكهة الثوم يمكن اضافة فصين من الثوم مع تقلية البصل .
وصفات تانية ممكن تعجبك :
الشاكرية
اليبرق
اليالنجي
بطاطا سوبر مقرمشة
ألذ عجينة للسمبوسك
بتعرفي اخت منى انا دائما بعملا ابني بيحبها كتير بس ولا مرة جربت العدس الاحمر عطول البني وحتى ولا مرة اكلتو في فرق بين النوعين شي
انا بزيد جزرة وكوساية مع العدس ولما ينضجوا بفرمون ناعمين وبزيد نتفة مرقة اذا وجدت المزيج كثيف واضيف رشة رز وبخليون يغلوا على نار خفيفة مع تحريك كل دقيقتين حتى ما يلزق المزيج واكيد اقلي بصلة مع زيت واضيفها عليون
هلا اختي ام نور
و انا كمان و لا مرة جربتها بالعدس الاسود :roll
أكيد في فرق رح يكون
هلا أحيانا بضيف خضرة للشوربة , بس انا كتبتها هون بالطريقة الاصلية .ز
أختي ام نور , الشوربة بالعدس الاسود هي على الطريقة اللبنانية ؟
صح العدس الاسود على الطريقة اللبنانية لان ما حدا بيستعمل الاحمر بس طريقة الشوربة هي نفسها متل الطريقة السورية بس فرق نوع العدس اما الخضار فمنزيدها ميشان الاولاد وبيعطي نكهة مميزة
رح جربها بكرة إذا الله راد بالعدس الاسود و خبرك ام نور
و اليوم على الفطور رح حضر سلطة الرز غذا الله راد و خبرك شو بيصير معي
الله يعطيك مليون عافية و يجزيك كل الخير اختي
انشالله بتطلع طيبة سلطة الرز معك خاصة انك مزوئة بالاكل ومبيني نفسييتك حلوة
انا محتارة شو بدي اعمل اليوم :upset بدي شي سريع وطيب
و الله معك حق, الواحد عم يوصل لاخر النهار تعبان و مو قدران يعمل شي :roll ..
الله ييسر رمضان علينا يا رب
يا سلااااااام أنا كتير بحب هالشوربة هاد النوع المفضل بالنسبة إلي الله يعطيكي ألف عافية ميمو الحلوة ويسلم هالايدين عهالوصفات الجديدة والطيبة.
صرلي فترة ما دخلت عالموقع والله شتئتلك وشتئت لوصفاتك المتنوعة :zzz
بس عندي طلب:
ممكن تنزلي طريئة فتة المكدوس؟
و شكرا كتير الك عمنعذبك معنا 8)
تكرم عيونك بدورة
مية طلب متل هل الطلب
و انا عم قول لحالي الموقع منور 8)
صراحة انا اول مرة بسمع بفتة المكدوس :grin بس حابي اسال عن حراء اصبعو والشاكرية بسمع كتير عنون بالمسلسلات الشامية وما عم بعرف شو هني يا ريت فيكي تشرحيلي اخت منى
الله يبارك فيكي الن عرفن الشاكرية وشهيتيني عليا كتير كانت الماما تعملا بس انا ولا مرة جربتها ما عندي الطريقة وصح منسميا لبن امو بتذكر كانت امي تحط قطع لحم غنم+بصل صفير الحجم تتركه بدوت تقطيع
واحيانا تحط باتنجان مكعبات فكرة والله برمضان الواحد بيحتار شو يعمل كل يوم
صراحة كنت عم دور على طريقة صنع شوربة الدجاج ولم اجد طريقة زوجي مشتهي عليها وحابي اعملا على اصولا لان بالعادة بعمل شوربة خضار فيا ريت اخت منى اذا عندك الطريقة
و لو ام نور
من هل العين قبل هل العين
بس هلا مبدئيا الحراق اصبعو عدس بينطبخ مع عجينة محضرة بالبيت أو معكرونة و بتتزين بالبصل المقلى بس هي غير المدردرة
و الشاكرية بالشام أو ارمان باللبن بحلب وصفة قريبة كتير من وصقة لبنانية اسمها لبن امه
و هي عبارة عن لبن مطبوخ مع لحمة مسلوقة و مقلية و بيتقدم مع رز مفلفل
هدا كان الموجز , و ان شاء الله بحط لك الوصفات بالتفصيل قريب
مع البتنجان :roll , هي اول مرة بعرف ان ممكن تنعمل هيك ..
رح بتصير بتشبه اكلة اسمها شنشل و هي بيطبخوها بمدينة اريحا بسوريا
و اكيد بتكون طيبة
تكرمي اختي ام نور
الوصفة رح نزلها اذا الله راد بكرة بالكتير
نورتي اختي
جربت هالشوربة وطلعت فعلا رائعة
والله العليم يامنى مارح يخلص هالشهر الا واكون مجربة تلات ارباع وصفاتك الرائعة
ومع انو بقولوا انه نفسي طيب بالاكل وشطورة
واخوتي بطلبوا مني اكلات خصوصي
بس بعد ماشفت اكلاتك(بسم الله ماشاء الله) حسيت لسا بدي كتير فت خبز
ف الله يجزيك كل خير ويسهلك امورك متل ما عمتسهلي الطبخ عالبنات
هلا شفاء
الك متلها و احلى يا رب
ريتو الف هنا و صحة يا رب على هل الوصفة و غيرها و غيراتها , الف شكر الك لثقتك في و بوصفاتي , و كمان الف شكر الك للدعوة الحلوة و الغالية